Ɩzayi 43:25 - A SƐB-SÕW

²⁵ Ɛcɛ a mãa, mãa n'ʋ dɩrɛ a fʋ nɩ-gaara ɩ-ɩrɩ suur kʋ̀rɛ fʋ, a mãa ƴãw, ɩ̃ kʋ̃ cãà tɛr a fʋ sãwna tɩɛrʋ ɛ.

Ɩzayi 43:25 Referans Kwoze

Ebre 8:12

ɩ̃ na na dɩ a bɛ sãwna suur kʋ̀ bɛ, ɛ́ mɩ̀ bɛ cãà tɛr a bɛ yel-bebe tɩɛrʋ a ƴãw.»

Ebre 10:17

Al pùorí ʋ yel ƴãw pʋɔ: «Ɩ̃ kʋ̃ cãà tɛr a bɛ yel-bebe nɩ a bɛ bɛ-wonu tɩɛrʋ ɛ.»

Zeremi 31:34

A Sore yere na: Nɩr za kʋ̃ mɩ́ lɛb wule a ʋ tɔ sob bɩɩ a ʋ yɛb yere nɩ: “Nyɩ bãw a Sore!” ɩ. Bʋ̃ʋ n'ʋ vɛ̃, bɛ za na bãw mɛ̃ na, a pʋrɩ za zie tɩ tɔ a kpɛ̃ɛ za zie. Ɩ̃ na dɩ n a bɛ sãwna suur kʋ̀ bɛ, ɩ̃ kʋ̃ cãà bãwnɩ a bɛ yel-bebe ɩ.»

Ɩzayi 1:18

“A Sore yere na: «Nyɩ wa tɩ ŋmɛ nɔkpɛn. A nyɩ yel-bebe wa mʋ̃ɔ̀ ɓõɓõ a, a na lɩɛb'a pɛlɩ parpar. Alɛ wa mʋ̃ɔ̀ cõcõ a, a na lɩɛb'a pɛlɩ mɛ̃ pi-kɔblʋ pɛn-pla a.

Ɩzayi 44:22

A fʋ nɩ-gaara ɩ-ɩrɩ a, ɩ̃ ɩ na a bɔr mɛ̃ zũzuwr a, ɛ́ a fʋ sãwna baarɩ mɛ̃ ulu a. Lɛb wa a ɩ̃ zie, ɩ̃ ɩ n a fʋ ya-diere.»

Sɛb-sõw yielu 25:7

Ta cãà tɛr a ɩ̃ pɔ̀lʋ daarɩ́ yel-bebe nɩ sãwna tɩɛrʋ ɛ, nɩ̃ɛ tɩɛrɛ a ɩ̃ yele a fʋ nɔ̃wfʋ ɩb pʋɔ, fʋ̃ʋ na ɩ nɩ-vla a, Sore e.

Ɩzayi 38:17

A ɩ̃ pʋ-sãwna yaga lɩɛb'ɩ nʋ̃ɔ̀. Bʋ̃ʋ n'ʋ vɛ̃, fʋ nɔ̃w mɛ̃ na bɛ sàw ɩ̃ kpi ɛ, fʋ lɔb'ɩ a ɩ̃ yel-bebe za bɛr a fʋ zikurí a zãá.

Nɩ-toni 3:19

A na ɩ à ŋá a, nyɩ lɩɛbɩ a nyɩ ɩb ɛ́ lɛb wa a Naaŋmɩn zie, ʋ de a nyɩ yel-bebe bɛr a baarɩ.

Ʋrɔm 5:20

A Naaŋmɩn wulu wa na k'aa sãwna tʋ̃ɔ́ bʋwlɩ pàw a ziir za, ɛcɛ a be a yel-bier na tɩ bʋwlɩ a, a Naaŋmɩn maalʋ mɩ̀ tɩ ʋr'a tɩ zuo.

Markɩ 2:7

«Bʋnʋ ƴãw n'a a nɩr ŋa ƴɛ̀rɛ à ŋá? Ʋ tʋʋr'ɩ Naaŋmɩn zʋmɛ. Ãa n'ʋ na tʋ̃ɔ́ dɩ a yel-bebe suur, a bɛ ɩ Naaŋmɩn yõ?»

Ɩzayi 43:11

A Sore a, mãa n'ʋ, mãa yõ. Mãa bɛ wa n'ʋ a, faarɛ bɛ ka be ɩ.

Sɛb-sõw yielu 25:11

Sore e, a fʋ yúor ƴãw a, dɩ a ɩ̃ yel-bier suur kʋ̀ m: ʋ ɩ n kpɛ̃ɛ!

Sɛb-sõw yielu 51:9

Ɩ a ɩ̃ yel-bier ʋ bɔr, ɩ̃ɩ na vɩɛl'a. so m a kʋ̃ɔ, ɩ̃ɩ na pɛlɩ nɩ furutu!

Zeremi 50:20

A mãa, a Sore, mãa n'ʋ yere: A lɛn daar a, bɛ na bɔ n a Ɩsɩrayɛl sãwna, ɛ́ kʋ̃ nyɛ̃ ʋ ɛ. Bɛ na bɔ n a Zuda yel-bebe, ɛ́ kʋ̃ nyɛ̃ a ɩ. Bʋ̃ʋ n'ʋ vɛ̃, ɩ̃ na dɩ n suur kʋ̀ a bɛlɩ dem ɩ̃ na na bɛr bɛ cãà vʋʋrɛ a.

Ezekɩɛl 36:22

Alɛ n'a so, yel kʋ̀ bɛ a lɛ a mãa Sore Naaŋmɩn na yere a: Ɩsɩrayɛl nɩbɛ ɛ, a lɛ ɩ̃ na na ɩ a, ɩ̃ kʋ̃ ɩ ʋ a nyɩ zũú ɛ. Ɩ̃ na ɩ ʋ na kɛ́ bɛ tʋ̃ɔ́ tɛr ƴãwfʋ a ɩ̃ yo-sõw zie. Sɩza, nɩbɛ ɩ ʋ na la a nyɩ zũú, a ten al pʋɔ nyɩ na cen a.

Ezekɩɛl 20:14

Ɛcɛ a ɩ̃ yúor zũú n'a ɩ̃ bɛ tɩ ɩ a lɛ ɩ. Ɩ̃ bɛ tɩ bɔbr k'aa nɩ-bʋʋr-yoru jewre mɛ̃ ɩ. Bʋ̃ʋ n'ʋ vɛ̃, bɛ tɩ nyɛ̃ na k'ɩ̃ɩ tɩ ɩ n a nyɩ sãàkʋm-kore bɛ yi a Eziptɩ tẽw.

Ezekɩɛl 20:9

Ɛcɛ a ɩ̃ yúor zũú n'a ɩ̃ bɛ ɩ a lɛ ɩ. Ɩ̃ bɛ tɩ bɔbr k'aa nɩ-bʋʋrɛ bɛl sɔgɔ a nyɩ sãàkʋm-kore na tɩ kpɩɛr a jewre mɛ̃ ɩ. Bʋ̃ʋ n'ʋ vɛ̃, a nɩ-bʋʋrɛ bɛ ŋa tɩ sɩrɩ na nyɛ̃ k'ɩ̃ɩ tɩ wul'ɩ ɩ̃ tʋɔra a Ɩsɩrayɛl nɩbɛ k'ɩ̃ɩ tʋ̃ɔ́ ɩ bɛ yi a Eziptɩ tẽw.

Ɩzayi 37:35

Ɩ̃ na gù n a Zerizalɛm ɛ́ faa ʋ, ɩ̃ na ɩ Naaŋmɩn a ƴãw, nɩ a Daviir ɩ̃ na tu a ƴãw.”»

Ezekɩɛl 36:32

A sɛw na kɛ́ nyɩ bãwnɩ a, a nyɩɩm zũú bɛ n'a ɩ̃ na ɩ ɛ, a mãa Sore Naaŋmɩn n'ʋ yere. Vĩ n'a a nɩ̃ɛ sɛw k'aa ɩrɛ nyɩ, a nyɩɩm Ɩsɩrayɛl nɩbɛ!

Ezekɩɛl 20:22

Ɛcɛ a ɩ̃ yúor zũú n'a ɩ̃ bɛ tɩ ɩ a lɛ ɩ. Ɩ̃ bɛ tɩ bɔbr k'aa nɩ-bʋʋr-yoru jewre mɛ̃ ɩ. Bʋ̃ʋ n'ʋ vɛ̃, bɛ tɩ nyɛ̃ na k'ɩ̃ɩ ɩ n a nyɩ sãàkʋm-kore bɛ yi a Eziptɩ tẽw.

Efɛɛzɩ 1:6

A na ɩ à ŋá a, nyɩ ɩ tɩ danɛ a Naaŋmɩn na ƴãw a ʋ Bi-nɔna kʋ̀ tɩ a maalʋ sɛw à ŋá zawlalɛ a.

Efɛɛzɩ 1:8

A Naaŋmɩn maalʋ ŋa pʋɔ n'a ʋ paalɩ tɩ nɩ a yã-bãwfʋ za, nɩ a yã za:

Luka 5:21

A Naaŋmɩn wulu sɛ-sɛbrbɛ nɩ a Faarizɩ̃ɛ mɩnɛ tɩ tɩɛrɛ na: «Ãa n'ɩ a sob ŋa na tʋʋr a Naaŋmɩn zʋmɛ a? Nɩ-buor sob'ʋ na tʋ̃ɔ́ dɩ a yel-bebe suur a bɛ ɩ Naaŋmɩn yõ?»

2 Bibie za yel-manɩ 6:21

Mɩ́ bɛr wõ mãa nɩ a fʋ nɩ-bʋʋrɛ Ɩsɩrayɛl yãayãa zɛlʋ, tɩmɛ mɩ́ wa puore fʋ a ka a. Sore e, mɩ́ bɛr wõ a salom zu be fʋ na kpɩɛr a, mɩ́ bɛr wõ ɛ́ dɩ suur kʋ̀ tɩ.

Sɛb-sõw yielu 103:12

Mɛ̃ a lɛ a mʋ̃tɔ̃w puru zie na zãá nɩ a kpɛb zie a, lɛ n'a ʋ mɩ́ ɩ a tɩ sãwna a zãá nɩ tɩ.

Ɩzayi 48:11

Mãa wa ɩ à à ŋá a, mãa yõ tẽtẽ ƴãw n'a. Bʋ̃ʋ n'ʋ vɛ̃, ɩ̃ kʋ̃ tʋ̃ɔ́ sàw a ɩ̃ yúor sãw ɛ. Ɩ̃ bɛ bɛrɛ a ɩ̃ yúor-vɩɛlʋ-danʋ kʋ̀rɛ nɩ-yũo ɩ.

Ɩzayi 55:7

A nɩ-faa, ʋ bɛr a ʋ ɩb! A yel-fa-maalɛ, ʋ bɛr a ʋ tɩɛr-faar! Bɛ lɛb wa a Sore zie bɛ za, bʋ̃ʋ n'ʋ vɛ̃, ʋ na zɔ n bɛ nɩbaalʋ! Bɛ lɛb wa a tɩ Naaŋmɩn zie, ʋ mɩ́ dɩ n suur yaga za!

Ɩzayi 64:9

A fʋ tẽ-bɛr-son bɛ cãà tɛr nɩbɛ ɩ. A Zerizalɛm lɩɛb'ɩ wɛja-kpalɛ, a Sɩyɔ̃ ɩ n tẽw na kpal gã a.

Ezekɩɛl 18:22

Bɛ na yiir'ɩ a ʋ sãwna za bɛr, ʋʋ na vʋʋrɛ nɩ a vla ʋ na maalɩ a ƴãw.

Ezekɩɛl 33:16

Bɛ na yiir'ɩ a ʋ ɩ-faar za bɛr, ʋʋ na vʋʋrɛ na, ʋ na dɛ faa tu a lɛ-na-tu-sɔr-a nɩ a mɩnʋ a.”

Sɛb-sõw yielu 51:3

Naaŋmɩn i, zɔ ɩ̃ nɩbaalʋ! A fʋ nɔ̃wfʋ zũú a, de a ɩ̃ nʋɔr-zawrʋ ɩ-ɩrɩ bɛr a baarɩ, fʋ̃ʋ a su-ɓaarʋ na ɩ kpɛ̃ɛ a.

Sɛb-sõw yielu 51:4

Pɛ́w a ɩ̃ sãwna dɛwr za bɛr, so a ɩ̃ yel-bier dɛwr bɛr mɛ̃.

Sɛb-sõw yielu 103:3

Ʋlɛ n'ʋ mɩ́ dɩ a fʋ sãwna suur kʋ̀ b, ɛ́ sanɩ a fʋ bàalʋ za.

Ɩzayi 64:8

Sore e, ta nyɛ̃ suur tɩ gãw ɛ, ta tɩ́ɛrɛ a tɩ sãwna kʋralɛ ɩ. Sàw jɩ́r nyɛ̃, tɩ za ɩ n a fʋ nɩbɛ.