Ɩzayi 42:6 - A SƐB-SÕW

⁶ «A mãa, a Sore, ɩ̃ bʋɔlɩ fʋ na mɛ̃ a lɛ-na-tu-sɔr-a, ɩ̃ nyɔw fʋ nɩ nũú, ɩ̃ mɛ b'a, ɛ́ ƴãw kɛ́ fʋ wa ɩ mãa nɩ a ɩ̃ nɩbɛ wõ-taa, kɛ́ fʋ wa ɩ a tẽ-daa nɩbɛ cãà.

Ɩzayi 42:6 Referans Kwoze

Luka 2:32

ʋ ɩ n cãà na na ɩ a tẽ-daa nɩ-bʋʋrɛ za bãw fʋ a, ɛ́ ɩ a fʋ nɩ-bʋʋrɛ Ɩsɩrayɛl yúor-vɩɛlʋ-danʋ.»

Nɩ-toni 13:47

À ŋá sɩrɩ n'a a Sore ƴãw a nʋɔr kʋ̀ tɩ: “Ɩ̃ ƴãw na fʋ ɩ a nɩ-bʋʋr-yoru cãà, kɛ́ fʋ tʋ̃ɔ́ ɩ a faafʋ ta a tẽ-daa ziir za.”»

Zã 8:12

A Yeezu tɩ lɛb'a ƴɛ̀r a zu-sɛbla zie yel: «Mãa n'ɩ a tẽ-daa cãà, sob nɛ na tuur mɛ̃ a kʋ̃ cere lige pʋɔ ɩ, ʋ na páw nɩ a cãà na tɩrɛ a nyɔ-vʋʋrʋ a.»

Ɩzayi 49:8

À ŋá n'a a Sore yere: «A daar na wa ta a, ɩ̃ sɔw fʋ na. A faafʋ bibir na wa vɩɛ a, ɩ̃ sõw fʋ na. Ɩ̃ cɔbrɩ fʋ na k'ɩ̃ɩ ɩ fʋ ɩ a wõ-taa bom mãa nɩ a ɩ̃ nɩbɛ cará. Ɩ̃ na ɩ n a Ɩsɩrayɛl tẽw ʋ lɛb ìr, ɩ̃ɩ lɛb põ a tẽw ŋa na sãw gã a ziir.

Ɩzayi 49:6

Ʋ yel mɛ̃ na: «Fʋ na ɩ a ɩ̃ tõ-tõ-bie kɛ́ fʋ ɩ a Zakɔb dɔwlʋ a lɛb ìr a, kɛ́ fʋ tɛr a Ɩsɩrayɛl nɩbɛ bɛl na cãà vʋʋrɛ a lɛb wa n a, a ɩ n pʋrɩ. Ɩ̃ ɩ na fʋ ɩ a nɩ-bʋʋr-yoru cãà, k'aa ɩ̃ faafʋ cen tɩ tɔ a tẽw baarʋ zie».

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

Ɩzayi 26:3

Fʋ mɩ́ tu n tub na bɛ bãw bʋnʋ a, tɩr a ƴã-ɓaarʋ mɩŋa, Sore e, bɛ na ƴãw a bɛ tɩɛrʋ a fʋ ƴãw a zũú.

Ebre 13:20

A ƴã-ɓaarʋ Naaŋmɩn ɩ na a tɩ Sore Yeezu na lɩɛbɩ a pi-cɩ̃ɩn-kpɛ̃ɛ, a zɩ̃ɩ ʋ na cir bin nɩ Wõ-taa na be kʋralɛ a ƴãw a, ʋ ɩ na ʋ lɛb yi a kũuni pʋɔ.

Ebre 9:15

À ŋá n'a a Kɩrɩta ɩ Wõ-ta-paala lɔ̃lʋɔrɛ. Ʋ na kpi k'ʋʋ ír a wõ-ta-dãw-niwn sob daar nʋɔr zawrʋ sãwna bɛr a, a bɛlɩ dem a Naaŋmɩn na bʋɔlɩ a na tʋ̃ɔ́ na mɩ́ páw a yel-vɩɛlɩ na be kʋralɛ a Naaŋmɩn na yel k'ʋʋ na kʋ̀ n a ʋ nɩbɛ a.

Nɩ-toni 26:23

Bɛ tɩ dãw na yel kɛ́ a Kɩrɩta na wõ n tuo ɛ́ lɛb de niwn yi a kũuni pʋɔ, k'ʋʋ na hier'ɩ a faafʋ cãà kʋ̀ a tɩ bʋʋrɛ nɩ a nɩ-bʋʋr-yoru.»

2 Korɛ̃tɩ 1:20

A maalʋ al za a Naaŋmɩn na yel k'ʋʋ na tɩr a a, a ʋ pʋɔ n'a a za «ʋ̃ʋ» be. A na ɩ lɛ a, a Yeezu Kɩrɩta n'ʋ so tɩ mɩ́ sɔw «Amɛn», a Naaŋmɩn yúor-vɩɛlʋ-danʋ ƴãw.

Ɩzayi 43:1

Ƴɛrɛŋa a, à ŋá n'a a Sore na ír fʋ a, Zakɔb i, ʋl na mɛ b'a, Ɩsɩrayɛl i, à ŋá n'a ʋ ƴɛ̀rɛ: «Ta zɔrɛ dɛ̃bɩ̃ɛ ɩ, ɩ̃ ya na de fʋ, a fʋ yúor'ʋ ɩ̃ bʋɔlɩ, mãa so fʋ.

Ɩzayi 42:1

A Sore yere na: Nyɛ̃ a ɩ̃ tõ-tõ-bie ɩ̃ na tɩ̀ɛ a, a ɩ̃ nɩ-kaa-íra na pɛlɩ a ɩ̃ pʋɔ a. Ɩ̃ ƴãw nɩ a ɩ̃ Vʋʋrʋ a ʋ zu, k'ʋʋ ɩ a nɩ-bʋʋrɛ bãw a lɛ-na-tu-sɔr-a.

Ɩzayi 41:13

Bʋ̃ʋ n'ʋ vɛ̃, a mãa Sore a, ɩ̃ ɩ n a fʋ Naaŋmɩn. Ɩ̃ nyɔw fʋ nɩ a dʋrʋ nũú. Ɩ̃ yere na kʋ̀rɛ fʋ: «Ta zɔrɛ dɛ̃bɩ̃ɛ ɩ, ɩ̃ waar'ɩ a fʋ sõwfʋ.»

Ebre 8:6

Ɛcɛ ƴɛrɛŋa a, bàwr-maal-ton na ɩ kpɛ̃ɛ zuo a n'ʋ bɛ kʋ̀ a Yeezu, bʋ̃ʋ n'ʋ vɛ̃, ʋ ɩ n wõ-taa na vɩɛl zuo a lɔ̃lʋɔrɛ, wõ-taa na maalɩ tu n nɛ́ɛ bɛ na ƴãw a vɩɛl zuo a dãwdãw dem a.

Ebre 7:26

A bàwr-maal-kara tɔr za n'ɩ à ŋà a na tɩ fɛr kɛ́ tɩ tɛr a: ʋ ɩ n sõw, ʋ bɛ tɛr sãwna ɩ, ʋ vɩɛl'ɩ ʋ za. Bɛ bʋ́r ʋ na ʋ bɛ pʋɔ a yel-bebe dem pʋɔ ɩ, ɛ́ zɛw ʋ k'ʋ do gãw a salom.

Ɩzayi 45:13

Mãa n'ʋ ɩ a nɩr ŋa yi lo a sɔ́r, mɛ̃ a lɛ a mɩnʋ na tu a, ɩ̃ɩ na ɩ n a ʋ sɛ́ɛ za a man taa. Ʋlɛ n'ʋ na lɛb mɛ a ɩ̃ tẽ-kpɛ̃ɛ, a Zerizalɛm. Ʋ na bɛr'ɩ a ɩ̃ nɩbɛ bɛ na diw cen nɩ a, bɛ lɛb wa, ɛ́ bɛ bɛ yarɛ bom, bɛ tɩrɛ bom ɛ. A Sore, a kpɛnʋ-za-sob'ʋ yel.»

Ebre 12:24

Nyɩ taw na pɩɛlɩ a Yeezu na ɩ a Wõ-ta-paala lɔ̃lʋɔrɛ a, nɩ a ʋ zɩ̃ɩ na cir a, a zɩ̃ɩ á ŋá na ƴɛ̀rɛ vla zuo a Abɛl dem a.

Matie 26:28

à á ŋá ɩ n a ɩ̃ zɩ̃ɩ, a Wõ-taa zɩ̃ɩ, na cir yaarɩ a nɩ-yaga ƴãw a yel-bebe suur páwfʋ ƴãw a.

Ɩzayi 32:1

Nãà na be n be dɩrɛ a naalʋ nɩ mɩnʋ. A nɩ-bɛrɛ na dɩrɛ nɩ a nɩ-kpɛ̃ɛnʋ a nɩbɛ zu mɛ̃ a lɛ a na tu sɔ́r a.

Ebre 7:2

A Abraham tɩ kʋ̀ ʋ nɩ a bome ʋ na zɛb de a ziir pie sob. A dãw-niwn sob a, a Mɛlkɩsedɛkɩ yúor pɛr'ɩ: «Mɩnʋ nãà», ɛ́ lɛb waar, ʋ ɩ Salɛm nãà, a pɛr lɛ kɛ́: «Ƴã-ɓaarʋ nãà».

Ɩzayi 27:3

«A mãa, a Sore, mãa n'ɩ a ʋ gùre. Ɩ̃ cɔ̀rɛ ʋ nɩ kʋralɛ. Ɩ̃ gùre ʋ nɩ mʋ̃tɔ̃w nɩ tɩ̃ɩsɔw, kɛ́ nɩr taa wa sãw ʋ bɛr ɛ.

Ɩzayi 41:2

Nɩr yi na lo a sɔ́r a saa-pɛrɩ́. Ʋ zɛbr'a tʋ̃ɔ́nɛ zie za ʋ na tɔlɛ a. Ãa n'ʋ ƴãw ʋ yi lo a sɔ́r? Ãa n'ʋ ƴãwnɛ a nɩ-bʋʋrɛ a ʋ nuru pʋɔ? Ãa n'ʋ ɩrɛ k'ʋ sore a na-mɩnɛ? A ʋ zɛbr-sɔ-kpɛ̃ɛ mɩ́ ɩ na bɛ lɩɛbɩ tã-buulu, a ʋ pime mɩ́ diw bɛ na yaarɩ mɛ̃ sɛsɛb na ɓáw sàwr cen nɩ a.

Ɩzayi 45:1

À ŋá n'a a Sore ƴɛ̀rɛ a ʋ nɩ-kabra Siirisɩ zie: «Ɩ̃ tɩ̀ɛrɛ fʋ na k'ɩ̃ɩ ɩ fʋ so a nɩ-bʋʋrɛ, k'ɩ̃ɩ faa a na-mɩnɛ nɩ-kpɛ̃ɛnʋ, ɛ́ yuo a tẽ-bɛrɛ dɩ̃dɛɛ pamɛ na kpa kɛ́ jɩ̀r a, a fʋ niŋé.

Zeremi 12:16

Bɛ tɩ zanɩ nɩ nɩ a ɩ̃ nɩ-bʋʋrɛ bɛ mɩ́ pɔ a Báàl yúor ƴãw. Ɛcɛ bɛlɛ mɩ̀ wa sɩrɩ zanɩ a tub a na fɛr k'aa ɩ̃ nɩ-bʋʋrɛ tuur a, bɛlɛ mɩ́ wa pɔ a ɩ̃ yúor ƴãw yel: “Ɩ̃ pɔrɛ nɩ nɩ a Sore na vʋʋrɛ a”, a lɛ pʋɔ a, bɛ na nyɛ̃ nɩ zie a ɩ̃ nɩ-bʋʋrɛ pʋɔ.