Ɩzayi 37:7 - A SƐB-SÕW

⁷ A bɛ nãà na wõ n yel. Lɛ n'a ɩ̃ na ƴãw ʋ a tɩɛrʋ k'ʋʋ lɛb kul a ʋ tẽw. Be n'a ɩ̃ na tɩ ƴãw bɛ kʋ ʋ.”»

Ɩzayi 37:7 Referans Kwoze

Ɩzayi 37:9

Ɛcɛ a Asiiri tẽw nãà tɩ wõ na bɛ yere k'aa Eziptɩ tẽw nãà Tɩraka, na yi Etiopi a, waar'a k'ʋʋ wa zɛb'ɩ ʋ. Ʋ na tɩ wõ a yel ŋa a, ʋ tõ na kɛ́ bɛ tɩ yel à ŋá kʋ̀ a Ezekɩasɩ,

2 Bibie za yel-manɩ 32:21

A Sore tɩ tõ n malkɩ kãw a Asiiri tẽw nɩbɛ laɩ pʋɔ ʋ tɩ kʋ a soja-gãdaar za nɩ a sojarɩ nɩ-bɛrɛ za. Vĩ tɩ nyɔw nɩ a Asiiri tẽw nãà ʋ lɛb kul'ɩ a ʋ tẽw. Bibir kãw ʋ na tɩ kpɛ a ʋ ŋmɩn yir a, a ʋ bidɛbr tɛɛ za tɩ cɔ̀r ʋ na kʋ.

A Zɔb sɛbɛ 15:21

Kɔkɛɛ na ɩrɛ dɛ̃bɩ̃ɛ a gɔmɛ mɩ́ paal'ɩ a ʋ tobe. Nyãnyuwr mɩ́ lo n a ʋ zu a ƴã-ɓaarʋ daar.

A Zɔb sɛbɛ 4:9

Naaŋmɩn nʋɔr pɩɛlʋ mɩ́ kʋ bɛ na, a ʋ suur vũu mɩ́ dɩ bɛ na kʋ.

2 Na-mɩnɛ 7:6

Bʋ̃ʋ n'ʋ vɛ̃, a Siiri tẽw dem laɩ pʋɔ a, a Sore tɩ ɩ na bɛ wõ zɛbr-nɩbɛ yaga yaga na tɛr wie nɩ zɛbr-torkori a, damnʋ. A Siiri tẽw sojarɩ tɩ yel'a kʋ̀ taa: «A Ɩsɩrayɛl tẽw nãà ya n a Hititɩ mɩnɛ nɩ a Eziptɩ tẽw na-mɩnɛ, kɛ́ bɛ wa zɛb'ɩ tɩ!»

Sɛb-sõw yielu 58:9

Bɛ ɩ mɛ̃ a wel na mɩ́ vure ɛ́ bɛrɛ kʋ̃ɔ-saalʋ tɩ kpi n a, mɛ̃ a bi-cur-bɛra a, bɛ ta nyɛ̃ a mʋ̃tɔ̃w cãà ɛ.

Ɩzayi 37:29

Ɛcɛ fʋ nyɛ̃ nɩ mɛ̃ nɩ suur, ɩ̃ wõ n a fʋ nyɔka-ƴɛ̀rʋ fʋ na ƴɛ̀r a. A lɛ ƴãw n'a ɩ̃ na ƴãw fʋ bãw a nyɔbɔwrɩ́, ɛ́ ƴãw fʋ nɔ-bãw. Ɩ̃ na lɛb'a tu n fʋ a sɔ́r ʋl fʋ na tu wa a, kul'ɩ a fʋ tẽw.