Ɩzayi 43:2 - A SƐB-SÕW

² Fʋ̃ʋ wa gãwnɛ a kʋ̃ɔnɩ a, ɩ̃ na be n a fʋ zie, fʋ̃ʋ wa gãwnɛ a mamɛ a, fʋ bɛ tuur kʋ̃ɔ ɩ. Fʋ̃ʋ wa cere a vũu sɔgɔ a, a bɛ dɩrɛ fʋ ɛ, a vũu-zɛlɛ bɛ tʋɔr fʋ ɛ.

Ɩzayi 43:2 Referans Kwoze

Ɩzayi 41:10

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ta ɩ dɛ̃bɩ̃ɛ sãá a fʋ jɩ́rʋ pʋɔ ɩ. Bʋ̃ʋ n'ʋ vɛ̃, a fʋ Naaŋmɩn a, mãa n'ʋ. Ɩ̃ ɩrɛ na fʋ kpɛmɛ, ɩ̃ waar'ɩ a fʋ sõwfʋ, ɩ̃ɩ gùre fʋ na nɩ a ɩ̃ nũu na kpɛmɛ ɛ́ mɩ́ zɛb tʋ̃ɔ́ a.

Zozue 1:9

Ɩ̃ bɛ yel kʋ̀ b kɛ́ fʋ kpɛmɛ ɛ́ dɩ kanyir e? Ta màwr ɛ, ta zɔrɛ dɛ̃bɩ̃ɛ ɩ, bʋ̃ʋ n'ʋ vɛ̃, a mãa Sore fʋ Naaŋmɩn, ɩ̃ na be n a fʋ zie, be za fʋ na cere a.»

Sɛb-sõw yielu 66:12

Fʋ ɩ na nɩbɛ zɔm wie de nɩ tɩ niwn, tɩ kpɛ na tɔl vũu nɩ kʋ̃ɔ pʋɔ. Ɛcɛ fʋ ɩ na tɩ yi a be lɛb nyɛ̃ tɩ tʋɔra.

Sɛb-sõw yielu 23:4

Mãa saa tuur yire a kũu bà-fʋɔl-lige pʋɔ a, ɩ̃ bɛ zɔrɛ yel-faa kãw za ɩ, fʋ na be a ɩ̃ zie a ƴãw: a fʋ dabɔl nɩ a fʋ dakʋra mɩ́ ɩ na k'ɩ̃ bɛr dɛ̃bɩ̃ɛ.

Sɛb-sõw yielu 91:15

Ʋlɛ wa bʋɔlɛ mɛ̃ a, ɩ̃ na sɔw na, ɩ̃ na be n a ʋ zie a kpɩɛrʋ daar, ɩ̃ na faa ʋ na, ɩ̃ na ɩ na k'ʋ nyɛ̃ ƴãwfʋ.

Ebre 11:29

A sàw-deb zũú n'a bɛ tɩ gãw a Kʋ̃ɔ-kpɛ̃ɛ-zɩɛ mɛ̃ tẽsɔw-kõw n'ʋ a, ɛ́ a Eziptɩ tẽw dem mɩ̀ na tɩ yel kɛ́ bɛ ɩ kaa a, tu kʋ̃ɔ.

Zozue 1:5

A fʋ cãafʋ daar za a, nɩr za kʋ̃ tʋ̃ɔ́ bà gbɛ́r a fʋ niŋé ɩ, bʋ̃ʋ n'ʋ vɛ̃, ɩ̃ na be n a fʋ zie mɛ̃ a lɛ ɩ̃ na tɩ be a Moyiir zie a. Ɩ̃ kʋ̃ tɩɛ fʋ bɛr towtow ɛ, ɩ̃ kʋ̃ zawrɩ fʋ bɛr towtow ɛ́ bɛ sõw fʋ ɛ.

Matie 1:23

«A pɔwsɩrale n'ɩ ŋan na tɛr pʋɔ dɔw dɛble bɛ por a yúor kɛ́ Ɩmanɩɛl, a pɛr lɛ kɛ́: “Ŋmɩn-be-n-tɩ-zie.”»

Sɛb-sõw yielu 66:10

Naaŋmɩn i, fʋ ɩ tɩ na kaa, mɛ̃ a lɛ bɛ na mɩ́ zuw ír a salm-pla dɛwr bɛr ʋ vɩɛl a, fʋ ɩ na tɩ wõ tuo vɩɛl.

Eziptɩ tẽw yib 14:29

Ɛcɛ, a Ɩsɩrayɛl nɩbɛ bɛl tɩ kpɛ na tɔl a kʋ̃ɔ-kpɛ̃ɛ dĩo pʋɔ nɩ gbɛ-kon: a kʋ̃ɔ tɩ ɩ na mɛ̃ dacĩ-kpɛ̃ɛ a, be a bɛ dʋrʋ lowr nɩ a bɛ gʋba lowr.

2 Timote 4:17

A Sore ʋl sõw mɛ̃ na. Ʋ kʋ̀ m'ɩ fãw yaga k'ɩ̃ɩ tʋ̃ɔ́ hieri yel a Yel-nʋ̃ɔ̀, ɛ́ ɩ a nɩ-bʋʋr-yoru za wõ ʋ. Ʋ faa mɛ̃ nɩ a gbẽw nʋɔrɩ́.

Ɩzayi 41:14

Ta zɔrɛ dɛ̃bɩ̃ɛ ɩ, Zakɔb i, fʋ̃ʋ zãzul-cãpile e, fʋ̃ʋ Ɩsɩrayɛl na cɛ bɛ tɛr fãw a. A Sore yere na: Ɩ̃ waar'ɩ a fʋ sõwfʋ. A sob nɛ na yarɛ dier fʋ a, mãa n'ʋ, a Ɩsɩrayɛl Naaŋmɩn na ɩ sõw a.

2 Timote 4:22

A Sore ʋ be a fʋ zie. A Naaŋmɩn maalʋ, ʋ be a nyɩ zie.

Zakari 13:9

Ɩ̃ na ɩ n a bɛl na na cãà vʋʋrɛ a, bɛ tu yi a vũumí, ɩ̃ na ɩ na bɛ vɩɛl, mɛ̃ a lɛ bɛ na mɩ́ ɩ a salm-pla ʋ vɩɛl a. Ɩ̃ na ɩ bɛ na kaa bãw a bɛ ŋmɛ̃a, mɛ̃ a lɛ bɛ na mɩ́ ɩ salm-zɩɛ kaa a. Lɛ n'a bɛ na puore mɛ̃, ɩ̃ɩ na mɩ́ sàw nɩ a bɛ puoru. Ɩ̃ na mɩ́ yel bɛ na: “Ɩ̃ nɩ-bʋʋrɛ n'ɩ nyɩ”, ɛ́ a bɛl yel mɛ̃: “Sore e, fʋ̃ʋ n'ɩ a tɩ Naaŋmɩn.”»

Ɩzayi 30:27

A Sore n'ɩ ŋan yi zi-zãána waar. A suur dɩrɛ ʋ na, suur na ta suur a. A ʋ nɔgbãbie wule nɩ a suur ʋ na nyɛ̃ a, a ʋ ƴɛ̀rʋ ɩ n vũu na dɩrɛ a,

Ɩzayi 29:6

a Sore, a kpɛnʋ-za-sob wa a fʋ maalʋ ƴãw, saa tanʋ, tẽsɔw damnʋ, gɔmɛ na pàw kpɛ̃w kpɛ̃w za a, sɛsɛb-pɩl-kpɛ̃ɛ, saa nɩ sɛsɛb, nɩ vũu-zɛlɛ na dɩrɛ a pʋɔ.

Eziptɩ tẽw yib 3:12

A Naaŋmɩn yel: «Ɩ̃ na be n a fʋ zie. Ɛ́ a bãwfʋ n'ɩ ŋa kɛ́ mãa n'ʋ tone fʋ: fʋ̃ʋ wa tɛr a nɩbɛ yi n a Eziptɩ tẽw pʋɔ a, nyɩ na maalɩ mɛ̃ nɩ a tãw ŋa zu.»

Sɛb-sõw yielu 32:6

À ŋá n'a a nɩr za na sàw de fʋ a, na mɩ́ puore fʋ a kpɩɛrʋ daar. A kʋ̃ɔnɩ saa mɩ́ wa paalɩ paalɩ a, a kʋ̃ páw ʋ towtow ɛ.

Ɩzayi 43:5

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ɩ̃ na ɩ n a fʋ bibiir bɛ yi a saa-pɛrɩ́ lɛb wa, ɩ̃ na tɛr bɛ nɩ a mʋ̃tɔ̃w-kpɛb-lowr wa ɓã taa.

Zeremi 42:11

Nyɩ ta cãà zɔrɛ a Babɩlɔn tẽw nãà dɛ̃bɩ̃ɛ ɩ. A mãa, a Sore, ɩ̃ yere na kʋ̀rɛ nyɩ: Nyɩ ta cãà zɔrɛ ʋ ɛ, bʋ̃ʋ n'ʋ vɛ̃, ɩ̃ be n a nyɩ zie k'ɩ̃ɩ faa nyɩ, ɛ́ ír nyɩ a ʋ nuru pʋɔ.

Zeremi 46:28

Fʋ̃ʋ Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, ɩ̃ lãw nɩ fʋ na k'ɩ̃ɩ tʋ̃ɔ́ faa fʋ, a Sore n'ʋ yel. Ɩ̃ na kʋ n a nɩ-bʋʋr-yoru bɛl pʋɔ ɩ̃ na diw fʋ cen nɩ a, pàw pɛr. Ɛcɛ, fʋ̃ʋ a, ɩ̃ kʋ̃ kʋ fʋ pàw pɛr ɛ. Sɩza n'a, ɩ̃ kpãa fʋ na mɛ̃ a lɛ a na sɛw a. Bʋ̃ʋ n'ʋ vɛ̃, ɩ̃ k'ʋʋ tʋ̃ɔ́ ɩrɛ a fʋ zie mɛ̃ fʋ bɛ tɛr sãwna a ɩ!»

A naaŋmɩn-ƴɛ̀r-manɛ Aaze sɛbɛ 1:13

Al pùorí, a Sore nɩ-tona Aze tɩ yel'ɩ yel ŋa kʋ̀ a nɩbɛ: «Mãa n'ʋ yere kʋ̀rɛ nyɩ, a mãa Sore, ɩ̃ na be n a nyɩ zie.»

A Zɔb sɛbɛ 5:19

Gb'a à ŋá za, ʋ na faa fʋ nɩ a kpɩɛrʋ pʋɔ, ɛ́ a baarʋ daar a, a faa bɛ lɛb páwr fʋ ɛ.