Ɩzayi 38:7 - A SƐB-SÕW

⁷ A Ɩzayi yel ʋ: «A Sore na kʋ̀ b'ɩ bãwfʋ, k'ʋʋ ɩ fʋ bãwnɩ a k'ʋʋ na ɩ n a lɛ ʋ na yel a, ʋlɛ n'ɩ ŋa:

Ɩzayi 38:7 Referans Kwoze

Ɩzayi 37:30

Ɛcɛ a fʋ̃ʋ, Ezekɩasɩ a, bãwfʋ ŋa n'ʋ ɩ̃ kʋ̀rɛ fʋ: a yũona a, ble-yɛrɛ n'a a nɩbɛ na dɩ. A vɩɛr a mɩ̀ cãà ɩ a lɛ. Ɛcɛ a yome ata sob a, nyɩ na tʋ̃ɔ́ na bʋ̀rɛ ɛ́ cɩɛr a nyɩ ble, kʋɔr a nyɩ divɛ̃ tɩɩr póru ɛ́ dɩrɛ a wɔmɛ.

Yele-za-pɛr-tib 9:13

Ɩ̃ ƴãwnɛ nɩ a ɩ̃ tam a zũzuwe pʋɔ. Ʋ na ɩ n wõ-taa bãwfʋ mãa nɩ a tẽw cara pʋɔ.

Ɩzayi 38:22

Lɛ n'a a Ezekɩasɩ tɩ sowri: «Bãwfʋ buor'ʋ na ɩ ɩ̃ bãw k'ɩ̃ɩ na mɩ́ tʋ̃ɔ́ na lɛb cen a Sore ŋmɩn-yir-kpɛ̃ɛ́?»

1 Na-mɩnɛ 13:3

A Naaŋmɩn nɩr tɩ cãà na lɛb yel à ŋá a ʋlɩ bibir nɛ: «A bàwr-maal-kuur na ŋmɛr'a, ɛ́ a tãpɛl-kãá na be a ʋ zu a siw gã tẽw. A na ɩ n a bãwfʋ k'aa Sore n'ʋ sɩrɩ ƴɛ̀r.»

2 Bibie za yel-manɩ 32:31

Alɛ so, a lɛn daar a Babɩlɔn tẽw nɩ-bɛrɛ na tɩ tõ nɩbɛ a ʋ zie kɛ́ bɛ tɩ sowri bãw a nɔ-ɓãa-yel ʋl na ɩ a ʋ tẽw pʋɔ a, a Naaŋmɩn tɩ bɛr ʋ na. A Naaŋmɩn tɩ bɔbr'a k'ʋʋ ɩ ʋ kaa nyɛ̃ lɛ ʋ na ŋmɛ̃ a.