7 Ãa n'ʋ ɩ mɛ̃ a mãa a? Ʋ yel a lɛ na be be a, ɛ́ man ʋ kʋ̀ m! Ʋ yel a yele na ɩ a lɛ ɩ̃ na tĩ kɛ́ cɔbrɩ a nɩ-bʋʋr-dãw-niwn sob a, ʋ yel a yele al na na ɩ a!
Nyɩ taw ta, ɛ́ de niwn yel kʋ̀ tɩ a ʋlɩ bom nɛ na na ɩ a! Bʋ̃ʋ n'ʋ ta baarɩ? Nyɩ wul tɩ, ɛ́ tɩ na tɩɛr'ʋ na kaa. Bɩɩ nyɩ yel a nɩdaar yel kʋ̀ tɩ, ɛ́ tɩ na bãw nɩ a ʋlɩ bom nɛ na na ta a.
Nyɩ ƴɛ̀r, nyɩ manɩ a nyɩ yel-mɩŋa. Nyɩ lãw ƴɛ̀r. Ãa n'ʋ de niwn ɩ bɛ bãw a yel na ɩrɛ a ƴɛrɛŋa a? Ãa n'ʋ yel ʋ a koro kãw za? A mãa Sore bɛ n'ʋ ɛ? Naaŋmɩn bɛ lɛb ka be mãa bɛ wa n'ʋ a ɩ. Naaŋmɩn na tɛr yel-mɩŋa a, Naaŋmɩn na faarɛ a, ʋ bɛ ka be a bɛ ɩ a mãa ɩ.
Mãa n'ʋ waar'ɩ a faafʋ mãa n'ʋ mɩ́ yel ʋ ɛ́ ɩ bɛ bãw ʋ. Ŋmɩn-sãan bɛ na na tʋ̃ɔ́ nyɛ̃ a nyɩ zie a bɛ n'ʋ ɛ. A Sore yere na: A nyɩɩm a, nyɩ ɩ n a ɩ̃ dãsɩɛ dem, ɛ́ mãa a, ɩ̃ ɩ n a Naaŋmɩn.
A nɩ-bʋʋr-yoru za, bɛ ɓã taa, a ten ten nɩbɛ, bɛ kpaar taa! A bɛ pʋɔ a, ãa n'ʋ na tʋ̃ɔ́ yel a ʋlɩ bom nɛ na ɩrɛ a? Bɩɩ na tʋ̃ɔ́ ɩ tɩ bãw a ʋlɩ bom nɛ na ɩ baarɩ a? Bɛ yi n a bɛ dãsɩɛ dem ɛ́ wul kɛ́ bɛ tɛr'ɩ yel-mɩŋa! A dãsɩɛ dem, bɛ wõ a bɛ ƴɛ̀rʋ ɛ́ yel: “Yel-mɩŋa n'a!”
A lɛ a Naaŋmɩn-na-do-saa-bɛ-pɩɛl-a na tɩ põ a ten kʋ̀ a tẽw zu dem a, ʋ ƴãw nɩ a nɩ-bʋʋrɛ tʋr-bɔwrɩ, ʋ de nɩ a nɩ-bʋʋrɛ been been, kʋ̀ salom zu nɩr kãw,
Ãà, nyɩ yel a ʋlɩ bom nɛ na na ɩ a kʋ̀ tɩ. Lɛ n'a tɩ na bãw kɛ́ nyɩ ɩ n ŋmɩmɛ. Nyɩ nɩ̃ɛ maalɩ a vla bɩɩ a faa, ʋʋ ɩ pʋrɩ, kɛ̀ tɩ tʋ̃ɔ́ yuo a mimie, ɛ́ tɩ za lãw nyɛ̃ ʋ.