Ɩzayi 44:19 - A SƐB-SÕW

¹⁹ Kãw za bɛ mɩ́ lɛb tɩɛrɩ ɛ, kãw za bɛ tɛr a yã nɩ a tɩɛrʋ na mɩ́ yel ʋ tʋɔra à ŋá ɩ: «Ɩ̃ nyɩw nɩ a dàar ŋmãa, ɩ̃ dʋw nɩ a ɩ̃ bʋ̃-dɩrɩ a vũu-bie zu, ɛ́ sɛ̃ a nɛn ɩ̃ na 'wɔbr a. Ɛ́ na de a ŋmãa maal'ɩ tɩɩb-faa faa, gũune dà-ŋmãa niŋé!»

Ɩzayi 44:19 Referans Kwoze

Wulu-ayi-sob 27:15

«Ŋmɛ-ƴãw, a páw sob nɛ na pɛnɩ tɩɩb bɩɩ nyɩl kure maal'ɩ dasule kãw tɛr sɔwlɛ maalɛ a. A Sore bɛ nɔnɛ a bom ŋa tɔ a nɩsaalbɛ nuru na maalɩ a ɩ.» Ɛ́ a nɩbɛ za na sɔw na: «Amɛn!»

1 Na-mɩnɛ 11:7

A lɛn daar a, a Salomɔ̃ tɩ cɔbrɩ maalʋ-zie, a tãw na àr tori a Zerizalɛm a zu, a Mowab tẽw dem ŋmɩn-faa faa Kemɔsɩ ƴãw. Ʋ mɩ̀ tɩ ƴãw na bɛ cɔbrɩ a kãw, a Amɔ̃ tẽw dem ŋmɩn-faa faa Mɩlkɔm ƴãw.

1 Na-mɩnɛ 11:5

Ʋ tɩ puor'ɩ a Sɩdɔ̃ tẽw dem ŋmɩn-pɔw Asɩtarte, nɩ a Mɩlkɔm, a Amɔ̃ tẽw dem ŋmɩn-faa na bɛ tɛr yúor póru a.

A naaŋmɩn-ƴèr-manɛ Oze sɛbɛ 7:2

Bɛ bɛ mɩ́ tɩɛr'ɩ bɛ pʋɔ ɩ̃ na bɛ yiire a bɛ ɩ-faar kãw za bɛrɛ a ɩ. Ƴɛrɛŋa a, a bɛ ɩ-faar pili na pàw bɛ. Alɛ n'ɩ a ŋan gã a ɩ̃ niŋé.

Ezekɩɛl 40:4

Ʋ tɩ yel mɛ̃ na: «A fʋ̃ʋ nɩsaal bie, yuo a fʋ mimie nɩ a fʋ tobe vla. Tɛr maal-ɩb yaga a al za ɩ̃ na na ɩ fʋ nyɛ̃ a ƴãw. Bʋ̃ʋ n'ʋ vɛ̃, a al nyɛ́b ƴãw n'a bɛ tɛr fʋ wa n a ka. Al pùorí, fʋ na tɩ man nɩ a al za fʋ na nyɛ̃ a kʋ̀ a Ɩsɩrayɛl nɩbɛ.»

Ɩzayi 45:20

Nyɩɩm na cɛ a nɩ-bʋʋrɛ sɔgɔ a, nyɩ ɓã taa wa, nyɩ lãw taw pɩɛlɩ. A bɛlɩ dem na tuo a bɛ dàa tɩɩb ɛ́ puore ŋmɩn na kʋ̃ tʋ̃ɔ́ faa bɛ a, bɛ bɛ bãw bom za ɩ.

Ɩzayi 5:13

Alɛ n'a so a Sore yere: «Bɛ na ír'ɩ a ɩ̃ nɩ-bʋʋrɛ a bɛ tẽw pʋɔ, bɛ na bɛ sàw bãw bom a ƴãw. A bɛ nɩ-yée na kpi n kɔ̃, ɛ́ a zu-sɛbla kpi kʋ̃ɔ-nyúur.»

2 Na-mɩnɛ 23:13

Ʋ tɩ sãw nɩ a maalʋ-ziir, a nãà Salomɔ̃ na tɩ mɛ a Olivʋ tɩɩr tãw saa-pɛrɩ́-dʋrʋ-lowr a, bɛr, a tãw ʋl na àr tori a Zerizalɛm a. A maalʋ-ziir á ŋá tɩ mɛ n a Sɩdɔ̃ tẽw dem ŋmɩn-pɔw-faa faa, Asɩtarte, ƴãwfʋ ƴãw, Mowab tẽw dem ŋmɩn-faa faa, Kemɔsɩ, nɩ a Amɔ̃ tẽw dem ŋmɩn-faa na bɛ tɛr yúor póru a, Mɩlkɔm, ƴãwfʋ ƴãw.

Wulu-ayi-sob 32:46

ʋ yel bɛ na: «A ƴɛ̀rʋ ɩ̃ na ƴɛ̀r kʋ̀ nyɩ a dɩ̃a a, nyɩ de a a ɩ ƴɛ̀r-sɩza. A nãà wa dɩ n a dãsɩɛ nyɔw nyɩ. Nyɩ wul a a nyɩ bʋʋrɛ, ɛ́ yel kʋ̀ bɛ kɛ́ bɛ sàwr a wulu ŋa ƴɛ̀rʋ za.

Eziptɩ tẽw yib 7:23

A Faarawɔ̃ tɩ lɩɛb'a tɔl kul a ʋ yir, ɛ́ nyɛ̃ a yel ŋa bɛ ɩ yel-sɩza a ʋ zie ɩ.

A naaŋmɩn-ƴɛ̀r-manɛ Aaze sɛbɛ 1:5

Ƴɛrɛŋa a, a mãa Sore, a Kpɛnʋ-za-sob, ɩ̃ yere na kɛ́ nyɩ tɩɛrɩ nyɛ̃ a lɛ a na ŋmɛ̃ nyɩ a.

Ɩzayi 46:8

Nyɩ bãwnɩ à á ŋá ɛ́ ƴãw fãw! Nyɩ tɩɛrɩ a kaa, nyɩɩm nɩsaal-gaarɩ i!

2 Na-mɩnɛ 23:14

A Zozɩasɩ tɩ ƴãw na bɛ ŋmɛr a kʋsɛ-teli bɛr, cɛ̀ a dà-barɩ ŋma, ɛ́ yaarɩ nɩsaal kɔbɛa ziir al a bome á ŋá na tɩ dãw be a.

Ɩzayi 44:18

A nɩbɛ bɛ ŋa bɛ bãw bom za ɩ, bɛ bɛ bãw bom za pɛr ɛ. Bʋ̃ʋ n'ʋ vɛ̃, dɛwr paal'ɩ a bɛ mimie bɛ bɛ cãà nyɛrɛ ɩ, a bɛ tɩɛrʋ ɩ n ŋmãa zuo bɛ kʋ̃ tʋ̃ɔ́ bãw bom pɛr ɛ.

Ɩzayi 66:3

Ɛcɛ a bagɛ maalʋ ƴãw a, a nɩbɛ mɩ́ kʋ n náab, ɛ́ mɩ̀ kʋ nɩr. Bɛ mɩ́ ŋmaar'ɩ pɛ́rʋ kɔkɔr, ɛ́ mɩ̀ ŋmɛ baa kʋ. Bɛ mɩ́ de nɩ de-kʋ̀b bom tɩr, ɛ́ mɩ̀ de dobaa zɩ̃ɩ tɩr. Bɛ mɩ́ nyɩw nɩ tɩ-suur-zɔ̃-na-nyùur-vla-vla-a, ɛ́ mɩ̀ maalɩ tɩɩb na bɛ vɩɛl a. A nɩbɛ bɛ ŋa kaa na ír a bɛ sɛ́ɛ, ɛ́ a bɛ ɩ-faar na bɛ maal'ɩ wob a ɩrɛ bɛ nʋ̃ɔ̀.

A naaŋmɩn-ƴèr-manɛ Oze sɛbɛ 4:12

Dàar tɩɩb zie n'a a ɩ̃ nɩ-bʋʋrɛ sowre bʋ̃-sowri. Dakʋra n'ʋ wule bɛ bʋ̃-wuli! Pɔw-yɛm ɩ-ɩrɩ yã bɔrɛ nɩ bɛ na. A pɔw-yɛm ɩ-ɩrɩ zũú, bɛlɛ nɩ a bɛ Naaŋmɩn bʋ́r'ɩ taa.