Ɩzayi 42:22 - A SƐB-SÕW

²² Ɛcɛ nyɩɩm n'ɩ bɛ ŋa ɩ nɩ-bʋʋrɛ bɛ na za ɛ́ fa a bome za a. Bɛ nyɔw nyɩ na pàw bɔw-bɛrɛ pʋɔ, nyɩ zɩ̃ n gasori pʋɔ. A dɔ̃ dem nyɔw nyɩ na mɛ̃ zɛbr bome bɛ na zɛb de a, ɛ́ nɩr za bɛ wa faa nyɩ ɛ. Bɛ tɛr nyɩ na cen nɩ, ɛ́ nɩr za bɛ yel: «Nyɩ lɛb bɛr bɛ kʋ̀ m» ɛ!

Ɩzayi 42:22 Referans Kwoze

Sɛb-sõw yielu 102:20

A Sore be n a ʋ zi-sõw pʋɔ a saa-zu, ɛ́ gũu k'ʋʋ jɩ́r kaa, ʋ be n a salom zu, ɛ́ jɩ́r a tẽw kaa,

Zeremi 50:17

A Ɩsɩrayɛl tɩ ɩ na mɛ̃ pɛrʋ na bɔr kɛ̀ gben diwr a. A dãw-niwn sob na tĩ 'wɔb ʋ a n'ɩ a Asiiri tẽw nãà. Al pùorí, a Babɩlɔn tẽw nãà, Nabikodonozɔɔr, wa kar ʋ a kɔbɛ.

Ɩzayi 51:23

Ɩ̃ na ƴãw ʋ nɩ a bɛlɩ dem na dɔwrɛ fʋ a nuru pʋɔ, bɛl na tɩ yere a fʋ zie: “Gã vɔblɩ muru tɩ tɔl a fʋ zu” a! Lɛ n'a fʋ tɩ ɩ a fʋ zikur ʋ lɩɛbɩ tẽsɔw, ʋ lɩɛbɩ sɔ́r a sɔr-tɔlbɛ ƴãw.»

Sɛb-sõw yielu 50:22

Nyɩ bãw a pɛr vla, nyɩɩm na yiire mɛ̃ bɛrɛ a, alɛ bɛ ɩ lɛ, ɩ̃ na ŋma nyɩ nɩ pʋrpʋr, ɛ́ nɩr bɛ ka be na yel k'ɩ̃ɩ ta ɩ a lɛ ɩ.

Ɩzayi 42:7

Fʋ na ɩ n a zɔn bɛ lɛb nyɛrɛ, fʋ na ír'ɩ a nɩ-pàwrɩ a bɛ gaso pʋɔ, fʋ na ɩ n a bɛlɩ dem na kpɩɛr a lige pʋɔ a, bɛ yi a bɛ di-pàwrɩ pʋɔ.»

Ɩzayi 24:22

Bɛ na ɓã n bɛ za taa mɛ̃ nɩ-pàwrɩ a a bɔw-zulu pʋɔ, bɛ na pàw bɛ nɩ gaso pʋɔ. A na tɩ cɛlɩ na, ɛ́ bɛ wa nyɛ̃ dɔwrʋ.

Ɩzayi 24:18

Sob nɛ na na wõ a pʋl-vʋ̃ɔ cɛl zɔrɛ a na lo n a bɔw-zulu pʋɔ. Ʋlɛ wa tʋ̃ɔ́ yi a be a, ʋ na kpɛ n a bɛra pʋɔ. A salom tokori vɛɛ yuo nɩ 'he'hee lɛ, a tẽsɔw pɛr damnɛ na.

Ɩzayi 18:2

Ʋ tone nɩ nɩbɛ bɛ duwre a Nɩl man zu, bàa-kɛkɛɛ gbee pʋɔ. Nɩbɛ bɛ na tõ nyɩ páwr a, nyɩ lɛb cen a nɩ-bʋʋrɛ bɛ ŋa na kɛrɩ ɛ́ a ƴã-gamɛ nyɩlɛ a zie, a nɩ-bʋʋrɛ bɛ ŋa bɛ na zɔrɛ a ka tɩ tɔ a tẽw baarʋ zie a, a nɩ-bʋʋrɛ bɛ ŋa na kpɛmɛ nɛbr a bɛ dɔ̃ dem nɩ gbɛ́ɛ a zie. Nyɩ lɛb kul a nyɩ tẽw a mamɛ na põ a.

Ɩzayi 14:17

Ʋlɛ sɩrɩ n'ʋ mɩ́ tɩ ɩ a tẽ-daa ʋ lɩɛbɩ wɛja-kpalɛ, mɩ́ tɩ sãw a tẽ-bɛrɛ bɛr, ɛ́ bɛ sàw na lɛb bɛr a zɛbr nɩ-nyɔwrɩ ɛ?»

Ɩzayi 1:7

A nyɩ tẽw sãw nɩ ʋ za, vũu dɩ n a nyɩ tẽ-bɛrɛ. Sãanbɛ báarɛ nɩ a nyɩ tẽsɔw bʋ̃-kʋ́ɔrɩ a nyɩ mimié. A nyɩ tẽsɔw gã nɩ zawla, ʋ sãw nɩ ʋ za, ɩ mɛ̃ a lɛ dɔ̃ dem na mɩ́ wa tɔl baarɩ ʋʋ ŋmɛ̃ a.

Zeremi 52:31

A Zuda tẽw nãà, Yoyakin, bɛ na tɩ diw cen nɩ a maalɩ yome lɩzɛr'ɩ pie nɩ ayopõi a n'a, a Ewil-Merodakɩ tɩ lɩɛbɩ a Babɩlɔn tẽw nãà. A ʋlɩ yũon nɛ cuwr pie nɩ ayi sob, bibie lɩzɛr'ɩ ayopõi sob'a ʋ tɩ ɩ pʋ-pɩɛlʋ ɩb a Yoyakin zie, ɩ k'ʋ yi a gaso pʋɔ.

Ɩzayi 56:9

Nyɩɩm póru pʋɔ dʋn za, nyɩ wa, nɩ nyɩɩm tuwr pʋɔ dʋn, nyɩ wa dɩ tɩ tɩw!

Ɩzayi 45:13

Mãa n'ʋ ɩ a nɩr ŋa yi lo a sɔ́r, mɛ̃ a lɛ a mɩnʋ na tu a, ɩ̃ɩ na ɩ n a ʋ sɛ́ɛ za a man taa. Ʋlɛ n'ʋ na lɛb mɛ a ɩ̃ tẽ-kpɛ̃ɛ, a Zerizalɛm. Ʋ na bɛr'ɩ a ɩ̃ nɩbɛ bɛ na diw cen nɩ a, bɛ lɛb wa, ɛ́ bɛ bɛ yarɛ bom, bɛ tɩrɛ bom ɛ. A Sore, a kpɛnʋ-za-sob'ʋ yel.»

Ɩzayi 36:1

A Ezekɩasɩ naalʋ-dɩb yome pie nɩ anaar sob, a Asiiri tẽw nãà, Senakerib, tɩ wa na wa zɛb'ɩ a Zuda naalʋ-tẽw tẽ-bɛrɛ bɛ na cɔbrɩ a kpɛmɛ a zɛbr ƴãw a, zɛb de a.

Ɩzayi 5:29

Bɛ ùore na mɛ̃ gben a, bɛ kone na mɛ̃ gbẽw-bili a. Bɛ kone na mɛ̃ wɛ-dʋn na sɛ̀m bom a na nyɔw a, cere nɩ ɛ́ nɩr kʋ̃ tʋ̃ɔ́ faa ʋ a zie a.

Ɩzayi 42:23

Ãa n'ʋ na cɛlɛ be a nyɩ pʋɔ? Ãa n'ʋ na bɛrɛ wone? Ãa n'ʋ na wõ a ƴɛrɛŋa?

Ɩzayi 24:3

A tẽw na gã nɩ zawla pelẽpelẽ, bɛ na za ʋ nɩ ʋ za. Bʋ̃ʋ n'ʋ vɛ̃, a Sore n'ʋ yel a lɛ.