Ɩzayi 44:1 - A SƐB-SÕW

¹ Ɛcɛ ƴɛrɛŋa a, bɛrɛ wone, ɩ̃ tõ-tõ-bie Zakɔb i, fʋ̃ʋ Ɩsɩrayɛl ɩ̃ na kaa ír a.

Ɩzayi 44:1 Referans Kwoze

Ɩzayi 41:8

Ɛcɛ fʋ̃ʋ a, Ɩsɩrayɛl i, fʋ ɩ n a ɩ̃ tõ-tõ-bie, Zakɔb i, fʋ ɩ n a nɩ-bʋʋrɛ ɩ̃ na kaa ír a, a ɩ̃ bá Abraham bʋʋrɛ.

Zeremi 30:10

«A fʋ̃ʋ, Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, a Sore n'ʋ yere. Pʋl-vʋ̃ɔ ta tɛr fʋ ɛ, fʋ̃ʋ, a sãàkʋm-kʋra na n'ɩ Zakɔb a. Ɩ̃ na faa fʋ nɩ a tẽ-zãánɩ pʋɔ, ɛ́ faa a fʋ bibiir a tẽw ʋl pʋɔ bɛ na diw bɛ cen nɩ a. Ɩsɩrayɛl i, fʋ na lɛb'a wa, wa vʋʋrɛ zoom ɛ́ bɛ bãw damnʋ ɛ. Ɛ́ nɩr za kʋ̃ lɛb ƴãw fʋ dɛ̃bɩ̃ɛ ɩ.

Zeremi 4:7

A gbẽw yi n a ʋ tuw pʋɔ, a nɩ-bʋʋr-yoru sãw-sãwnɛ lo n a sɔ́r, ʋ yi n a ʋ beba zie, k'ʋʋ tʋ̃ɔ́ sãw a fʋ tẽw bɛr: a fʋ tẽ-bɛrɛ na dɩ n vũu, ɛ́ kʋ̃ cãà tɛr nɩbɛ bɛ kpɩɛr a pʋɔ ɩ.

Luka 13:34

Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr'ɩ kʋsɛbɛ kʋrɛ a bɛlɩ dem a Naaŋmɩn na tone a fʋ zie a! Gb'aa a ŋmɩn za n'a ɩ̃ tɩ bɔbr k'ɩ̃ɩ ɓã a fʋ biir taa, mɛ̃ nɔ-mã na mɩ́ kʋɔlɩ a ʋ lili-pɩɩlɛ ɓã taa a ʋ bɩgɛ pile a, ɛ́ nyɩ bɛ sàw!

Ɩzayi 55:3

Nyɩ ƴãw tobr ɛ́ wa a ɩ̃ zie. Nyɩ bɛrɛ wone, ɛ́ nyɩ na vʋʋrɛ na. A Sore yere na: «Ɩ̃ na maal'ɩ nyɩ nɩ wõ-taa na na be be kʋralɛ a. Ɩ̃ na tu n nyɩ nɩ a maalʋ ɩ̃ na yel k'ɩ̃ɩ na kʋ̀ n a Daviir a.

Ɩzayi 43:1

Ƴɛrɛŋa a, à ŋá n'a a Sore na ír fʋ a, Zakɔb i, ʋl na mɛ b'a, Ɩsɩrayɛl i, à ŋá n'a ʋ ƴɛ̀rɛ: «Ta zɔrɛ dɛ̃bɩ̃ɛ ɩ, ɩ̃ ya na de fʋ, a fʋ yúor'ʋ ɩ̃ bʋɔlɩ, mãa so fʋ.

Ɩzayi 42:23

Ãa n'ʋ na cɛlɛ be a nyɩ pʋɔ? Ãa n'ʋ na bɛrɛ wone? Ãa n'ʋ na wõ a ƴɛrɛŋa?

Yele-za-pɛr-tib 17:7

Ɩ̃ na bin nɩ a ɩ̃ wõ-taa mãa nɩ a fʋ̃ʋ cara pʋɔ, ɛ́ a fʋ pùorí, ɩ̃ bin ʋ mãa nɩ a fʋ bʋʋrɛ na dɔwr lɩɛrɛ taa a cara pʋɔ. A wõ-taa ŋa na ɩ kʋralɛ wõ-taa a na ɩ na ɩ̃ ɩ a fʋ Naaŋmɩn nɩ a fʋ bʋʋrɛ Naaŋmɩn a fʋ pùorí.

Sɛb-sõw yielu 136:22

ʋ de ʋ na kʋ̀ a ʋ tõ-tõ-bie Ɩsɩrayɛl, ʋ so ʋ, a ʋ nɔ̃wfʋ na be kʋralɛ a ƴãw.

Ɩzayi 14:1

A Sore na zɔ n a Zakɔb bʋʋrɛ nɩbaalʋ, ʋ na cãà na wul k'ʋʋ kaa na ír a Ɩsɩrayɛl. Ʋ na ɩ na a Ɩsɩrayɛl nɩbɛ lɛb zɩ̃ a bɛ tẽw pʋɔ. A nʋʋrɩ na lãw nɩ bɛ na pʋɔ a Zakɔb nɩbɛ pʋɔ.

Ɩzayi 41:9

Ɩ̃ cen nɩ a tẽw baarʋ zie tɩ tɛr fʋ wa n, ɩ̃ bʋɔlɩ fʋ nɩ a zi-zãánɩ za fʋ na tɩ be a. Ɩ̃ yel fʋ na: «A ɩ̃ tõ-tõ-bie a, fʋ̃ʋ n'ʋ, ɩ̃ kaa na ír fʋ, ɩ̃ bɛ jɛ b bɛr ɛ.»

Ɩzayi 44:21

«Bãwnɩ a yel ŋa, Zakɔb i, nɩ fʋ̃ʋ Ɩsɩrayɛl i, bʋ̃ʋ n'ʋ vɛ̃, fʋ ɩ n a ɩ̃ tõ-tõ-bie. Ɩ̃ cɔbrɩ fʋ na kɛ́ fʋ ɩ a ɩ̃ tõ-tõ-bie. Ɩsɩrayɛl i, ɩ̃ bɛ yiire fʋ bɛrɛ ɩ.

Ɩzayi 45:4

A ɩ̃ tõ-tõ-bie Zakɔb ƴãw n'a, ʋ̃ʋ, a Ɩsɩrayɛl ɩ̃ na kaa ír a ƴãw n'a ɩ̃ yel a fʋ yúor bʋɔlɩ fʋ. Ɩ̃ ƴãwnɛ fʋ na, ɛ́ fʋ bɛ bãw mɛ̃ ɩ.

Ɩzayi 48:12

A Sore yere na: Nyɩ bɛrɛ wone mɛ̃, Zakɔb nɩ-bʋʋrɛ ɛ, nyɩɩm Ɩsɩrayɛl nɩbɛ ɩ̃ na bʋɔlɩ a. Mãa n'ʋ! Mãa n'ɩ a niw-diere, mãa mɩ̀ n'ɩ a po-pàwrɛ.