Ɩzayi 44:17 - A SƐB-SÕW

¹⁷ A dàar na cɛ a, bɛ mɩ́ maal'ɩ nɩ ŋmɩn, tɩɩb. Bɛ mɩ́ gũune na ɛ́ gbine dume a ʋ niŋé, ɛ́ puore ʋ à ŋá: «Fʋ̃ʋ n'ɩ a ɩ̃ ŋmɩn, faa mɛ̃!»

Ɩzayi 44:17 Referans Kwoze

Ɩzayi 45:20

Nyɩɩm na cɛ a nɩ-bʋʋrɛ sɔgɔ a, nyɩ ɓã taa wa, nyɩ lãw taw pɩɛlɩ. A bɛlɩ dem na tuo a bɛ dàa tɩɩb ɛ́ puore ŋmɩn na kʋ̃ tʋ̃ɔ́ faa bɛ a, bɛ bɛ bãw bom za ɩ.

Ɩzayi 37:38

Bibir kãw ʋ na tɩ puore a ʋ ŋmɩn Nɩsɩrɔkɩ yir a, a ʋ bidɛbr ayi kãw, Adɩramelɛkɩ nɩ Saresɛɛr, tɩ kʋ ʋ na ɛ́ zɔ cen Araratɩ. A ʋ bidɛb ƴen sob, Asaradɔ̃, tɩ lɩɛr'ʋ na dɩ a naalʋ.

1 Na-mɩnɛ 18:26

Bɛ tɩ de nɩ a nadɛr a Eli na kʋ̀ bɛ a, cɔbrɩ, al pùorí bɛ puori a Báàl a biɓaara tɩ ta n a mʋ̃tɔ̃-tuo. Bɛ tɩ yere na: «Báàl i, sɔw tɩ!» Ɛ́ tɩ ƴawr viire kole a bàwr-maal-kuur bɛ na mɛ a. Ɛcɛ bɛ bɛ tɩ wõ sɔwfʋ kãw za ɩ.

Nɩ-toni 19:27

A na ɩrɛ nɩ à ŋá, bɛ kʋ̃ʋ wa cãà ƴɛ̀rɛ vla a tɩ ton ŋa ƴãw ɛ. Ɛ́ lɛb waar, a tɩ ŋmɩn-pɔw-kpɛ̃ɛ Atemisɩ yir kʋ̃ cãà tɛr yúor ɛ. Ɛ́ alɛ wa ɩ à à ŋá a, a ŋmɩn-pɔw ŋa kʋ̃ cãà tɛr yúor ɛ, ʋl bɛ na puore ɛ́ ƴãwnɛ a Azi ka nɩ a tẽ-daa za zu a.»

1 Na-mɩnɛ 18:28

Bɛ tɩ lɛb'a bãw cɩɩrɛ kpɛ̃w za. Ɛ́ mɛ̃ a lɛ a ɩb na ɩrɛ a bɛ zie a, bɛ tɩ wɛr wɛr'ɩ bɛ tʋɔra nɩ zɛbr-sɔ-bɛrɛ nɩ kafine, a ƴã-gamɛ tɩ cire zɩ̃ɩ.

Ɩzayi 2:8

A bɛ tẽw paal'ɩ tɩbɛ: bɛ gbine nɩ dume a bɛ nuru bʋ̃-maalɩ niŋé, bome nɩsaalbɛ na maalɩ a.

Ɩzayi 44:15

A dàar na tɛr'ɩ yel-ɩra a nɩsaalbɛ zie, a vũu gbɔwfʋ ƴãw. A nɩbɛ mɩ́ de a na gbɔw nɩ vũu kɛ́ bɛ ʋʋrɩ, bɩɩ kɛ́ bɛ dʋw nɩ a bʋ̃-dɩrɩ. Bɩɩ bɛ mɩ́ cãà na maal'ɩ ŋmɩn, lore gbine dume a ʋ pile, bɛ mɩ́ maal'ɩ tɩɩb gũune a ʋ niŋé.

Ɩzayi 44:16

Bɛ mɩ́ de nɩ a dàar ŋmãa gbɔw nɩ vũu, ƴãw a nɛn a be sɛ̃ 'wɔb tɩw. Bɩɩ bɛ mɩ́ ʋʋrɛ nɩ a vũu yere nɩ: «Ʋ̃'hʋ̃ʋ, ɩ̃ ʋʋrɛ nɩ vũu, nyɛ̃ a vũu nyɛ́b na nʋmɛ a!»

Ɩzayi 46:6

Nɩbɛ bɛ mɩnɛ mɩ́ cir'ɩ a salm-zɩɛ na be a bɛ vʋɔra pʋɔ a, bɛ mɩ́ ker'ɩ a salm-pla nɩ bʋ̃-kera, bɛ mɩ́ ya n salm-nyɩlɛ k'ʋʋ maalɩ ŋmɩn kʋ̀ bɛ, bɛ gũune a ŋmɩn ŋa niŋé, puore ʋ.

A naaŋmɩn-ƴèr-manɛ Oze sɛbɛ 13:2

A ƴɛrɛŋa mɩ̀ a, bɛ cãà na maalɛ a yel-bier: bɛ nyɩlɛ nɩ salm-zɩɛ maalɛ nɩ bome, bɛ nyɩlɛ nɩ salm-zɩɛ maalɛ nɩ tɩbɛ, nɩ a bɛ bãwfʋ, nɩsaal bʋ̃-maalɩ n'ɩ à á ŋá za. Ɛcɛ a al ƴãw n'a bɛ mɩ́ yel: «A fɛr'a kɛ́ tɩ maalɩ bàwr kʋ̀ a!» Nɩsaalbɛ pãa mɩ́ wa nyɔw nadeli kɔ́rɛ mɔwrɛ, nyɩ maal'a ŋmɛ ɛ!

Zeremi 2:27

Nyɩ mɩ́ yel'ɩ dàa tɩɩb: “Fʋ̃ʋ n'ɩ a ɩ̃ sãà!” ɛ́ yel kʋsɩɛr tɩɩb: “Fʋ̃ʋ n'ʋ dɔw mɛ̃.” Nyɩ bɛr'ɩ a ɩ jɩ́rʋ ɛ́ lɩɛbɩ zikur cɔw mɛ̃. Ɛcɛ, a kpɩɛrʋ dɛ wa páwr nyɩ a, nyɩ na yere nɩ a ɩ̃ zie: “Ìr! Faa tɩ!”

Mise 5:12

Ɩ̃ na ŋmɛ n a nyɩ tɩbɛ ŋmɛr, nɩ a nyɩ kʋsɛ-teli, nyɩ kʋ̃ lɛb puori a nyɩ nuru bʋ̃-maalɩ ɛ.

Habakukɩ 2:19

«Baw-bio páw nyɩ na! Nyɩ mɩ́ yel'ɩ dà-ŋmãa: “Ìr, ta gúre ɩ!” Ɛ́ yel kʋsɩɛr na gã bɛ ƴɛ̀rɛ a: “Ìr àr!” Ɛcɛ alɛ n'ɩ a ŋan kʋ̃ tʋ̃ɔ́ wul nyɩ bom za nyɩ bãw ɛ. Bɛ na saa nyɩl salm-zɩɛ nɩ salm-pla pàw a a, a bɛ vʋʋrɛ towtow ɛ.