Ɩzayi 42:5 - A SƐB-SÕW

⁵ A Naaŋmɩn, a Sore, na ír a salom nɩ a ʋ yɛ̀lʋ za a, na yɛ́r a tẽsɔw nɩ a ʋ bʋ̃-buli a, na kʋ̀ a nyɔ-vʋʋrʋ a nɩ-bʋʋrɛ na kpɩɛr a ʋ zu a, nɩ a vʋʋrʋ a bɛlɩ dem na dɛnɛ a ʋ zu a, ƴɛ̀rɛ nɩ à ŋá a ʋ tõ-tõ-bie zie:

Ɩzayi 42:5 Referans Kwoze

Ɩzayi 40:22

A Sore naalʋ-dà-kɔw be n a tẽw tʋra zu-sɔw, ɛ́ a nɩsaalbɛ mɩ́ sãá a ʋ zie ɩ mɛ̃ sãsowe a. Ʋ yɛ́r'ɩ a salom mɛ̃ pɛn-kpɛ̃ɛ a, ʋ dɔl ʋ na mɛ̃ pɛn-sɛw a, a ʋ kpɛb ƴãw.

Ɩzayi 45:12

Mãa n'ʋ maalɩ a tẽw, ɛ́ ír a nɩsaalbɛ na kpɩɛr ʋ a. Mãa n'ʋ dɔl a salom nɩ a ɩ̃ nuru, ɛ́ mɩ́ yel a ŋmar-bi-pɩlwɩlɩ a lɛ a na fɛr k'aa ɩrɛ a.

Zakari 12:1

Ƴɛ̀rʋ a Sore na ƴɛ̀r a Ɩsɩrayɛl ƴãw a. Nyɛ̃ a lɛ a Sore na yere a, ʋl na dɔl a salom a, ʋl na sʋ̃ɔ́ a tẽsɔw pɛr, ɛ́ kʋ̀ a nyɔ-vʋʋrʋ a nɩsaal a:

Zeremi 10:12

A Sore ír'ɩ a tẽw nɩ a ʋ fãw, ʋ bin nɩ a tẽ-daa nɩ a ʋ yã-bãwfʋ, ʋ dɔl'ɩ a salom nɩ a ʋ yã.

Ɩzayi 48:13

A ɩ̃ nuru n'a ɩ̃ bin nɩ a tẽw pɛr ɛ́ dɔl a salom. Mãa wa bʋɔlɛ a wa báarɛ a, a mɩ́ ta n daadaalɛ àr.

Ɩzayi 44:24

Ɩsɩrayɛl i, a Sore, a fʋ ya-diere na cɔbrɩ fʋ a fʋ mã puori a, ƴɛ̀rɛ nɩ a fʋ zie à ŋá: «Mãa n'ɩ a Sore na maalɛ bom za a. Mãa n'ʋ dɔl a salom, mãa ɩ̃ yõ tẽtẽ, ɩ̃ yɛ́r'ɩ a tẽw ɛ́ nɩr za bɛ sõw mɛ̃ ɩ.

Zeremi 32:17

«'Woi, Sore Naaŋmɩn i, fʋ̃ʋ n'ʋ ír a salom nɩ a tẽw nɩ a fʋ fãw-kpɛ̃ɛ, nɩ a fʋ kpɛnʋ. Bom za bɛ kpɛmɛ zuo a fʋ zie ɩ.

Ɩzayi 45:18

À ŋá n'a a Sore yere, ʋl na ír a salom a, ʋl na ɩ a Naaŋmɩn na maalɩ a tẽw a, na cɔbrɩ ʋ ɛ́ ɩ ʋ kpɛmɛ a. Ʋ bɛ ír ʋ ʋ ɩ vuo gã ɩ, ʋ maal'ʋ na kɛ́ bɛ kpɩɛr ʋ. A lɛ pʋɔ n'a ʋ yere à ŋá: «A Sore a, mãa n'ʋ, kãw bɛ lɛb ka be ɩ.

Sɛb-sõw yielu 33:6

A Sore ƴɛ̀r-bir'ʋ ʋ ír'ɩ a salom, a ʋ nʋɔr pɩɛlʋ n'a ɩ a saa ŋmar-bi-yaga yaga a be.

A Zɔb sɛbɛ 33:4

A Naaŋmɩn Vʋʋrʋ n'ʋ ír mɛ̃, a Kpɛnʋ-za-sob pɩɛlʋ n'a so ɩ̃ vʋʋrɛ.

Nɩ-toni 17:25

ɛ́ mɩ̀ bɛ tɛr nɩsaal nuru yel-ɩra a ʋ tome ƴãw, mɛ̃ ʋ tɛr'ɩ bom kãw yel-ɩra a ɩ, ʋl na kʋ̀rɛ a nɩbɛ za a nyɔ-vʋʋrʋ, a pɩɛlʋ nɩ a ŋmãa al za na cɛ a.

A Zɔb sɛbɛ 12:10

Ʋlɛ n'ʋ tɛr a bʋ̃-íri za nyɔ-vʋʋrʋ a ʋ nũú, nɩ a pɩɛlʋ na kʋ̀rɛ a vʋʋrʋ a nɩsaalbɛ a.

Ɩzayi 40:12

Ãa n'ʋ manɩ a kʋ̃ɔ-kpɛ̃ɛ kʋ̃ɔnɩ a ʋ nũsalɛpʋ̃ɔ́? Ãa n'ʋ dɔl a ʋ nobie man nɩ a salom yɛ̀lʋ? Ɛ́ a tẽsɔw tanɛ, ãa n'ʋ dĩ dĩ a ƴãw gara pʋɔ manɩ a? Ãa n'ʋ dɔwlɩ a tã-bɛrɛ nɩ a tãli tɩbrʋ bʋ̃-mána zu manɩ a?

Sɛb-sõw yielu 136:6

Ʋ yɛ́r'ɩ a tẽsɔw dɔwlɩ a kʋ̃ɔnɩ zu, a ʋ nɔ̃wfʋ na be kʋralɛ a ƴãw.

Amɔsɩ 9:6

A sob nɛ na mɛ a ʋ bɔwpɩɛ a salom zu a, a ʋl na ŋmãa a ʋ nãà yir a tẽw saa-zu a, a ʋl na mɩ́ bʋɔlɩ a kʋ̃ɔnɩ ɓãá taa ɛ́ cir a waarɩ a tẽw a, a ʋ yúor'ɩ a Sore.

Yele-za-pɛr-tib 2:7

A Sore Naaŋmɩn tɩ de nɩ a tẽsɔw tã-buulu mɛ n a nɩsaal, ɛ́ pɛblɩ a nyɔ-vʋʋrʋ pɩɛlʋ ƴãw a ʋ nyɔbɔgɛ pʋɔ, a nɩsaal lɩɛbɩ bʋ̃-vʋʋra.

Ebre 1:2

Ɛcɛ ƴɛrɛŋa a, a yele baarʋ vuo ŋa pʋɔ a, a ʋ Bie n'ʋ ʋ ƴãw ʋ ƴɛ̀r a tɩ zie. Ʋlɛ n'ʋ a Naaŋmɩn ƴãw k'ʋ ír bom za ɛ́ so bom za.

Ɩzayi 40:28

Fʋ bɛ bãwnɩ a ɩ? Fʋ bɛ wõ a ɩ? A Sore ɩ n a Naaŋmɩn na be kʋralɛ a. Ʋ ír'ɩ a tẽw za. A ʋ fãw bɛ síwre ɩ, ʋ bɛ bàlɛ ɩ. Nɩr kʋ̃ tʋ̃ɔ́ manɩ a ʋ yã zulu ɛ.

A Zɔb sɛbɛ 34:14

A Naaŋmɩn tɩ ɩ mɛ̃ ʋ tɩɛrɛ nɩ ʋl yõ yele a, ʋlɛ tɩ ɩ mɛ̃ ʋ lɛb'a de a ʋ vʋʋrʋ na ɩrɛ a nɩsaalbɛ vʋʋrɛ a,

A Zɔb sɛbɛ 27:3

lɛn daar za ɩ̃ na na cãà tʋ́ɔr vʋʋrɛ a, ɛ́ a Naaŋmɩn pɩɛlʋ yire a ɩ̃ nyʋɔrɩ́ a,

Nɩ-toni 17:24

A Naaŋmɩn ʋl na ír a tẽ-daa nɩ a ʋ pʋɔ bome za a, a ʋl na ɩ a salom nɩ a tẽw Sore a, ʋ bɛ kpɩɛr nɩsaal nuru yir-mɩɛrɩ pʋɔ ɩ,

Yele-za-pɛr-tib 1:1

A yele-za-pɛr-tib daar, Naaŋmɩn tɩ ír'ɩ a salom nɩ a tẽw.

Ɩzayi 37:16

«Sore kpɛnʋ-za-sob, Ɩsɩrayɛl Naaŋmɩn i, fʋ̃ʋ na zɩ̃ a seribɛ̃ mɩnɛ zu-sɔw a, fʋ̃ʋ n'ɩ a tẽ-daa naalʋ-ten za Naaŋmɩn-been yõ, fʋ̃ʋ n'ʋ maalɩ a salom nɩ a tẽw.

Ɩzayi 40:26

Nyɩ úori a salom ɛ́ nyɛ̃: ãa n'ʋ ír a ŋmar-bie? A sob nɛ na mɩ́ ɩ a yi a za cɔrɩ vla cere mɛ̃ sojarɩ, ʋʋ bʋɔlɩ a za, ŋa nɩ ʋ yúor ŋa nɩ ʋ yúor a n'ʋ. A ʋ fãw nɩ a ʋ kpɛnʋ bɛrmɛ nɩ yaga, kɛ̀ ŋmar-bir kãw za bɛ be be bɛ mɩ́ sàw a ʋ bʋɔlʋ ɛ.

Ɩzayi 57:16

Bʋ̃ʋ n'ʋ vɛ̃, ɩ̃ kʋ̃ zɛbr a bɛ tɛr baarʋ ɛ, bɩɩ nyɛ̃ a suur kʋralɛ ɩ. Alɛ bɛ ɩ lɛ, a nyɔ-vʋʋrʋ pɩɛlʋ kʋ̃ cãà be a bɛlɩ dem ɩ̃ na ír a zie ɩ.

Zeremi 27:5

Mãa n'ʋ ír a tẽw, lãwnɩ a nɩsaalbɛ nɩ a dʋn na be a tẽ-daa zu a. Ɩ̃ ír a na nɩ a ɩ̃ fãw-kpɛ̃ɛ nɩ a kpɛnʋ na bɛ dɩ vuo a, ɛ́ mɩ́ kʋ̀ a ʋlɩ sob nɛ ɩ̃ na bɔbr a.

Zeremi 38:16

Lɛ n'a a nãà Sedesɩasɩ tɩ sɔwlɩ pɔ a Zeremi zie à ŋá: «A Sore na vʋʋrɛ a, na kʋ̀ tɩ a nyɔ-vʋʋrʋ ŋa a zũú a, ɩ̃ bɛ kʋrɛ fʋ ɛ, ɩ̃ bɛ dier fʋ ƴãwn a bɛlɩ dem na bɔbr a fʋ kʋb a nuru pʋɔ ɩ.»

Ezekɩɛl 18:4

Bʋ̃ʋ n'ʋ vɛ̃, mãa so a nyɩ been been za nyɔ-vʋʋrʋ, a dɔwrbɛ dem lãwnɩ a bibiir dem. Sob nɛ na maalɩ yel-bier a, ʋlɛ n'ʋ na kpi.

Sɛb-sõw yielu 96:5

A nɩ-bʋʋr-yoru ŋmɩmɛ ɩ n bʋ̃-zawlɛ, ɛcɛ a Sore n'ʋ maalɩ a salom.