Ɩzayi 40:12 - A SƐB-SÕW

¹² Ãa n'ʋ manɩ a kʋ̃ɔ-kpɛ̃ɛ kʋ̃ɔnɩ a ʋ nũsalɛpʋ̃ɔ́? Ãa n'ʋ dɔl a ʋ nobie man nɩ a salom yɛ̀lʋ? Ɛ́ a tẽsɔw tanɛ, ãa n'ʋ dĩ dĩ a ƴãw gara pʋɔ manɩ a? Ãa n'ʋ dɔwlɩ a tã-bɛrɛ nɩ a tãli tɩbrʋ bʋ̃-mána zu manɩ a?

Ɩzayi 40:12 Referans Kwoze

Zʋkpaɩ 30:4

Ãa n'ʋ do a salom zu ɛ́ lɛb siw wa? Ãa n'ʋ dãw ƴãw a sɛsɛb a ʋ nuru pʋɔ? Ãa n'ʋ na tʋ̃ɔ́ nyɔw a ʋ kpar-kpɛ̃ɛ pili ɛ́ ƴãw kʋ̃ɔ? Ãa n'ʋ tʋɔrɩ a tẽw ƴãw a tʋr-bɔwrɩ za? A yúor dɩ na kɛ́ bo? A ʋ bidɛb yúor dɩ na kɛ́ bo? Fʋ bãw ʋ na a?

Ɩzayi 48:13

A ɩ̃ nuru n'a ɩ̃ bin nɩ a tẽw pɛr ɛ́ dɔl a salom. Mãa wa bʋɔlɛ a wa báarɛ a, a mɩ́ ta n daadaalɛ àr.

Yel-wula 20:11

Ɩ̃ lɛb tɩ nyɛ̃ nɩ naalʋ-dà-kɔw-pla kpɛ̃ɛ nɩ a sob nɛ na zɩ̃ a ʋ zu a. A tẽsɔw nɩ a salom tɩ bɔr'ɩ a ʋ niŋé, bɛ bɛ lɛb nyɛ̃ a ɩ.

A Zɔb sɛbɛ 28:25

Bʋ̃ʋ n'ʋ vɛ̃, ʋlɛ n'ʋ mɩ́ kʋ̀ a ʋ fãw a sɛsɛb, ɛ́ manɩ a kʋ̃ɔ zɛ̃a,

Zeremi 31:37

À ŋá n'a a Sore yere: «Nɩr wa tʋ̃ɔ́ manɩ a salom kɛrʋ, ʋlɛ wa tʋ̃ɔ́ manɩ a tẽsɔw zulu a, a lɛ pʋɔ a, ɩ̃ na zawr'ɩ a Ɩsɩrayɛl bʋʋrɛ bɛr, a faa bɛ na maalɩ a zũú!» À à ŋá n'a a Sore yel.

Amɔsɩ 4:13

Bʋ̃ʋ n'ʋ vɛ̃, nyɛ̃ a: a Sob nɛ na mɩɛr a tã-bɛrɛ, ɛ́ íre a sɛsɛb, ɛ́ wule a ʋ pʋ-tɩɛrʋ a nɩsaal a, a Sob nɛ na dier a lige maalɛ nɩ a cãà a, a Sob nɛ na cere a tẽw zi-kɛrɩ zu a, a ʋ yúor dɩ na kɛ́ Sore, a Naaŋmɩn kpɛnʋ-za-sob.