Ɩzayi 42:17 - A SƐB-SÕW

¹⁷ A bɛlɩ dem na mɩ́ ƴãw a bɛ tɩɛrʋ a tɩbɛ ƴãw ɛ́ yere a tɩbɛ dasuli: «Nyɩmɛ n'ɩ a tɩ ŋmɩmɛ» a, bɛ tɩ̃wnɩ nɩ pùor ɛ́ vĩ nyɔw bɛ.

Ɩzayi 42:17 Referans Kwoze

Sɛb-sõw yielu 97:7

Bɛlɩ dem za na maalɛ a tɩbɛ a, bɛlɛ so vĩ, bɛlɩ dem na mɩ́ ɩrɛ ƴãwn a bʋ̃-zawlɛ á ŋá ƴãw a. A ŋmɩmɛ za, a lo gbĩ dume a Sore niŋé!

Ɩzayi 44:11

Bɛlɩ dem za na tu a a, bɛ na nyɛ̃ nɩ vĩ. A nuru tõ-tonbɛ na maalɛ a a, bɛ ɩ n nɩsaalbɛ tɛwr! Bɛ ɓã taa bɛ za, bɛ yi àr: dɛ̃bɩ̃ɛ na nyɔw bɛ na ɛ́ vĩ ɩrɛ bɛ za.

Ɩzayi 1:29

Lɛ n'a vĩ na ɩrɛ nyɩ a tɩ-maalɩ nyɩ na tɩ nɔnɛ yaga za a ƴãw. Nyɩ na su n zuru a nyɩ zaadɛnɩ ƴãw nyɩ na tɩ kaa ír maalɛ a tɩbɛ a be a.

Ɩzayi 44:17

A dàar na cɛ a, bɛ mɩ́ maal'ɩ nɩ ŋmɩn, tɩɩb. Bɛ mɩ́ gũune na ɛ́ gbine dume a ʋ niŋé, ɛ́ puore ʋ à ŋá: «Fʋ̃ʋ n'ɩ a ɩ̃ ŋmɩn, faa mɛ̃!»

Eziptɩ tẽw yib 32:8

A sɔ́r ɩ̃ na tɩ wul bɛ a, bɛ bɛr ʋ nɩ pɛtɛlʋlɛ: bɛ nyɩl'ɩ kure maal'ɩ nále, bɛ gbĩ n dume a ʋ niŋé, ɛ́ maalɩ bagɛ kʋ̀ ʋ, ɛ́ yel: “Nyɛ̃ a tɩ Naaŋmɩn na ɩ kɛ̀ tɩ yi a Eziptɩ a.”

Eziptɩ tẽw yib 32:4

Ʋ tɩ de a na nyɩl ƴãw dasul-laa pʋɔ, maal'ɩ nále dasule. Lɛ n'a a Ɩsɩrayɛl nɩbɛ tɩ yel: «Nyɛ̃ a tɩ Naaŋmɩn na ɩ tɩ yi a Eziptɩ a!»

Ɩzayi 44:9

A bɛlɩ dem na maalɛ a tɩbɛ a, bɛ za bɛ ɩ bom za ɩ, ɛ́ a bɛ bʋ̃-vɩɛlɩ bɛ tɛr yel-ɩra kãw za ɩ. A ɩ n a bɛ dãsɩɛ dem, ɛ́ ɩ dãsɩɛ dem na bɛ nyɛrɛ bom za a, na bɛ bãw bom za ɛ́ na ƴãw bɛ vĩ a.

Ɩzayi 65:13

Alɛ n'a so ɩ̃ yere à ŋá, a mãa, a Sore Naaŋmɩn: a ɩ̃ tõ-tõ-biir na mɩ́ dɩ na, ɛ́ a nyɩɩm a, nyɩ na mɩ́ bãw nɩ a kɔ̃. A ɩ̃ tõ-tõ-biir na mɩ́ nyũ na, ɛ́ a nyɩɩm a, kʋ̃ɔ-nyúur na mɩ́ kpɛ nyɩ na. Nʋ̃ɔ̀ na mɩ́ ɩrɛ nɩ a ɩ̃ tõ-tõ-biir, ɛcɛ a nyɩɩm a, vĩ na mɩ́ nyɔw nyɩ na.

Zeremi 46:5

A Sore yere na: Ɛ́ bʋnʋ yaa? Bʋ̃ʋ n'ʋ ɩ̃ nyɛ̃ a? A bɛ kanyir baar'a, bɛ tɩ̃wnɩ nɩ pùor. Bɛ zɛb'a tʋ̃ɔ́ a bɛ soja-gãdaar, a zɔ-ŋmɛ-taa n'a, nɩr bɛ lɩɛbɛ kaar ɛ, a pʋl-vʋ̃ɔ n'a a ziir za.

Sɛb-sõw yielu 135:18

A bɛlɩ dem na maalɩ a a, bɛ ŋmɛ̃ taa nɩ a, nɩ a bɛlɩ dem za na ƴãw a bɛ tɩɛrʋ a ƴãw a.