Ɩzayi 4:4 - A SƐB-SÕW

⁴ A Sore na ɩ na mɩnʋ nɩ vɩɛlʋ sɛsɛb fu. Ʋlɛ wa ír a Zerizalɛm pɔwbɛ dɛwr bɛr à à ŋá a, ʋlɛ wa pɛ́w a zɩ̃ɩ a Sɩyɔ̃ tẽw na ɩ a cir a ʋ pʋɔ a bɛr a,

Ɩzayi 4:4 Referans Kwoze

Ezekɩɛl 36:25

Ɩ̃ na cir'ɩ kʋ̃ɔ-walwal ƴãw nyɩ, ɛ́ nyɩ na vɩɛl'a. Ɩ̃ na pɛ́w nɩ a nyɩ dɛwr za a yi, ɛ́ ír a nyɩ tɩbɛ za bɛr nyɩ.

Zakari 13:9

Ɩ̃ na ɩ n a bɛl na na cãà vʋʋrɛ a, bɛ tu yi a vũumí, ɩ̃ na ɩ na bɛ vɩɛl, mɛ̃ a lɛ bɛ na mɩ́ ɩ a salm-pla ʋ vɩɛl a. Ɩ̃ na ɩ bɛ na kaa bãw a bɛ ŋmɛ̃a, mɛ̃ a lɛ bɛ na mɩ́ ɩ salm-zɩɛ kaa a. Lɛ n'a bɛ na puore mɛ̃, ɩ̃ɩ na mɩ́ sàw nɩ a bɛ puoru. Ɩ̃ na mɩ́ yel bɛ na: “Ɩ̃ nɩ-bʋʋrɛ n'ɩ nyɩ”, ɛ́ a bɛl yel mɛ̃: “Sore e, fʋ̃ʋ n'ɩ a tɩ Naaŋmɩn.”»

Matie 23:37

«Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr a bɛlɩ dem a Naaŋmɩn na tone a fʋ zie a nɩ kʋsɛbɛ kʋrɛ a, gb'a a ŋmɩn za n'a ɩ̃ tɩ bɔbr k'ɩ̃ɩ kaalɩ a fʋ bibiir ɓã taa, mɛ̃ nɔ-mã na mɩ́ kaalɩ a ʋ lili-pɩɩlɛ ɓã taa a ʋ pɩgɛ pile a, ɛ́ nyɩ bɛ sàw ɛ!

Ezekɩɛl 36:29

Ɩ̃ na ír nyɩ na bɛr a nyɩ dɛwr za pʋɔ. Ɩ̃ kʋ̃ lɛb bɛr a kɔ̃ lo a nyɩ zu ɛ, ɛcɛ, ɩ̃ na ɩ n a ble bul wɔ̃ yaga za.

Ɩzayi 28:6

Ʋlɛ n'ʋ na ƴãw a mɩnʋ yã a bɛlɩ dem na zɩ̃ a ƴɛ̀rʋ-dɩb ƴãw a, ɛ́ kʋ̀ a fãw a bɛlɩ dem na canɛ a dɔ̃ dem bɛrɛ a tẽ-kpɛ̃ɛ dɩ̃dɔr ƴãw a.

Zakari 13:1

«A lɛn daar a, kʋ̃ɔ na bule na yire a Daviir bʋʋrɛ nɩ a Zerizalɛm nɩbɛ yel-bebe nɩ a bɛ dɛwr pɛwfʋ ƴãw.»

Ezekɩɛl 22:15

Ɩ̃ na diw nyɩ na yaarɩ nɩ-bʋʋr-yoru nɩ tẽ-yoru pʋɔ. Ɩ̃ na ɩ na a nyɩ ɩ-dɛgɛ za nʋɔr kʋ.

A Lãw-mʋɔlɛ 1:9

A ʋ dɛwr mar'ɩ a ʋ kparʋ. Ʋ bɛ tɩ tɩɛr k'aa na wa ŋmɛ̃ ʋ nɩ à ŋá ɩ. A ʋ loba ŋa ùr ʋ na, ɛ́ nɩr za bɛ ka be na mɔwl'ʋ ɛ. Ʋ yere na: «Sore e, nyɛ̃ a ɩ̃ vĩ a, nyɛ̃ a dɔ̃ sob na tʋ̃ɔ́ mɛ̃ a.»

Ɩzayi 9:5

Bʋ̃ʋ n'ʋ vɛ̃, bie dɔw nɩ a tɩ ƴãw, bɛ kʋ̀ tɩ nɩ bidɛb. Naaŋmɩn kʋ̀ ʋ nɩ a nɩ-kpɛ̃ɛnʋ. Bɛ por ʋ nɩ a yúor kɛ́: Yã-wule vla vla, Naaŋmɩn-Gãdaa, Sãà kʋralɛ, Ƴã-ɓaarʋ nãà.

Ɩzayi 1:31

A nɩr na tɛr fãw a na lɩɛb'a ɩ mɛ̃ mʋ̃ɔ a, ɛ́ a ʋ ɩ-ɩrɩ ɩ vũu-zele. Bɛ za ayi na lãw na dɩrɛ, ɛ́ nɩr kʋ̃ tʋ̃ɔ́ kpiiri a vũu ŋa ɩ.

Ɩzayi 1:15

Nyɩ na mɩ́ wa yɛ́r a nuru a puoru ƴãw a, ɩ̃ mɩ́ pàw nɩ a ɩ̃ mimie. Nyɩmɛ saa nɔnɛ nyɩɩm puore suwle taa, ɩ̃ bɛ bɛrɛ wone ɩ: a nyɩ nuru ɩ n zɩ̃ɩ tɛwr.

Sofoni 3:1

'Woi! Tẽ-kpɛ̃ɛ-gaara a, tẽ-kpɛ̃ɛ-dɛwr na paalɩ po-to-fãw dem a!

Sɛb-sõw yielu 51:2

A Daviir na tɩ gã nɩ a Bɛtɩsabe baarɩ, ɛ́ a naaŋmɩn-ƴɛ̀r-manɛ Natan cen tɩ páw ʋ a lɛn daar a n'a.

A Yielu za pʋɔ yiel-vla vla 3:11

«Zerizalɛm pɔwsɩrali i, nyɩ wa nyɛ̃ a nãà Salomɔ̃ a! Ʋ vɔbl'ɩ a kul-taa dɛpaal-kpawʋɔ a ʋ mã na tɩ kʋ̀ ʋ a ʋlɩ bibir a ʋ socir za na tɩ paalɩ a nʋ̃ɔ̀ a.»

Ɩzayi 9:19

A nɩbɛ mɩ́ ŋmãa nɩ a dʋrʋ lowr, ɛ́ a kɔ̃ cãà kʋrɛ. Bɛ mɩ́ vɔl'ɩ a gʋba lowr ɛ́ bɛ tɩw ɛ. Ŋa za mɩ́ ìr'ɩ a ʋ tɔ sob ƴãw:

Ɩzayi 1:25

Zerizalɛm i, ɩ̃ na lɩɛb'ɩ a fʋ ƴãw: ɩ̃ na ɩ na fʋ lɛb vɩɛl, mɛ̃ zɩ̃ɛ n'a ɩ̃ ɩ n a, ɩ̃ na ɩ n a fʋ dɛwr za a yi.

Ɩzayi 27:9

Nyɛ̃ a lɛ a Zakɔb sãwna na na baarɩ a, nyɛ̃ a ʋlɩ bom nɛ a ʋ yel-bier suur páwfʋ na na wa n a: bɛ na ƴɛ́r'ɩ a bàwr-maal-kube kʋsɛbɛ za a ɩ mɛ̃ tã-zɔ̃ a. A dà-barɩ nɩ a parfɛ̃ bʋ̃-nyɩwrɩ kʋ̃ cãà bà àr ɛ.

Zeremi 9:6

A na ɩ à ŋá a, à ŋá n'a a Sore, a kpɛnʋ-za-sob yere: «Vũu n'a ɩ̃ na ír'ɩ a bɛ dɛwr bɛr, ɩ̃ɩ na nyɛ̃ nɩ a lɛ bɛ na ŋmɛ̃ a. Bʋ̃ʋ n'ʋ ɩ̃ na lɛb tʋ̃ɔ́ ɩ a ɩ̃ nɩbɛ yel-faar ƴãw?