Ɩzayi 40:28 - A SƐB-SÕW

²⁸ Fʋ bɛ bãwnɩ a ɩ? Fʋ bɛ wõ a ɩ? A Sore ɩ n a Naaŋmɩn na be kʋralɛ a. Ʋ ír'ɩ a tẽw za. A ʋ fãw bɛ síwre ɩ, ʋ bɛ bàlɛ ɩ. Nɩr kʋ̃ tʋ̃ɔ́ manɩ a ʋ yã zulu ɛ.

Ɩzayi 40:28 Referans Kwoze

Sɛb-sõw yielu 147:5

A tɩ Sore ɩ n kpɛ̃ɛ ɛ́ tɛr fãw yaga za, a ʋ yã bɛ tɛr tɛwfʋ zie ɩ.

Filib 1:6

Ɩ̃ bɛ bʋ́nɛ nɩ a yel ŋa ɩ: a Naaŋmɩn na tĩ a tõ-vla ʋl a nyɩ zie a, ʋ na cãà na cow ʋ tɩ baarɩ a Yeezu Kɩrɩta lɛb-waa bibir.

1 Timote 1:17

A yome za Nãà, a Naaŋmɩn-been yõ tẽtẽ na bɛ tɛr kũu daar, ɛ́ nɩr kʋ̃ tʋ̃ɔ́ nyɛ̃ nɩ mimir a, ʋlɛ so ƴãwfʋ nɩ yúor-vɩɛlʋ-danʋ, a yome yome za. Amɛn.

Ɩzayi 40:21

Nyɩ bɛ bãw ɛ? Nyɩ bɛ wõ a ɩ? Bɛ bɛ yel yel kʋ̀ nyɩ a pɛr-tib daar za ɩ? Nyɩ bɛ wõ a alɩ bome nɛ na n'ɩ a tẽ-daa pɛr a ɩ?

1 Korɛ̃tɩ 2:16

Bʋ̃ʋ n'ʋ vɛ̃, bɛ sɛb'a kɛ́: «Ãa n'ʋ bãw a Sore pʋ-tɩɛrʋ? Ãa n'ʋ na tʋ̃ɔ́ wul ʋ yã?» Ɛ́ tɩɩm a, tɩ tɛr'ɩ a Kɩrɩta pʋ-tɩɛrʋ.

Zã 14:9

A Yeezu yel ʋ: «Ɩ̃ be n a nyɩ zie tɩ cɛlɩ sɛw à ŋá za, ɛ́ fʋ cãà bɛ bãw mɛ̃ ɩ, Filib i? Ʋlɩ sob na nyɛ̃ m a, ʋ nyɛ̃ nɩ a Naaŋmɩn Sãà. Ŋmɩŋmɩn za n'a fʋ yel: “Wul tɩ a Naaŋmɩn Sãà?”

Yele-za-pɛr-tib 21:33

A Abraham tɩ sɛl'ɩ tamarisɩ tɩɛ a Bɛɛr-Seva, ɛ́ puori a Naaŋmɩn na be kʋralɛ a, bʋɔl'ʋ kɛ́ Sore.

Ebre 9:14

a Kɩrɩta zɩ̃ɩ na ɩ n ŋmɩn bɛ ɩ gãw lɛ? Ʋl a Vʋʋrʋ na be kʋralɛ a na ƴãw ʋ de ʋ tʋɔra kʋ̀ a Naaŋmɩn mɛ̃ bàwr-maal-bom na bɛ tɛr dɛwr a, a ʋ zɩ̃ɩ na pɛ́w nɩ a tɩ pʋɔ dɛwr bɛr a ɩ-ɩrɩ na waar'ɩ kũu a na ƴãw tɩ a, kɛ́ tɩ tʋ̃ɔ́ tone a Naaŋmɩn na vʋʋrɛ a tome.

Luka 24:25

Lɛ n'a a Yeezu yel bɛ: «Bʋ̃ʋ pãa ɩ nyɩ bɛ tɛr tɩɛrʋ, ɛ́ a nyɩ socie kpɛ vanana a naaŋmɩn-ƴɛ̀r-manbɛ ƴɛ̀rʋ sàwfʋ ƴãw a?

1 Korɛ̃tɩ 6:19

Bɩɩ nyɩ taa bɛ bãw kɛ́ a nyɩ ƴã-gan ɩ n a Vʋʋrʋ Sõw yir u? A Vʋʋrʋ Sõw ŋa na be a nyɩ pʋɔ ɛ́ yi Naaŋmɩn zie wa a. Nyɩ bɛ bãwnɩ a nyɩ na bɛ so nyɩ tʋɔra a bɩɩ?

1 Korɛ̃tɩ 6:9

Nyɩ nɔ̃w bɛ bãw k'aa bɛlɩ dem na nɛbr a bɛ taabɛ a, kʋ̃ kpɛ a Naaŋmɩn Naalʋ pʋɔ ɩ? Nyɩ ta bɛ̀lɛ nyɩ tʋɔra a ɩ! A pɩ̃ɔ-yel-maalbɛ, nɩ a bɛl na maalɛ a tɩbɛ a, a pɔw-gaa yel-bier-maalbɛ, nɩ a dɛb-bɛrɛ na gánɛ nɩ a dɛbli a,

Zeremi 4:22

A Sore yere n'a: «A ɩ̃ nɩbɛ bol'a, bɛ bɛ bãw mɛ̃ ɩ. Bibiir na bɛ tɛr yã a nɛbɛ, bɛ bɛ bãw bom za ɩ. Bɛ bãw nɩ a faa maalʋ vla ɛ́ bɛ bãw a vla maalʋ ɛ.»

Sɛb-sõw yielu 90:2

A tan na bɛ tɩ yi sɛr a, a tẽsɔw nɩ a zie na bɛ tɩ be sɛr a, fʋ tɩ ɩ n a Naaŋmɩn dɩta-pɛ-yome za, ɛ́ na ɩ ʋ kʋralɛ.

Ɩzayi 45:22

Nyɩɩm na wɩɛr tɩ kpɩɛr a tẽw baarʋ zie a, nyɩ lɩɛbɩ cɔw mɛ̃, ɛ́ nyɩ na nyɛ̃ nɩ a faafʋ. Bʋ̃ʋ n'ʋ vɛ̃, mãa n'ɩ a Naaŋmɩn, kãw bɛ lɛb ka be ɩ.

Sɛb-sõw yielu 139:6

Mãa zie a, a bãwfʋ ŋa tɔ fʋ na bãw mɛ̃ a, ʋ vɩɛl'a tɩ zuo, ɛ́ gãw bom za ɩ̃ na na tʋ̃ɔ́ bãw a.

Nɩ-toni 13:47

À ŋá sɩrɩ n'a a Sore ƴãw a nʋɔr kʋ̀ tɩ: “Ɩ̃ ƴãw na fʋ ɩ a nɩ-bʋʋr-yoru cãà, kɛ́ fʋ tʋ̃ɔ́ ɩ a faafʋ ta a tẽ-daa ziir za.”»

Zã 5:17

Ɛcɛ a Yeezu tɩ sɔw bɛ na: «Wa tɩ tɔ à ŋá a, a ɩ̃ Sãà be n a tome zu, ɩ̃ɩ mɩ̀ be a tome zu.»

Markɩ 16:14

A pɛ-baara a, a Yeezu tɩ wul'ɩ ʋ tʋɔra a Nɩ-toni pie nɩ been na tɩ lãw zɩ̃ dɩrɛ a. Ʋ tɩ yere bɛ na, bɛ na bɛ tɩ sàw de a, ɛ́ a bɛ zuru kpɛmɛ zuo bɛ bɛ sàw de a bɛlɩ dem na tɩ nyɛ̃ ʋ ʋ lɛb yi a kũu pʋɔ a ƴɛ̀rʋ a.

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Sɛb-sõw yielu 138:8

Sore e, a bom nɛ fʋ na tĩ a ɩ̃ ƴãw a, fʋ na maal'ʋ na tɩ baarɩ. Sore e, a fʋ nɔ̃wfʋ be n kʋralɛ, taa zawrɛ a fʋ nuru tome bɛrɛ ɩ.

Ɩzayi 59:1

A Sore nũu bɛ ɩ ŋmãa zuo a nyɩ faafʋ ƴãw ɛ, a ʋ tobe bɛ wõw zuo a wob ƴãw ɛ.

Wulu-ayi-sob 33:27

A koro kãw za wa tɔ a dɩ̃a a, ʋlɛ n'ɩ a fʋ sɔwlʋ zie. A koro kãw za wa tɔ a dɩ̃a a, a ʋ fãw ɩ n kpɛ̃ɛ a tẽw zu. Ʋlɛ n'ʋ diw a fʋ dɔ̃ dem a fʋ niŋé, ɛ́ yel kɛ́ fʋ kʋ bɛ pàw pɛr.

1 Korɛ̃tɩ 6:16

Nyɩ bɛ bãw kɛ́ nɩr na gã nɩ a pɔw-yɛm a, ʋ lãw nɩ ʋ na bɛ ɩ ƴãw-been ɛ? Bʋ̃ʋ n'ʋ vɛ̃, bɛ yel'ɩ à ŋá: «A bɛ za ayi na ɩ n nɩ-been.»

Markɩ 9:19

A Yeezu tɩ de nɩ a ƴɛ̀rʋ yel: «Alɛ! Nyɩɩm dɩ̃a nɩbɛ na bɛ sàw de Naaŋmɩn a! Debor daar'a ɩ̃ na be a nyɩ sɔgɔ tɩ ta? Nyɩ bɔbr'a k'ɩ̃ɩ cãà wone nɩ nyɩ a tuo ɛ́ gù debor? Nyɩ tɛr a bie wa kʋ̀ m!»

Ʋrɔm 16:26

ɛcɛ ƴɛrɛŋa a, a naaŋmɩn-ƴɛ̀r-manbɛ sɛbr ɩ na k'ʋ yi cãàmɩ́. Mɛ̃ a lɛ a Naaŋmɩn na be kʋralɛ a na ƴãw a nʋɔr a, bɛ ɩ na a nɩ-bʋʋrɛ za bãw a pʋ-tɩɛrʋ ŋa, kɛ́ bɛ tʋ̃ɔ́ sàw de a Naaŋmɩn ɛ́ sàwr a ʋ nʋɔr.

1 Samɩɛl 2:10

A Sore dɔ̃ dem a, bɛ na ƴɛ́r bɛ na ŋmɛr, a bɛl ƴãw a, a Sore na be n a salom zu, ɛ́ gbiwre mɛ̃ saa a, bʋ̃ʋ n'ʋ vɛ̃, ʋlɛ n'ʋ dɩrɛ nɩ a tẽ-daa za a ƴɛ̀rʋ. Ʋ na ɩ n a ʋ nãà ʋ kpɛmɛ, ʋ na ɩ n a ʋ nɩ-kabra kpɛmɛ dɔwlɩ.»

Zeremi 10:10

Ɛcɛ a Sore ɩ n Naaŋmɩn-sɩza, Naaŋmɩn na vʋʋrɛ a, nãà na be kʋralɛ a. A ʋ suur wa ír a, a tẽsɔw mɩ́ dam'a, ɛ́ a nɩ-bʋʋrɛ bɛ tʋ́ɔr a ʋ suur ɛ.

Ɩzayi 66:9

A Sore sowre na: «Mãa wa ɩ pɔw tɛr pʋɔ tɩ ta a dɔwfʋ a, a bie ta yi ƴãw n'a bɩɩ? A fʋ Naaŋmɩn n'ʋ yere.»

Sɛb-sõw yielu 145:3

A Sore ɩ n kpɛ̃ɛ ɛ́ sɛwnɩ danʋ yaga za, nɩr kʋ̃ tʋ̃ɔ́ bãw a lɛ ʋ na ɩ kpɛ̃ɛ sɛw a ɩ.

Ɩzayi 37:26

Alɛ, Senakerib i, fʋ bɛ bãwnɩ a ɩ? Mãa n'ʋ cɔbrɩ a yele á ŋá koro kãw za, daar na bɛ gbʋ́r a n'a ɩ̃ tɩɛrɩ a bɛr, ƴɛrɛŋa a, ɩ̃ maalɛ nɩ a yele á ŋá. Fʋ̃ʋ n'ʋ ɩ̃ tɩ bãwnɩ kɛ́ fʋ wa ɩ a tẽ-bɛrɛ bɛ na cɔbrɩ a kpɛmɛ a zɛbr ƴãw a, a lɩɛbɩ a deboru.

Ɩzayi 42:4

Ʋ bɛ bàlɛ ɩ, ʋ bɛ tɩ̀ɛrɛ bɛrɛ ɩ, ɛ́ gù ʋ wa tɩ bin a lɛ-na-tu-sɔr-a, a tẽw zu, ɛ́ a nɩ-bʋʋrɛ na zãá a gùre a ʋ wulu.

A Zɔb sɛbɛ 38:18

Fʋ dãw na tɩɛrɩ a lɛ a tẽ-daa na yɛlmɛ sɛw a? Manɩ a lɛ ʋ na ŋmɛ̃ a, fʋ̃ʋ na bãw ʋ ʋ za a.

Zeremi 32:17

«'Woi, Sore Naaŋmɩn i, fʋ̃ʋ n'ʋ ír a salom nɩ a tẽw nɩ a fʋ fãw-kpɛ̃ɛ, nɩ a fʋ kpɛnʋ. Bom za bɛ kpɛmɛ zuo a fʋ zie ɩ.