Ɩzayi 44:10 - A SƐB-SÕW

¹⁰ Fʋ maal'ɩ ŋmɩn, fʋ nyɩl'ɩ kure maal'ɩ tɩɩb na kʋ̃ tɛr yel-ɩra kãw za a, nyɛ̃ dãbolu a!

Ɩzayi 44:10 Referans Kwoze

Zeremi 10:5

A tɩbɛ à ŋá ŋmɛ̃ na mɛ̃ ŋmaar bɛra na be kɔ̃kɔ̃bʋr púo pʋɔ a. A bɛ ƴɛ̀rɛ ɩ. A mɩ́ fɛr'a kɛ́ bɛ tuo a, a na kʋ̃ tʋ̃ɔ́ cen a ƴãw. Nyɩ ta zɔrɛ a ɩ: a kʋ̃ tʋ̃ɔ́ mal nɩr ɛ, ɛ́ mɩ̀ kʋ̃ tʋ̃ɔ́ maalɩ nɩr vla ɩ.»

Habakukɩ 2:18

A tɩbɛ yel-ɩra n'ɩ bo a tɩɩb-maalɛ na mɩ́ maal'a bin a? Kure bʋ̃-maalɩ na mɩ́ ŋmarɛ ziri bɛ mɩ́ sàw de a tɛwr'a. Bʋ̃ʋ ƴãw n'a a nɩsaalɛ na mɩ́ ƴãw a ʋ tɩɛrʋ, a tɩbɛ á ŋá ƴãw na bɛ tɛr nʋɔr ƴɛ̀rɛ, ɛ́ ɩ ʋl mɩŋa n'ʋ maal'a a?

Nɩ-toni 19:26

Ɛcɛ nyɩ nyɛ̃ a na, bɩɩ nyɩ wõ a na: a Pol ƴɛ̀rʋ damnɛ nɩ nɩ-yaga yaga a Efɛɛzɩ ka, tɩ faar na ta n a Azi za. Ʋ ɩ na a nɩbɛ sàw kɛ́ a ŋmɩmɛ tɩ na maalɛ nɩ a tɩ nuru a, ɛ́ a bɛ ɩ ŋmɩmɛ ɩ.

1 Korɛ̃tɩ 8:4

Ɛ́ a nɛnɛ al bɛ na mɩ́ kʋ ƴãw a tɩbɛ ƴãw a 'wɔbrʋ ƴãw a, tɩ bãwnɩ a na kɛ́ tɩɩb kãw za bɛ ɩ bʋ̃-sɩza ɩ, ɛ́ ŋmɩn kãw za bɛ be a tẽ-daa zu a bɛ ɩ a Naaŋmɩn-been yõ ɩ.

Ɩzayi 41:29

A za bɛ ɩ bom za ɩ, bɛ ɩrɛ bom za ɩ. A dasuli bɩɩ? Sɛsɛb, zi-vuo!

1 Na-mɩnɛ 12:28

A Zerobowam tɩ bɔ n yã maalɩ salm-zɩɛ nadɛli ayi, ɛ́ yel a nɩbɛ à ŋá: «Nyɩ do n a Zerizalɛm a sɛw. Ɩsɩrayɛl nɩbɛ ɛ, a nyɩ Naaŋmɩn n'ɩ ŋa a ka, ʋl na ɩ nyɩ yi a Eziptɩ tẽw pʋɔ a.»

Sɛb-sõw yielu 115:4

Ɛcɛ salm-pla nɩ salm-zɩɛ n'a bɛ maal'ɩ a bɛ tɩbɛ, nɩsaalbɛ nuru bʋ̃-maalɩ n'a.

Ɩzayi 40:19

Tɩɩb kãw bɩɩ? Towtow! Nuru tõ-tone kãw n'ʋ nyɩl kure maal'ɩ ʋ, salm-zɩɛ tõ-tone kãw nyɩl salm-zɩɛ pàw ʋ, ɛ́ ƴãw ʋ salm-pla bãzɔlɛ a kɔkɔrɩ́.

Zeremi 16:19

Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

Ɩzayi 45:20

Nyɩɩm na cɛ a nɩ-bʋʋrɛ sɔgɔ a, nyɩ ɓã taa wa, nyɩ lãw taw pɩɛlɩ. A bɛlɩ dem na tuo a bɛ dàa tɩɩb ɛ́ puore ŋmɩn na kʋ̃ tʋ̃ɔ́ faa bɛ a, bɛ bɛ bãw bom za ɩ.