Ɩzayi 44:26 - A SƐB-SÕW

²⁶ Ɛcɛ ɩ̃ mɩ́ ɩ n a ɩ̃ tõ-tõ-bie ƴɛ̀rʋ tu, ɛ́ ɩ a lɛ a ɩ̃ nɩ-toni na yel a maalɩ. Ɩ̃ yere nɩ a Zerizalɛm ƴãw: “Nɩbɛ na lɛb'a kpɛ ʋ, bɛ na lɛb a libri a ʋ deboru”. Ɩ̃ yere nɩ a Zuda tẽ-bɛrɛ ƴãw: “Bɛ na lɛb'a mɛ a”.

Ɩzayi 44:26 Referans Kwoze

Zakari 1:6

Ɛcɛ a ɩ̃ ƴɛ̀rʋ nɩ a ɩ̃ nɛ́ɛ ɩ̃ na tɩ ƴɛ̀r kʋ̀ a ɩ̃ tõ-tõ-biir, a ɩ̃ ƴɛ̀r-manbɛ a, a nyɩ sãàkʋm-kore wa tɩ nyɛ̃ na a ɩ sɩza, bɛ lɩɛbɩ a bɛ ɩb, ɛ́ bãwnɩ a k'ɩ̃ɩ ɩ bɛ na, mɛ̃ a lɛ ɩ̃ na tɩ yel k'ɩ̃ɩ na ɩ bɛ na a, nɩ a lɛ a bɛ cenu nɩ a bɛ ɩ-ɩrɩ mɩ̀ na sɛw taa nɩ a.»

Ɩzayi 60:10

A Sore yere nɩ a Zerizalɛm zie: Sãanbɛ nɛbɛ na lɛb mɛ a fʋ dacĩ-bɛrɛ, ɛ́ a bɛ na-mɩnɛ be a fʋ tome tob ƴãw. Bʋ̃ʋ n'ʋ vɛ̃, ɩ̃ tɩ nyɛ̃ nɩ suur, ŋmɛ b. Ɛcɛ ƴɛrɛŋa a ɩ̃ pʋ-pɩɛlʋ pʋɔ a, ɩ̃ lɛb'a wule fʋ a ɩ̃ nɔ̃wfʋ.

Zeremi 33:7

Ɩ̃ na lɛb'a maalɩ a Zuda nɩ a Ɩsɩrayɛl nɩbɛ yele ƴãw, ɩ̃ɩ na lɛb'a ɩ bɛ ŋmɛ̃ a bɛ dãwdãw ŋmɛ̃a.

Zeremi 30:18

À ŋá n'a a Sore yere: «Ɩ̃ na ɩ na a Ɩsɩrayɛl yie lɛb ŋmɛ̃ mɛ̃ a koro za a, ɩ̃ na zɔ n a bɛ yie nɩbaalʋ. A tẽ-bɛrɛ na lɛb'a mɛ a be a na tɩ be wa lo a, ɛ́ yir-vɩɛlɩ lɛb mɛ a debo-kore zu.

Ɩzayi 42:9

A yel-dãw-niwn maal'a tɔl. Ƴɛrɛŋa a, yel-paalɛ n'a ɩ̃ de niwn yere. A bɛ ta sɛr ɛ, ɩ̃ɩ ɩrɛ kɛ́ nyɩ bãw a.

Neemi 1:3

Bɛ tɩ sɔw mɛ̃ na: «A nɩbɛ bɛ na tɩ dãw diw cen nɩ a, bɛ kpɩɛr'ɩ a Zuda tẽ-ŋmãa-kʋ̀ra pʋɔ, ɛcɛ bɛ ɩrɛ nɩ wʋ̀ʋr yaga ɛ́ nyɛrɛ vĩ. Ɛ́ a Zerizalɛm a, a ʋ dacine puor puor'ɩ vɛɛ, ɛ́ bɛ nyɩw a pamɛ bɛr.»

Ɛsɩdɩrasɩ 2:70

A bàwr-maalbɛ, a levitɩ mɩnɛ nɩ a Ɩsɩrayɛl nɩbɛ bɛ mɩnɛ na ɩ yiel-yielbɛ, dɩ̃dɔ-gùrbɛ nɩ a Ŋmɩn-yir-kpɛ̃ɛ tõ-tõ-biir a, bɛ tɩ zɩ̃ n a tẽ-bɛrɛ al bɛ na kʋ̀ bɛ a pʋɔ. A Ɩsɩrayɛl nɩbɛ bɛl na cɛ a tɩ zɩ̃ n a bɛ tẽ-yiri pʋɔ.

Matie 26:56

Ɛcɛ à á ŋá za ɩ na, k'aa naaŋmɩn-ƴɛ̀r-manbɛ ƴɛ̀r-bie na be a Sɛb-sõw pʋɔ a, tʋ̃ɔ́ tu.» Lɛ n'a a ʋ po-tuurbɛ za tɩ zawr'ʋ bɛr ɛ́ zɔ.

Matie 5:18

Yel-mɩŋa sɩza, ɩ̃ yere na kʋ̀rɛ nyɩ: a lɛn daar za a salom nɩ a tẽw na na cãà be a, kan-bi-pʋrɩ kãw za nɩ kan-bi-ŋmale kãw za kʋ̃ yi zaa a Wulu pʋɔ ɩ, ɛ́ gù a yele za baarʋ daar.

Zakari 12:6

A lɛn daar a, ɩ̃ na ɩ na a Zuda niw-dierbɛ ɩ mɛ̃ vũu na nyɔw dàar dɩrɛ a, bɩɩ mɛ̃ mɔ̃-'lena vũu bɛ na tõ ƴãw ble-dor pile a. A lõbowe za a, bɛ na sãw nɩ a nɩ-bʋʋrɛ na viiri koli bɛ a bɛr. Ɛcɛ a Zerizalɛm nɩbɛ na cãà na kpɩɛr a bɛ tẽw pʋɔ.»

Zakari 2:4

Ɩ̃ tɩ sowr'a: «Bʋ̃ʋ n'ʋ bɛ waar kɛ́ bɛ wa ɩ?» Ʋ tɩ sɔw mɛ̃ na: «Bɛ wa na kɛ́ bɛ wa ƴãw a tẽ-kpɛn dɛ̃bɩ̃ɛ, ɛ́ ŋmɛ a lɔb, al na ìr àr a Zuda tẽw ƴãw, diw a nɩbɛ yaarɩ kɛ̀ nɩr za bɛ tʋ̃ɔ́ bà gbɛ́r a niŋé a.»

Amɔsɩ 9:14

Ɩ̃ lɛb'a maalɛ a ɩ̃ nɩ-bʋʋrɛ ƴãwn: bɛ na lɛb'a mɩɛr a ten al na tɩ sãw a, kɛ́ bɛ kpɩɛr a pʋɔ. Bɛ na sɛl'ɩ divɛ̃ tɩɩr nyúur a divɛ̃. Bɛ na kɔ n zaadɛnɩ dɩrɛ a zaadɛnɩ pʋɔ bome.

Ezekɩɛl 38:17

À ŋá n'a a mãa Sore Naaŋmɩn yere: A koro za a, ɩ̃ tɩ ƴãw na a ɩ̃ tõ-tõ-biir, a Ɩsɩrayɛl tẽw naaŋmɩn-ƴɛ̀r-manbɛ, ƴɛ̀r a fʋ ƴɛ̀rʋ. Yome yaga ƴãw a, bɛ tɩ hieri na k'ɩ̃ɩ na ɩ na fʋ cen tɩ zɛb'ɩ a ɩ̃ nɩ-bʋʋrɛ Ɩsɩrayɛl.

Ezekɩɛl 36:10

A Ɩsɩrayɛl tẽw za pʋɔ a, ɩ̃ na ɩ na nyɩ yãwmɛ. A tẽ-bɛrɛ na lɛb'a tɛr nɩbɛ, ɛ́ bom bɛ na sãw bɛr a na lɛb'a mɛ.

Neemi 2:3

Ɛcɛ ɩ̃ tɩ cãà na tʋ̃ɔ́ yel a nãà: «Nãà a, a fʋ nyɔ-vʋʋrʋ, ʋ be be kʋralɛ! Ŋmɩŋmɩn n'a ɩ̃ na ɩ bɛ tɛr pʋ-sãwna? A tẽ-kpɛ̃ɛ ʋl pʋɔ bɛ na ũù a ɩ̃ sãàkʋm-kore a, bɛ ŋmɛr'ɩ ʋ za bɛr, ɛ́ a ʋ pamɛ za dɩ vũu!»

Luka 24:44

Al pùorí ʋ yel bɛ: «Ƴɛ̀rʋ á ŋá n'a ɩ̃ tɩ ƴɛ̀r kʋ̀ nyɩ, a lɛn daar ɩ̃ na tɩ cãà be a nyɩ zie a: a yele al za bɛ na sɛb càar'ɩ mɛ̃ a Moyiir wulu sɛbɛ pʋɔ a, a naaŋmɩn-ƴɛ̀r-manbɛ sɛbr pʋɔ, nɩ a Sɛb-sõw yielu sɛbɛ pʋɔ a, a fɛr'a kɛ́ a tu.»

Zeremi 32:44

Yel-mɩŋa, a Bɛ̃zamɛ tẽw pʋɔ, a ziir za na viiri koli a Zerizalɛm a pʋɔ, a Zuda tẽ-bɛrɛ pʋɔ, a Ho-Peyi, a Ba-Peyi nɩ a Negɛɛvʋ tẽ-bɛrɛ pʋɔ a, bɛ na lɛb'a dàar póru. Lɛ n'a a nɩbɛ na mɩ́ maalɩ a bʋ̃-da-sɛbr, bɛ na mɩ́ ƴãw ŋmaarʋ-bʋ̃-ƴãwna bãwfʋ a sɛbr zu, bɛ na mɩ́ bʋɔlɩ dãsɩɛ dem. Bʋ̃ʋ n'ʋ vɛ̃, ɩ̃ na lɛb'a maalɩ a tẽw ŋa nɩbɛ yele ƴãw.» À à ŋá na a Sore yel.

Zeremi 32:15

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “A tẽw ŋa pʋɔ a, a nɩbɛ na lɛb'a dàar yie, póru nɩ divɛ̃ tɩɩr póru.”»

Zeremi 31:4

Ɩ̃ na lɛb'a maalɩ fʋ ƴãw, ɩ̃ nɩ-nɔna Ɩsɩrayɛl i, ɩ̃ na lɛb'a mɛ b. Fʋ na lɛb'a de a fʋ gãgali-vɩɛlɩ tɩ lãw nɩ a bɩn-ƴawrbɛ na maalɛ cuw a.

Ɩzayi 58:12

Lɛ n'a fʋ na lɛb libri a debo-kore, fʋ na lɛb mɛ a dacĩ-pɛ́ɛ bɛ na bɛr koro za a zu. Bɛ na bʋɔlɛ fʋ nɩ «Nɩ-bʋʋrɛ na fɔbr dacine vɛɛ ɛ́ maalɛ a tẽ-kpɛ̃ɛ sɛ́ɛ ƴãwn a».

Ɩzayi 54:3

Bʋ̃ʋ n'ʋ vɛ̃, fʋ na yɛ́r'a pàw a ziir za, a fʋ bibiir na so nɩ a tẽ-kpɔwlɩ, ɛ́ lɛb kpɩɛr a tẽ-bɛrɛ bɛ na bɛ tɩ cãà kpɩɛr a.

Sɛb-sõw yielu 147:2

A Sore lɛb'a mɩɛr a Zerizalɛm, a Ɩsɩrayɛl nɩbɛ bɛ na diw yaarɩ a, ʋ lɛb'a kaalɛ bɛ ɓanɛ taa.

Ɩzayi 61:4

Bɛ na lɛb'a libri a deboru, bɛ na lɛb a mɛ a yie na lo lo gã a koro za a. Bɛ na ɩ n a tẽ-bɛrɛ na sãw gã a dɩta-pɛ-yome za a, a lɛb àr.

Sɛb-sõw yielu 69:35

Ɛ́ nyɩɩm, salom nɩ tẽw, nyɩ danɛ ʋ, lãwnɩ a kʋ̃ɔ-bɛrɛ nɩ bom za na damnɛ a pʋɔ a!

Ɩzayi 40:9

Zerizalɛm i, do tãw na kɛrɩ a zu, Sɩyɔ̃ i, cɩɩrɛ nɩ a fʋ fãw za. Fʋ̃ʋ na waar'ɩ yel-nʋ̃ɔ̀ a, zɛw a kɔkɔr, ta zɔrɛ dɛ̃bɩ̃ɛ ɩ. Yel a Zuda tẽw tẽ-bɛrɛ: «Nyɩ nyɛ̃ a nyɩ Naaŋmɩn!

Ɩzayi 42:19

Ãa n'ʋ ɩ zɔ̃w a bɛ ɩ a ɩ̃ tõ-tõ-bie? Ɛ́ ãa n'ʋ ɩ wõw mɛ̃ a nɩ-tona ɩ̃ na tone a? — Sɩza, ãa n'ʋ ɩ zɔ̃w mɛ̃ a Sore nɩ-bʋʋrɛ a? Ãa n'ʋ ɩ wõw mɛ̃ a Sore tõ-tõ-bie a?

Ɩzayi 49:8

À ŋá n'a a Sore yere: «A daar na wa ta a, ɩ̃ sɔw fʋ na. A faafʋ bibir na wa vɩɛ a, ɩ̃ sõw fʋ na. Ɩ̃ cɔbrɩ fʋ na k'ɩ̃ɩ ɩ fʋ ɩ a wõ-taa bom mãa nɩ a ɩ̃ nɩbɛ cará. Ɩ̃ na ɩ n a Ɩsɩrayɛl tẽw ʋ lɛb ìr, ɩ̃ɩ lɛb põ a tẽw ŋa na sãw gã a ziir.

Ɩzayi 52:9

Zerizalɛm deboru u, nyɩ ŋmɩɛr nʋ̃ɔ̀ cɛlsɩ: a Sore mɔwlɛ nɩ a ʋ nɩbɛ, ʋ yarɛ na dier a Zerizalɛm.

Ɩzayi 55:11

À à ŋá n'a a ɩ̃ ƴɛ̀rʋ na mɩ́ yi a ɩ̃ nʋɔrɩ́ a mɩ́ ɩ: ʋ bɛ lɛbr waar a ɩ̃ zie ɛ́ bɛ ɩ bom ɛ, ɛ́ bɛ maalɩ a lɛ ɩ̃ na bɔbr'a ɩ, ɛ́ bɛ tõ a ton ɩ̃ na kʋ̀ ʋ a ɩ.»

Zeremi 1:10

Nyɛ̃, a dĩa a, ɩ̃ kʋ̀rɛ fʋ nɩ tõ-nʋɔr na càarɩ a nɩ-bʋʋrɛ nɩ a naalʋ-ten a: kɛ́ fʋ tɩ vɔnɛ ɛ́ darɛ lɔbr, kɛ́ fʋ tɩ sãwnɛ bɛrɛ ɛ́ ŋmɛrɛ bɛrɛ, kɛ́ fʋ tɩ mɩɛr ɛ́ sɛlɛ.»

A naaŋmɩn-ƴɛ̀r-manɛ Aaze sɛbɛ 1:13

Al pùorí, a Sore nɩ-tona Aze tɩ yel'ɩ yel ŋa kʋ̀ a nɩbɛ: «Mãa n'ʋ yere kʋ̀rɛ nyɩ, a mãa Sore, ɩ̃ na be n a nyɩ zie.»

Zakari 1:17

Al pùorí a malkɩ tɩ yel'a k'ɩ̃ɩ lɛb hieri yel à ŋá: «Bʋ̃-vɩɛlɩ na lɛb'a paalɩ a ɩ̃ tẽ-bɛrɛ, a Sore Kpɛnʋ-za-sob n'ʋ yere, ɩ̃ na lɛb'a kaa ír a Zerizalɛm, ɩ̃ na lɛb'a mɔwlɩ a Sɩyɔ̃.»

2 Na-mɩnɛ 7:16

A Samaari tẽw dem tɩ yi n daadaalɛ cen tɩ za a Siiri tẽw dem laɩ: kɛ̀ kilo pie nɩ ayi zɔ̃, bɩɩ kilo lɩzɛr'ɩ anaar ɔɔzʋ mɩ́ dà salm-pla libi-been, mɛ̃ a lɛ a Sore na tɩ yel a.

2 Na-mɩnɛ 7:18

Bʋ̃ʋ n'ʋ vɛ̃, a Elize tɩ yel'ɩ a nãà: «Bio, a tɛm ŋa pʋɔ, kilo pie nɩ ayi zɔ̃, bɩɩ kilo lɩzɛr'ɩ anaar ɔɔzʋ na mɩ́ dà n salm-pla libi-been, a Samaari dàa pʋɔ.»

2 Na-mɩnɛ 7:20

Alɛ n'ɩ à à ŋá na tɩ ɩ a: a zu-sɛbla tɩ nɛb'ɩ a sojarɩ nɩ-kpɛ̃ɛ gbem'ɩ a dɩ̃dɔr ʋ kpi.

Sɛb-sõw yielu 69:36

Bʋ̃ʋ n'ʋ vɛ̃, Naaŋmɩn na faa nɩ a Sɩyɔ̃, ʋ na lɛb'a mɛ a Zuda tẽw tẽ-bɛrɛ, a ʋ nɩbɛ na lɛb'a só a kpɩɛr.

Sɛb-sõw yielu 102:17

A Sore wa lɛb mɩɛr a Sɩyɔ̃ tẽw a, bɛ na nyɛ̃ ʋ nɩ a ʋ vɩɛlʋ pʋɔ.

Ekilezɩasɩ 3:3

Kʋb daar be n be, sanʋ daar be be. Da-lɔbrʋ daar be n be, mɛb daar be be.

Zeremi 28:9

Ɛcɛ naaŋmɩn-ƴɛ̀r-manɛ wa ƴɛ̀rɛ a ɩ ƴã-ɓaarʋ n'a waar a, ŋmɩŋmɩn n'a bɛ na tʋ̃ɔ́ sɩrɩ bãw k'aa Sore n'ʋ tõ ʋ? Bɛ na bãw na, a lɛn daar a ʋ ƴɛ̀rʋ wa tu a.»