Ɩzayi 42:24 - A SƐB-SÕW

²⁴ — Ãa n'ʋ bɛr a Ɩsɩrayɛl, a Zakɔb nɩbɛ kʋ̀ a bɛlɩ dem na fa a bɛ bome a za a, a bɛlɩ dem na za bɛ a? A Sore tɩ na ɩ sãw a bɛ n'ʋ ɛ? A ʋ nɩ-bʋʋrɛ bɛ sàw tu a ʋ sɔ́r ɛ, bɛ bɛ sàw bɛr wõ a ʋ wulu ɛ.

Ɩzayi 42:24 Referans Kwoze

Matie 22:7

A nãà tɩ nyɛ̃ nɩ suur, ɛ́ tõ a ʋ sojarɩ bɛ cen tɩ kʋ a nɩ-kʋrbɛ bɛ ŋa, ɛ́ nyɩw a bɛ tẽw bɛr.

Amɔsɩ 3:6

Ɩɩl pɛblɛ nɩ tẽw pʋɔ ɛ́ nɩbɛ bɛ zɔ ŋmɛ taa ɩ? A yel-faa na mɩ́ wa ta a tẽw pʋɔ a, a Sore bɛ n'ʋ mɩ́ maalɩ ʋ ɛ?

A Lãw-mʋɔlɛ 1:18

A Sore dem de na, bʋ̃ʋ n'ʋ vɛ̃, ɩ̃ bɛ tɩ sàw tu a lɛ ʋ na yel a ɩ. Nyɩ bɛr wõ vla, nɩ-bʋʋrɛ za a, ɛ́ nyɛ̃ a ɩ̃ kpɩɛrʋ. Bɛ diw nɩ a ɩ̃ pɔwsɩrali nɩ a ɩ̃ pɔlbili cen nɩ.

A Lãw-mʋɔlɛ 1:14

Ʋ ír'ɩ mimir ƴãw a ɩ̃ sãwna ƴãw. Ʋ 'lẽ a na ɓã taa ɛ́ de a dɔwlɩ a ɩ̃ bawŋmamɛ zu. A Sore siwr'ɩ a ɩ̃ fãw, ʋ de mɛ̃ n'a ƴãw nɩbɛ ɩ̃ na kʋ̃ tʋ̃ɔ́ ɩ bom a nuru pʋɔ.

Zeremi 5:15

A Sore yere na: Ɩsɩrayɛl nɩbɛ ɛ, ɩ̃ na ɩ na nɩ-bʋʋr-yoru na yi zi-zãána a wa a nyɩ ƴãw. Nɩ-bʋʋrɛ nɩr na kʋ̃ tʋ̃ɔ́ zɛb tʋ̃ɔ́ a nɛbɛ, nɩ-bʋʋrɛ na be koro kãw za a, nɩ-bʋʋrɛ nyɩ na bɛ wone a ƴɛ̀rʋ, ɛ́ bɛ mɩ́ bãw a ƴɛ̀r-bie pɛr a nɛbɛ.

Ɩzayi 63:10

Ɛcɛ a bɛl a, bɛ tɩ gaarɩ na, ɩ a ʋ Vʋʋrʋ Sõw ʋ tɛr pʋ-sãwna. Lɛ n'a a Sore tɩ lɩɛbɩ a bɛ dɔ̃ sob zɛb'ɩ bɛ.

Ɩzayi 47:6

Ɩ̃ tɩ nyɛ̃ nɩ nɩ a ɩ̃ nɩ-bʋʋrɛ suur. Lɛ n'a ɩ̃ bɛ tɩ tɛr ƴãwfʋ ɩb kãw za a nɩbɛ ɩ̃ na so a zie ɩ, ɛ́ tɩ bɛr bɛ kʋ̀ b. Ɛcɛ fʋ bɛ tɩ tɛr nɩbaal-zɔba kãw za a bɛ zie ɩ, a fʋ nɩ-kpɛ̃ɛnʋ dɩb tɩ dĩ nɩ a dɛb-nyãw mɛ̃ na-kʋɔra nyũu dàa a.

Ɩzayi 45:7

Ɩ̃ mɩ́ maal'ɩ a cãà, ɛ́ ír lige. Ɩ̃ mɩ́ ƴãw nɩ a nʋ̃ɔ̀, ɛ́ ír a kpɩɛrʋ. A mãa, a Sore, mãa n'ʋ ɩrɛ à á ŋá za.

Ɩzayi 30:15

À ŋá n'a a Sore Naaŋmɩn, a Ɩsɩrayɛl Naaŋmɩn na ɩ sõw a yere: Nyɩ na na lɛb wa a ɩ̃ zie a, nɩ nyɩ na na ɓãa nyɩ mɩŋa a, lɛ tɛwr'a nyɩ na nyɛ̃ a faafʋ. A nyɩ fãw tɛwr'ɩ nyɩ na na zɩ̃ zoom ɛ́ ƴãw a nyɩ tɩɛrʋ a ɩ̃ ƴãw a. Ɛcɛ nyɩ bɛ sàwr ɛ.

2 Bibie za yel-manɩ 36:17

Lɛ n'a ʋ tɩ ƴãw a Babɩlɔn tẽw nãà kpɛ a bɛ tẽw, ʋʋ de bom za ƴãw a ʋ nũú. A nãà ŋa tɩ kʋ n a sojarɩ tɩ ta n a Ŋmɩn-yir-kpɛ̃ɛ pʋɔ. Ʋ bɛ tɩ jɩɩrɩ nɩr za bɛr ɛ, a pɔlbili, a pɔwsɩrali, a nɩ-bɛrɛ nɩ a dɛnyamɛ.

2 Bibie za yel-manɩ 15:6

Tẽ-kpɛ̃ɛ ŋa mɩ́ tɩ ìr'a lo tẽ-kpɛ̃ɛ ŋa zu, tẽw ŋa ìr lo tẽw ŋa zu, bʋ̃ʋ n'ʋ vɛ̃, Naaŋmɩn tɩ dam bɛ na nɩ kpɩɛrʋ bʋʋrɛ bʋʋrɛ za.

Ƴɛ̀r-dɩrbɛ 10:7

Lɛ n'a a Sore suur tɩ ìr a Ɩsɩrayɛl nɩbɛ ƴãw, ʋ de bɛ kʋ̀ a Filisɩtɛ̃ mɩnɛ nɩ a Amɔ̃ tẽw dem.

Ƴɛ̀r-dɩrbɛ 3:8

A Sore suur tɩ ìr'ɩ a Ɩsɩrayɛl nɩbɛ ƴãw, ʋ de bɛ ƴãw a Mezopotami nãà, Kusan-Iriseatayim, nuru pʋɔ yome ani.

Ƴɛ̀r-dɩrbɛ 2:14

A Sore suur tɩ ìr'ɩ a Ɩsɩrayɛl nɩbɛ ƴãw. Ʋ tɩ bɛr bɛ na kʋ̀ nɩ-farbɛ bɛ fa bɛ, ɛ́ de bɛ ƴãw a bɛ dɔ̃ dem na viiri koli bɛ a nuru pʋɔ, bɛ kʋ̃ tʋ̃ɔ́ bà gbɛ́r a bɛ niŋé ɩ.

Wulu-ayi-sob 32:30

Dɔ̃ sob been yõ na tʋ̃ɔ́ na diw Ɩsɩrayɛl nɩbɛ túr (1 000) bɛ zɔ ɔ? Dɔ̃ dem ayi na tʋ̃ɔ́ na diw Ɩsɩrayɛl nɩbɛ tùr-pie (10 000) bɛ zɔ ɔ? Ʋ̃ʋ, a na tʋ̃ɔ́ na ɩ a lɛ, a mãa Sore na ɩ a bɛ pì-kpɛ̃w a wa ƴãw bɛ a bɛ dɔmɛ nuru pʋɔ a.

Wulu-ayi-sob 28:49

A Sore na ɩ na nɩ-bʋʋrɛ nyɩ na bɛ wone a ƴɛ̀rʋ a, yi zi-zãána, yi a tẽw baarʋ zie, ɛ́ wa a nyɩ ƴãw. Bɛ na wa siw nɩ a nyɩ zu, mɛ̃ sɩla na mɩ́ siw a ʋ bʋ̃-nyɔwra zu a.

Sɛb-sõw yielu 81:13

Lɛ n'a ɩ̃ tɩ bɛr bɛ, bɛ ɩrɛ a bɛ zu-kpɛ̃w ɩb. Bɛ ɩrɛ a lɛ bɛ na bɔbr a!

Ɩzayi 42:23

Ãa n'ʋ na cɛlɛ be a nyɩ pʋɔ? Ãa n'ʋ na bɛrɛ wone? Ãa n'ʋ na wõ a ƴɛrɛŋa?

Ɩzayi 48:18

Fʋ̃ʋ tɩ ɩ mɛ̃ fʋ cɛlɩ nɩ a ɩ̃ nɛ-ƴãwnɩ zie a, a fʋ ƴã-ɓaarʋ nãà ɩ na mɛ̃ man a, ɛ́ a fʋ mɩnʋ ɩ mɛ̃ a kʋ̃ɔ-kpɛ̃ɛ kʋ̃ɔ-mie a!

Ɩzayi 57:17

A Ɩsɩrayɛl sãwna na n'ɩ ʋ na mɩ́ nyɛ̃ a bom zɩnɛ guur a, ɩ na k'ɩ̃ nyɛ̃ suur, ɛ́ a ɩ̃ suur pʋɔ ɩ̃ ŋmɛ ʋ. Ɩ̃ bɛ tɩ cãà bɔbr k'ɩ̃ɩ nyɛ̃ ʋ ɛ. Ɛcɛ a ʋ zu kpɛmɛ na, ʋ cãà ɩ a ʋ ɩb.

Sɛb-sõw yielu 81:12

Ɛcɛ a ɩ̃ nɩbɛ bɛ bɛr wõ a ɩ̃ ƴɛ̀rʋ ɛ, a Ɩsɩrayɛl bɛ bɔbr mɛ̃ ɩ.

Zeremi 44:10

Wa tɩ tɔ a dɩ̃a a, a bɛ ɩ kpɩɛrʋ nɩr kãw za zie ɩ. Nɩr kãw za bɛ tɛr a ɩ̃ ƴãwfʋ ɛ, nɩr za bɛ tu a wulu nɩ a nɛ-ƴãwnɩ ɩ̃ na kʋ̀ a nyɩɩm nɩ a nyɩ sãàkʋm-kore a ɩ.”»