Ɩzayi 43:9 - A SƐB-SÕW

⁹ A nɩ-bʋʋr-yoru za, bɛ ɓã taa, a ten ten nɩbɛ, bɛ kpaar taa! A bɛ pʋɔ a, ãa n'ʋ na tʋ̃ɔ́ yel a ʋlɩ bom nɛ na ɩrɛ a? Bɩɩ na tʋ̃ɔ́ ɩ tɩ bãw a ʋlɩ bom nɛ na ɩ baarɩ a? Bɛ yi n a bɛ dãsɩɛ dem ɛ́ wul kɛ́ bɛ tɛr'ɩ yel-mɩŋa! A dãsɩɛ dem, bɛ wõ a bɛ ƴɛ̀rʋ ɛ́ yel: “Yel-mɩŋa n'a!”

Ɩzayi 43:9 Referans Kwoze

Ɩzayi 46:10

A pɛr-tib daar'a ɩ̃ yel a alɩ bome nɛ na na ɩ a nɩdaar a. Ɩ̃ de nɩ niwn yel koro za a alɩ bome nɛ na bɛ ɩ sɛr a. Ɩ̃ yere na: a lɛ ɩ̃ na tɩɛrɩ a yele bin a na maal'a. Bom nɛ za ɩ̃ na bɔbr a, ɩ̃ mɩ́ maal ʋ na.

Ɩzayi 43:26

Lɛb sɩ̃w mɛ̃ a ɩ̃ sãwna tɩɛrʋ, ɛ́ ɩ tɩ lãw cen a ƴɛ̀rʋ-dɩb zie. Lɛb tu a yele, a fʋ̃ʋ mɩŋa, ɛ́ wul fʋ na tɛr a yel-mɩŋa a.

Ɩzayi 41:1

A Sore yere na: nyɩɩm tẽ-zãánɩ nɩbɛ ɛ, nyɩ ŋmãa vʋʋrʋ ɛ́ bɛr wõ m. Nyɩɩm nɩ-bʋʋrɛ za a, nyɩ lɛb páw fãw-paala. Nyɩ taw pɩɛlɩ ɛ́ ƴɛ̀r. Nyɩ ɩ tɩ lãw cen a ƴɛ̀rʋ-dɩb ƴãw.

Sɛb-sõw yielu 50:1

Yielu Asafʋ na maalɩ a. A Naaŋmɩn, a Sore Naaŋmɩn ƴɛ̀rɛ na, ʋ bʋɔlɛ nɩ a tẽw za, a mʋ̃tɔ̃w puru zie tɩ tɔ a kpɛb zie.

Ɩzayi 48:14

Nyɩ ɓã taa nyɩ za bɛr wõ: Ɩ̃ tɛr'ɩ bá na na maalɩ a lɛ ɩ̃ na bɔbr a Babɩlɔn tẽw ƴãw, ɛ́ ɩ a Babɩlɔn tẽw dem bãw k'ɩ̃ɩ tɛr'ɩ kpɛnʋ a. Ɛcɛ a nyɩ buor'ʋ yel a yel ŋa?

Ɩzayi 34:1

Nɩ-bʋʋrɛ ɛ, nyɩ taw pɩɛlɩ bɛr wõ, nɩbɛ ɛ, nyɩ cɛlɛ be. A tẽw, ʋ bɛr wõ, lãwnɩ bom za na be a ʋ pʋɔ a! A tẽ-daa, ʋ wõ, lãwnɩ bom za na yire a ʋ pʋɔ a!

Ɩzayi 48:3

Koro za n'a ɩ̃ yel a yele na ɩ tɔl a. Ɩ̃ tɩ yel'a k'ɩ̃ɩ na ɩ a na, ɩ̃ tɩ ɩ na nyɩ bãwnɩ a. Ɩ̃ wa ùr'a tõ, ɛ́ a ta.

Ɩzayi 44:6

À ŋá n'a a Sore, a Ɩsɩrayɛl Nãà, a ʋl na yarɛ dier ʋ a, a Sore kpɛnʋ-za-sob, yere: «Mãa n'ɩ a niw-diere, mãa n'ɩ a po-pàwrɛ. Mãa bɛ wa n'ʋ a, Naaŋmɩn bɛ ka be ɩ.