Ɩzayi 43:4 - A SƐB-SÕW

⁴ Bʋ̃ʋ n'ʋ vɛ̃, ɩ̃ nɩ-tuo nɛ b, fʋ ɩ n nɩ-tɩbrʋ a ɩ̃ zie, ɩ̃ɩ nɔnɛ fʋ. Alɛ so ɩ̃ tɩrɛ nɩbɛ lɩɛrɛ nɩ fʋ, ɩ̃ dier nɩ-bʋʋrɛ tɛwr'ɩ fʋ.

Ɩzayi 43:4 Referans Kwoze

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

Zeremi 31:3

Ʋ tɩ yere na: “A Sore wul mɛ̃ nɩ ʋ tʋɔra zi-zãána.” Ɩ̃ɩ tɩ sɔw ʋ na: “Ɩ̃ nɔnɛ fʋ na nɩ nɔ̃wfʋ na be kʋralɛ a. Alɛ n'a so ɩ̃ cãà tu b yaga za.

Yele-za-pɛr-tib 12:2

Ɩ̃ na ɩ na fʋ yɛ̀r ɩ nɩ-bʋʋrɛ na ta nɩ-bʋʋrɛ a. Ɩ̃ na maalɩ fʋ na, ɛ́ ɩ a fʋ yúor ʋ yi. Fʋ na ɩ n maalʋ a nɩbɛ zie.

Yel-wula 3:9

Nyɛ̃ a lɛ ɩ̃ na na ɩ a Sɩtaana lãw nɩbɛ a, a zir-ŋmarbɛ bɛ ŋa na yel kɛ́ bɛ ɩ n Zifʋ mɩnɛ ɛ́ bɛ ɩ Zifʋ a: ɩ̃ na fɛr bɛ na ƴãw bɛ wa gbĩ dume a fʋ niŋé. Bɛ na nyɛ̃ na bãw k'ɩ̃ɩ nɔnɛ fʋ na.

Zã 17:23

ɩ̃ lãw nɩ bɛ, ɛ́ fʋ lãw nɩ mɛ̃, kɛ́ a bɛ lãw-taa vɩɛl ʋ za: lɛ n'a a tẽ-daa na bãw kɛ́ fʋ tõ m'a, ɩ̃ɩ nɔ̃w bɛ mɛ̃ fʋ na nɔ̃w mɛ̃ a.

Zã 16:27

a Sãà tɔr za nɔnɛ nyɩ na, nyɩ na nɔ̃w mɛ̃ ɛ́ sàw de k'ɩ̃ɩ yi n a Naaŋmɩn zie a ƴãw.

A naaŋmɩn-ƴèr-manɛ Oze sɛbɛ 11:1

À ŋá n'a a Sore yere: «A Ɩsɩrayɛl na tɩ ɩ pɔlbile a, ɩ̃ tɩ nɔ̃w ʋ na, ɩ̃ɩ tɩ bʋɔl'ɩ a ɩ̃ bie na tɩ be a Eziptɩ tẽw a.»

1 Pɩɛr 1:7

A kpɩɛrʋ á ŋá na ɩ na kɛ̀ bɛ bãw a lɛ a nyɩ naaŋmɩn-sàwfʋ vɩɛlʋ na ŋmɛ̃ a, a nyɩ naaŋmɩn-sàwfʋ ŋa na zuo a salm-zɩɛ na mɩ́ wɛ a, ɛ́ bɛ mɩ́ ƴãw vũumí ɩ kaa bãw a vɩɛlʋ a. A nyɩ naaŋmɩn-sàwfʋ bɛ na ɩ kaa nyɛ̃ ʋ vɩɛl a na ɩ na nyɩ nyɛ̃ danʋ, nɩ yúor-vɩɛlʋ-danʋ nɩ ƴãwfʋ, a lɛn daar a Yeezu Kɩrɩta nãà wa lɛb wa wul ʋ tʋɔra a,

Malasɩ 3:17

Al pùorí, a Sore kpɛnʋ-za-sob tɩ yel: «A bibir ʋl ɩ̃ na cɔbrɛ a vɩɛfʋ daar a, bɛ na ɩ n a ɩ̃ nɩ-sori, a ɩ̃ nɩ-bʋʋrɛ ɩ̃ na so a. Ɩ̃ na zɔ n bɛ nɩbaalʋ, mɛ̃ sãà na zɔrɛ a ʋ bie, na tone a ʋ tome a, nɩbaalʋ a.

Sɛb-sõw yielu 135:4

A Sore kaa na ír a Zakɔb a ʋl mɩŋa ƴãw, ʋ ɩ na a Ɩsɩrayɛl lɩɛbɩ a ʋ bʋ̃-sora mɩŋa.

Wulu-ayi-sob 26:18

A Sore mɩ̀ ƴãw na nyɩ yel kɛ́ nyɩ na ɩ n a ʋ nɩ-bʋʋrɛ, nɩbɛ ʋ na sʋ̃ɔmɩ bul so a, kɛ́ nyɩ na sàwr'ɩ a ʋ nɛ-ƴãwnɩ za.

Wulu-ayi-sob 14:2

Bʋ̃ʋ n'ʋ vɛ̃, nyɩ ɩ n nɩ-bʋʋrɛ a Sore na sʋ̃ɔmɩ bul so a. Nyɩmɛ nɛbɛ ʋ kaa ír a tẽw zu nɩ-bʋʋrɛ za pʋɔ, kɛ́ nyɩ ɩ a ʋ na-bom.

Zã 17:26

Ɩ̃ ɩ na kɛ̀ bɛ bãw a fʋ yúor, ɛ́ na cãà ɩ bɛ bãw ʋ: a nɔ̃wfʋ ʋl fʋ na nɔ̃w mɛ̃ a, ʋ tʋ̃ɔ́ be a bɛ zie, ɩ̃ɩ mɩ̀ be a bɛ zie.»

Malasɩ 1:2

A Sore yere nɩ a ʋ nɩbɛ zie: «Ɩ̃ nɔnɛ nyɩ na, ɛ́ nyɩɩm sowre mɛ̃: “Nyɩn lowr'a fʋ nɔnɛ tɩ?”» Ɩ̃ sɔwr nyɩ na: «A Zakɔb yɛb bɛ tɩ n'ɩ a Ezawu ɛ? Ɛcɛ ɩ̃ nɔ̃w nɩ a Zakɔb

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

Zã 5:44

Nyɩ zɛwr'ɩ taa yée, ɛ́ bɛ bɔbr a yúor ʋl na yi Naaŋmɩn yõ zie a ɩ, ŋmɩŋmɩn n'a nyɩ na tʋ̃ɔ́ sàw de ʋ?

Ɩzayi 63:9

A bɛ kpɩɛrʋ za pʋɔ a, nɩ-tona kãw bɩɩ malkɩ kãw bɛ n'ʋ faa bɛ ɩ, a Sore mɩŋa n'ʋ. Ʋ ya na de bɛ a ʋ nɔ̃wfʋ nɩ a ʋ nɩbaal-zɔba pʋɔ. Ʋ tɛr bɛ na ɛ́ tɩ̀ɛ bɛ a bɛ yele pʋɔ a koro za.

Sɛb-sõw yielu 112:9

Ʋ bɛ tɩrɛ zʋmnɛ nɩ ɛ, ʋ kʋ̀ n a nan dem, a ʋ mɩnʋ be n be kʋralɛ. A ʋ fãw kɛrɛ na lãwnɩ a ʋ yúor.

Ɩzayi 49:5

Ƴɛrɛŋa a, a Sore ƴɛ̀r'a, ʋl na cɔbrɩ mɛ̃ a ɩ̃ mã puori k'ɩ̃ɩ wa ɩ a ʋ tõ-tõ-bie a. Ʋ bɔbr'a k'ɩ̃ɩ lɛb tɛr a Zakɔb bʋʋrɛ wa n a ʋ zie, k'ɩ̃ɩ lɛb ɓã a Ɩsɩrayɛl nɩbɛ taa. A lɛ pʋɔ a, ɩ̃ ɩ n nɩr a Sore zie, ɛ́ a ɩ̃ fãw a, a ɩ̃ Naaŋmɩn n'ʋ.

Wulu-ayi-sob 4:37

Ʋ na tɩ nɔnɛ a nyɩ sãàkʋm-kore a ƴãw n'a ʋ tɩ kaa ír nyɩ, nyɩɩm na ɩ a bɛ bʋʋrɛ a, ɛ́ ɩ n a ʋ fãw-kpɛ̃ɛ nyɩ yi a Eziptɩ.