Ɩzayi 44:15 - A SƐB-SÕW

¹⁵ A dàar na tɛr'ɩ yel-ɩra a nɩsaalbɛ zie, a vũu gbɔwfʋ ƴãw. A nɩbɛ mɩ́ de a na gbɔw nɩ vũu kɛ́ bɛ ʋʋrɩ, bɩɩ kɛ́ bɛ dʋw nɩ a bʋ̃-dɩrɩ. Bɩɩ bɛ mɩ́ cãà na maal'ɩ ŋmɩn, lore gbine dume a ʋ pile, bɛ mɩ́ maal'ɩ tɩɩb gũune a ʋ niŋé.

Ɩzayi 44:15 Referans Kwoze

2 Bibie za yel-manɩ 25:14

A Amazɩasɩ na tɩ zɛb tʋ̃ɔ́ a Edɔm tẽw nɩbɛ ɛ́ lɛb waar a, ʋ tɩ wob'ɩ a Edɔm tẽw ŋmɩmɛ dasuli wa n wa ɩ a lɩɛbɩ a ʋ ŋmɩmɛ. Ʋ mɩ́ tɩ gbĩ n dume gũu tɩ tɔ tẽw a niŋé, ɛ́ maalɛ bagɛ kʋ̀rɛ a.

Yel-wula 9:20

A nɩsaalbɛ bɛl na tɩ cɛ a, a bɛl a bʋ̃-faar ata al na bɛ tɩ kʋ a, bɛ tɩ bɛr a bɛ tõ-faar ɛ, bɛ tɩ cãà na puore a kɔ̃tɔmɛ nɩ a tɩbɛ bɛ na maalɩ nɩ salm-zɩɛ nɩ salm-pla a, bɛ na maalɩ nɩ kure nɩ kʋsɛbɛ nɩ dàar a, tɩbɛ na kʋ̃ tʋ̃ɔ́ nyɛ̃ bom, kʋ̃ tʋ̃ɔ́ wõ bom ɛ́ kʋ̃ tʋ̃ɔ́ cen a.

Ɩzayi 45:20

Nyɩɩm na cɛ a nɩ-bʋʋrɛ sɔgɔ a, nyɩ ɓã taa wa, nyɩ lãw taw pɩɛlɩ. A bɛlɩ dem na tuo a bɛ dàa tɩɩb ɛ́ puore ŋmɩn na kʋ̃ tʋ̃ɔ́ faa bɛ a, bɛ bɛ bãw bom za ɩ.

Ɩzayi 44:10

Fʋ maal'ɩ ŋmɩn, fʋ nyɩl'ɩ kure maal'ɩ tɩɩb na kʋ̃ tɛr yel-ɩra kãw za a, nyɛ̃ dãbolu a!

Ƴɛ̀r-dɩrbɛ 2:19

Ɛcɛ a ƴɛ̀r-dɩrɛ wa kpi a, bɛ mɩ́ lɛb'a tĩ ɩrɛ a ɩ-faar, a nɩ̃ɛ zuo a bɛ sãàkʋm-kore dem. Bɛ mɩ́ tɩ puore nɩ ŋmɩn yoru, ɛ́ gbine dume a niŋé. Bɛ bɛ mɩ́ tɩ zawrɩ a bɛ ɩ-faar ɛ, ɛ́ cãà zawrɛ a Naaŋmɩn nʋɔr cere nɩ.

Ɩzayi 44:14

Ʋ cɛ n tɩɛ na vɩɛl mɛ̃ a sɛɛdɩr tɩɛ a, ʋ kaa na ír tɩ-kpɛ̃w mɛ̃ a sɛn tɩɛ, bɩɩ tɩ-kpɛ̃w-yũo kãw a. Ʋ bɛr a na a kɛrɩ a tuw pʋɔ. Bɩɩ ʋ sɛl'ɩ tɩ-kpɛ̃ɛ kãw mɛ̃ a pɛ̃ tɩɛ a, a saa waar ƴãwn ʋ kɛrɩ.

Ɩzayi 44:16

Bɛ mɩ́ de nɩ a dàar ŋmãa gbɔw nɩ vũu, ƴãw a nɛn a be sɛ̃ 'wɔb tɩw. Bɩɩ bɛ mɩ́ ʋʋrɛ nɩ a vũu yere nɩ: «Ʋ̃'hʋ̃ʋ, ɩ̃ ʋʋrɛ nɩ vũu, nyɛ̃ a vũu nyɛ́b na nʋmɛ a!»

Ɩzayi 44:17

A dàar na cɛ a, bɛ mɩ́ maal'ɩ nɩ ŋmɩn, tɩɩb. Bɛ mɩ́ gũune na ɛ́ gbine dume a ʋ niŋé, ɛ́ puore ʋ à ŋá: «Fʋ̃ʋ n'ɩ a ɩ̃ ŋmɩn, faa mɛ̃!»

Ɩzayi 46:6

Nɩbɛ bɛ mɩnɛ mɩ́ cir'ɩ a salm-zɩɛ na be a bɛ vʋɔra pʋɔ a, bɛ mɩ́ ker'ɩ a salm-pla nɩ bʋ̃-kera, bɛ mɩ́ ya n salm-nyɩlɛ k'ʋʋ maalɩ ŋmɩn kʋ̀ bɛ, bɛ gũune a ŋmɩn ŋa niŋé, puore ʋ.

Ɩzayi 2:8

A bɛ tẽw paal'ɩ tɩbɛ: bɛ gbine nɩ dume a bɛ nuru bʋ̃-maalɩ niŋé, bome nɩsaalbɛ na maalɩ a.