Ɩzayi 44:3 - A SƐB-SÕW

³ Bʋ̃ʋ n'ʋ vɛ̃, ɩ̃ na cir'ɩ kʋ̃ɔ ƴãw a tẽsɔw kʋ̃ɔ-nyúur na kpɛ a, ɛ́ ɩ bàrʋ zɔ pàw a tẽ-kõw. Ɩ̃ na pɛbl'ɩ a ɩ̃ Vʋʋrʋ a fʋ bibiir zu, ɛ́ ɩ a ɩ̃ maalʋ siw a fʋ bʋʋrɛ zu.

Ɩzayi 44:3 Referans Kwoze

Nɩ-toni 2:17

“À ŋá n'a a Naaŋmɩn ƴɛ̀rɛ: a bibi-pɛ-baarɩ wa vɩɛ a, ɩ̃ na ƴãw nɩ a ɩ̃ Vʋʋrʋ nɩsaal za. A nyɩ bidɛbr nɩ a nyɩ pɔwyaar na lɩɛb'ɩ naaŋmɩn-ƴɛ̀r-manbɛ, a nyɩ pɔlbili na nyɛrɛ nɩ bʋ̃-nyɛrɩ, zánʋ na waar'ɩ a nyɩ dɛb-nyamɛ,

Ɩzayi 59:21

A Sore yere na ƴãw pʋɔ: «Ɛ́ a mãa a, nyɛ̃ a wõ-taa ɩ̃ na maalɛ nɩ a nɩbɛ bɛ ŋa a: A ɩ̃ vʋʋrʋ be n a nyɩ zu, ɩ̃ɩ ƴãw nɩ a ɩ̃ ƴɛ̀rʋ a nyɩ nɛ̃ɛ́. Nyɩmɛ so a, a nyɩ bibiir so a, nɩ a bɛ bibiir mɩ̀ bibiir, a ƴɛrɛŋa nɩ kʋralɛ. Ɩ̃ bɛ lɛb dier a a nyɩ zie towtow ɛ. A mãa, a Sore, mãa n'ʋ yere.»

Zʋkpaɩ 1:23

Nyɩ bɛrɛ wone a gɔ́b ɩ̃ na gɔnɛ nyɩ a. Lɛ n'a ɩ̃ na bɛr a ɩ̃ vʋʋrʋ ʋ siw a nyɩ zu ɩ kɛ̀ nyɩ bãw a ɩ̃ ƴɛ̀rʋ.

Yel-wula 21:6

Ʋ tɩ lɛb'a yel mɛ̃: «A maal'a! Ɩ̃ ɩ n a Alfa nɩ a Omega, a pɛr-tib nɩ a baarʋ. Sob nɛ kʋ̃ɔ-nyúur na kpɩɛr a, ɩ̃ na kʋ̀ ʋ nɩ a nyɔ-vʋʋrʋ kʋ̃ɔ na bule yire a, mɔlɛ.

Nɩ-toni 2:39

A nyɩɩm nɩ a nyɩ bibiir ƴãw n'a a Naaŋmɩn tɩ dãw ƴãw a nʋɔr ŋa, nɩ a bɛlɩ dem na zãá a ƴãw, a bɛlɩ dem za a Sore tɩ Naaŋmɩn na na bʋɔlɩ a.»

Zakari 12:10

Ɩ̃ na ƴãw nɩ a Daviir bʋʋrɛ nɩ a Zerizalɛm tẽw dem tɩɛrʋ na vɩɛl a, nɩ puoru tɩɛrʋ. Bɛ na jɩ́rɛ nɩ a ɩ̃ lowr, a sob nɛ bɛ na cɔ̀r col a ƴãw. Bɛ na kõ ʋ na, mɛ̃ bidɛb-been na kpi bɛ kone a, bɛ na kõ ʋ na mɛ̃ bi-dãw-dɔwra na bɛ cãà be a.

Ezekɩɛl 39:29

Ɩ̃ na kʋ̀ n a ɩ̃ Vʋʋrʋ a Ɩsɩrayɛl nɩ-bʋʋrɛ, ɛ́ kʋ̃ lɛb ŋmɛlɩ kpaar cɔw bɛ towtow ɛ. A mãa Sore Naaŋmɩn n'ʋ yere.»

Ɩzayi 32:15

Bibir kãw, a Sore na cir'ɩ a ʋ Vʋʋrʋ ƴãw a tɩ zu. Lɛ n'a a wɛja-kpalɛ na lɩɛbɩ tɩ-wɔnɩ zaadɛ̃, ɛ́ a tɩ-wɔnɩ zaadɛ̃ lɩɛbɩ tuw.

Nɩ-toni 10:45

A kɩrɩta-biir bɛl na ɩ a Zifʋ bʋʋrɛ nɩbɛ ɛ́ bɩɛlɩ a Pɩɛr wa n a, nɔ-ɓãa tɩ nyɔw bɛ nɩ yaga, a nɩ-bʋʋr-yoru mɩ̀ na tɩ páw a Vʋʋrʋ Sõw a ƴãw.

Sɛb-sõw yielu 107:35

Ʋ mɩ̀ mɩ́ ɩ n wɛja-kpalɛ ʋ lɩɛbɩ gbãtar-yɛlʋ, ɛ́ tẽsɔw-kõw lɩɛbɩ bul-nɛ́ɛ.

Ɩzayi 41:17

A nan dem nɩ a kpɩɛrʋ dem bɔbr'ɩ kʋ̃ɔ ɛ́ a bɛ ka be ɩ. A kʋ̃ɔ-nyúur kpɛ bɛ na a kɔkɔr kò. Ɛcɛ mãa, a Sore, ɩ̃ na sɔw bɛ na, mãa, a Ɩsɩrayɛl Naaŋmɩn, ɩ̃ kʋ̃ zawrɩ bɛ bɛr ɛ.

Nɩ-toni 2:33

A Naaŋmɩn dʋrʋ zɛw ʋ na ʋ do. Lɛ so ʋ páw a Vʋʋrʋ Sõw a Naaŋmɩn na ƴãw nʋɔr k'ʋʋ na tɩr'a a. Ʋlɛ n'ʋ ɩ a Vʋʋrʋ Sõw siw põ yaarɩ a tɩ zu, ɛ́ alɛ n'a nyɩ nyɛrɛ ɛ́ wone.

Ezekɩɛl 34:26

Ɩ̃ na bɛr a na a vʋʋrɛ pɩɛlɩ a ɩ̃ tãw-sõw. Ɩ̃ na mɩ́ ɩ n a saa wa a ʋ daar, ɛ́ a kʋ̃ɔ á ŋá na mɩ́ maalɩ a nɩ vla.

Ɩzayi 61:9

A nyɩ bʋʋrɛ yúor na yi n a ziir za, a nɩ-bʋʋr-yoru ten za pʋɔ. A bɛlɩ dem za na na nyɛrɛ bɛ a, na bãw bɛ nɩ a yel ŋa zũú: bɛ na ɩ n bʋʋrɛ a Sore na maalɩ a.

Yel-wula 22:17

A Naaŋmɩn Vʋʋrʋ nɩ a Pɔw-sãan yere na: «Wa!» Sob nɛ na wone à à ŋá a, ʋ mɩ̀ yel: «Wa!» Sob nɛ kʋ̃ɔ-nyúur na kpɩɛr a, ʋ wa. Sob nɛ na bɔbr a, ʋ páw a nyɔ-vʋʋrʋ kʋ̃ɔ, mɔlɛ.

Ɩzayi 48:21

Kʋ̃ɔ-nyúur bɛ kpɛ a ʋ nɩbɛ a wɛja-kpalɛ pʋɔ ʋ na tɩ tɛr bɛ cere nɩ a ɩ. Ʋ tɩ ɩ na kʋ̃ɔ tɛ yi pìir pʋɔ a bɛ ƴãw, ʋ tɩ ɓar'ɩ a pìir, ɛ́ a kʋ̃ɔ gbɔlɛ.

Ɩzayi 65:23

Bɛ kʋ̃ mɩ́ cãà bàlɛ bɛ tʋɔra zawla ɩ, bɛ kʋ̃ mɩ́ lɛb dɔw bibiir kʋ̀ a kũu ɛ. Bʋ̃ʋ n'ʋ vɛ̃, bɛ ɩ n a nɩbɛ bɛl yir ɩ̃ na maalɛ a, bɛlɛ nɩ a bɛ bibiir.

Sɛb-sõw yielu 63:1

Sɛb-sõw yielu Daviir na maalɩ a. A lɛn daar a Daviir na tɩ be a Zuda tẽw wɛja-kpalɛ pʋɔ a n'a.

Ɩzayi 49:10

Kɔ̃ nɩ kʋ̃ɔ-nyúur kʋ̃ lɛb kpɛ bɛ ɩ. A wɛja-kpalɛ sɛsɛb-tʋlʋ nɩ a mʋ̃tɔ̃w kʋ̃ lɛb dɩ bɛ ɩ. Bʋ̃ʋ n'ʋ vɛ̃, ɩ̃ na tɛr bɛ na nɩ nɔ̃wfʋ cen nɩ bul-nɛ́ɛ na ɩ ɓaar ɓaar a pɛr.

Ɩzayi 32:2

A bɛ kãw za na ɩ na mɛ̃ pib zie a, a sɛsɛb ƴãw, mɛ̃ taw-lanʋ zie a, a saa ƴãw, mɛ̃ bàa kʋ̃ɔ na zɔrɛ tẽ-kõw pʋɔ a, mɛ̃ pì-kpɛ̃ɛ ɓaarʋ tẽ-tʋlʋ pʋɔ a.

Matie 12:43

«Kɔ̃tɔ̃-faa wa yi ɛ́ bɛr nɩr a, a kɔ̃tɔ̃-faa mɩ́ cɔlɛ nɩ a wɛja-kpalɛ bɔbr pɩ̃ɛnʋ zie, ɛcɛ ʋ bɛ mɩ́ nyɛ̃ ʋ ɛ.

A Zɔb sɛbɛ 5:25

Fʋ na nyɛ̃ nɩ a fʋ bibiir bɛ yãwmɛ bɛ tɛr vuo ɩ, ɛ́ a bɛ yan ɩ mɛ̃ póru pʋɔ mʋ̃ɔ a.

Ɩzayi 48:19

A fʋ bʋʋrɛ nãà yãwmɛ na mɛ̃ a kʋ̃ɔ-kpɛ̃ɛ nʋɔr biir-bie a. A bɛ yúor bɛ be za nãà bɔr a ɩ̃ niŋé ɩ!»

Ɩzayi 55:1

Alɛ! Nyɩɩm za kʋ̃ɔ-nyúur na kpɩɛr a, kʋ̃ɔ n'ɩ a ŋan, nyɩ wa! Nyɩmɛ saa bɛ tɛr libir a, nyɩɩm wa. Nyɩ da dɩ, mɔlɛ n'a. Nyɩ wa, nyɩ da divɛ̃ nɩ bʋ̀rʋ, ɛ́ ta ír libir ɛ, ɛ́ ta ya bom ɛ.

Ezekɩɛl 36:27

Ɩ̃ na ƴãw nyɩ nɩ a ɩ̃ Vʋʋrʋ. À ŋá n'a ɩ̃ na ɩ kɛ̀ nyɩ tʋ̃ɔ́ sàwr a ɩ̃ nɛ́ɛ, ɛ́ tɛr a tub ɩ̃ na ƴãw kʋ̀ nyɩ a tuur.

Ezekɩɛl 47:8

Ʋ tɩ yel mɛ̃ na: «A bàa ŋa gbɔlɛ na tu a tẽw saa-pɛrɩ́, ʋ siwr'ɩ a Zurdɛ̃ bà-fʋɔla pʋɔ tɩ kpɩɛr a kʋ̃ɔ-kpɛ̃ɛ-kũu pʋɔ. Ʋlɛ wa ta a Kʋ̃ɔ-kpɛ̃ɛ-kũu pʋɔ a, ʋ mɩ́ ɩ n a ʋ kʋ̃ɔ a lɩɛbɩ ɩ kʋ̃ɔ-vla.

A naaŋmɩn-ƴèr-manɛ Oze sɛbɛ 10:12

Nyɩ bʋ̀rɛ a yel-mɩnʋ, ɛ́ nyɩ na cɛ̀ n a nɔ̃wfʋ. Nyɩ cɛ pire, ƴɛrɛŋa n'a a sɛw kɛ́ nyɩ bɔbr a Sore, ɛ́ gù ʋ wa tɩ ɩ a faafʋ ta nyɩ.

Mise 5:7

A Ɩsɩrayɛl nɩbɛ na cɛ nɩ-bʋʋr-yoru viiri koli a, na kpɛmɛ na mɛ̃ gbẽw wɛ-dʋn sɔgɔ a, mɛ̃ gbẽw-pɔl píir sɔgɔ a. Be za ʋ na mɩ́ tɔlɛ a, ʋ mɩ́ nyɔwr'ɩ a bome tawr ŋmarɛ, ɛ́ nɩr kʋ̃ tʋ̃ɔ́ faa a, a ʋ zie ɩ.

Ɩzayi 27:3

«A mãa, a Sore, mãa n'ɩ a ʋ gùre. Ɩ̃ cɔ̀rɛ ʋ nɩ kʋralɛ. Ɩ̃ gùre ʋ nɩ mʋ̃tɔ̃w nɩ tɩ̃ɩsɔw, kɛ́ nɩr taa wa sãw ʋ bɛr ɛ.

Zowɛl 2:27

Lɛ n'a nyɩ na bãw k'ɩ̃ɩ be n a nyɩ sɔgɔ, Ɩsɩrayɛl nɩbɛ ɛ, k'aa Sore nyɩ Naaŋmɩn a, mãa n'ʋ, kãw za bɛ lɛb be be ƴãw pʋɔ ɩ. A ɩ̃ nɩbɛ bɛ be za na lɛb nyɛ̃ vĩ towtow ɛ.»

Zowɛl 3:1

A Sore yere na: «Al pùorí, ɩ̃ na ƴãw nɩ a ɩ̃ Vʋʋrʋ nɩsaal za. A nyɩ bidɛbr nɩ a nyɩ pɔwyaar na ƴɛ̀rɛ nɩ naaŋmɩn-ƴɛ̀r-manbɛ ƴɛ̀rʋ, zánʋ na waar'ɩ a nyɩ nɩ-kore, a nyɩ pɔlbili na nyɛrɛ nɩ bʋ̃-nyɛrɩ.