Ɩzayi 42:11 - A SƐB-SÕW

¹¹ A nɩbɛ, bɛ cɛ yielu a wɛja-kpalɛ tẽ-bɛrɛ pʋɔ, a Kedaar laɩ pʋɔ! A nɩbɛ na kpɩɛr a Pìir zu a, bɛ lɔbr nʋ̃ɔ̀ cɛlsɩ, bɛ cáarɛ a tan zu!

Ɩzayi 42:11 Referans Kwoze

Ɩzayi 32:16

A lɛ-na-tu-sɔr-a na ɩrɛ nɩ a wɛja-kpalɛ pʋɔ, ɛ́ a mɩnʋ be a tɩ-wɔnɩ zaadɛ̃ pʋɔ.

Ɩzayi 60:7

A Sore yere na: «A Kedaar tẽw bʋʋr nɩ píir na ɓã n taa a fʋ zie. Fʋ̃ʋ na so a Nebayɔtɩ tẽw pʋ́rɩ a fʋ bagɛ maalʋ ƴãw. Bɛ na mɩ́ de a na tɩr a ɩ̃ bàwr-maal-kuur zu, ɛ́ a na mɩ́ ɩ n bàwr na pɛlɩ a ɩ̃ pʋɔ a. À ŋá n'a ɩ̃ na wul a ɩ̃ yir vɩɛlʋ-danʋ.

Ɩzayi 52:7

A yel-nʋ̃ɔ̀ yere bɛ na nyɛ̃ ʋ be a tan zu waar a, nyɛ̃ nʋ̃ɔ̀ na ɩrɛ a! Ʋ yere nɩ a ƴã-ɓaarʋ, a nʋ̃ɔ̀ nɩ a faafʋ. Ʋ yere na kʋ̀rɛ a Zerizalɛm: «A fʋ Naaŋmɩn ɩ n nãà».

Ɩzayi 35:6

A wʋbr na mɩ́ pal'a mɛ̃ wal-daa a, ɛ́ a wõ-takpalɛ cɩɩrɛ a bɛ nʋ̃ɔ̀. Kʋ̃ɔ na tɛbr'a yire a wɛja-kpalɛ pʋɔ, mamɛ na zɔrɛ nɩ a dɩlãpʋɔ pʋɔ.

Ɩzayi 21:16

À ŋá sɩrɩ n'a a Sore ƴɛ̀r a ɩ̃ zie: «Ka nɩ yũon-been gbàgbàgbà, ɛ́ a Kedaar tẽw vɩɛlʋ za na baar'a.

Ɩzayi 16:1

«A Wɛja-kpalɛ-Pìirí be a, bɛ́ tɩr a pʋ́ra kʋ̀ a tẽw sob, a Zuda tẽw nãà, a Sɩyɔ̃ tãw zu.»

Sɛb-sõw yielu 120:5

Baw-bio sob nɛ m! Mãa na be a Mesɛkɩ a, mãa na kpɩɛr a Kedaar pɛnɛ-sɛwr sɔgɔ a.

Yele-za-pɛr-tib 25:23

A Sore yel ʋ: «Ten ayi n'a be a fʋ púorí, nɩ-bʋʋrɛ ayi nɛbɛ fʋ na dɔw. A kãw na tɛr'ɩ fãw zuo a kãw, ɛ́ a kpɛ̃ɛ na ɩ n a bile tõ-tõ-bie.»

Zeremi 49:16

Fʋ tɩ ƴãwnɛ nɩ a nɩbɛ za dɛ̃bɩ̃ɛ, fʋ tɩ tɩɛr'a kɛ́ fʋ zuo nɩ a fʋ taabɛ za, ɛcɛ fʋ tɩ bɛlɛ nɩ fʋ tʋɔra. Fʋ̃ʋ na kpɩɛr a pìe bɔwrɩ pʋɔ a, fʋ̃ʋ na mɩ́ go mɛr a zi-kɛrɩ a, fʋ̃ʋ saa ƴãw a fʋ cow ʋ do man a sidum dem a, ɩ̃ na caabɩ fʋ na bɛr fʋ siw tɩ lo.» À à ŋá n'a a Sore yel.

Zeremi 48:28

Mowab tẽw dem i, nyɩ yi a tẽ-bɛrɛ pʋɔ, nyɩ cen tɩ kpɩɛr pìe pʋɔ. Nyɩ cɔwrɩ a naŋmamɛ na wob a cowr ziir na bɛ tɛr tab, fʋɔl-zulu nʋɔr a.

Zeremi 21:13

A Sore yere na: Mãa nɩ nyɩɩm nɛbɛ ƴɛrɛŋa, nyɩɩm na kpɩɛr a fʋɔla pʋɔ, a pìir zi-pãgala zu a. Bʋ̃ʋ n'ʋ vɛ̃, nyɩ mɩ́ yere na: “Ãa n'ʋ na siw wa zɛb'ɩ tɩ, ãa n'ʋ na kpɛ a tɩ sɔwlʋ ziir?”

Ɩzayi 43:19

Bʋ̃ʋ n'ʋ vɛ̃, ɩ̃ na maal'ɩ yel-paala, ʋ tĩ na sãánɛ. Nyɩ bɛ nyɛ̃ ʋ bãw ɛ? Yel-mɩŋa, ɩ̃ na puo nɩ sɔ́r a wɛja-kpalɛ pʋɔ, ɩ̃ na ɩ na mamɛ zɔrɛ a zi-kõw ŋa pʋɔ.

Ɩzayi 35:1

A wɛja-kpalɛ nɩ a tẽ-kõw, a cɩlɛ! A dɩlãpʋɔ, ʋ cɩlɛ ƴawr'ɩ, ɛ́ ɩ puuru ʋ za!

Abɩdɩasɩ 1:3

A fʋ pɔ̀l-ɩb na bɛ dɩ vuo a, bɔrɛ nɩ fʋ na. Fʋ kpɩɛr'ɩ pìe pʋɔ nɩ ziir bɛ na kʋ̃ tʋ̃ɔ́ páw fʋ nyɔw a, ɛ́ tɩɛrɛ nɩ fʋ pʋɔ: “Ãa n'ʋ na tʋ̃ɔ́ ír mɛ̃ a ka?”

Ɩzayi 40:3

Kɔkɔr kãw cɩɩrɛ na yere: «Nyɩ puo sɔ́r a wɛja-kpalɛ pʋɔ a Sore ƴãw. Nyɩ maalɩ sɔ́r a zi-kõw ŋa pʋɔ ʋ vɩɛl a tɩ Naaŋmɩn ƴãw.

Ɩzayi 12:5

Nyɩ yiele a Sore ƴãw, bʋ̃ʋ n'ʋ vɛ̃, ʋ maal'ɩ yel-bɛrɛ. Nyɩ ɩ a tẽ-daa za bãw a!»

Zeremi 49:31

A Sore yere na: «Nyɩ ìr! Nyɩ cen tɩ zɛb'ɩ a nɩ-bʋʋrɛ bɛ ŋa na bɛ tɩɛrɛ bom za a. Bɛ tɩ tɩɛr'a kɛ́ bom bɛ damnɛ bɛ ɩ, bɛ bɛ tɛr pamɛ nɩ dà-jɩ̀rɩ́ ɛ, ɛ́ vʋʋrɛ bɛ yõ zie.

Ezekɩɛl 27:21

A Arabi tẽw nɩ a Kedaar tẽw nɩ-bɛrɛ tɩ n'ɩ a fʋ bʋ̃-daarbɛ. Bɛ mɩ́ tɩ ya b'a nɩ péli, píir nɩ bʋʋr.