Ɩzayi 37:3 - A SƐB-SÕW

³ A Ezekɩasɩ ƴɛ̀rʋ ŋa n'ʋ a tɩ fɛr kɛ́ bɛ yel kʋ̀ a naaŋmɩn-ƴɛ̀r-manɛ: «“A bibir ŋa ɩ n pʋl-vʋ̃ɔ-kpɛ̃ɛ, dɔwrʋ nɩ vĩ bibir a tɩ zie. Mɛ̃ a lɛ bɛ na mɩ́ yel a, a bie ta n yib ɛ́ a mã bɛ tɛr fãw na ʋ̃ʋ́nɩ ʋ yi ɛ.

Ɩzayi 37:3 Referans Kwoze

A naaŋmɩn-ƴèr-manɛ Oze sɛbɛ 13:13

A pʋ-dɔwra 'wɔbrʋ dúor ʋ na, ɛcɛ ʋ bɛ bãw yã ɩ, a ʋ dɔwfʋ ta na, ʋʋ zawrɩ a mã púorí yib.

Ɩzayi 66:9

A Sore sowre na: «Mãa wa ɩ pɔw tɛr pʋɔ tɩ ta a dɔwfʋ a, a bie ta yi ƴãw n'a bɩɩ? A fʋ Naaŋmɩn n'ʋ yere.»

Sɛb-sõw yielu 50:15

Ɛ́ alɛ wa wone fʋ a ʋlɩ bibir nɛ a, fʋ̃ʋ bʋɔlɩ mɛ̃, ɩ̃ na faa fʋ na, ɛ́ fʋ na danɩ mɛ̃ na.

2 Na-mɩnɛ 19:3

A Ezekɩasɩ ƴɛ̀rʋ ŋa n'ʋ a tɩ fɛr kɛ́ bɛ tɩ yel kʋ̀ a naaŋmɩn-ƴɛ̀r-manɛ: «A bibir ŋa ɩ n pʋl-vʋ̃ɔ-kpɛ̃ɛ, dɔwrʋ nɩ vĩ bibir a tɩ zie. Mɛ̃ a lɛ bɛ na mɩ́ yel a, a bie ta n yib, ɛ́ a mã bɛ tɛr fãw na ʋ̃ʋ́nɩ ʋ yi ɛ.

Ɩzayi 33:2

Sore e, zɔ tɩ nɩbaalʋ! Tɩ ƴãw nɩ a tɩ tɩɛrʋ a fʋ ƴãw. Ɩ̀ a tɩ fãw biɓaara za, nɩ a tɩ faarɛ a kpɩɛrʋ daar.

Sɛb-sõw yielu 95:8

«Nyɩ ta kpãa tobr mɛ̃ a lɛ a nyɩ sãàkʋm-kore na tɩ ɩ a Meriba a ɩ, mɛ̃ a lɛ bɛ na tɩ ɩ a Masa, a wɛja-kpalɛ pʋɔ a ɩ.

Sɛb-sõw yielu 91:15

Ʋlɛ wa bʋɔlɛ mɛ̃ a, ɩ̃ na sɔw na, ɩ̃ na be n a ʋ zie a kpɩɛrʋ daar, ɩ̃ na faa ʋ na, ɩ̃ na ɩ na k'ʋ nyɛ̃ ƴãwfʋ.

2 Bibie za yel-manɩ 15:4

Ɛcɛ a bɛ kpɩɛrʋ pʋɔ a, bɛ lɛb'a wa a Sore, a Ɩsɩrayɛl Naaŋmɩn zie. Bɛ bɔ ʋ na, ʋʋ bɛr bɛ nyɛ̃ ʋ.

Yel-wula 3:19

Bɛlɩ dem za ɩ̃ na nɔnɛ a, ɩ̃ mɩ́ wule bɛ nɩ a bɛ sãwna ɛ́ kpãànɛ bɛ. A na ɩ lɛ a, tʋlɛ ɛ́ lɩɛbɩ a fʋ ɩb.

Ɩzayi 22:5

Bʋ̃ʋ n'ʋ vɛ̃, a dɩ̃a bibir a, a Sore ɩ na a ɩ zɔ-ŋmɛ-taa, nɩbɛ bɛ na zɛb tʋ̃ɔ́ a nɩ pʋl-vʋ̃ɔ.» A yel-nyɛra fʋɔla pʋɔ a, dacĩ-kpɛ̃ɛ 'law na lo, cɛlsɩ ŋmɩɛr'a dúor a tan lowr.

A naaŋmɩn-ƴèr-manɛ Oze sɛbɛ 5:15

«A Sore yere na: Ɩ̃ na tɔlɛ na cere, ɩ̃ na lɛb'a cen a ɩ̃ beba zie, ɛ́ gù bɛ wa tɩ sàw kɛ́ bɛ sãw na, ɛ́ bɔbr a ɩ̃ niwn. A bɛ kpɩɛrʋ pʋɔ a, bɛ na ìr'a bɔbr mɛ̃.»

Zeremi 30:7

Nyɛ̃ baw-bio a! Bibir na bɛ tɛr dɩ̃ɛnʋ a n'ʋ. Bibir kãw za bɛ ŋmɛ̃ taa nɩ ʋ ɛ. Kpɩɛrʋ daar'ʋ a Zakɔb bʋʋrɛ ƴãw, ɛcɛ bɛ na nyɛ̃ nɩ faafʋ.»

Ɩzayi 25:8

Ʋ na ír'ɩ a kũu bɛr a nʋɔr kʋ. A Sore Naaŋmɩn na fɩɛl'ɩ a mʋta-kʋ̃ɔ bɛr a niŋe za ƴãw. Ʋ na ír'ɩ a ʋ nɩ-bʋʋrɛ vĩ bɛr a tẽw za pʋɔ. A Sore n'ʋ yel.

Ɩzayi 26:16

Sore e, a kpɩɛrʋ daar a, fʋ̃ʋ n'ʋ a nɩbɛ mɩ́ bɔbr. Fʋ̃ʋ wa ƴãwnɛ a dɔwrʋ a lɛn daar a, bɛ mɩ́ puore na 'hũ'hune nɩ.

Ɩzayi 66:7

A pʋɔ bɛ 'wɔb a Zerizalɛm sɛr ɛ, ʋʋ dɔw, ʋ bɛ tĩ wone a dɔwfʋ 'wɔbrʋ sɛr ɛ, ɛ́ dɔw dɛble.

A naaŋmɩn-ƴèr-manɛ Oze sɛbɛ 5:9

A dɔwrʋ bibir a, a Efarayim na lɩɛb'ɩ debuo. À à ŋá ɩ̃ na yere a Ɩsɩrayɛl yie dɔwlʋ ƴãw a na tu na, bʋnʋ bɛ ka be ɩ.

Ɩzayi 29:2

ɛcɛ ɩ̃ na dɔwrɩ fʋ na, Arɩɛl i. Fʋ na ɩ n kon nɩ 'woi 'woi tɛwr, ɛ́ a ɩ̃ zie fʋ ɩ mɛ̃ a bàwr-maal-kuur Arɩɛl a, a be bɛ na mɩ́ nyɩw a bàwr-maal-bome a.