Ɩzayi 45:1 - A SƐB-SÕW

¹ À ŋá n'a a Sore ƴɛ̀rɛ a ʋ nɩ-kabra Siirisɩ zie: «Ɩ̃ tɩ̀ɛrɛ fʋ na k'ɩ̃ɩ ɩ fʋ so a nɩ-bʋʋrɛ, k'ɩ̃ɩ faa a na-mɩnɛ nɩ-kpɛ̃ɛnʋ, ɛ́ yuo a tẽ-bɛrɛ dɩ̃dɛɛ pamɛ na kpa kɛ́ jɩ̀r a, a fʋ niŋé.

Ɩzayi 45:1 Referans Kwoze

Ɩzayi 44:28

Ɩ̃ yere nɩ à ŋá a Siirisɩ ƴãw: “A cɩ̃ɩnɛ ɩ̃ na kaa ír a n'ʋ. Ʋ na ɩ n a lɛ za ɩ̃ na bɔbr a tu. ʋ na tɩr'ɩ nʋɔr ɛ́ a Zerizalɛm lɛb mɛ, ɛ́ a Ŋmɩn-yir-kpɛ̃ɛ lɛb mɛ àr.”»

Ɩzayi 42:6

«A mãa, a Sore, ɩ̃ bʋɔlɩ fʋ na mɛ̃ a lɛ-na-tu-sɔr-a, ɩ̃ nyɔw fʋ nɩ nũú, ɩ̃ mɛ b'a, ɛ́ ƴãw kɛ́ fʋ wa ɩ mãa nɩ a ɩ̃ nɩbɛ wõ-taa, kɛ́ fʋ wa ɩ a tẽ-daa nɩbɛ cãà.

Sɛb-sõw yielu 73:23

Ɛcɛ mãa nɩ fʋ̃ʋ nɛbɛ kʋralɛ. Fʋ nyɔw mɛ̃ nɩ a dʋrʋ nũú,

Ɩzayi 41:13

Bʋ̃ʋ n'ʋ vɛ̃, a mãa Sore a, ɩ̃ ɩ n a fʋ Naaŋmɩn. Ɩ̃ nyɔw fʋ nɩ a dʋrʋ nũú. Ɩ̃ yere na kʋ̀rɛ fʋ: «Ta zɔrɛ dɛ̃bɩ̃ɛ ɩ, ɩ̃ waar'ɩ a fʋ sõwfʋ.»

Zeremi 51:11

A Sore tɛr'ɩ tɩɛrʋ k'ʋʋ sãw a Babɩlɔn tẽw. Ʋ sɩ̃wnɛ nɩ a Mɛdɩ mɩnɛ na-mɩnɛ tɩɛrʋ a al ƴãw. A Sore san-yaafʋ n'a, ʋ yáarɛ nɩ a ʋ yir-sõw san. Nyɩ kàr a nyɩ pime, nyɩ ƴãw a paalɩ a nyɩ lɔwr.

Zeremi 50:35

A Sore yere na: «Zɛbr, a lo a Babɩlɔn tẽw pʋɔ, a lo a bɛlɩ dem na kpɩɛr a Babɩlɔn tẽw pʋɔ a zu, a ʋ tõ-tõ-bi-bɛrɛ nɩ a ʋ yã-bãwnbɛ zu!

Ɩzayi 45:5

Mãa n'ɩ a Sore, kãw bɛ lɛb ka be ɩ. Mãa bɛ wa n'ʋ a, Naaŋmɩn bɛ ka be ɩ. Fʋ bɛ bãw mɛ̃ ɩ, ɛcɛ ɩ̃ kʋ̀rɛ fʋ a tome.

Ɛsɩdɩrasɩ 1:1

A Pɛrsɩ tẽw nãà, Siirisɩ, naalʋ-dɩb yũon-dãw-niwn sob, a Sore tɩ yel'a k'ʋʋ na ɩ na a ƴɛ̀rʋ ʋ na tɩ ƴãw a ʋ ƴɛ̀r-manɛ Zeremi ƴɛ̀r a, a tu a tub. Ʋ tɩ ƴãw nɩ a tɩɛrʋ ŋa a Siirisɩ, k'ʋʋ ƴãw bɛ hieri yel, ɛ́ sɛb sɛbɛ yel a ʋ naalʋ-tẽw za pʋɔ à ŋá:

Nahum 2:6

A Nɩnɩɩvʋ tẽw nãà bʋɔlɛ nɩ a ʋ sojarɩ, ɛcɛ bɛ cere na kawr lore. A dɔ̃ dem dãwnɛ nɩ taa cere a dacĩ-kpɛ̃ɛ na piw a tẽw tɛr a ƴãw, bɛ àr'a pĩ.

Ɩzayi 13:3

Mãa n'ʋ tɩr a ɩ̃ nʋɔr kʋ̀ a bɛlɩ dem ɩ̃ na so a. Ɩ̃ bʋɔl'ɩ a ɩ̃ soja-gãdaar, a bɛl a ɩ̃ zɛb-tʋ̃ɔ́fʋ na ɩrɛ nʋ̃ɔ̀ a, k'ɩ̃ɩ wa wul'ɩ a ɩ̃ suur.»

A Zɔb sɛbɛ 12:21

Ʋ mɩ́ ɩrɛ nɩ a nɩ-yée laar, ɛ́ ɩrɛ a po-to-dem fãw báarɛ.

Zeremi 27:6

Ɛ́ ƴɛrɛŋa a, mãa n'ʋ dier a nyɩ ten za ƴãwnɛ a ɩ̃ tõ-tõ-bie, a Babɩlɔn tẽw nãà, Nabikodonozɔɔr, nuru pʋɔ. Ɩ̃ dier'ɩ a wɛ-dʋn tɛɛ za kʋ̀rɛ ʋ k'aa tʋ̃ɔ́ tone a ʋ tome.

Ɩzayi 41:2

Nɩr yi na lo a sɔ́r a saa-pɛrɩ́. Ʋ zɛbr'a tʋ̃ɔ́nɛ zie za ʋ na tɔlɛ a. Ãa n'ʋ ƴãw ʋ yi lo a sɔ́r? Ãa n'ʋ ƴãwnɛ a nɩ-bʋʋrɛ a ʋ nuru pʋɔ? Ãa n'ʋ ɩrɛ k'ʋ sore a na-mɩnɛ? A ʋ zɛbr-sɔ-kpɛ̃ɛ mɩ́ ɩ na bɛ lɩɛbɩ tã-buulu, a ʋ pime mɩ́ diw bɛ na yaarɩ mɛ̃ sɛsɛb na ɓáw sàwr cen nɩ a.

1 Na-mɩnɛ 19:15

A Sore tɩ yel ʋ na: «Lɛb de a sɔ́r, tu a wɛja-kpalɛ pʋɔ cen Damasɩ. Fʋ̃ʋ wa tɩ ta a, fʋ na cir'ɩ a kãá ƴãw Hazayɛl, ʋ ɩ a Siiri tẽw nãà.

Zeremi 50:3

Bʋ̃ʋ n'ʋ vɛ̃, nɩ-bʋʋrɛ kãw yi n saa-pɛrɩ́-gʋba-lowr waar a ʋ ƴãw, bɛ na wa ɩ na a ʋ tẽw lɩɛbɩ wɛja-kpalɛ na ɩrɛ nɩbaalʋ a, nɩr za kʋ̃ lɛb kpɩɛr a ʋ pʋɔ towtow ɛ, a nɩsaalbɛ za nɩ a dʋn za na zɔ na, bɛ za na bɔr a.

Ɩzayi 41:25

A saa-pɛrɩ́-gʋba-lowr a, ɩ̃ ƴãw na nɩr yi, ɛ́ ʋlɛ n'ɩ ŋan waar. A be a mʋ̃tɔ̃w na mɩ́ pur a, ʋ wõ na bɛ bʋɔlɩ a ʋ yúor. Ʋ nɛbr'ɩ a na-kpɛ̃ɛ-lɩɛrbɛ mɛ̃ mɛ̃mɛrɛ bɛ na mɩ́ nɛbr a, bɩɩ mɛ̃ yawr-mɩɛrɛ na nɛbr a yawra nɩ a ʋ gbɛ́ɛ a.

Ɛsɩdɩrasɩ 1:2

«À ŋá n'a a Pɛrsɩ tẽw nãà, Siirisɩ, yere: A Sore, a salom Naaŋmɩn kʋ̀ m'ɩ a tẽ-daa naalʋ-ten za. Ʋ yel mɛ̃ na k'ɩ̃ɩ lɛb mɛ Ŋmɩn-yir-kpɛ̃ɛ kʋ̀ ʋ a Zerizalɛm, a Zuda tẽw pʋɔ.

Ɩzayi 13:2

A Sore yere na: «Nyɩ zɛw bãwfʋ tã-kpalɛ zu. Nyɩ lɔbr nʋ̃ɔ̀ cɛlsɩ yere kʋ̀rɛ a zɛbr-nɩbɛ. Nyɩ wul bɛ nɩ a nũu, bɛ tu a nɩ-yée dɩ̃dɛɛ ƴãw kpɛ.

Ɩzayi 48:15

Mãa n'ʋ, mãa yõ n'ʋ ƴɛ̀r. Mɔ̃ mɩ̀, ɩ̃ bʋɔl'ɩ a nɩr ŋa, ɩ̃ ƴãw na ʋ wa, ɛ́ a ʋ ton na tõ n vla.

Zeremi 43:10

Al pùorí, fʋ na yel bɛ nɩ à ŋá: “Nyɛ̃ a lɛ a Sore, a kpɛnʋ-za-sob, a Ɩsɩrayɛl Naaŋmɩn, na yere a: Ɩ̃ na tõ na bɛ tɩ tɛr a ɩ̃ tõ-tõ-bie, Nabikodonozɔɔr, a Babɩlɔn tẽw nãà, wa n. Ɩ̃ na wa zɩɩl'ɩ a ʋ naalʋ-dà-kɔw a kʋsɛbɛ à ŋá fʋ na ũù a zu. A be n'a ʋ na maalɩ a ʋ naalʋ pɛn-sɛw.

Zeremi 51:30

A Babɩlɔn tẽw soja-gãdaar bɛr'ɩ a zɛbr, bɛ sɔwlɛ nɩ a gõgone pʋɔ. A bɛ gãdaalʋ baar'a, bɛ lɩɛb'ɩ pɔwbɛ! A tẽ-kpɛ̃ɛ dɩ̃dɛɛ yuori na, a ʋ yie dɩrɛ nɩ vũu.

Zeremi 51:58

À ŋá n'a a Sore, a kpɛnʋ-za-sob, yere: «A Babɩlɔn tẽw dacĩ-yɛlsɩ ŋmɛr'ɩ a za, ɛ́ vũu dɩ a ʋ pamɛ na kɛrɩ kɛrɩ a. A nɩ-bʋʋrɛ bàlɛ nɩ bɛ tʋɔra zawlalɛ ɛ́ a ten nɩbɛ kʋrɛ bɛ tʋɔra vũu ƴãw!»

Ezekɩɛl 29:20

Ɩ̃ na kʋ̀ ʋ nɩ a Eziptɩ tẽw ʋ ɩ a ʋ tome sã-ya n'a, bʋ̃ʋ n'ʋ vɛ̃, a ʋ zɛbr-nɩbɛ tõ na kʋ̀ m, a mãa Sore Naaŋmɩn n'ʋ yere.

Nahum 3:13

A fʋ zɛbr-nɩbɛ ɩ na mɛ̃ pɔwbɛ na bɛ tɛr fãw a, a fʋ tẽw dɩ̃dɛɛ yuo nɩ 'he'hee a fʋ dɔ̃ dem niŋé: vũu dɩ n a fʋ dà-jɩ̀rɩ́.