Ɩzayi 41:10 - A SƐB-SÕW

¹⁰ Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ta ɩ dɛ̃bɩ̃ɛ sãá a fʋ jɩ́rʋ pʋɔ ɩ. Bʋ̃ʋ n'ʋ vɛ̃, a fʋ Naaŋmɩn a, mãa n'ʋ. Ɩ̃ ɩrɛ na fʋ kpɛmɛ, ɩ̃ waar'ɩ a fʋ sõwfʋ, ɩ̃ɩ gùre fʋ na nɩ a ɩ̃ nũu na kpɛmɛ ɛ́ mɩ́ zɛb tʋ̃ɔ́ a.

Ɩzayi 41:10 Referans Kwoze

Zozue 1:9

Ɩ̃ bɛ yel kʋ̀ b kɛ́ fʋ kpɛmɛ ɛ́ dɩ kanyir e? Ta màwr ɛ, ta zɔrɛ dɛ̃bɩ̃ɛ ɩ, bʋ̃ʋ n'ʋ vɛ̃, a mãa Sore fʋ Naaŋmɩn, ɩ̃ na be n a fʋ zie, be za fʋ na cere a.»

Ʋrɔm 8:31

A na ɩ à ŋá a, tɩ na lɛb yel a kɛ́ bʋnʋ a yel ŋa ƴãw? A Naaŋmɩn wa kpɛ tɩ a, ãa n'ʋ na dɩ n tɩ ƴɛ̀rʋ?

Filib 4:13

Ɩ̃ mɩ́ tʋ̃ɔ́ nɩ bom za, a Kɩrɩta na kʋ̀rɛ mɛ̃ a fãw a zũú.

2 Korɛ̃tɩ 12:9

Ɛcɛ ʋ tɩ yel mɛ̃ na: «A ɩ̃ maalʋ sɛw fʋ na, a bãbàalʋ pʋɔ n'a a ɩ̃ fãw mɩ́ sãá ʋ za bɛ nyɛ̃.» Lɛ so ɩ̃ na nɩ̃ɛ zɛwr ɩ̃ tʋɔra a ɩ̃ bãbàalʋ ƴãw, k'aa Kɩrɩta fãw tʋ̃ɔ́ be a ɩ̃ zie.

Sɛb-sõw yielu 27:1

Daviir so ʋ. A Sore n'ɩ a ɩ̃ cãà nɩ a ɩ̃ faarɛ, ãa dɛ̃bɩ̃ɛ n'a ɩ̃ na zɔrɛ? A Sore n'ʋ gùre a ɩ̃ nyɔ-vʋʋrʋ, ãa niŋé n'a ɩ̃ na màwr?

Sɛb-sõw yielu 63:8

fʋ wa na wa sõw mɛ̃. Ɩ̃ ŋmɩɛr'ɩ nʋ̃ɔ̀ cɛlsɩ a fʋ pɩgɛ ɓaarʋ́.

2 Bibie za yel-manɩ 20:17

Nyɩ kʋ̃ tɩ zɛb'ɩ bɛ a be ɩ. Nyɩ ta a be, àr ɛ́ jɩ́rɛ a lɛ a Sore na na zɛb tʋ̃ɔ́ a nyɩ ƴãw a. Zerizalɛm nɩbɛ nɩ Zuda nɩbɛ ɛ, nyɩ ta zɔrɛ bom za ɩ, ɛ́ ta bɛr dɛ̃bɩ̃ɛ tɛr nyɩ ɛ! Bio, nyɩ yi tuori bɛ, ɛ́ a Sore na be n a nyɩ zie.»

Sɛb-sõw yielu 145:14

A Sore mɩ́ tɩɛ nɩ a bɛlɩ dem na lore a tɛr, ɛ́ nyɔw a bɛlɩ dem na bɛ tɛr fãw a bɛ lɛb ìr.

Ɩzayi 12:2

Nyɛ̃ a Naaŋmɩn na faa tɩ a, tɩ bɛr'ɩ tɩ́ɛrʋ, tɩ bɛ cãà zɔrɛ dɛ̃bɩ̃ɛ ɩ. A tɩ fãw nɩ a tɩ yielu a, a Sore n'ʋ! Ʋ ɩ n a tɩ faarɛ.»

Ɩzayi 60:19

A mʋ̃tɔ̃w bɛ n'ʋ na cãà ɩ a fʋ bibir cãà ɩ, ɛ́ a cuw ɩ a fʋ tɩ̃ɩsɔw cãà ɩ. A mãa, a Sore fʋ Naaŋmɩn, ɩ̃ na caalɛ fʋ nɩ kʋralɛ, ɩ̃ na caalɛ fʋ na nɩ a ɩ̃ cãà na na caalɩ ʋ za a.

Wulu-ayi-sob 20:1

Nyɩmɛ wa cere kɛ́ nyɩ tɩ zɛb'ɩ a nyɩ dɔ̃ dem a, nyɩmɛ wa nyɛ̃ wie bɩɩ zɛbr-torkori, nɩ zɛbr-nɩbɛ na yãwmɛ zuo nyɩ a, nyɩɩm taa zɔrɛ dɛ̃bɩ̃ɛ ɩ. Bʋ̃ʋ n'ʋ vɛ̃, a Sore nyɩ Naaŋmɩn na ɩ nyɩ yi a Eziptɩ a, be n a nyɩ zie.

Zakari 13:9

Ɩ̃ na ɩ n a bɛl na na cãà vʋʋrɛ a, bɛ tu yi a vũumí, ɩ̃ na ɩ na bɛ vɩɛl, mɛ̃ a lɛ bɛ na mɩ́ ɩ a salm-pla ʋ vɩɛl a. Ɩ̃ na ɩ bɛ na kaa bãw a bɛ ŋmɛ̃a, mɛ̃ a lɛ bɛ na mɩ́ ɩ salm-zɩɛ kaa a. Lɛ n'a bɛ na puore mɛ̃, ɩ̃ɩ na mɩ́ sàw nɩ a bɛ puoru. Ɩ̃ na mɩ́ yel bɛ na: “Ɩ̃ nɩ-bʋʋrɛ n'ɩ nyɩ”, ɛ́ a bɛl yel mɛ̃: “Sore e, fʋ̃ʋ n'ɩ a tɩ Naaŋmɩn.”»

Sɛb-sõw yielu 37:24

Ʋlɛ wa ɩ mɛ̃ ʋ lo na a, ʋ bɛ mɩ́ gã a tẽw ɛ, a Sore na nyɔw ʋ a nũú a ƴãw.

Sɛb-sõw yielu 29:11

A Sore na kʋ̀ n fãw a ʋ nɩbɛ, ʋ na kʋ̀ bɛ nɩ a ƴã-ɓaarʋ maalʋ.

Efɛɛzɩ 3:16

Ʋl na kpɛ yúor-vɩɛlʋ-danʋ naalʋ a, ɩ̃ zɛlɛ na k'ʋʋ ɩ a Vʋʋrʋ kʋ̀ nyɩ a fãw, k'aa nyɩ pʋ̃ɔmɩ nɩr tɛr fãw.

2 Bibie za yel-manɩ 32:8

Nɩsaal fãw tɛwr'a ʋ tɛr, ɛcɛ tɩɩm a, a Sore tɩ Naaŋmɩn be n a tɩ zie a tɩ sõwfʋ ƴãw, ɛ́ na zɛbr a tɩ zɛbr.» A Zuda nãà Ezekɩasɩ ƴɛ̀rʋ á ŋá tɩ mɔwl'ɩ a tẽw nɩbɛ za.

Zakari 10:12

Ɩ̃ na ɩ n a ɩ̃ nɩ-bʋʋrɛ bɛ tɛr fãw, bɛ na mɩ́ ɩrɛ na a pɛlɩ a ɩ̃ pʋɔ kʋralɛ. A mãa, a Sore, mãa n'ʋ yel.»

Ɩzayi 43:5

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ɩ̃ na ɩ n a fʋ bibiir bɛ yi a saa-pɛrɩ́ lɛb wa, ɩ̃ na tɛr bɛ nɩ a mʋ̃tɔ̃w-kpɛb-lowr wa ɓã taa.

Sɛb-sõw yielu 46:11

Ʋ cɩɩrɛ na yere: «Nyɩ zɩ̃ zoom, ɛ́ bãw kɛ́ ɩ̃ ɩ n Naaŋmɩn! Ɩ̃ tʋ̃ɔ́ nɩ a nɩ-bʋʋrɛ za, ɩ̃ tʋ̃ɔ́ nɩ a tẽw za.»

Ɩzayi 49:8

À ŋá n'a a Sore yere: «A daar na wa ta a, ɩ̃ sɔw fʋ na. A faafʋ bibir na wa vɩɛ a, ɩ̃ sõw fʋ na. Ɩ̃ cɔbrɩ fʋ na k'ɩ̃ɩ ɩ fʋ ɩ a wõ-taa bom mãa nɩ a ɩ̃ nɩbɛ cará. Ɩ̃ na ɩ n a Ɩsɩrayɛl tẽw ʋ lɛb ìr, ɩ̃ɩ lɛb põ a tẽw ŋa na sãw gã a ziir.

Sɛb-sõw yielu 37:17

bʋ̃ʋ n'ʋ vɛ̃, a nɩ-faar fãw na baar'a, ɛcɛ Sore mɩ́ tɩɛ nɩ a nɩ-mɩn tɛr.

Ɩzayi 44:2

À ŋá n'a ɩ̃ yere, a mãa Sore na maalɩ fʋ a, na cɔbrɩ fʋ ɛ́ fʋ bɛ dɔw sɛr ɩ̃ɩ waar a fʋ sõwfʋ a: Ta zɔrɛ dɛ̃bɩ̃ɛ ɩ, ɩ̃ tõ-tõ-bie Zakɔb i, fʋ̃ʋ Yesurun ɩ̃ na kaa ír a.

Sɛb-sõw yielu 144:11

Faa mɛ̃, ír mɛ̃ bɛr a nɩ-bʋʋr-yoru nuru pʋɔ, bɛ ŋmarɛ nɩ ziri, ɛ́ mɩ́ zɛw a nũu pɔ n ɛ́ bɛ tu ɛ.

Sɛb-sõw yielu 41:12

À ŋá n'a ɩ̃ na bãw kɛ́ fʋ de nɩ a ɩ̃ yele: a ɩ̃ dɔ̃ sob bɛ wa tʋ̃ɔ́ mɛ̃ a.

Sɛb-sõw yielu 46:7

Nɩ-bʋʋrɛ ɩrɛ nɩ gɔmɛ, naalʋ-ten lore, ɛcɛ Naaŋmɩn ƴɛ̀r'a, a kɔkɔr yi, a tẽw nyɩl.

Ɩzayi 52:7

A yel-nʋ̃ɔ̀ yere bɛ na nyɛ̃ ʋ be a tan zu waar a, nyɛ̃ nʋ̃ɔ̀ na ɩrɛ a! Ʋ yere nɩ a ƴã-ɓaarʋ, a nʋ̃ɔ̀ nɩ a faafʋ. Ʋ yere na kʋ̀rɛ a Zerizalɛm: «A fʋ Naaŋmɩn ɩ n nãà».

Yele-za-pɛr-tib 15:1

A yele á ŋá pùorí, a Sore tɩ ɩ na a Abram nyɛ̃ ʋ, ʋʋ ƴɛ̀r a ʋ zie à ŋá: «Ta zɔrɛ dɛ̃bɩ̃ɛ ɩ, Abram i! Mãa n'ʋ gùre fʋ, ɛ́ na kʋ̀ b sã-ya-kpɛ̃ɛ.»

Sɛb-sõw yielu 65:5

Zu-nʋ̃ɔ̀ dem'ɩ a bɛl fʋ na kaa ír, ɛ́ ɩ kɛ̀ bɛ taw pɩɛlɩ a, bɛ na kpɩɛr'ɩ a fʋ davʋrɩ pʋɔ. Tɩ na dɩ n a fʋ yir bome tɩw, a bʋ̃-son na be a fʋ yir pʋɔ a.

Luka 1:30

Lɛ n'a a malkɩ yel ʋ: «Ta zɔrɛ dɛ̃bɩ̃ɛ ɩ, Marya a, fʋ nyɛ̃ nɩ maalʋ a Naaŋmɩn zie.

Sɛb-sõw yielu 147:12

Zerizalɛm i, íre a Sore yúor, Sɩyɔ̃ tẽw i, danɛ a fʋ Naaŋmɩn.

1 Bibie za yel-manɩ 12:18

A Daviir tɩ yi na tuori bɛ ɛ́ yel à ŋá: «Alɛ wa ɩ ƴã-ɓaarʋ tɩɛrʋ n'a nyɩ waar'ɩ a ɩ̃ zie nɩ kɛ́ nyɩ wa sõw mɛ̃ a, nyɩɩm wa, ɩ̃ dier nyɩ na nɩ ɩ̃ pʋɔ za. Ɛcɛ nyɩmɛ wa waar kɛ́ nyɩ wa mɩl mɛ̃ nyɔw kʋ̀ a ɩ̃ dɔ̃ dem, ɩ̃ na saa bɛ sãw bom a, a tɩ sãàkʋm-kore Naaŋmɩn, ʋ nyɛ̃ ɛ́ bãw a yel ŋa.»

Luka 1:13

Ɛcɛ a malkɩ tɩ yel ʋ na: «Ta zɔrɛ dɛ̃bɩ̃ɛ ɩ, Zakari i, Naaŋmɩn sàw na de a fʋ puoru. A fʋ pɔw Elizabɛr na dɔw nɩ bidɛble kʋ̀ fʋ, fʋ por a yúor kɛ́ Zã.

Sɛb-sõw yielu 99:4

Nãà fãw n'ɩ ʋ na nɔnɛ a yel-na-tu-sɔr-a. Fʋ̃ʋ n'ʋ bin a lɛ a na sɛw k'aa yele tuur a. A yel-na-tu-sɔr nɩ a mɩnʋ a, fʋ̃ʋ n'ʋ ƴãw a a Zakɔb bʋʋrɛ pʋɔ.

Sɛb-sõw yielu 144:8

Bɛ ŋmarɛ nɩ ziri ɛ́ mɩ́ zɛw a nũu pɔ n, ɛ́ bɛ tu ɛ.

A naaŋmɩn-ƴèr-manɛ Oze sɛbɛ 1:9

Ɛ́ a Sore tɩ yel a Oze: «Por ʋ a yúor kɛ́ Lo-Ami, a pɛr lɛ kɛ́: Bɛ-bɛ-ɩ-ɩ̃-nɩ-bʋʋrɛ-ɩ. Bʋ̃ʋ n'ʋ vɛ̃, a nyɩɩm Ɩsɩrayɛl nɩbɛ, nyɩ bɛ ɩ ɩ̃ nɩ-bʋʋrɛ ɩ, ɛ́ a nyɩ zie a, ɩ̃ bɛ be ɩ.»

Yele-za-pɛr-tib 31:5

ʋ wa yel bɛ: «Ɩ̃ nyɛ̃ na k'aa nyɩ sãà bɛ cãà ɩrɛ a ɩ̃ zie mɛ̃ a koro za a ɩ, ɛcɛ a ɩ̃ sãà Naaŋmɩn bɛ bɛr mɛ̃ ɩ.

Yele-za-pɛr-tib 49:24

Ɛcɛ ʋ fɩɩr'ɩ a ʋ tam tɛr kpɛ̃w za, a ʋ kpãkpamɛ nɩ a ʋ nuru dɔlɛ na ɛ́ gùre vla. A Zakɔb Naaŋmɩn na bɛ tɛr tʋ̃ɔ́fʋ a fãw zũú, fʋ lɩɛb'ɩ pi-cɩ̃ɩnɛ, fʋ ɩ n a Ɩsɩrayɛl pìir.

Eziptɩ tẽw yib 14:13

A Moyiir tɩ sɔw nɩ a Ɩsɩrayɛl nɩbɛ à ŋá: «Nyɩ ta zɔrɛ dɛ̃bɩ̃ɛ ɩ! Nyɩ ƴãw fãw ɛ́ nyɩ na nyɛ̃ nɩ a lɛ a Sore na na faa nyɩ a dɩ̃a a. Bʋ̃ʋ n'ʋ vɛ̃, a Eziptɩ tẽw nɩbɛ bɛ ŋa nyɩ na nyɛrɛ a dɩ̃a a, nyɩ kʋ̃ lɛb nyɛ̃ bɛ towtow ɛ.

Eziptɩ tẽw yib 20:20

A Moyiir tɩ sɔw bɛ na: «Nyɩ ta zɔrɛ dɛ̃bɩ̃ɛ ɩ! A nyɩ ɩ-kaafʋ ƴãw n'a a Naaŋmɩn wa. Ʋ bɔbr'a kɛ́ nyɩ zɔrɛ ʋ, ɛ́ ta maalɛ yel-bier ɛ.»

Ɩzayi 50:9

A Sore Naaŋmɩn n'ʋ sõwne mɛ̃, ãa n'ʋ na tʋ̃ɔ́ yel k'ɩ̃ɩ ɩ n sãwna sob? A ɩ̃ dɔ̃ dem na zaw nɩ bɛ za mɛ̃ kparʋ mɔwr na mɔw a.

A naaŋmɩn-ƴɛ̀r-manɛ Aaze sɛbɛ 1:13

Al pùorí, a Sore nɩ-tona Aze tɩ yel'ɩ yel ŋa kʋ̀ a nɩbɛ: «Mãa n'ʋ yere kʋ̀rɛ nyɩ, a mãa Sore, ɩ̃ na be n a nyɩ zie.»

A naaŋmɩn-ƴɛ̀r-manɛ Aaze sɛbɛ 2:5

Mɛ̃ a lɛ ɩ̃ na tɩ maal'ɩ nyɩ a wõ-taa, a nyɩ Eziptɩ tẽw yib daar a, nɩ a ɩ̃ Vʋʋrʋ na be a nyɩ sɔgɔ a ƴãw a: nyɩ ta zɔrɛ bom za ɩ!

Yele-za-pɛr-tib 26:24

A Sore tɩ ɩ na ʋ nyɛ̃ ʋ a tɩ̃ɩsɔw, ʋʋ yel ʋ: «Mãa n'ɩ a fʋ sãà Abraham Naaŋmɩn. Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ɩ̃ na maalɩ fʋ na, ɛ́ ɩ a fʋ bʋʋrɛ bɛ yɛ̀r yãwmɛ yaga, a ɩ̃ tõ-tõ-bie Abraham zũú.»

Ƴɛ̀r-dɩrbɛ 6:16

A lɛ n'a a Sore tɩ yel ʋ: «Ɩ̃ na be n a fʋ zie, ɛ́ fʋ na zɛb'a tʋ̃ɔ́ a Madian tẽw dem za mɛ̃ nɩ-been a.»

2 Samɩɛl 22:19

Bɛ tɩ wa n a ɩ̃ ƴãw, a ɩ̃ baw-bio bibir, ɛcɛ a Sore tɩ wa na wa tɩɛ mɛ̃,

Sɛb-sõw yielu 18:36

Sore e, a fʋ dʋrʋ nũu mɩ́ tɩɛ mɛ̃ na tɛr, fʋ ɩ na mɛ̃ zɛbr-kur-pãgala na piw mɛ̃ tɛr ɛ́ faa mɛ̃ a, fʋ mɩ́ sàw nɩ a ɩ̃ bʋɔlʋ, ɛ́ ɩ k'ɩ̃ kpɛmɛ.

Sɛb-sõw yielu 33:12

Zu-nʋ̃ɔ̀ dem'ɩ a tẽw ʋl dem a Sore na ɩ a Naaŋmɩn a, zu-nʋ̃ɔ̀ dem'ɩ a nɩ-bʋʋrɛ bɛl ʋ na kaa ír so a.

Ɩzayi 35:4

Nyɩ yel a bɛlɩ dem na bɛ tɛr kanyir a: «Nyɩ kpɛmɛ! Nyɩ ta zɔrɛ dɛ̃bɩ̃ɛ ɩ! Nyɩ nyɛ̃ a nyɩ Naaŋmɩn. Ʋ waar'a k'ʋʋ wa yáa a san kʋ̀ nyɩ, ɛ́ maalɩ a nyɩ dɔ̃ dem a faa bɛ na maalɩ nyɩ a, ʋ waar'ɩ a ʋl mɩŋa a nyɩ faafʋ.»

Ɩzayi 37:6

ʋ yel bɛ: «Nyɩ cen tɩ yel à ŋá a Sore na yere a kʋ̀ a nyɩ nɩ-kpɛ̃ɛ: “Fʋ wõ n a zʋmɛ a Asiiri tẽw nãà sojarɩ nɩ-bɛrɛ na tʋ m'a. Ta zɔrɛ dɛ̃bɩ̃ɛ a lɛ bɛ na yel a ƴãw ɛ.

A Lãw-mʋɔlɛ 3:57

Ɩ̃ na tɩ bʋɔlɩ fʋ a, fʋ taw na pɩɛlɩ, ɛ́ yel mɛ̃: «Ta zɔrɛ dɛ̃bɩ̃ɛ ɩ!»

Zakari 10:6

Ɩ̃ na ɩ na a Zuda nɩbɛ tɛr fãw, ɩ̃ na faa nɩ a Ɩsɩrayɛl nɩbɛ. Ɩ̃ na lɛb'a tɛr bɛ wa n a bɛ tẽw, ɛ́ wul bɛ a ɩ̃ nɔ̃wfʋ, mɛ̃ ɩ̃ bɛ dãw jɛ bɛ bɛr towtow a. Ɩ̃ ɩ n a Sore bɛ Naaŋmɩn, ɩ̃ɩ na sàw na de a bɛ puoru.