Ɩzayi 44:25 - A SƐB-SÕW

²⁵ Ƴɛrɛŋa a, ɩ̃ ɩrɛ na a bàwr-bʋwrbɛ ƴɛ̀rʋ bɛ cãà tɛr pɛr ɛ. Ɩ̃ ɩrɛ na a bɛlɩ dem na yere a nɩdaar yele a, bɛ bʋ̀nɛ ƴɛ̀rɛ. Ɩ̃ fɛrɛ nɩ a yã-bãwnbɛ bɛ lɛbr pùor, ɩ̃ mɩ́ wul'ɩ a lɛ a bɛ bãwfʋ na ɩ gẽgemi a.

Ɩzayi 44:25 Referans Kwoze

Sɛb-sõw yielu 33:10

A Sore mɩ́ ŋmɛ n a lɛ a ten na bɔbr k'aa ɩ a lɔb, ʋ bɛ mɩ́ sàw a nɩ-bʋʋrɛ pʋ-tɩɛrʋ maalɩ ɛ.

Zeremi 50:36

Zɛbr, a lo a bɛ bàwr-bʋwrbɛ zu, ɩ bɛ bʋnɩ ƴɛ̀rɛ! Zɛbr, a lo a ʋ sojarɩ zu, ɩ a bɛ kanyir baarɩ!

2 Samɩɛl 15:31

Nɩr kãw tɩ yel'a kʋ̀ a Daviir, k'aa Ahitofɛl pʋɔ nɩ a nɩbɛ na bʋ-taa a pʋɔ, a Abɩsalɔm zie. Lɛ n'a a Daviir tɩ yel: «Sore e, ɩ̃ zɛlɛ fʋ na, ɩ a yã a Ahitofɛl na wule a, ɩ dãbolu!»

Zeremi 51:57

«Ɩ̃ na ɩ na a ʋ tõ-tõ-bi-bɛrɛ, a ʋ yã-bãwnbɛ, a ʋ tẽli-kaarbɛ, a ʋ na-kpɛ̃ɛ-lɩɛrbɛ nɩ a ʋ gãdaar nyũ kuoli. Bɛ na gúr'ɩ gʋ̃ɔ na bɛ tɛr baarʋ a, bɛ kʋ̃ lɛb zaw ìr towtow ɛ. A nãà a yúor na dɩ kɛ́ “Sore kpɛnʋ-za-sob a” n'ʋ yere.»

Ɩzayi 29:14

Alɛ so ɩ na cãà cow maalɛ nɔ-ɓãa yele a bɛ zie. A bɛ yã-bãwnbɛ yã-bãwfʋ na tɔl'a gù, ɛ́ a bɛ yã dem yã bɔr.»

Zeremi 49:7

Ƴɛ̀rʋ na ƴɛ̀r càar'ɩ Edɔm tẽw a. À ŋá n'a a Sore, a kpɛnʋ-za-sob, yere: «A yã-bãwfʋ bɛ cãà a Teman tẽw pʋɔ bɩɩ? A nɩbɛ na tɛr yã a, yã bɔr'a bɩɩ? A yã-bãwfʋ sãw na bɩɩ?

2 Bibie za yel-manɩ 18:34

Ɛcɛ a ʋlɩ bibir nɛ a, a zɛbr tɩ tʋl'ɩ kpãkpã, a tɩ fɛr k'aa nãà àr a ʋ zɛbr-torko pʋɔ, a Aram tẽw zɛbr-nɩbɛ niŋé. A mʋ̃tɔ̃w na wa kpɩɛr'a, ʋ tɩ kpi na.

2 Bibie za yel-manɩ 18:11

Ɛ́ a naaŋmɩn-ƴɛ̀r-manbɛ za mɩ́ tɩ yere k'aa lɛ ʋ na yel a ɩ n sɩza, bɛ tɩ yere na: «Fʋ na tʋ̃ɔ́ na cen tɩ ŋmãa nɩ a Aramɔtɩ tẽw na be a Galaadɩ a zɛbr. Fʋ na zɛb'a tʋ̃ɔ́, a Sore na de ʋ na ƴãw a fʋ nuru pʋɔ.»

2 Samɩɛl 17:23

A Ahitofɛl na wa nyɛ̃ bɛ bɛ tu a ʋ yã ʋ na wul a, ʋ tɩ ƴãw nɩ a ʋ bõw a kɔw, yi lo n a sɔ́r kul'ɩ a ʋ tẽw. Ʋ tɩ tɩr'ɩ nɛ́ɛ kʋ̀ a ʋ yir, ɛ́ cen tɩ yawlɩ ʋ tʋɔra kpi. Bɛ tɩ de ʋ na tɩ ũù a ʋ sãà yaa pʋɔ.

2 Samɩɛl 16:23

A lɛn daar a, a yã za a Ahitofɛl na tɩ mɩ́ wul a, a mɩ́ tɩ ɩ na mɛ̃ Naaŋmɩn tɔr za n'ʋ ƴɛ̀rɛ a. A Daviir nɩ a Abɩsalɔm tɩ tuur'ɩ a yã za ʋ na wule bɛ a.

Eziptɩ tẽw yib 9:11

A Eziptɩ tẽw tɩtɩlbɛ bɛ tɩ tʋ̃ɔ́ àr a Moyiir niŋé ɩ, a natɩɛ ƴãw. Bʋ̃ʋ n'ʋ vɛ̃, a natɩɛ tɩ pàw nɩ a tɩtɩlbɛ nɩ a Eziptɩ tẽw nɩbɛ za ƴã-gamɛ.

1 Na-mɩnɛ 22:37

bʋ̃ʋ n'ʋ vɛ̃, a nãà kpi na!» Bɛ tɩ lɛb'a wa n a kũu a Samaari wa ũù.

A naaŋmɩn-ƴèr-manɛ Oze sɛbɛ 9:7

A dɔwrʋ daar ta na, a Ɩsɩrayɛl, ʋ bãwnɩ a. Nyɩ yere na: «A naaŋmɩn-ƴɛ̀r-manɛ yarɛ na, a sob nɛ a Naaŋmɩn na ƴãw a ʋ vʋʋrʋ a ìre nɩ kɔ̃tɔmɛ.» A nyɩ ɩ-faar na bɛ tɛr nʋɔr, lãwnɩ a nyɩ bɛ-nɔn a ʋ zie a n'a so.

Mise 3:7

A bʋ̃-nyɛrɩ nyɛrbɛ na nyɛ̃ nɩ vĩ, vĩ na ɩrɛ nɩ a bàwr-bʋwrbɛ, bɛ za na pàw nɩ a bɛ niŋe, a Naaŋmɩn na bɛ cãà sɔwr bɛ a ƴãw.

Sɔr-nɛ́ɛ 23:23

A Ɩsɩrayɛl nɩbɛ bɛ tɛr a tɩtɩblʋ nɩ a ʋ ɩ-ɩrɩ yel-ɩra ɩ. A daar mɩ́ wa ta a, bɛ mɩ́ bãw nɩ bom nɛ za a Naaŋmɩn na ɩrɛ a.

Ɩzayi 19:3

A Eziptɩ tẽw dem yã na yi na, ɩ̃ na dam'ɩ a yele bɛ na tɩ́ɛrɩ bin a nyaw taa. Lɛ n'a bɛ na sowre a bɛ tɩbɛ, a tɩtɩlbɛ nɩ a bàwr-bʋwrbɛ.

Zakari 10:2

A tɩbɛ nyɩ na mɩ́ sowri a, a mɩ́ ŋma n ziri kʋ̀ nyɩ. A bàwr-bʋwrbɛ mɩ́ wul'ɩ yele na bɛ ɩ sɩza a. A zánʋ bɛ na mɩ́ manɛ a, bɛ tɛr pɛr ɛ, a mɔwlʋ bɛ na mɩ́ tɩrɛ a, mɩ́ ɩ n bɛ̀lʋ. Alɛ n'a so a wone a nɩbɛ, bɛ yaarɛ gʋɔr, mɛ̃ dʋn na bɛ tɛr cɩ̃ɩnɛ a.