Ɩzayi 40:5 - A SƐB-SÕW

⁵ Lɛ n'a a Sore yúor-vɩɛlʋ-danʋ na sãá, ɛ́ a nɩbɛ za na nyɛ̃ ʋ na. À à ŋá n'a a Sore yel.»

Ɩzayi 40:5 Referans Kwoze

Habakukɩ 2:14

Yel-mɩŋa, a Sore yúor-vɩɛlʋ-danʋ a nɩbɛ na na bãw a, na paal'ɩ a tẽw, mɛ̃ a lɛ a kʋ̃ɔnɩ na paalɩ pàw a kʋ̃ɔ-kpɛ̃ɛ a.

Ɩzayi 52:10

A nɩ-bʋʋr-yoru za niŋé a, a Sore wul'ɩ a ʋ sonu kpɛnʋ, ɛ́ a nɩbɛ na nyɛ̃ nɩ a tɩ Naaŋmɩn faafʋ tɩ tɔ a tẽw baarʋ ziir za.

Luka 3:6

ɛ́ bʋ̃-vʋʋra za na nyɛ̃ nɩ a Naaŋmɩn faafʋ.»

2 Korɛ̃tɩ 4:6

Bʋ̃ʋ n'ʋ vɛ̃, a Naaŋmɩn ʋl na yel kɛ́: «A cãà, ʋ caalɩ a lige sɔgɔ a», ʋl mɩŋa n'ʋ caalɩ a tɩ socie pʋɔ, k'ʋʋ ɩ tɩ bãw a ʋ yúor-vɩɛlʋ-danʋ cãà na caalɛ a Kɩrɩta niwn ƴãw a.

Ɩzayi 60:1

Ìr àr, Zerizalɛm i! Nyɩwrɛ fʋ za. Bʋ̃ʋ n'ʋ vɛ̃, a fʋ cãà waar'a, a Sore yúor-vɩɛlʋ-danʋ pure nɩ a fʋ zu!

Ɩzayi 11:9

Bɛ kʋ̃ cãà maalɛ yel-faa ɛ́ sãwnɛ bom a ɩ̃ tãw-sõw za zu ɛ. Bʋ̃ʋ n'ʋ vɛ̃, a Sore bãwfʋ na paal'ɩ a tẽw, mɛ̃ man na paalɩ kʋ̃ɔ a.

Ɩzayi 58:14

a lɛn daar a, mãa zie n'a fʋ na mɩ́ nyɛ̃ a fʋ nʋ̃ɔ̀. Ɩ̃ na tɛr fʋ na mɛ̃ nɩr na zɛb tʋ̃ɔ́ a do n a tẽw tan zu. Ɩ̃ na ɩ na fʋ dɩ a tẽw a fʋ sãàkʋm-kʋra Zakɔb na páw a bome.» À ŋá n'a a Sore yel k'ʋʋ na ɩ na.

Ɩzayi 6:3

Bɛ tɩ cɩɩrɛ na yere kʋ̀rɛ taa: «Sõw, sõw, sõw, a Sore, a kpɛnʋ-za-sob! A ʋ yúor-vɩɛlʋ-danʋ paal'ɩ a tẽw za!»

Sɛb-sõw yielu 72:19

A ʋ yúor-vɩɛlʋ-danʋ, ʋ paalɩ a tẽw za! Amɛn! Lɛb maal Amɛn!

Yel-wula 21:23

A tẽw bɛ tɛr a mʋ̃tɔ̃w nɩ a cuw cãà yel-ɩra ɩ, a Naaŋmɩn yúor-vɩɛlʋ-danʋ na caalɛ ʋ a ƴãw, nɩ a Pele na ɩ a ʋ fɩ̃tɩlɛ a ƴãw.

Nɩ-toni 2:17

“À ŋá n'a a Naaŋmɩn ƴɛ̀rɛ: a bibi-pɛ-baarɩ wa vɩɛ a, ɩ̃ na ƴãw nɩ a ɩ̃ Vʋʋrʋ nɩsaal za. A nyɩ bidɛbr nɩ a nyɩ pɔwyaar na lɩɛb'ɩ naaŋmɩn-ƴɛ̀r-manbɛ, a nyɩ pɔlbili na nyɛrɛ nɩ bʋ̃-nyɛrɩ, zánʋ na waar'ɩ a nyɩ dɛb-nyamɛ,

Ɩzayi 66:23

À ŋá n'a, cuw-paala za nɩ pɩ̃ɛnʋ-bibir za, a nɩbɛ za na mɩ́ wa wa gbĩ dume a ɩ̃ niŋé.

Ebre 1:3

A Bie ŋa n'ɩ a Naaŋmɩn yúor-vɩɛlʋ-danʋ na nyɩwrɛ a, nɩ a lɛ tɔr za a Naaŋmɩn na ŋmɛ̃ a, ɛ́ ʋlɛ n'ʋ nyɔw a tẽ-daa tɛr nɩ a ʋ ƴɛ̀rʋ fãw. Ʋ na wa pɛ́w a nɩsaalbɛ yel-bebe dɛwr bɛr baar'a, ʋ zɩ̃ n a Naaŋmɩn na ɩ kpɛ̃ɛ kpɛ̃ɛ za a dʋrʋ lowr a saa-zu.

2 Korɛ̃tɩ 3:18

Tɩɩm za bɛ na ír a pɛn bɛr tɩ a niwn ƴãw a, tɩ ɩrɛ nɩ a Sore yúor-vɩɛlʋ-danʋ sãanɛ mɛ̃ caala pʋɔ a, tɩ lɩɛb'a ŋmɛ̃ taa nɩ a Sore, ʋl na ɩ a Vʋʋrʋ a, ʋlɛ n'ʋ mɩ́ ɩ tɩ yi yúor-vɩɛlʋ-danʋ pʋɔ kpɛ yúor-vɩɛlʋ-danʋ na vɩɛl zuo a pʋɔ.

Zã 12:41

A Ɩzayi na tɩ de niwn nyɛ̃ a Yeezu yúor-vɩɛlʋ-danʋ, ɛ́ ƴɛ̀r a ʋ ƴɛ̀rʋ a n'a so ʋ ƴɛ̀r à à ŋá.

Zã 1:14

A Ƴɛ̀rʋ lɩɛb'ɩ nɩsaal, ʋ wa na wa kpɛ a tɩ sɔgɔ, ɛ́ tɩ nyɛ̃ nɩ a ʋ yúor-vɩɛlʋ-danʋ, a Sãà Bi-been yõ yúor-vɩɛlʋ-danʋ na yi a Sãà zie a, ʋ paal'ɩ nɔ̃wfʋ nɩ yel-mɩŋa.

Zakari 2:13

Sɩza, ɩ̃ na wa n a nɩ-bʋʋr-yoru ƴãw: a bɛ gbãgbaar mɩ̀ na fá n a bɛ bome.» A yele á ŋá wa ɩ a, nyɩ na bãw na k'aa Sore Kpɛnʋ-za-sob sɩrɩ n'ʋ tõ m.

Ɩzayi 1:20

Ɛcɛ nyɩmɛ wa zawrɩ a, nyɩmɛ wa cãà gaarɩ a, a zɛbr-sɔ-kpɛ̃ɛ n'ʋ na dɩ nyɩ.» À ŋá n'a a Sore ƴɛ̀r.

Zã 17:2

Lɛ n'a ʋ na kʋ̀ a nyɔ-vʋʋrʋ na be kʋralɛ a a bɛlɩ dem za fʋ na de kʋ̀ ʋ a, a fãw fʋ na kʋ̀ ʋ bʋ̃-vʋʋra za zu a ƴãw.

Mise 4:4

Ŋa za na mɩ́ ɓãá nɩ ƴãw kʋɔr a ʋ divɛ̃ tɩɩr púo nɩ a ʋ kãkã-tɩɩr, ɛ́ nɩr za bɛ damnɛ ʋ ɛ.» À à ŋá n'a a Sore Kpɛnʋ-za-sob yere.

Zeremi 9:12

A Sore cãà na yere: «Bɛ na zawrɩ a wulu ɩ̃ na tɩ kʋ̀ bɛ a bɛr a n'a so. Bɛ zawr'a na bɛr wõ ɛ́ tu a lɛ za ɩ̃ na tɩ yere kʋ̀rɛ bɛ a.

Ɩzayi 49:6

Ʋ yel mɛ̃ na: «Fʋ na ɩ a ɩ̃ tõ-tõ-bie kɛ́ fʋ ɩ a Zakɔb dɔwlʋ a lɛb ìr a, kɛ́ fʋ tɛr a Ɩsɩrayɛl nɩbɛ bɛl na cãà vʋʋrɛ a lɛb wa n a, a ɩ n pʋrɩ. Ɩ̃ ɩ na fʋ ɩ a nɩ-bʋʋr-yoru cãà, k'aa ɩ̃ faafʋ cen tɩ tɔ a tẽw baarʋ zie».

Ɩzayi 35:2

A póru pʋɔ mɔ̃-puuru, a pu pàw ʋ, ʋ cɩlɛ ƴawr'ɩ, ŋmɩɛr'ɩ nʋ̃ɔ̀ cɛlsɩ! A Sore kʋ̀ ʋ nɩ a Libã tan vɩɛlʋ, a Karmɛl tãw nɩ a Saron tɩ̃tal dɛpaalʋ. Lɛ n'a bɛ na nyɛ̃ a Sore yúor-vɩɛlʋ-danʋ, a tɩ Naaŋmɩn dɛpaalʋ.

Sɛb-sõw yielu 102:16

A nɩ-bʋʋr-yoru na ƴãwnɛ fʋ na, Sore e, a tẽw zu na-mɩnɛ za na ƴãwnɛ nɩ a fʋ yúor-vɩɛlʋ-danʋ.

Sɛb-sõw yielu 96:6

Vɩɛlʋ nɩ cãà n'a be a ʋ niŋé, kpɛnʋ nɩ dɛpaalʋ n'a be a ʋ yir pʋɔ.

Luka 2:32

ʋ ɩ n cãà na na ɩ a tẽ-daa nɩ-bʋʋrɛ za bãw fʋ a, ɛ́ ɩ a fʋ nɩ-bʋʋrɛ Ɩsɩrayɛl yúor-vɩɛlʋ-danʋ.»

Zeremi 32:27

A mãa, a Sore a, mãa n'ɩ bʋ̃-vʋʋrɩ za Naaŋmɩn. Bom be n be kpɛmɛ zuo a ɩ̃ zie e?

Ɩzayi 66:16

Sɩza, a vũu nɩ a zɛbr-sɔ-kpɛ̃ɛ n'a a Sore na dɩ n a nɩsaalbɛ za a ƴɛ̀rʋ. A kũuni na yãwmɛ na.

Eziptɩ tẽw yib 16:7

Ɛ́ a bio biɓaara a, nyɩ na nyɛ̃ nɩ a ʋ yúor-vɩɛlʋ-danʋ, bʋ̃ʋ n'ʋ vɛ̃, ʋ wõ a na nyɩ na zɛbr'ɩ ʋ a. Tɩɩm a, tɩmɛ mɩ̀ n'ɩ ã-mɩnɛ, nyɩ zɛbr'ɩ tɩ?»

Sɛb-sõw yielu 97:6

A salom hiere na yere a ʋ mɩnʋ, ɛ́ a nɩ-bʋʋrɛ za nyɛrɛ a ʋ yúor-vɩɛlʋ-danʋ.

Ɩzayi 34:16

Nyɩmɛ wa bɔ a Sore sɛbɛ pʋɔ a, nyɩ na kanɩ nɩ ƴɛ̀r-bie á ŋá: A dʋn á ŋá kãw za bɛ cɛ ɩ, a kãw za bɛ cɛ bɛ ka be ɩ. Bʋ̃ʋ n'ʋ vɛ̃, a Sore n'ʋ ƴãwnɛ a nɛ́ɛ kʋ̀rɛ a, a ʋ Vʋʋrʋ n'ʋ ɓanɛ a taa.

Ɩzayi 40:4

Fʋɔla za, ʋ paalɩ tanɛ do, tã-kpɛ̃ɛ za nɩ tãle za, a tuw siw man. A gbĩgbin, ʋ lɩɛbɩ zie na man taa a, ɛ́ a zi-kɛrɩ lɩɛbɩ fʋɔl-yɛlsɩ!

Ɩzayi 41:20

Lɛ n'a a nɩbɛ za na nyɛ̃ k'aa Sore n'ʋ maalɩ a yele á ŋá, k'aa Ɩsɩrayɛl Naaŋmɩn na ɩ sõw a n'ʋ ír a. A nɩbɛ za na bãwnɩ a na, bɛ za na cɛlɛ nɩ be ɛ́ bãw a pɛr.

1 Na-mɩnɛ 14:11

A fʋ yir nɩr za na na kpi a tẽw pʋɔ a, baar'a na 'wɔb ʋ, ɛ́ nɩr za na na kpi a wɩ̀ɛ pʋɔ a, dùme n'a na dɩ ʋ.” A ƴɛ̀rʋ n'ɩ à ŋà a Sore na ƴɛ̀r a.»

Sɛb-sõw yielu 102:17

A Sore wa lɛb mɩɛr a Sɩyɔ̃ tẽw a, bɛ na nyɛ̃ ʋ nɩ a ʋ vɩɛlʋ pʋɔ.

Ɩzayi 26:15

Fʋ ɩ na a tɩ tẽw nɩbɛ yɛ̀r dɔwlɩ, Sore e, fʋ ɩ na a tɩ tẽw nɩbɛ yɛ̀r dɔwlɩ, fʋ wul'ɩ a fʋ yúor-vɩɛlʋ-danʋ, fʋ ɩ na a tẽw tʋr-bɔwrɩ za taw tɔl nidaa.

Ɩzayi 66:18

A Sore yere na: «Ɩ̃ bãw nɩ a alɩ bome nɛ bɛ na ɩrɛ a, nɩ a alɩ bome nɛ bɛ na tɩɛrɛ a. Ɩ̃ waar'a k'ɩ̃ɩ wa ɓã a nɩ-bʋʋrɛ za na ƴɛ̀rɛ ƴɛ̀r-pɛ-bʋʋrɛ za a taa.