Ɩzayi 42:25 - A SƐB-SÕW

²⁵ Alɛ so a Sore ɩ a ʋ su-tʋlʋ kpãkpã ìr a bɛ ƴãw, ʋ ɩ bɛ nyɛ̃ a zɛbr faalʋ. A zɛbr ƴãw nɩ vũu jil koli bɛ, ɛ́ bɛ bɛ bãw a pɛr ɛ. A vũu tɛr'a tɩ dɩ bɛ, ɛ́ bɛ tobr bɛ ka be ɩ.

Ɩzayi 42:25 Referans Kwoze

A naaŋmɩn-ƴèr-manɛ Oze sɛbɛ 7:9

Nɩ-sãanbɛ báarɛ nɩ a ʋ fãw, ʋʋ bɛ bãwnɩ a ɩ. Ʋ bul'ɩ zukɔbr pɛlɛ baarɩ, ɛ́ cãà bɛ bãwnɩ a ɩ.

Ɩzayi 57:11

Ãa dɛ̃bɩ̃ɛ n'a fʋ tɩ zɔrɛ, ãa n'ʋ fʋ tɩ zɔrɛ ŋma a ziri, yiiri mɛ̃ bɛr bɛ cãà tɛr a ɩ̃ tɩɛrʋ? Mãa a, ɩ̃ ɩ n gbili a koro za, alɛ n'a so fʋ bɛ zɔrɛ mɛ̃ ɩ.

Ɩzayi 57:1

Bɛ kʋrɛ nɩ a nɩ-mɩn, ɛ́ nɩr bɛ cɛlɛ be ɩ. A nɩ-vɩɛlɩ báarɛ na, ɛ́ nɩr bɛ bãwnɩ a ɩ. Ʋ̃ʋ, a nɩ-mɩn báarɛ na a nɩ-faar po-tuolu zũú.

2 Na-mɩnɛ 25:9

Ʋ tɩ nyɩw nɩ a Ŋmɩn-yir-kpɛ̃ɛ, a nãà yir nɩ a tẽw yie za bɛr. Ʋ tɩ nyɩw nɩ a nɩ-tɩbrɛ za yie bɛr.

Nahum 1:6

Ãa n'ʋ na cãà àr a ʋ su-yãyaar daar? Ãa n'ʋ na cɩ̃ɛ a ʋ su-tʋlʋ-kpãkpã daar? A ʋ suur ɩ na mɛ̃ vũu na nyɔw dɩrɛ a, a pìe tɛɛ za pure na yaarɛ a ʋ niŋé.

Ezekɩɛl 20:34

Ɩ̃ na ɩ na nyɩ yi a nɩ-bʋʋrɛ nɩ a ten sɔgɔ, a be nyɩ na tɩ yaarɩ be a. À à ŋá ƴãw a, ɩ̃ na wul nyɩ nɩ a ɩ̃ fãw za nɩ a ɩ̃ gãdaalʋ za, ɩ̃ɩ na nyɛ̃ nɩ nyɩ nɩ suur faa faa.

Zeremi 5:3

Sore e, a yel-mɩŋa bɛ n'a fʋ bɔbr ɛ? Fʋ ŋmɛ bɛ na, ɛ́ a bɛ ɩ bɛ bom ɛ, fʋ tɩ bɔbr'a kɛ́ fʋ kʋ bɛ pàw pɛr, ɛcɛ bɛ bɛ sàw a kpãàfʋ ɛ. Bɛ nyar'ɩ a bɛ niŋe a kpɛmɛ zuo kʋsɩɛr, bɛ zawr'ɩ a fʋ zie lɛb-waa.

Ɩzayi 47:7

Fʋ tɩ yere na: «Ɩ̃ na be n be kʋralɛ, ɩ̃ na ɩ n pɔw-nãà kʋralɛ». Fʋ bɛ tɩ tɩɛrɩ a yele á ŋá ɩ, fʋ bɛ tɩ tɩɛrɩ a nɩdaar ɛ.

Ɩzayi 29:13

A Sore yere na: «Nʋɔr'ʋ a nɩ-bʋʋrɛ bɛ ŋa tawr pɩɛlɛ nɩ mɛ̃, nʋɔr ƴɛ̀rʋ tɛwr'a bɛ ƴãwnɛ nɩ mɛ̃. Ɛcɛ a bɛ socie zãá nɩ mɛ̃ na. A zɔba bɛ na zɔrɛ mɛ̃ a ɩ n nɩsaal nɔ-ƴãwna tɛwr bɛ na zanɩ a.

Ɩzayi 9:13

Lɛ n'a a Sore tɩ ŋmãa a zú nɩ a zʋʋr, a kpãkparmɛ tɩɛ wule nɩ a bàa-kɛkɛr a Ɩsɩrayɛl tẽw pʋɔ, bibi-been.

Wulu-ayi-sob 32:22

Sɩza n'a, a ɩ̃ suur ìr'ɩ kel mɛ̃ vũu a, ʋ dɩ na tɩ sãá a kpɩmɛ tẽw. Ʋ dɩrɛ nɩ a tẽsɔw bʋ̃-bule za, ʋ dɩrɛ nɩ a tan sɩɩr.

A Zɔb sɛbɛ 40:11

Ɩ a fʋ su-tʋlʋ kpãkpã ìr a nɩsaalbɛ zu, jɩ́r a pɔ̀lʋ dem za gb'a-been bɛ su zu.

Ɩzayi 5:25

Alɛ n'a so a Sore suur ìr a ʋ nɩ-bʋʋrɛ ƴãw. Ʋ̀ zɛw nɩ a nũu ŋmɛ n bɛ. A tan gbiwri na, a kũuni gã nɩ a sɛ́ɛ pʋɔ mɛ̃ sagɛ a. Ɛcɛ a na saa ɩ à ŋá a, a Sore suur bɛ ɓãa ɩ, ɛ́ a ʋ nũu cãà zɛw.

Ɩzayi 9:19

A nɩbɛ mɩ́ ŋmãa nɩ a dʋrʋ lowr, ɛ́ a kɔ̃ cãà kʋrɛ. Bɛ mɩ́ vɔl'ɩ a gʋba lowr ɛ́ bɛ tɩw ɛ. Ŋa za mɩ́ ìr'ɩ a ʋ tɔ sob ƴãw:

Ɩzayi 48:8

Nyɩ bɛ bɛr wõ ɩ, nyɩ bɛ bãw bom ɛ, koro za n'a nyɩ bɛ cɛlɛ be ɩ. Ɩ̃ bãw nyɩ na nyɩ ɩ mɩlmɩlbɛ, ɛ́ bɛ bʋɔlɛ nyɩ “nɩbɛ na gaarɩ a bɛ dɔwfʋ daar za a”

Zeremi 7:20

Al zũú, nyɛ̃ a lɛ a Sore Naaŋmɩn na yere a: «A ɩ̃ su-tʋlʋ kpãkpã na ìr'ɩ a tẽ-kpɛ̃ɛ ŋa ƴãw, a nɩsaalbɛ, a dʋn, a póru pʋɔ tɩɩr nɩ a bome a tẽsɔw na mɩ́ tɩr a ƴãw. Ʋ na ɩ na mɛ̃ vũu na dɩrɛ bɛ tɛr kpiiru daar a.»

Zeremi 12:11

Bɛ ɩ ʋ na ʋ lɩɛbɩ zie na ɩrɛ nɩbaalʋ a. Ʋlɛ n'ɩ ŋan a ɩ̃ niŋé bɛ tɛr ŋmɛ̃a ɩ, ɩrɛ nɩbaalʋ. A tẽw za ɩrɛ nɩ nɩbaalʋ, ɛ́ a bɛ ɩrɛ nɩr kãw za bom ɛ.»

A Lãw-mʋɔlɛ 2:3

A ʋ su-tʋlʋ kpãkpã pʋɔ a, ʋ sãw nɩ a Ɩsɩrayɛl fãw za bɛr. A dɔ̃ sob na wa ta a, a Sore bɛ tɩ bɔbr k'ʋʋ sõw a ʋ nɩ-bʋʋrɛ ɩ. Ɛcɛ ʋ nyɩw nɩ vũu a dɩ bom za na viiri koli ʋ a.

A Lãw-mʋɔlɛ 2:4

Ʋ dúor'ɩ a ʋ tam mɛ̃ dɔ̃ sob a, a ʋ dʋrʋ nũu gù n a tɛb. Mɛ̃ dɔ̃ sob a, ʋ kʋ n a bɛlɩ dem tɩ na tɩ nɔnɛ a jɩ́rʋ a. Ʋ bɛr'ɩ a ʋ suur ʋ siw a Sɩyɔ̃ Ŋmɩn-yir-kpɛ̃ɛ zu mɛ̃ vũu a.