Ɩzayi 40:3 - A SƐB-SÕW

³ Kɔkɔr kãw cɩɩrɛ na yere: «Nyɩ puo sɔ́r a wɛja-kpalɛ pʋɔ a Sore ƴãw. Nyɩ maalɩ sɔ́r a zi-kõw ŋa pʋɔ ʋ vɩɛl a tɩ Naaŋmɩn ƴãw.

Ɩzayi 40:3 Referans Kwoze

Malasɩ 3:1

«À ŋá n'a a Sore, a kpɛnʋ-za-sob, sɔwr nyɩ: “Ɩ̃ tone nɩ a ɩ̃ nɩ-tona k'ʋʋ tɩ puo a sɔ́r bɛr mɛ̃. Bɛ nãà wa bere na, a Sore nyɩ na bɔbr a, kpɛ a ʋ yir-kpɛ̃ɛ pʋɔ. A wõ-taa nɩ-tona nyɩ na gùre a, ʋlɛ n'ɩ ŋan waar.”

Zã 1:23

A Zã tɩ dɔl'ɩ nʋɔr yel: «Mãa n'ɩ a “Nɩr ʋl kɔkɔr na cɩɩrɛ a wɛja-kpalɛ pʋɔ a: Nyɩ maalɩ a Sore sɔ́r ʋ ɩ dẽdẽ”», mɛ̃ a lɛ a naaŋmɩn-ƴɛ̀r-manɛ Ɩzayi na yel a.

Ɩzayi 57:14

A Sore yel a: «Nyɩ maalɩ a sɔ́r, nyɩ ɩ fɔ̃w, nyɩ puo a sɔ́r, nyɩ ír a bome na piw a ɩ̃ nɩ-bʋʋrɛ sɔ́r a bɛr.»

Ɩzayi 43:19

Bʋ̃ʋ n'ʋ vɛ̃, ɩ̃ na maal'ɩ yel-paala, ʋ tĩ na sãánɛ. Nyɩ bɛ nyɛ̃ ʋ bãw ɛ? Yel-mɩŋa, ɩ̃ na puo nɩ sɔ́r a wɛja-kpalɛ pʋɔ, ɩ̃ na ɩ na mamɛ zɔrɛ a zi-kõw ŋa pʋɔ.

Ɩzayi 35:8

Sɔ́r na be n a be bɛ bʋɔlɛ sɔr-sõw. Dɛwr sob kãw za bɛ tuur ʋ ɛ, bʋ̃ʋ n'ʋ vɛ̃, a Sore mɩŋa n'ʋ na puo ʋ, ɛ́ a dãbole bɛ waar wa bɔrɛ gʋɔr a ʋ zu ɛ.

Ɩzayi 49:11

Ɩ̃ na ɩ na a tan sɛ́ɛ za lɩɛbɩ sɛ́ɛ na tɛr cenu a. Ɩ̃ na lɛb'a maalɩ a sɛ́ɛ ƴãw.

Sɛb-sõw yielu 68:4

Ɛcɛ a nɩ-mɩn mɩ́ cɩlɛ na, bɛ cɩlɛ na ƴawr'ɩ a Naaŋmɩn niŋé, nʋ̃ɔ̀ ɩrɛ bɛ na bɛ ƴawr.

Ɩzayi 40:4

Fʋɔla za, ʋ paalɩ tanɛ do, tã-kpɛ̃ɛ za nɩ tãle za, a tuw siw man. A gbĩgbin, ʋ lɩɛbɩ zie na man taa a, ɛ́ a zi-kɛrɩ lɩɛbɩ fʋɔl-yɛlsɩ!