Ɩzayi 42:13 - A SƐB-SÕW

¹³ A Sore waar'a mɛ̃ soja-gãdaa a, mɛ̃ zɛbr-nɩr na tʋlɛ a zɛbr ƴãw a. Ʋ ŋmɩɛr'ɩ a zɛbr cɛl, ʋ ɩrɛ nɩ gɔmɛ, ʋ ɩrɛ nɩ gãda-ɩb a ʋ dɔ̃ dem zie.

Ɩzayi 42:13 Referans Kwoze

Sɛb-sõw yielu 78:65

Lɛ n'a a Sore tɩ zaw ìr mɛ̃ gʋ̃ɔ-gúre a, mɛ̃ gãdaa dãa na ɩrɛ a.

Sofoni 3:8

A na ɩ à ŋá a, a Sore yere na: nyɩ gùre a ɩ̃ waa, a bibir ʋl ɩ̃ na na wa, wa wul a nyɩ sãwna a. Ɩ̃ yel'a k'ɩ̃ɩ na ɓã n a nɩ-bʋʋr-yoru nɩ a naalʋ-ten nɩbɛ taa, ƴãw a ɩ̃ suur vũu dɩ bɛ. A ɩ̃ su-tʋlʋ-kpãkpã vũu na dɩ n a tẽw za.»

Amɔsɩ 1:2

A Amɔsɩ tɩ yere na: «A Sore be n Sɩyɔ̃ tẽw ùore a yire, ʋ be n a Zerizalɛm tanɛ. A dʋ̃-cɩ̃ɩnbɛ dʋn mʋ̃ɔ 'wɔbrʋ ziir lɩɛb'ɩ wahala ziir, ɛ́ a Karmɛl tãw nyʋɔr ko ʋ za.»

Sofoni 1:18

A bɛ salm-pla nɩ a bɛ salm-zɩɛ kʋ̃ tʋ̃ɔ́ faa bɛ a Sore suur bibir ɛ. A ʋ suur vũu na dɩ n a tẽw za. A na sɩrɩ na ɩrɛ dɛ̃bɩ̃ɛ yaga: ʋ na kʋ n a tẽw zu nɩbɛ za pàw pɛr.

Nahum 1:2

A Sore ɩ n Naaŋmɩn na kpɛ nyuur ɛ́ mɩ́ yáa a san a, a Sore mɩ́ yáa nɩ a san, a ʋ suur bɛ tɛr dɩ̃ɛnʋ ɛ. A Sore mɩ́ yáa nɩ a san a ʋ dɔ̃ dem zu, ʋ bɛ mɩ́ dɩ suur kʋ̀ bɛ ɩ.

A naaŋmɩn-ƴèr-manɛ Oze sɛbɛ 11:10

A nɩbɛ bɛ na nyɔw cen nɩ a tẽ-yũo a, na cere na tuur a Sore na ùore mɛ̃ gbẽw a. Ʋlɛ wa ùori a, a ʋ bibiir na yi n a mʋ̃tɔ̃w-kpɛb-lowr, màwr zɔrɛ waar'ɩ.

Zeremi 25:30

A Sore tɩ cãà na yel mɛ̃: «Yel a yel ŋa kʋ̀ bɛ a ɩ̃ yúor ƴãw, yel ƴãw pʋɔ: A saa-zu za a, a Sore tanɛ na. Ʋ be n a yir ʋ na so a pʋɔ, ɛ́ ŋmɛrɛ kɔkɛɛ. Ʋ tanɛ nɩ a ʋ zi-sóra. Ʋ ŋmɩɛr'ɩ cɛlsɩ càarɛ nɩ a tẽw dem za, mɛ̃ a bɛlɩ dem na mɩ́ nɛbr a divɛ̃ tɩ-wɔmɛ íre a divɛ̃ a.

Ɩzayi 31:4

À ŋá n'a a Sore ƴɛ̀r a ɩ̃ zie: «A gbẽw bɩɩ a gbẽw-bile wa kone bɛ sàwr'ɩ a bom ʋ na nyɔw a ƴãw a, bɛlɛ saa bʋɔlɩ dʋ̃-cɩ̃ɩnbɛ yaga yaga ɓã taa a ʋ ƴãw a, a bɛ cɛlsɩ bɛ ɩrɛ ʋ dɛ̃bɩ̃ɛ ɩ, a bɛ gɔmɛ bɛ damnɛ ʋ ɛ. À ŋá n'a a na ŋmɛ̃ a lɛn daar a mãa, a Sore kpɛnʋ-za-sob, nãà wa siw a Sɩyɔ̃ tãw zu k'ɩ̃ɩ tɩ zɛb a zɛbr a.»

Ɩzayi 26:11

Sore e, a fʋ nũu zɛw nɩ a ŋmɛb ƴãw, ɛ́ bɛ bɛ nyɛ̃ ʋ ɛ. Ɛcɛ bɛ na nyɛ̃ nɩ a lɛ fʋ na tʋlɛ a fʋ nɩ-bʋʋrɛ gub ƴãw a, ɛ́ vĩ na nyɔw bɛ na. A vũu na be be a fʋ dɔ̃ dem ƴãw a na dɩ bɛ na.

Ɩzayi 66:14

Nyɩ na nyɛ̃ na, a nyɩ socir na cɩlɛ na, a nyɩ kɔbɛ na lɛb'a kpɛmɛ mɛ̃ mʋ̃ɔ saa na wa ƴãw a.» A Sore na ɩ n a ʋ tõ-tõ-biir bãw a ʋ kpɛnʋ, ɛcɛ ʋ na wul'ɩ a ʋ suur a ʋ dɔ̃ dem.

Ɩzayi 9:7

A Sore ƴɛ̀r'ɩ ƴɛ̀rʋ a Zakɔb bʋʋrɛ ƴãw, a ƴɛ̀rʋ lo n a Ɩsɩrayɛl naalʋ-tẽw zu.

Sɛb-sõw yielu 118:16

A Sore dʋrʋ zɛw na! A Sore dʋrʋ nũu tõ n gãda-tome!»

Ɩzayi 37:32

Bʋ̃ʋ n'ʋ vɛ̃, nɩbɛ na cɛ a na yi n a Zerizalɛm, nɩbɛ na cɩ̃ɛ a na ìr'a àr a Sɩyɔ̃ tãw zu.» A Ɩzayi tɩ yel'a ƴãw pʋɔ: «À ŋá n'a a Sore, a kpɛnʋ-za-sob na ɩ, a ʋ nɔ̃wfʋ na tʋlɛ a zũú.

Ɩzayi 63:15

Sore e, be a salom zu, a zi-sõw-vla vla fʋ na kpɩɛr a, ɛ́ jɩ́r a ʋlɩ bom nɛ na ɩrɛ tɩ a nyɛ̃. Nyɩnɛ n'a a fʋ nɔ̃wfʋ na dɩrɛ a tɩ ƴãw mɛ̃ vũu a cen? Nyɩnɛ n'a a fʋ kpɛnʋ be? Tɩ bɛ mɩ́ cãà nyɛ̃ a fʋ ƴã-cɩrʋ nɩ a fʋ nɔ̃wfʋ a tɩ ƴãw ɛ.