Ɩzayi 43:3 - A SƐB-SÕW

³ Bʋ̃ʋ n'ʋ vɛ̃, a mãa, a Sore, ɩ̃ ɩ n a fʋ Naaŋmɩn. A mãa, a Ɩsɩrayɛl Naaŋmɩn na ɩ sõw a, ɩ̃ ɩ n a fʋ faarɛ. A Eziptɩ tẽw n'ʋ ɩ̃ tɩrɛ a fʋ ya-deb ƴãw, Etiopi nɩ Seva ten n'a ɩ̃ dier tɛwr'ɩ fʋ.

Ɩzayi 43:3 Referans Kwoze

Ɩzayi 60:16

Fʋ na nyúur'ɩ a nɩ-bʋʋr-yoru bʋ̀rʋ, fʋ na dɩrɛ nɩ a bɛ na-mɩnɛ na-bome. Lɛ n'a fʋ na bãw k'aa mãa, a Sore, mãa n'ɩ a fʋ faarɛ, k'aa mãa, a Zakɔb Naaŋmɩn, na tɛr kpɛnʋ a, mãa n'ɩ a fʋ ya-diere.

Ɩzayi 45:15

Ɩsɩrayɛl Naaŋmɩn i, fʋ̃ʋ na faarɛ a, fʋ sɩrɩ na ɩ Naaŋmɩn na sɔwlɩ a!

Eziptɩ tẽw yib 20:2

«Ɩ̃ ɩ n a Sore fʋ Naaŋmɩn, mãa n'ʋ ɩ fʋ yi a Eziptɩ, a be fʋ na tɩ ɩ gbãgbaa a.»

Ɩzayi 49:26

Ɩ̃ na fɛr'ɩ a bɛlɩ dem na dɔwrɛ fʋ a ƴãw bɛ 'wɔb a bɛl mɩŋa ƴã-gã-nɛn, bɛ nyũ a bɛ zɩ̃ɩ kuoli, mɛ̃ nɩr na mɩ́ nyũ divɛ̃-kɛr kuoli a. Lɛ n'a bʋ̃-vʋʋra za na bãw k'aa fʋ faarɛ a, mãa n'ʋ, a mãa Sore, k'aa fʋ ya-diere a, a mãa Zakɔb Naaŋmɩn na kpɛmɛ a n'ʋ.»

Zʋkpaɩ 21:18

A nɩ-faar na lɩɛr'ɩ a bɛlɩ dem nyɔ-vʋʋrʋ na vɩɛl ɛ́ tori a nyɛ̃ a kpɩɛrʋ.

Ɩzayi 45:21

Nyɩ ƴɛ̀r, nyɩ manɩ a nyɩ yel-mɩŋa. Nyɩ lãw ƴɛ̀r. Ãa n'ʋ de niwn ɩ bɛ bãw a yel na ɩrɛ a ƴɛrɛŋa a? Ãa n'ʋ yel ʋ a koro kãw za? A mãa Sore bɛ n'ʋ ɛ? Naaŋmɩn bɛ lɛb ka be mãa bɛ wa n'ʋ a ɩ. Naaŋmɩn na tɛr yel-mɩŋa a, Naaŋmɩn na faarɛ a, ʋ bɛ ka be a bɛ ɩ a mãa ɩ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:25

a Naaŋmɩn-been yõ tɩ Faarɛ, ʋlɛ so yúor-vɩɛlʋ-danʋ, dɛpaalʋ, fãw nɩ kpɛnʋ a tɩ Sore Yeezu Kɩrɩta ƴãw, a dãwdãw za, a ƴɛrɛŋa nɩ kʋralɛ. Amɛn.

A naaŋmɩn-ƴèr-manɛ Oze sɛbɛ 13:4

Ɛ́ a mãa a, a Eziptɩ tẽw yib daar za n'a ɩ̃ ɩ a Sore fʋ Naaŋmɩn, fʋ bɛ lɛb tɛr Naaŋmɩn a bɛ ɩ a mãa n'ʋ ɛ, faarɛ kãw za bɛ be be ƴãw pʋɔ a ɩ̃ ƴãw ɛ.

Ɩzayi 30:11

Nyɩ bɛr a sɔr-vla, nyɩ zãá nɩ a soli-vla. Nyɩ ta cãà ƴɛ̀rɛ a Ɩsɩrayɛl Naaŋmɩn na ɩ sõw a ƴɛ̀rʋ a tɩ zie ɩ!»

Zʋkpaɩ 11:8

Bɛ faa nɩ a nɩ-mɩŋa a pʋl-vʋ̃ɔ pʋɔ, ɛ́ a nɩ-faa lɩɛr'ʋ lo a pʋl-vʋ̃ɔ pʋɔ.

Ɩzayi 41:14

Ta zɔrɛ dɛ̃bɩ̃ɛ ɩ, Zakɔb i, fʋ̃ʋ zãzul-cãpile e, fʋ̃ʋ Ɩsɩrayɛl na cɛ bɛ tɛr fãw a. A Sore yere na: Ɩ̃ waar'ɩ a fʋ sõwfʋ. A sob nɛ na yarɛ dier fʋ a, mãa n'ʋ, a Ɩsɩrayɛl Naaŋmɩn na ɩ sõw a.

Ɩzayi 20:3

a Sore tɩ ƴãw na a Ɩzayi ƴɛ̀r à ŋá: «Yome ata n'ɩ à ŋá a ɩ̃ tõ-tõ-bie Ɩzayi na cɔlɛ nɩ ƴã-gã-zawla nɩ gbɛ-zawlɛ a. Bãwfʋ nɩ nɩdaar yel na càarɩ a Eziptɩ tẽw nɩ a Etiopi tẽw a n'ʋ.

Eziptɩ tẽw yib 10:7

A tõ-tõ-bi-bɛrɛ tɩ yel'ɩ a nãà: «Fʋ yel kɛ́ a nɩr ŋa ƴãw tɩ a dɔwrʋ tɩ ta debor daar? Bɛr a Ɩsɩrayɛl nɩbɛ lɛ, bɛ cen tɩ maalɩ a Sore bɛ Naaŋmɩn! Fʋ cãà bɛ bãw k'aa Eziptɩ tẽw wɩɛr'ɩ a ʋ loba zie ɩ?»

Yele-za-pɛr-tib 10:7

Kusɩ bidɛbr'ɩ bɛ ŋa: Seva, Hawila, Savita, Araema nɩ Saviteka. A Araema bidɛbr: Saba nɩ Dedan.

Levitɩ mɩnɛ 11:44

A mãa a, ɩ̃ ɩ n a Sore nyɩ Naaŋmɩn: nyɩ ɩrɛ mɛ̃ nɩ-son a, ɩ̃ na ɩ sõw a ƴãw. A na ɩ à ŋá a, nyɩ ta tʋɔr a dʋ̃-cãcãpili á ŋá na damnɛ a tẽsɔw zu a, dɛwr nyɩ tʋɔra ɩ.

Sɛb-sõw yielu 72:10

Tarsisɩ tẽw nɩ a kʋ̃ɔ-kpɛ̃ɛ-sɔgɔ-ten na zãá a na-mɩnɛ na wa n nɩ bome wa kʋ̀ ʋ, Saba nɩ Seva ten na-mɩnɛ na ya n a zuru yar kʋ̀ ʋ.

Ɩzayi 19:20

Ʋ na ɩ n bãwfʋ na wule k'aa Sore, a kpɛnʋ-za-sob, be n a Eziptɩ tẽw pʋɔ a. A Eziptɩ tẽw dem wa kone cɔwr a Sore, a bɛlɩ dem na dɔwrɛ bɛ a ƴãw a, ʋ na kʋ̀ bɛ nɩ faarɛ na na gù bɛ ɛ́ faa bɛ a.

Ɩzayi 42:8

Mãa n'ɩ a Sore, a ɩ̃ yúor'ɩ lɛ. Ɩ̃ bɛ kʋ̀rɛ a ɩ̃ yúor-vɩɛlʋ-danʋ nɩ-yũo ɩ. Ɩ̃ bɛ bɛrɛ a danʋ ɩ̃ na so a kʋ̀rɛ tɩbɛ ɩ.

Ɩzayi 43:11

A Sore a, mãa n'ʋ, mãa yõ. Mãa bɛ wa n'ʋ a, faarɛ bɛ ka be ɩ.

Ɩzayi 45:14

À ŋá n'a a Sore yere: «Ɩsɩrayɛl i, a Eziptɩ tẽw dem tome tɔnɛ, a Etiopi tẽw dem yɛ-yɛrbɛ libie, a Seva tẽw dem, a nɩ-jarmam jarmam bɛ ŋa, a za na tɔl'ɩ a fʋ zie, ɛ́ fʋ̃ʋ na so a. A nɩbɛ bɛ ŋa na tuur fʋ na, ƴãw bamɛ. Bɛ na gbĩ n dume a fʋ niŋé, ɛ́ puori à ŋá a fʋ zie: “Fʋ zie yõ n'a a Naaŋmɩn be, kãw bɛ lɛb ka be ɩ.”»

Ɩzayi 63:8

Ʋ yel'ɩ à ŋá a Ɩsɩrayɛl nɩbɛ ƴãw: «Bɛ ɩ n a ɩ̃ nɩbɛ, a ɩ̃ bibiir nɛbɛ, bɛ kʋ̃ bɛlɩ mɛ̃ ɩ.» Ʋʋ tɩ ɩ n a bɛ Faarɛ.

Zeremi 14:8

A fʋ̃ʋ ƴãw a Ɩsɩrayɛl na ƴãw a ʋ tɩɛrʋ a, a fʋ̃ʋ na tɩ faa ʋ a kpɩɛrʋ daar a, bʋ̃ʋ n'ʋ so fʋ ɩrɛ mɛ̃ sãan a, a tẽw pʋɔ, mɛ̃ sɔr-tɔlɛ na bɩɛ k'ʋʋ gã ìr a?

Zeremi 16:21

A Sore yere na: «A na ɩ à ŋá a, ƴɛrɛŋa ʋl a, ɩ̃ na sɩrɩ na ɩ bɛ bãw a ɩ̃ fãw nɩ a ɩ̃ kpɛnʋ. Lɛ n'a bɛ na bãw k'aa ɩ̃ yúor'ɩ a Sore.»

Ezekɩɛl 39:7

Ɩ̃ na ɩ na a ɩ̃ nɩ-bʋʋrɛ Ɩsɩrayɛl bãw kɛ́ mãa sɩrɩ n'ɩ a Naaŋmɩn. Ɩ̃ kʋ̃ lɛb bɛr bɛ bɛ ɩ m la ɩ, ɛ́ a nɩ-bʋʋr-yoru na bãw na kɛ́ mãa n'ɩ a Sore, a Ɩsɩrayɛl Naaŋmɩn-sɩza.

Amɔsɩ 9:7

À ŋá n'a a Sore yere: «Ɩsɩrayɛl nɩbɛ ɛ, nyɩ tɩɛr kɛ́ nyɩ zuo nɩ a Etiopi tẽw nɩbɛ a ɩ̃ niŋé e? Sɩza n'a, mãa bɛ n'ʋ tɛr nyɩ yi n a Eziptɩ tẽw, ɛ́ mɩ̀ tɛr a Filisɩtɛ̃ mɩnɛ yi n a Kafɩtɔɔr tẽw e? Mãa mɩ̀ bɛ n'ʋ lɛb tɛr a Aram tẽw dem yi n a Kɩ́ɩ̀r tẽw e?»

Zakari 9:9

Ƴawr'ɩ a fʋ fãw za, Sɩyɔ̃ tẽw i! Lɔbr nʋ̃ɔ̀ cɛlsɩ Zerizalɛm i! Nyɛ̃, a fʋ nãà waar'ɩ a fʋ zie, ɩ nɩ-mɩŋa nɩ nɩr na zɛb tʋ̃ɔ́ a, su-siwra sob na zɔm bõw a, bõw-bile, bõw-nyãw bile a.