Ɩzayi 42:16 - A SƐB-SÕW

¹⁶ Ɩ̃ na tɛr'ɩ a zɔn tu n sɔ́r bɛ na bɛ bãw a, ɩ̃ na ɩ na bɛ cere soli bɛ na bɛ bãw a zu. Ɩ̃ na ɩ na a lige lɩɛbɩ cãà a bɛ niŋé, ɛ́ a zi-gbegbegegbege ɩ tẽsɔw na man taa a. A ɩ̃ tɩɛrʋ n'ɩ à ŋà, ɩ̃ na maal'ʋ na, ɩ̃ bɛ bɛrɛ ʋ ɛ.

Ɩzayi 42:16 Referans Kwoze

Ɩzayi 30:21

Alɛ wa fɛr kɛ́ nyɩ tu dʋrʋ bɩɩ gʋba a, nyɩ na wõ n ƴɛ̀r-bie á ŋá a nyɩ zikurí: «Nyɩ nyɛ̃ a sɔ́r a na fɛr kɛ́ nyɩ de a.»

Luka 3:5

Fʋɔla za na paal'a do, tã-kpɛ̃ɛ za nɩ tãle za na tuw na siw man, sɔ́r za na gɔ̃w a na tori na, sɔ́r za na ɩ kokobokobo a na man nɩ taa,

Ɩzayi 35:8

Sɔ́r na be n a be bɛ bʋɔlɛ sɔr-sõw. Dɛwr sob kãw za bɛ tuur ʋ ɛ, bʋ̃ʋ n'ʋ vɛ̃, a Sore mɩŋa n'ʋ na puo ʋ, ɛ́ a dãbole bɛ waar wa bɔrɛ gʋɔr a ʋ zu ɛ.

Ɩzayi 40:4

Fʋɔla za, ʋ paalɩ tanɛ do, tã-kpɛ̃ɛ za nɩ tãle za, a tuw siw man. A gbĩgbin, ʋ lɩɛbɩ zie na man taa a, ɛ́ a zi-kɛrɩ lɩɛbɩ fʋɔl-yɛlsɩ!

Efɛɛzɩ 5:8

Nyɩ tɩ dãw na be lige pʋɔ, ƴɛrɛŋa a, nyɩ lãw nɩ nɩ a Sore be cãà pʋɔ, nyɩ ɩrɛ mɛ̃ cãà pʋɔ bibiir a.

Ɩzayi 32:3

A bɛlɩ dem a na tɩ sɛw kɛ́ bɛ nyɛrɛ a mimie kʋ̃ cãà pàw ɛ, a bɛlɩ dem a na tɩ sɛw kɛ́ bɛ wone a tobe na bɛrɛ na wone vla.

Ebre 13:5

A libi-nɔ̃w ta tʋ̃ɔ́ nyɩ ɛ. A lɛ nyɩ na tɛr a, a man nyɩ. Bʋ̃ʋ n'ʋ vɛ̃, a Naaŋmɩn yel'a: «Ɩ̃ bɛ be za na bɛr fʋ ɛ, ɩ̃ kʋ̃ jɛ b bɛr towtow ɛ.»

Ɩzayi 29:18

A ʋlɩ bibir a, a won na wone nɩ a lɛ bɛ na yel a sɛbɛ pʋɔ a. A zɔn na yi n a liw-varkpara pʋɔ nyɛrɛ.

Sɛb-sõw yielu 94:14

Bʋ̃ʋ n'ʋ vɛ̃, a Sore bɛ bɛrɛ a ʋ nɩ-bʋʋrɛ ɩ, ʋ bɛ zawrɛ a nɩbɛ ʋ na so a bɛrɛ ɩ.

Ɩzayi 48:17

À ŋá n'a a Sore na yarɛ dier fʋ a, a Ɩsɩrayɛl Naaŋmɩn na ɩ sõw a ƴɛ̀rɛ: «Mãa n'ɩ a Sore fʋ Naaŋmɩn. Mãa n'ʋ wule fʋ a ʋlɩ bom nɛ na na tʋ̃ɔ́ wɩ̀ɛ fʋ a. Mãa n'ʋ tɛr fʋ cere nɩ a sɔ́r fʋ na lo a zu.

Ɩzayi 45:2

Mãa mɩŋa na de fʋ nɩ niwn, k'ɩ̃ɩ ɩrɛ a gbĩgbine a lɩɛbɛ tẽsɔw na man taa a, k'ɩ̃ɩ kárɛ a kur-zɩɛ pamɛ bɛrɛ, nɩ a kure bɛ na jɩ̀r'ɩ a pamɛ a.

Ɩzayi 35:5

Lɛ n'a a zɔn na nyɛrɛ, ɛ́ a won wone.

A naaŋmɩn-ƴèr-manɛ Oze sɛbɛ 2:14

Ɩ̃ na sãw nɩ a ʋ divɛ̃ tɩɩr púo nɩ a ʋ kãkã-tɩɩr bɛr, al ʋ na tɩ tɛr yere nɩ: “A sã-ya n'ɩ à á ŋá a ɩ̃ sɛnbɛ na kʋ̀ m a.” Ɩ̃ na ɩ na a lɩɛbɩ tuwr, a na lɩɛb'ɩ wɛ-dʋn bʋ̃-dɩrɩ.

A naaŋmɩn-ƴèr-manɛ Oze sɛbɛ 2:6

«Ɩ̃ kʋ̃ nɔnɛ a ʋ bibiir ɛ: pɔw-yɛm bibiir na nɛbɛ a ƴãw.

Ɩzayi 29:24

A bɛlɩ dem a tɩɛrʋ na bɛ mɩ́ tori a na tĩ na bãw a pɛr, bɛl na mɩ́ tɩ zɛbr kʋralɛ a, bɛ na bɛr'a bɛ wule bɛ.»

Zozue 3:4

Lɛ n'a nyɩ na bãw a sɔ́r ʋl a na fɛr kɛ́ nyɩ tu a, bʋ̃ʋ n'ʋ vɛ̃, nyɩ bɛ dãw tu tɔl a ka ɩ. Ɛcɛ nyɩ taa pɩɛlɛ a wõ-taa daga ɩ, nyɩ bɛr kilo been nyɩɩm nɩ a daga cará.»

Ezekɩɛl 14:23

Nyɩ na nyɛ̃ nɩ mɔwlʋ nyɩmɛ wa nyɛ̃ bɛ a. Bʋ̃ʋ n'ʋ vɛ̃, nyɩ na bãw na k'ɩ̃ɩ tɛr'ɩ yel-mɩŋa ɩ a lɛ ɩ̃ na ɩ a tẽ-kpɛ̃ɛ ŋa a. A mãa Sore n'ʋ yel.»

Ɩzayi 54:13

Ɩ̃ na wule nɩ a fʋ bibiir za, ɛ́ bɛ na tɛr'ɩ ƴã-ɓaarʋ yaga.

Ɩzayi 41:3

Ʋ diwr bɛ na, ʋ tɔlɛ nɩ nɩ ƴã-ɓaarʋ, a ʋ gbɛ́r bɛ tʋɔr tẽw ɛ.

Ekilezɩasɩ 7:13

Tɩ nyɛ̃ a Naaŋmɩn tome a! Ãa n'ʋ na tʋ̃ɔ́ dɛnɩ a bom ʋ na ɩ ʋ gʋɔ a?

Ekilezɩasɩ 1:15

Bom na gɔ̃w a, bɛ kʋ̃ lɛb tʋ̃ɔ́ ʋ dɛnɩ ɛ, a ʋl na bɛ ka be a, bɛ kʋ̃ tʋ̃ɔ́ sɔ́r ʋ ɛ.

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

Ɩzayi 26:7

Sore e, a nɩ-mɩŋa sɔ́r cere nɩ daadaa, fʋ ɩ na a ʋ sɔr-dẽdẽ man taa.

Ɩzayi 30:18

Ɛcɛ a Sore gùre nɩ a daar ʋ na na wul nyɩ a ʋ nɔ̃wfʋ a, ʋ na ìr'a wul nyɩ a ʋ nɩbaal-zɔba. Bʋ̃ʋ n'ʋ vɛ̃, a Sore ɩ n Naaŋmɩn na tuur mɩnʋ a. Zu-nʋ̃ɔ̀ dem'ɩ a bɛlɩ dem za na ƴãw a bɛ tɩɛrʋ a ʋ ƴãw a.

Ɩzayi 41:17

A nan dem nɩ a kpɩɛrʋ dem bɔbr'ɩ kʋ̃ɔ ɛ́ a bɛ ka be ɩ. A kʋ̃ɔ-nyúur kpɛ bɛ na a kɔkɔr kò. Ɛcɛ mãa, a Sore, ɩ̃ na sɔw bɛ na, mãa, a Ɩsɩrayɛl Naaŋmɩn, ɩ̃ kʋ̃ zawrɩ bɛ bɛr ɛ.

Ɩzayi 45:7

Ɩ̃ mɩ́ maal'ɩ a cãà, ɛ́ ír lige. Ɩ̃ mɩ́ ƴãw nɩ a nʋ̃ɔ̀, ɛ́ ír a kpɩɛrʋ. A mãa, a Sore, mãa n'ʋ ɩrɛ à á ŋá za.

Ɩzayi 52:12

Ƴɛrɛŋa ʋl a, a kʋ̃ ɩ páwfʋ nyɩ cere páwr ɛ, nyɩ kʋ̃ yi zaa a tẽw pʋɔ mɛ̃ nɩbɛ na zɔrɛ a ɩ. Bʋ̃ʋ n'ʋ vɛ̃, a Sore n'ʋ na de nyɩ niwn, a Ɩsɩrayɛl Naaŋmɩn n'ʋ na pàw a nyɩ pùor.

Ɩzayi 58:10

fʋ̃ʋ mɩ́ wa ɩ a fʋ bʋ̃-dɩra kʋ̀ a kɔ̃ sob ɛ́ ƴãw a bãbàal ʋ dɩ tɩw a, a fʋ cãà na mɩ́ caal'ɩ a lige pʋɔ, ɛ́ a fʋ lige na mɩ́ ɩ na mɛ̃ mʋ̃tɔ̃-tuo a.

Ɩzayi 62:12

Bɛ na bʋɔlɛ bɛ nɩ “Nɩ-bʋʋr-sõw”, “nɩbɛ a Sore na ya de a”. Ɛ́ fʋ̃ʋ, Zerizalɛm i, bɛ kʋ̃ cãà bʋɔlɛ fʋ “a tẽ-kpɛ̃ɛ bɛ na zawrɩ bɛr a ɩ”, bɛ na bʋɔlɛ fʋ nɩ “tẽ-kpɛ̃ɛ bɛ na bɔbr a”.

Amɔsɩ 5:8

A sob nɛ na ír a kɔ̃wmɛ nɩ a baa-nɩ-ŋmãam-nɩ-pɔw-nyãw a, a ʋl na mɩ́ ɩ a lige lɩɛbɩ biɓaara cãà a, a ʋl na mɩ́ ɩ a mʋ̃tɔ̃w lɩɛbɩ tɩ̃ɩsɔw lige a, a ʋl na mɩ́ bʋɔlɩ a man kʋ̃ɔnɩ wa cir waarɩ a tẽw a, a ʋ yúor'ɩ a Sore.