Ɩzayi 41:16 - A SƐB-SÕW

¹⁶ Fʋ na yɛ́lɩ a na, a sɛsɛb de cen nɩ, sɛsɛb-pɩl na yaar a na bɛr a ziir za. Ɛcɛ a fʋ̃ʋ a, fʋ na ŋmɩɛr'ɩ nʋ̃ɔ̀ cɛlsɩ a Sore ƴãw, fʋ na nyʋʋr'a, a Ɩsɩrayɛl Naaŋmɩn na ɩ sõw a ƴãw.

Ɩzayi 41:16 Referans Kwoze

Zeremi 51:2

Ɩ̃ na bɛr'ɩ nɩ-sãanbɛ bɛ wa a Babɩlɔn tẽw ƴãw, wa diw a ʋ nɩbɛ yaarɩ, mɛ̃ sɛsɛb na mɩ́ yɛ́lɩ mɔ̃-kon a. Bɛ na sãw nɩ a ʋ tẽw bɛr. Bʋ̃ʋ n'ʋ vɛ̃, bɛ na ìr'a jil koli ʋ a kpɩɛrʋ bibir.»

Habakukɩ 3:18

Ɛcɛ mãa a, a Sore zie n'a a ɩ̃ nʋ̃ɔ̀ yire, nʋ̃ɔ̀ ɩrɛ mɛ̃ na a Naaŋmɩn na faarɛ mɛ̃ a ƴãw.

Zeremi 15:7

A tẽw tẽ-kpɛ̃ɛ za pʋɔ a, ɩ̃ zɛw nɩ a ɩ̃ bʋ̃-yɛla k'ɩ̃ɩ yɛ́lɩ nɩ a nɩbɛ bɛr a ziir za. Ɩ̃ ɩ na bɛ bɛ cãà tɛr bibiir ɛ, baarɩ bɛ za, ɛcɛ bɛ bɛ lɩɛbɩ a bɛ ɩb ɛ.

Filib 3:3

Tɩmɛ nɛbɛ sɩrɩ ŋma a yɛɛ, tɩɩm a Vʋʋrʋ Sõw na ƴãw tɩ puore a Naaŋmɩn a, tɩɩm na zɛwr tɩ tʋɔra tɩ na lãw nɩ a Yeezu Kɩrɩta, ɛ́ bɛ de a tɩ tɩɛrʋ ƴãw a tɩɩm tɛɛ za ƴãw a.

Ʋrɔm 5:11

Ɛ́ a za cãà bɛ n'a ɩ, a Naaŋmɩn ƴãw n'a nʋ̃ɔ̀ ɩrɛ tɩ a tɩ Sore Yeezu Kɩrɩta zũú, ʋl na n'ʋ so tɩɩm nɩ a Naaŋmɩn lɛb kpɛ taa ƴɛrɛŋa a.

Matie 3:12

Ʋ tɛr'ɩ a ble bʋ̃-yɛla a ʋ nũú, ʋ na yɛ́lɩ nɩ a ʋ ble, bʋ́r a bie nɩ a ur, wob a bie ƴãw a ʋ bowrí ɛ́ nyɩw a ur bɛr vũu na bɛ tɛr kpiiru daar a pʋɔ.»

Ɩzayi 17:13

A nɩ-bʋʋrɛ damnʋ ɩ na mɛ̃ a kʋ̃ɔ-bɛrɛ damnʋ a. Ɛcɛ a Sore tanɛ bɛ na bɛ zɔrɛ zãánɛ. Bɛ diw bɛ na mɛ̃ ùr tan pʋɔ sɛsɛb na diw a, mɛ̃ pupun bie sɛsɛb-pɩl na ɓáw cen nɩ a.

Ɩzayi 12:6

Ŋmɩɛr nʋ̃ɔ̀ cɛlsɩ ɛ́ cɩlɛ, fʋ̃ʋ na kpɩɛr a Sɩyɔ̃ a. Bʋ̃ʋ n'ʋ vɛ̃, ʋ ɩ n kpɛ̃ɛ, a Ɩsɩrayɛl Naaŋmɩn na ɩ sõw a, na kpɩɛr a fʋ pʋɔ a.

Sɛb-sõw yielu 1:4

Ɛcɛ a bɛ ŋmɛ̃ à ŋá a nɩ-faar zie ɩ: bɛ ɩ na mɛ̃ a ùr, sɛsɛb na mɩ́ wob yɛ́lɩ bɛr a.

Ɩzayi 25:9

Bɛ na yere nɩ a ʋlɩ bibir nɛ: «Ʋlɛ n'ɩ a tɩ Naaŋmɩn. Tɩ tɩ ƴãw nɩ a tɩ tɩɛrʋ a ʋ ƴãw, ʋʋ faa tɩ na. Sɩza, a Sore ƴãw n'a tɩ ƴãw a tɩ tɩɛrʋ. Nyɩ ɩ tɩ cɩlɛ ƴawr'ɩ, tɩ cáarɛ, ʋ na faa tɩ a ƴãw.

Ɩzayi 28:5

A ʋlɩ bibir nɛ a, a Sore, a kpɛnʋ-za-sob, na ɩ n a ʋ nɩ-bʋʋrɛ na cɛ a nãà-kpawɔ-yúor nɩ kɔkɔrɩ́ bãzɔl-vla vla.

Ɩzayi 29:5

A fʋ dɔ̃ dem yaga yaga ɩ na mɛ̃ uuru zũzuwr'a, a po-to-fãw dem na zɛbr'ɩ fʋ a ɩ na mɛ̃ sagɛ sɛsɛb na fu a ìr do a.» Ɛ́ wa bere

Ɩzayi 35:10

A bɛlɩ dem a Sore na na faa a na lɛb'a wa. Bɛ na ŋmɩɛr'ɩ nʋ̃ɔ̀ cɛlsɩ wa tarɛ nɩ a Sɩyɔ̃. Nʋ̃ɔ̀ na bɛ tɛr baarʋ a na caal'ɩ a bɛ niŋe. Cɩlʋ nɩ nʋ̃ɔ̀ na tuori bɛ na, ɛ́ pʋ-sãwna nɩ kon lɩɛb zɔ.

Ɩzayi 40:24

Bɛ bɛ de a zie baarɩ sɛr ɛ, bɛ bɛ zɩ̃ baarɩ sɛr ɛ, ɛ́ a Sore pɛblɩ a ʋ pɩɛlʋ a bɛ zu. Bɛlɛ n'ɩ bɛ ŋan ko, a sɛsɛb-pɩl ɓáw bɛ cen nɩ mɛ̃ sàwr a.

Ɩzayi 51:3

A Sore zɔrɛ nɩ a Sɩyɔ̃ nɩbaalʋ, ʋ zɔrɛ nɩ a ʋ deboru nɩbaalʋ. Ʋ na ɩ n a zie ŋa bɛ na bɛ cãà kpɩɛr a, ʋ lɩɛbɩ zi-vla vla. Ʋ na ɩ n a zi-kõw ŋa ʋ lɩɛbɩ Edɛn zaadɛ̃. Cɩlʋ nɩ nʋ̃ɔ̀ cɛlsɩ n'a na be a be, lãwnɩ danʋ yielu nɩ bʋ̃-ŋmɩɛrɩ ŋmɛb.

Ɩzayi 60:19

A mʋ̃tɔ̃w bɛ n'ʋ na cãà ɩ a fʋ bibir cãà ɩ, ɛ́ a cuw ɩ a fʋ tɩ̃ɩsɔw cãà ɩ. A mãa, a Sore fʋ Naaŋmɩn, ɩ̃ na caalɛ fʋ nɩ kʋralɛ, ɩ̃ na caalɛ fʋ na nɩ a ɩ̃ cãà na na caalɩ ʋ za a.

Ɩzayi 65:18

Nʋ̃ɔ̀, a paalɩ nyɩ laarɩ, nyɩ cɩlɛ kʋralɛ a ʋlɩ bom nɛ ɩ̃ na na ír a ƴãw. Ɩ̃ na ɩ na a Zerizalɛm ɩ tẽ-kpɛ̃ɛ nʋ̃ɔ̀ na paalɩ a, ɛ́ a ʋ nɩbɛ ɩ nɩ-bʋʋrɛ cɩlʋ na tɛr a.

Zeremi 51:20

A Sore yere na: «Babɩlɔn i, fʋ ɩ n dakpuli-ŋmãa a ɩ̃ zie, zɛbr bom. Fʋ̃ʋ n'ʋ ɩ̃ pɔb'ɩ ten tʋ̃ɔ́ pelẽpelẽ, ɛ́ sãw nɩ naalʋ-ten bɛr.

Zeremi 51:33

À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: «Bɛ nɛbr'ɩ a Babɩlɔn na ɩrɛ nɩbaalʋ a, mɛ̃ zie bɛ na cɔbrɛ ble vab ƴãw a. Ka nɩ blã a, a na ɩ n a bʋ̃-dieri-deb daar a ʋ zie.»

A naaŋmɩn-ƴèr-manɛ Oze sɛbɛ 11:9

Ɛcɛ ɩ̃ kʋ̃ bɛr a ɩ̃ suur ìr ɛ, ɩ̃ kʋ̃ lɛb wa wa sãw a Efarayim bɛr ɛ, bʋ̃ʋ n'ʋ vɛ̃, ɩ̃ ɩ n Naaŋmɩn, ɩ̃ bɛ ɩ nɩsaal ɛ, a fʋ zie a, ɩ̃ ɩ n sõw, ɩ̃ kʋ̃ wa wul a ɩ̃ suur ɛ.»

Zowɛl 2:23

Nyɩɩm Sɩyɔ̃ tẽw dem i, nyɩ cɩlɛ ƴawr'ɩ a Sore nyɩ Naaŋmɩn ƴãw. Ʋ kʋ̀rɛ nyɩ nɩ a kpãcãan saa, a nyɩ faafʋ ƴãw. Ʋ mɩ́ ɩ n a kpãcãan saa nɩ a sɩ̃ɛ-kpɛ-paala saa a wa, a wa mɛ̃ a dãwdãw a.

Mise 5:8

«Ìr a fʋ dɔ̃ dem ƴãw, ŋma bɛ pʋrpʋr bɛ za!»

Ɩzayi 29:19

A bãbàalbɛ na nyɛrɛ nɩ nʋ̃ɔ̀ dɔwlɛ a Sore zie, ɛ́ a bɛl na ɩ nan dem zuo za a nɩsaalbɛ pʋɔ a, cɩlɛ ƴawr'ɩ a Ɩsɩrayɛl Naaŋmɩn na ɩ sõw a zũú.