Ɩzayi 38:5 - A SƐB-SÕW

⁵ «Cen tɩ yel a Ezekɩasɩ: “À ŋá n'a a Sore, a fʋ sãàkʋm-kʋra Daviir Naaŋmɩn, yere: Ɩ̃ wõ n a fʋ puoru ɛ́ nyɛ̃ a fʋ mʋta-kʋ̃ɔ. Ɩ̃ na ɩ na a fʋ nyɔ-vʋʋrʋ wõwme yome pie nɩ anũu dɔwlɩ!

Ɩzayi 38:5 Referans Kwoze

Yel-wula 7:17

Bʋ̃ʋ n'ʋ vɛ̃, a Pele na be a naalʋ-dà-kɔw sɔwlɩsɔw a na ɩ n a bɛ cɩ̃ɩnɛ, ʋ na tɛr bɛ na cen nɩ a be a kʋ̃ɔ-walwal na bùle yire a. Ɛ́ Naaŋmɩn na fɩɛl'ɩ mʋta-kʋ̃ɔ za bɛr a bɛ mimié.»

Sɛb-sõw yielu 56:8

A ɩ-faa ŋa ƴãw, bɛ ɩ ŋmɩn cɩ̃ɛ? Naaŋmɩn i, nyɔw a nɩbɛ bɛ ŋa nɩ suur lɔb tẽw!

Luka 1:13

Ɛcɛ a malkɩ tɩ yel ʋ na: «Ta zɔrɛ dɛ̃bɩ̃ɛ ɩ, Zakari i, Naaŋmɩn sàw na de a fʋ puoru. A fʋ pɔw Elizabɛr na dɔw nɩ bidɛble kʋ̀ fʋ, fʋ por a yúor kɛ́ Zã.

Sɛb-sõw yielu 147:3

Ʋ mɔwlɛ nɩ a pʋ-sãwnɩ dem, ɛ́ 'lene a bɛ natɩɛ.

Sɛb-sõw yielu 116:15

A mɩ́ ɩ n kpɩɛrʋ a Sore zie, ʋ na mɩ́ nyɛ̃ a nɩbɛ na sàw de ʋ bɛ kpiir a.

2 Korɛ̃tɩ 7:6

Ɛcɛ Naaŋmɩn na mɔwlɛ a bɛlɩ dem na mɩ́ siwre bɛ tʋɔra a, ʋ mɔwlɩ tɩ nɩ a Títɩ̀ waa pʋɔ.

2 Na-mɩnɛ 19:20

Lɛ n'a a Amɔtɩsɩ bidɛb, Ɩzayi, tɩ tõ bɛ tɩ yel a Ezekɩasɩ: «À ŋá n'a a Sore, a Ɩsɩrayɛl Naaŋmɩn, yere: Ɩ̃ wõ n a puoru fʋ na puori mɛ̃, a Asiiri tẽw nãà, Senakerib, ƴãw a.

Matie 22:32

“Mãa n'ɩ a Abraham Naaŋmɩn, a Ɩzaakɩ Naaŋmɩn, nɩ a Zakɔb Naaŋmɩn.” Ʋ bɛ ɩ nɩ-kũuni Naaŋmɩn ɛ, nɩ-vʋʋrɩ Naaŋmɩn n'ʋ.»

2 Na-mɩnɛ 18:2

Ʋ tɩ tɛr'ɩ yome lɩzɛr'ɩ anũu, ɛ́ dɩ a naalʋ yome lɩzɛr'ɩ piwaɩ a Zerizalɛm. A mã tɩ dɩ na kɛ́ Avi, ɛ́ ɩ Zekarɩa pɔwyaa.

1 Na-mɩnɛ 8:25

Ƴɛrɛŋa a, Sore e, Ɩsɩrayɛl Naaŋmɩn i, mɩ̀ maalɩ a lɛ fʋ na tɩ ƴãw a nʋɔr a fʋ tõ-tõ-bie ɩ̃ sãà Daviir zie a, a lɛn daar fʋ na tɩ yel ʋ à ŋá a: “A fʋ bʋʋrɛ wa ɩrɛ vla a ɩ̃ zie mɛ̃ a lɛ a fʋ̃ʋ mɩŋa na ɩ a, a bɛ kãw na mɩ́ be n a ɩ̃ niŋé kʋralɛ, dɩrɛ naalʋ a Ɩsɩrayɛl nɩbɛ zu, a fʋ pùorí.”

Nɩ-toni 27:24

wa yel mɛ̃: “Ta zɔrɛ dɛ̃bɩ̃ɛ ɩ, Pol i, a fɛr'a kɛ́ fʋ ta a na-kpɛ̃ɛ niŋé, ɛ́ a Naaŋmɩn nɔnɛ na kʋ̀ b k'aa bɛlɩ dem za nɩ a fʋ̃ʋ na lãw duwre a, bɛ kʋ̃ kpi ɛ!”

Sɛb-sõw yielu 39:12

A nɩsaal na mɩ́ sãw, fʋ dɔwr'ʋ a, fʋ mɩ́ kpãa ʋ na. Fʋ mɩ́ sãw nɩ a bom ʋ na nɔnɛ a bɛr, mɛ̃ zãzul na mɩ́ kpɛ sãw tɩ-wɔm a. Nɩsaal za ɩ n pɩɛlʋ tɛwr! Tɛw-àrʋ

A Zɔb sɛbɛ 14:5

Bʋ̃ʋ n'ʋ vɛ̃, a nɩsaal nyɔ-vʋʋrʋ tɛr'ɩ baarʋ daar, fʋ sɔr'ɩ a ʋ cuwr nʋɔr bin, fʋ ƴãw nɩ tʋr-bɔw ʋ na kʋ̃ tʋ̃ɔ́ gãw a.

2 Na-mɩnɛ 18:13

A Ezekɩasɩ naalʋ-dɩb yome pie nɩ anaar sob, a Asiiri tẽw nãà, Senakerib, tɩ wa na wa zɛb'ɩ a Zuda naalʋ-tẽw tẽ-bɛrɛ bɛ na cɔbrɩ a kpɛmɛ a zɛbr ƴãw a, zɛb de a.

1 Na-mɩnɛ 15:4

Ɛcɛ a Daviir zũú n'a, a Sore ʋ Naaŋmɩn, tɩ kʋ̀ ʋ bidɛb k'ʋʋ wa lɩɛr'ʋ dɩ a naalʋ, a nãà yir taa pàwr pɛr ɛ, ɛ́ a Zerizalɛm ɩ a nãà tẽ-kpɛ̃ɛ kʋralɛ.

2 Bibie za yel-manɩ 34:3

A ʋ naalʋ-dɩb yome ani sob daar, ʋ na saa tɩ cãà ɩ pɔlbile a, ʋ tɩ tĩ na bɔbr a ʋ sãàkʋm-kʋra Daviir Naaŋmɩn pʋ-tɩɛrʋ. A ʋ naalʋ-dɩb yome pie nɩ ayi sob, ʋ tɩ tĩ na íre a Zuda nɩ a Zerizalɛm dɛwr bɛrɛ: ʋ tɩ sãw nɩ a maalʋ-ziir bɛr, cɛ a dà-barɩ nɩ a ŋmɩn-bɛlɛbɛlɛ dasuli lɔb.

Ɩzayi 38:4

Lɛ n'a a Sore tɩ ƴɛ̀r a Ɩzayi zie yel ʋ:

Sɛb-sõw yielu 6:9

Nyɩ cen taw zaa a ɩ̃ zie, nyɩɩm yel-fa-maalbɛ za a! Bʋ̃ʋ n'ʋ vɛ̃, a Sore wõ n a ɩ̃ kon.

Ekilezɩasɩ 3:3

Kʋb daar be n be, sanʋ daar be be. Da-lɔbrʋ daar be n be, mɛb daar be be.

Ɩzayi 37:21

Lɛ n'a a Amɔtɩsɩ bidɛb, Ɩzayi, tɩ tõ bɛ tɩ yel a Ezekɩasɩ: «À ŋá n'a a Sore, a Ɩsɩrayɛl Naaŋmɩn, yere: Ɩ̃ wõ n a puoru fʋ na puori mɛ̃ a Asiiri tẽw nãà Senakerib ƴãw a.

A Lãw-mʋɔlɛ 3:56

Fʋ wõ n a ɩ̃ kɔkɔr: «Ta fur a fʋ tobe a ɩ̃ puoru nɩ a ɩ̃ bʋɔlʋ ƴãw ɛ.»