Ɩzayi 41:13 - A SƐB-SÕW

¹³ Bʋ̃ʋ n'ʋ vɛ̃, a mãa Sore a, ɩ̃ ɩ n a fʋ Naaŋmɩn. Ɩ̃ nyɔw fʋ nɩ a dʋrʋ nũú. Ɩ̃ yere na kʋ̀rɛ fʋ: «Ta zɔrɛ dɛ̃bɩ̃ɛ ɩ, ɩ̃ waar'ɩ a fʋ sõwfʋ.»

Ɩzayi 41:13 Referans Kwoze

Ɩzayi 41:10

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ta ɩ dɛ̃bɩ̃ɛ sãá a fʋ jɩ́rʋ pʋɔ ɩ. Bʋ̃ʋ n'ʋ vɛ̃, a fʋ Naaŋmɩn a, mãa n'ʋ. Ɩ̃ ɩrɛ na fʋ kpɛmɛ, ɩ̃ waar'ɩ a fʋ sõwfʋ, ɩ̃ɩ gùre fʋ na nɩ a ɩ̃ nũu na kpɛmɛ ɛ́ mɩ́ zɛb tʋ̃ɔ́ a.

Sɛb-sõw yielu 73:23

Ɛcɛ mãa nɩ fʋ̃ʋ nɛbɛ kʋralɛ. Fʋ nyɔw mɛ̃ nɩ a dʋrʋ nũú,

Sɛb-sõw yielu 63:8

fʋ wa na wa sõw mɛ̃. Ɩ̃ ŋmɩɛr'ɩ nʋ̃ɔ̀ cɛlsɩ a fʋ pɩgɛ ɓaarʋ́.

Sɛb-sõw yielu 109:31

Bʋ̃ʋ n'ʋ vɛ̃, ʋ àr'ɩ a nã́w sob dʋrʋ lowr, k'ʋʋ faa ʋ a ƴɛ̀r-dɩrbɛ nuru pʋɔ.

Ɩzayi 42:6

«A mãa, a Sore, ɩ̃ bʋɔlɩ fʋ na mɛ̃ a lɛ-na-tu-sɔr-a, ɩ̃ nyɔw fʋ nɩ nũú, ɩ̃ mɛ b'a, ɛ́ ƴãw kɛ́ fʋ wa ɩ mãa nɩ a ɩ̃ nɩbɛ wõ-taa, kɛ́ fʋ wa ɩ a tẽ-daa nɩbɛ cãà.

2 Timote 4:17

A Sore ʋl sõw mɛ̃ na. Ʋ kʋ̀ m'ɩ fãw yaga k'ɩ̃ɩ tʋ̃ɔ́ hieri yel a Yel-nʋ̃ɔ̀, ɛ́ ɩ a nɩ-bʋʋr-yoru za wõ ʋ. Ʋ faa mɛ̃ nɩ a gbẽw nʋɔrɩ́.

Ɩzayi 45:1

À ŋá n'a a Sore ƴɛ̀rɛ a ʋ nɩ-kabra Siirisɩ zie: «Ɩ̃ tɩ̀ɛrɛ fʋ na k'ɩ̃ɩ ɩ fʋ so a nɩ-bʋʋrɛ, k'ɩ̃ɩ faa a na-mɩnɛ nɩ-kpɛ̃ɛnʋ, ɛ́ yuo a tẽ-bɛrɛ dɩ̃dɛɛ pamɛ na kpa kɛ́ jɩ̀r a, a fʋ niŋé.

Ɩzayi 43:6

Ɩ̃ yere nɩ a saa-pɛrɩ́-gʋba-lowr: “Lɛb tɩr bɛ”, ɛ́ yere a saa-pɛrɩ́-dʋrʋ-lowr: “Ta tɛr bɛ ɩ.” Nyɩ tɛr a ɩ̃ bidɛbr a tẽ-zãánɩ á ŋá lɛb wa n, ɛ́ tɛr a ɩ̃ pɔwyaar a tẽw baarʋ zie lɛb wa n.

Ɩzayi 51:18

A fʋ bibiir za fʋ na dɔw a pʋɔ a, kãw za bɛ wul fʋ a sɔ́r ɛ. A bibiir za fʋ na guoli a pʋɔ a, kãw za bɛ tɩɛ fʋ ɛ.

Eziptɩ tẽw yib 14:13

A Moyiir tɩ sɔw nɩ a Ɩsɩrayɛl nɩbɛ à ŋá: «Nyɩ ta zɔrɛ dɛ̃bɩ̃ɛ ɩ! Nyɩ ƴãw fãw ɛ́ nyɩ na nyɛ̃ nɩ a lɛ a Sore na na faa nyɩ a dɩ̃a a. Bʋ̃ʋ n'ʋ vɛ̃, a Eziptɩ tẽw nɩbɛ bɛ ŋa nyɩ na nyɛrɛ a dɩ̃a a, nyɩ kʋ̃ lɛb nyɛ̃ bɛ towtow ɛ.

Eziptɩ tẽw yib 20:20

A Moyiir tɩ sɔw bɛ na: «Nyɩ ta zɔrɛ dɛ̃bɩ̃ɛ ɩ! A nyɩ ɩ-kaafʋ ƴãw n'a a Naaŋmɩn wa. Ʋ bɔbr'a kɛ́ nyɩ zɔrɛ ʋ, ɛ́ ta maalɛ yel-bier ɛ.»

Zeremi 30:10

«A fʋ̃ʋ, Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, a Sore n'ʋ yere. Pʋl-vʋ̃ɔ ta tɛr fʋ ɛ, fʋ̃ʋ, a sãàkʋm-kʋra na n'ɩ Zakɔb a. Ɩ̃ na faa fʋ nɩ a tẽ-zãánɩ pʋɔ, ɛ́ faa a fʋ bibiir a tẽw ʋl pʋɔ bɛ na diw bɛ cen nɩ a. Ɩsɩrayɛl i, fʋ na lɛb'a wa, wa vʋʋrɛ zoom ɛ́ bɛ bãw damnʋ ɛ. Ɛ́ nɩr za kʋ̃ lɛb ƴãw fʋ dɛ̃bɩ̃ɛ ɩ.

Zeremi 46:27

«Fʋ̃ʋ Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ. Ta ɩ kɛ́ dɛ̃bɩ̃ɛ tɛr fʋ yaga za ɩ, fʋ̃ʋ na ɩ a Zakɔb bʋʋrɛ a. Ɩ̃ na faa fʋ nɩ a tẽ-zãánɩ á ŋá pʋɔ, ɛ́ faa a fʋ bʋʋrɛ a ten al pʋɔ bɛ na diw bɛ cen nɩ a. Ɩsɩrayɛl i, fʋ na lɛb'a wa, wa vʋʋrɛ zoom, ɛ́ bɛ bãw damnʋ ɛ. Ɛ́ nɩr za kʋ̃ be be lɛb dam fʋ ɛ.

A naaŋmɩn-ƴɛ̀r-manɛ Aaze sɛbɛ 2:5

Mɛ̃ a lɛ ɩ̃ na tɩ maal'ɩ nyɩ a wõ-taa, a nyɩ Eziptɩ tẽw yib daar a, nɩ a ɩ̃ Vʋʋrʋ na be a nyɩ sɔgɔ a ƴãw a: nyɩ ta zɔrɛ bom za ɩ!

Sɛb-sõw yielu 118:7

A Sore mɩ́ kpɛ m'a, ʋlɛ n'ɩ a ɩ̃ sõwne, alɛ so ɩ̃ na nyɛ̃ a ɩ̃ dɔ̃ dem loba.