Ɩzayi 44:18 - A SƐB-SÕW

¹⁸ A nɩbɛ bɛ ŋa bɛ bãw bom za ɩ, bɛ bɛ bãw bom za pɛr ɛ. Bʋ̃ʋ n'ʋ vɛ̃, dɛwr paal'ɩ a bɛ mimie bɛ bɛ cãà nyɛrɛ ɩ, a bɛ tɩɛrʋ ɩ n ŋmãa zuo bɛ kʋ̃ tʋ̃ɔ́ bãw bom pɛr ɛ.

Ɩzayi 44:18 Referans Kwoze

Zeremi 5:21

Nyɩ bɛr wõ yel ŋa, nyɩɩm na gem ɛ́ bɛ tɛr yã a. Nyɩ tɛr'ɩ mimie ɛ́ bɛ nyɛrɛ ɩ, nyɩ tɛr'ɩ tobe ɛ́ bɛ wone ɩ.

Sɛb-sõw yielu 81:12

Ɛcɛ a ɩ̃ nɩbɛ bɛ bɛr wõ a ɩ̃ ƴɛ̀rʋ ɛ, a Ɩsɩrayɛl bɛ bɔbr mɛ̃ ɩ.

Zã 5:44

Nyɩ zɛwr'ɩ taa yée, ɛ́ bɛ bɔbr a yúor ʋl na yi Naaŋmɩn yõ zie a ɩ, ŋmɩŋmɩn n'a nyɩ na tʋ̃ɔ́ sàw de ʋ?

Zã 8:43

Bʋ̃ʋ n'ʋ so nyɩ bɛ bãwnɛ a ɩ̃ ƴɛ̀rʋ pɛr? Nyɩ na kʋ̃ tʋ̃ɔ́ bɛr wõ a ɩ̃ ƴɛ̀rʋ a n'a so.

Ɩzayi 29:10

Bʋ̃ʋ n'ʋ vɛ̃, a Sore gbini nɩ a nyɩ yã, ʋ bɛ sàw a nyɩ naaŋmɩn-ƴɛ̀r-manbɛ nyɛrɛ ɩ, ʋ pàw nɩ a nyɩ yel-nyɛrbɛ niŋe nɩ pɛn.

Ʋrɔm 1:28

Bɛ na zawrɩ na bãw a Naaŋmɩn a, ʋ bɛr bɛ na kʋ̀ a bɛ dãbolu, à ŋá n'a bɛ ɩrɛ a lɛ a na bɛ tɩ sɛw kɛ́ bɛ ɩrɛ a.

Zʋkpaɩ 28:5

A nɩ-faar bɛ mɩ́ bãw a lɛ-na-tu-sɔr-a pɛr ɛ, ɛcɛ a bɛlɩ dem na mɩ́ bɔbr a Sore a mɩ́ bãw nɩ bom za pɛr.

Ɩzayi 1:3

Náab mɩ́ bãw nɩ a sob nɛ na so ʋ a, ɛ́ bõw bãw a dʋ̃-laa ʋl pʋɔ a ʋ sore na ƴãwnɛ ʋ a dɩb a. Ɛcɛ a Ɩsɩrayɛl bɛ bãw bom za ɩ, a ɩ̃ nɩ-bʋʋrɛ bɛ bãw bom za pɛr ɛ.”

Zeremi 10:14

Lɛ n'a a nɩbɛ za dɛ mɩ́ àr lɛ, bol, bɛ bãw bom pɛr ɛ. Vĩ ɩrɛ nɩ a kur-nyɩlbɛ za, a bɛ ŋmɩn-bɛlmɛ ƴãw. A dasuli á ŋá ɩ n bɛlʋ: vʋʋrʋ bɛ be a pʋɔ ɩ.

Ɩzayi 44:20

A nɩbɛ bɛ ŋa tu n bom na ɩ tãpɛlʋ tɛwr a. A bɛ tɩɛrʋ be n tulu pʋɔ, ɛ́ bɛ tɩ́ɛrɛ a bɛ tore ɩ. Bɛ kʋ̃ faa a bɛ nyɔ-vʋʋrʋ ɛ. A bɛ kãw za kʋ̃ yel: «A bom ɩ̃ na tɛr a nũú a ɩ n ŋmɩn-bɛlɛbɛlɛ, a sãá na» ɩ.

Nɩ-toni 14:16

A koro za, ʋ tɩ bɛr'ɩ a nɩ-bʋʋrɛ za bɛ tuur a bɛ sɛ́ɛ.

Ɩzayi 45:20

Nyɩɩm na cɛ a nɩ-bʋʋrɛ sɔgɔ a, nyɩ ɓã taa wa, nyɩ lãw taw pɩɛlɩ. A bɛlɩ dem na tuo a bɛ dàa tɩɩb ɛ́ puore ŋmɩn na kʋ̃ tʋ̃ɔ́ faa bɛ a, bɛ bɛ bãw bom za ɩ.

Matie 12:34

Dɔpan bʋʋrɛ bɛ ŋa! Ŋmɩŋmɩn n'a nyɩ na tʋ̃ɔ́ yere yel-vɩɛlɩ nyɩɩm na kpɛ faar a? A alɩ bome nɛ na mɩ́ paalɩ a nɩsaal pʋɔ a, alɛ n'a mɩ́ yire a ʋ nʋɔrɩ́.

A naaŋmɩn-ƴèr-manɛ Oze sɛbɛ 14:9

Efarayim i, bʋ̃ʋ n'ʋ mãa nɩ a tɩbɛ lãw? Mãa n'ʋ mɩ́ sɔw a fʋ puoru, ɛ́ kaarɛ a fʋ zie. A mãa a, ɩ̃ ɩ na mɛ̃ sɩpɩrɛ tɩɛ a váar na bɛ suore a. Mãa zie n'a a fʋ kukur bome yire.»

Zeremi 10:8

A nɩbɛ bɛ ŋa bol'ɩ bɛ za, been bɛ cɛ ɩ. A bɛ ŋmɩmɛ á ŋá kʋ̃ tʋ̃ɔ́ zanɩ nɩ bɛ bom ɛ, dàar ŋmɩmɛ n'a.

Ɩzayi 56:11

Bɛ mɩ̀ ɩ n baar na nɔnɛ dɩb bɛ tɛr sɛwfʋ daar a. Nyɛ̃ nɩ-cɩ̃ɩnbɛ kãw a! Bɛ bɛ tɛr yã ɩ. Lɛ na nʋmɛ a bɛ zie a tɛwr'a bɛ ɩrɛ, ŋa za tɔnɛ pùor'a ʋ mɩ́ tu.

Sɛb-sõw yielu 92:6

Sore e, a fʋ tome sɩrɩ na ɩ tõ-bɛrɛ, ɛ́ a fʋ tɩɛrʋ zulme!

Ɩzayi 44:9

A bɛlɩ dem na maalɛ a tɩbɛ a, bɛ za bɛ ɩ bom za ɩ, ɛ́ a bɛ bʋ̃-vɩɛlɩ bɛ tɛr yel-ɩra kãw za ɩ. A ɩ n a bɛ dãsɩɛ dem, ɛ́ ɩ dãsɩɛ dem na bɛ nyɛrɛ bom za a, na bɛ bãw bom za ɛ́ na ƴãw bɛ vĩ a.

2 Pɩɛr 2:14

Pɔw-gaa yele jɩ́rʋ n'a a bɛ mimie nɔnɛ yaga za, ɛ́ bɛ bɛ dãw sɛw a yel-bier maalʋ ɛ. Lɛ n'a bɛ ɩrɛ bɛ̀lɛ nyɔwr a bɛlɩ dem na bɛ tɛr fãw a. Nɩr bɛ nɔ̃w a tɛra man bɛ ɩ, nɩ-ŋmɛ-ƴãwnɩ nɛbɛ.

Ɩzayi 26:11

Sore e, a fʋ nũu zɛw nɩ a ŋmɛb ƴãw, ɛ́ bɛ bɛ nyɛ̃ ʋ ɛ. Ɛcɛ bɛ na nyɛ̃ nɩ a lɛ fʋ na tʋlɛ a fʋ nɩ-bʋʋrɛ gub ƴãw a, ɛ́ vĩ na nyɔw bɛ na. A vũu na be be a fʋ dɔ̃ dem ƴãw a na dɩ bɛ na.

Ɩzayi 44:19

Kãw za bɛ mɩ́ lɛb tɩɛrɩ ɛ, kãw za bɛ tɛr a yã nɩ a tɩɛrʋ na mɩ́ yel ʋ tʋɔra à ŋá ɩ: «Ɩ̃ nyɩw nɩ a dàar ŋmãa, ɩ̃ dʋw nɩ a ɩ̃ bʋ̃-dɩrɩ a vũu-bie zu, ɛ́ sɛ̃ a nɛn ɩ̃ na 'wɔbr a. Ɛ́ na de a ŋmãa maal'ɩ tɩɩb-faa faa, gũune dà-ŋmãa niŋé!»

Zeremi 51:17

A nɩbɛ za dɛ na mɩ́ àr lɛ, gem, ɛ́ bɛ bãw a pɛr ɛ. Vĩ nyɔw nɩ salm-nyɩlɛ za a ʋ tɩɩb ƴãw. A ʋ tɩbɛ dasuli ɩ n bɛ̀lʋ: vʋʋrʋ kãw za bɛ be a pʋɔ ɩ.

Ɩzayi 27:11

A wuli wa kò a, a mɩ́ kar'a lo, pɔwbɛ wa nyɩw a. A nɩ-bʋʋrɛ bɛ ŋa bɛ tɛr yã ɩ. Alɛ so a sob nɛ na ír bɛ a bɛ zɔrɛ bɛ nɩbaalʋ ɛ, a sob nɛ na maalɩ bɛ a bɛ dɩrɛ suur kʋ̀rɛ bɛ ɩ.

Ezekɩɛl 12:2

«A fʋ̃ʋ nɩsaal bie, fʋ kpɩɛr'ɩ nɩ-bʋʋr-gaarɩ sɔgɔ! Bɛ tɛr'ɩ mimie nyɛ́b ƴãw, ɛ́ bɛ nyɛrɛ ɩ. Bɛ tɛr'ɩ tobe wob ƴãw, ɛ́ bɛ wone ɩ. Sɩza, nɩ-bʋʋr-gaarɩ nɛbɛ!