Ɩzayi 44:23 - A SƐB-SÕW

²³ Salom i, lɔbr nʋ̃ɔ̀ cɛlsɩ, bʋ̃ʋ n'ʋ vɛ̃, a Sore ɩrɛ nɩ bom! Tẽsɔw pʋ̃ɔmɩ za a, cáarɛ, nyɩɩm, tan nɩ tuwr tɩɩr i, nyɩ ŋmɩɛr nʋ̃ɔ̀ cɛlsɩ. Bʋ̃ʋ n'ʋ vɛ̃, a Sore ya na de a ʋ nɩ-bʋʋrɛ, ʋ wul'ɩ a ʋ vɩɛlʋ a Ɩsɩrayɛl tẽw pʋɔ.

Ɩzayi 44:23 Referans Kwoze

Sɛb-sõw yielu 69:34

Bʋ̃ʋ n'ʋ vɛ̃, a Sore bɛrɛ na wone a nan dem, ʋ bɛ zawrɛ a ʋ nɩbɛ na be a gaso pʋɔ a bɛrɛ ɩ.

Zeremi 51:48

Lɛ n'a a salom nɩ a tẽw nɩ bom za na be a pʋɔ a, na lɔbr zɛb-tʋ̃ɔ́fʋ cɛlsɩ a Babɩlɔn tẽw ƴãw. Bʋ̃ʋ n'ʋ vɛ̃, a bɛlɩ dem na na sãw ʋ bɛr a na yi n saa-pɛrɩ́-gʋba-lowr ta.» À à ŋá n'a a Sore yel.

Ɩzayi 49:3

Ʋ yel mɛ̃ na: «Ɩsɩrayɛl i, fʋ̃ʋ n'ɩ a ɩ̃ tõ-tõ-bie, fʋ̃ʋ n'ʋ ɩ̃ na wul'ɩ a ɩ̃ vɩɛlʋ».

Ɩzayi 49:13

Salom i, ŋmɩɛr nʋ̃ɔ̀ cɛlsɩ! Ɛ́ fʋ̃ʋ, tẽw i, cɩlɛ! Tan i, nyɩ cáarɛ nʋ̃ɔ̀ cáarʋ! Bʋ̃ʋ n'ʋ vɛ̃, a Sore mɔwlɛ nɩ a ʋ nɩbɛ, ʋ zɔrɛ nɩ a kpɩɛrʋ dem nɩbaalʋ.

Yel-wula 18:20

Salom i, cɩlɛ a ʋ loba ƴãw! Nyɩ cɩlɛ, nyɩɩm Naaŋmɩn nɩbɛ ɛ, nɩ-toni nɩ naaŋmɩn-ƴɛ̀r-manbɛ ɛ! Bʋ̃ʋ n'ʋ vɛ̃, Naaŋmɩn maal'ɩ ʋ nɩ a ƴɛ̀rʋ kpɛ nyɩ.

Yel-wula 12:12

A na ɩ à ŋá a, cɩlɛ salom i, nɩ nyɩɩm za na kpɩɛr a ʋ zu a! Ɛcɛ, baw-bio páw nyɩ na, nyɩɩm tẽsɔw nɩ kʋ̃ɔ-kpɛ̃ɛ ɛ! Bʋ̃ʋ n'ʋ vɛ̃, a Gɛgɛra siw na wa a nyɩ zie, ɩ suur tɛwr, ʋ na bãw k'aa vuo na cɛ ʋ a ɩ n ŋmalelɛ a.»

1 Pɩɛr 4:11

Nɩr wa páw maalʋ a ƴɛ̀rʋ ƴãw a, ʋ ƴɛ̀rɛ a Naaŋmɩn ƴɛ̀rʋ kʋ̀rɛ a nɩbɛ. Nɩr wa páw maalʋ a tome ƴãw a, ʋ tone nɩ a Naaŋmɩn fãw, kɛ́ Naaŋmɩn tʋ̃ɔ́ nyɛ̃ danʋ za a Yeezu Kɩrɩta ƴãw, ʋlɛ so yúor-vɩɛlʋ-danʋ nɩ kpɛnʋ yome yome za. Amɛn.

Efɛɛzɩ 3:21

ʋlɛ so yúor-vɩɛlʋ-danʋ a Lãw-yir pʋɔ a Yeezu Kɩrɩta yúor ƴãw, kʋralɛ nɩ yome yome za. Amɛn.

Ezekɩɛl 36:8

A lɛn daar a, a Ɩsɩrayɛl tẽw tan zu a, a tɩɩr na tɛr'ɩ a wuli, ɛ́ wɔ̃ wɔmɛ a nyɩ ƴãw, Ɩsɩrayɛl nɩbɛ ɩ̃ nɩ-bʋʋrɛ ɛ. Bʋ̃ʋ n'ʋ vɛ̃, nyɩ kʋ̃ yaa kɛ́ lɛb cen a nyɩ tẽw ɛ.

Ezekɩɛl 36:1

«A fʋ̃ʋ nɩsaal bie, ƴɛ̀r a ƴɛrɛŋa a ɩ̃ yúor ƴãw a Ɩsɩrayɛl tẽw tan ƴãw. Yel a k'aa bɛrɛ wone a ƴɛ̀rʋ ɩ̃ na ƴɛ̀rɛ kʋ̀rɛ a a,

Ɩzayi 61:3

A Sɩyɔ̃ ƴãw n'a bɛ tɛr a wahala. Ɛcɛ a fɛr'a k'ɩ̃ɩ kʋ̀ bɛ zu-pɛn vla vla lɩɛr'ɩ a tãpɛlʋ na be a bɛ zurú a, k'ɩ̃ɩ cir kãá-nyũu ƴãw bɛ na wule nʋ̃ɔ̀ ɛ́ bɛ wule wahala a, k'ɩ̃ɩ su bɛ cuw kparɩ lɩɛr'ɩ a nɩbaal-ɩb bɛ na ɩrɛ a. Lɛ n'a bɛ na de bɛ man nɩ tɩɩr na ɩrɛ a Naaŋmɩn nyɛrɛ ƴãwfʋ a, tɩ-sɛlɩ zie na wule a Sore yúor-vɩɛlʋ-danʋ a.

Ɩzayi 60:21

A fʋ nɩbɛ za na ɩ n nɩ-mɩn, bɛ na so nɩ a tẽw ŋa kʋralɛ. Ɩ̃ ír bɛ na nɩ a ɩ̃ nuru kɛ́ bɛ wule a ɩ̃ yúor-vɩɛlʋ-danʋ. Bɛ ɩ na mɛ̃ tɩɩr mãa mɩŋa na sɛl a.

Ɩzayi 26:15

Fʋ ɩ na a tɩ tẽw nɩbɛ yɛ̀r dɔwlɩ, Sore e, fʋ ɩ na a tɩ tẽw nɩbɛ yɛ̀r dɔwlɩ, fʋ wul'ɩ a fʋ yúor-vɩɛlʋ-danʋ, fʋ ɩ na a tẽw tʋr-bɔwrɩ za taw tɔl nidaa.

Sɛb-sõw yielu 148:7

Nyɩ be a tẽw zu ɛ́ danɛ a Sore, nyɩ danɛ ʋ, nyɩɩm kʋ̃ɔ-bɛrɛ, nɩ a nyɩ dʋ̃-bɩɩr bɩɩr,

Ezekɩɛl 39:13

A bɛlɩ dem za na kpɩɛr a vuo ŋa pʋɔ a na pʋɔ nɩ a ton ŋa pʋɔ, ɛ́ bɛ na nyʋʋr'ɩ a ʋlɩ bibir nɛ, ɩ̃ nãà wa wul bɛ a ɩ̃ yúor-vɩɛlɩ-danʋ a. A mãa Sore Naaŋmɩn n'ʋ yere.

Efɛɛzɩ 4:9

A «ʋ do na» ŋa pɛr'ɩ bo? Alɛ bɛ ɩ k'ʋʋ mɩ̀ siw nɩ a tẽw pʋ̃ɔmɩ za?

1 Bibie za yel-manɩ 16:31

A salom, ʋ cɩlɛ, a tẽw, ʋ lɔbr nʋ̃ɔ̀ cɛlsɩ! Bɛ yel kʋ̀ a nɩ-bʋʋrɛ za: «A Sore ɩ n nãà!»

Sɛb-sõw yielu 65:13

A dʋn mʋ̃ɔ 'wɔbrʋ zie a wɛja-kpalɛ pʋɔ ʋr'a, ɛ́ a tãli sɛ a nʋ̃ɔ̀ mɛ̃ kpàwr a.

Sɛb-sõw yielu 148:9

Nyɩ danɛ ʋ, nyɩɩm tã-bɛrɛ nɩ tãli, tɩ-wɔnɩ nɩ sɛɛdɩr tɩɩr za,

Ɩzayi 12:5

Nyɩ yiele a Sore ƴãw, bʋ̃ʋ n'ʋ vɛ̃, ʋ maal'ɩ yel-bɛrɛ. Nyɩ ɩ a tẽ-daa za bãw a!»

Ɩzayi 43:1

Ƴɛrɛŋa a, à ŋá n'a a Sore na ír fʋ a, Zakɔb i, ʋl na mɛ b'a, Ɩsɩrayɛl i, à ŋá n'a ʋ ƴɛ̀rɛ: «Ta zɔrɛ dɛ̃bɩ̃ɛ ɩ, ɩ̃ ya na de fʋ, a fʋ yúor'ʋ ɩ̃ bʋɔlɩ, mãa so fʋ.

Ɩzayi 43:7

Nyɩ lɛb tɛr a bɛlɩ dem na dɩ a ɩ̃ yúor a wa n, bɛlɩ dem za ɩ̃ na ír, ɩ̃ na mɛ, ɩ na maalɩ kɛ́ bɛ wa ɩrɛ ɩ̃ nyɛrɛ yúor-vɩɛlʋ-danʋ a.»

Ɩzayi 46:13

A ɩ̃ mɩnʋ a, ɩ̃ ɩ na ʋ tawr pɩɛlɛ, ʋ bɛ cãà zãá ɩ. A faafʋ pɩɛl'a, mãa mɩŋa n'ʋ waar'ɩ ʋ a Sɩyɔ̃. Ɩ̃ na kʋ̀ n a Ɩsɩrayɛl a ɩ̃ vɩɛlʋ.

Ɩzayi 52:9

Zerizalɛm deboru u, nyɩ ŋmɩɛr nʋ̃ɔ̀ cɛlsɩ: a Sore mɔwlɛ nɩ a ʋ nɩbɛ, ʋ yarɛ na dier a Zerizalɛm.

Zeremi 31:11

Bʋ̃ʋ n'ʋ vɛ̃, a Sore faa nɩ a Ɩsɩrayɛl nɩbɛ, ʋ ír bɛ nɩ nɩr na kpɛmɛ zuo bɛ a nuru pʋɔ.

Ezekɩɛl 35:14

À ŋá n'a a mãa Sore Naaŋmɩn yere: A lɛn daar a nɩ-bʋʋrɛ za nãà wa be a nʋ̃ɔ̀ pʋɔ a, ɩ̃ na sãw fʋ na bɛr cʋmɛcʋmɛ.

Eziptɩ tẽw yib 18:9

Nʋ̃ɔ̀ tɩ kpɛ n a Zetoro, a vla al za a Sore na tɩ maalɩ a Ɩsɩrayɛl nɩbɛ a ƴãw, ʋ na tɩ faa bɛ a Eziptɩ tẽw nɩbɛ nuru pʋɔ a.

1 Bibie za yel-manɩ 16:32

A kʋ̃ɔ-kpɛ̃ɛ, ʋ damnɛ, nɩ a bome al za na paalɩ ʋ a. A wɩ̀ɛ, ʋ cɩlɛ lãwnɩ a bome za na be a ʋ pʋɔ a.

1 Bibie za yel-manɩ 16:33

A tuwr tɩɩr, a lɔbr nʋ̃ɔ̀ cɛlsɩ a Sore niŋé, bʋ̃ʋ n'ʋ vɛ̃, ʋ waar'a k'ʋʋ wa dɩ n a tẽw ƴɛ̀rʋ.

Sɛb-sõw yielu 69:35

Ɛ́ nyɩɩm, salom nɩ tẽw, nyɩ danɛ ʋ, lãwnɩ a kʋ̃ɔ-bɛrɛ nɩ bom za na damnɛ a pʋɔ a!

Sɛb-sõw yielu 89:13

Fʋ̃ʋ n'ʋ ír a saa-pɛrɩ́-gʋba-lowr nɩ a saa-pɛrí-dʋrʋ-lowr. A Tabɔɔr nɩ a Hɛrmɔ̃ tan wa wõ a fʋ yúor a, a mɩ́ ŋmɩɛr'ɩ nʋ̃ɔ̀ cɛlsɩ.