Ɩzayi 37:2 - A SƐB-SÕW

² Ʋ mɩ̀ tɩ tõ n a nãà yir nɩ-kpɛ̃ɛ Elɩakɩm, a sɛ-sɛbrɛ Sevina nɩ a bàwr-maalbɛ na kòr zuo a bɛ taabɛ a, a naaŋmɩn-ƴɛ̀r-manɛ Amɔtɩsɩ bidɛb, Ɩzayi, zie. A nɩbɛ bɛ ŋa mɩ̀ tɩ su n vʋɔrɩ kparɩ.

Ɩzayi 37:2 Referans Kwoze

Ɩzayi 1:1

Amɔtɩsɩ bidɛb, Ɩzayi, yel-nyɛra ʋ na nyɛ̃ càar'ɩ Zuda naalʋ-tẽw nɩ Zerizalɛm tẽ-kpɛ̃ɛ, a Zuda tẽw na-mɩnɛ Ozɩasɩ, Yotam, Akaazɩ nɩ Ezekɩasɩ daar a.

Zowɛl 1:13

Nyɩ su ko-tuolu bome ɛ́ tuo nuru zũú kone nɩ, nyɩɩm bàwr-maalbɛ na so a bàwr-maal-kuur tome a. Nyɩ tɛr pʋ-sãwna tɩ vɩɛ nɩ zie, nyɩɩm tɩ Naaŋmɩn tõ-tõ-biir i, bʋ̃ʋ n'ʋ vɛ̃, bɛ bɛ cãà waar'ɩ kukur de-kʋ̀b bome nɩ divɛ̃ de-kʋ̀b bome a Sore Ŋmɩn-yir-kpɛ̃ɛ pʋɔ ɩ.

Ɩzayi 37:14

A Ezekɩasɩ tɩ de nɩ a sɛb-tʋɔla a nɩbɛ bɛ na tõ n a nuru pʋɔ kanɩ. Al pùorí ʋ do a Sore ŋmɩn-yir-kpɛ̃ɛ́, tɩ dɔl a sɛbɛ a Sore niŋé.

Ɩzayi 36:3

Lɛ n'a Hɩlkɩahu bidɛb, Elɩakɩm, na ɩ a nãà yir nɩ-kpɛ̃ɛ a tɩ yi tuor'ʋ, ʋlɛ nɩ a sɛ-sɛbrɛ Sevina nɩ Asafʋ bidɛb, Yoa, na mɩ́ ƴɛ̀rɛ a nãà yúor ƴãw a.

2 Bibie za yel-manɩ 20:20

A bio daarɩ́ biɓaar-pipi, bɛ za tɩ ìr'a lo a Tekowa wɛja-kpalɛ sɔ́r. Bɛ na na tɩ yi lo a sɔ́r a, a Zozafatɩ tɩ yel bɛ na: «Zuda nɩbɛ nɩ Zerizalɛm nɩbɛ ɛ, nyɩ bɛr wõ a ɩ̃ ƴɛ̀rʋ! Nyɩ ƴãw a nyɩ tɩɛrʋ za a Sore nyɩ Naaŋmɩn ƴãw, ɛ́ nɩr kʋ̃ tʋ̃ɔ́ nyɩ ɛ. Nyɩ ƴãw a nyɩ tɩɛrʋ a ʋ ƴɛ̀r-manbɛ ƴãw, ɛ́ nyɩ na zɛb'a tʋ̃ɔ́!»

2 Na-mɩnɛ 19:2

Ʋ mɩ̀ tɩ tõ n a nãà yir nɩ-kpɛ̃ɛ Elɩakɩm, a sɛ-sɛbrɛ Sevina nɩ a bàwr-maalbɛ bɛl na kor zuo a bɛ taabɛ a, a naaŋmɩn-ƴɛ̀r-manɛ, Amɔtɩsɩ bidɛb, Ɩzayi, zie. A nɩbɛ bɛ ŋa mɩ̀ tɩ su n vʋɔrɩ kparɩ.

2 Na-mɩnɛ 18:18

Bɛ tɩ yel'a kɛ́ bɛ bɔbr'a kɛ́ bɛ ƴɛ̀r a nãà zie. Ɛcɛ Hɩlkɩahu bidɛb, Elɩakɩm, na ɩ a nãà yir nɩ-kpɛ̃ɛ a n'ʋ tɩ yi tuori bɛ, ʋlɛ nɩ a sɛ-sɛbrɛ Sevina nɩ Asafʋ bidɛb, Yoa, na mɩ́ ƴɛ̀rɛ a nãà yúor ƴãw a.

Ɩzayi 20:2

A tɩ cãà na cɛ yome ata, ɛ́ a Sore yel a Amɔtɩsɩ bidɛb, Ɩzayi: «Cɛ̀r a vʋɔra pɛn fʋ na sɛ a sɩɛmɩ́ a bɛr, ɛ́ yàa a nafawr fʋ na ƴãw a gbɛ̃ɛ́ a bɛr.» Ʋ̀ tɩ ɩ a lɛ, ɛ́ cɔlɛ nɩ ƴã-gã-zawla nɩ gbɛ-zawlɛ. A ʋlɩ yũon nɛ bɛ na tɩ zɛb de a Asɩdɔdɩ a,

Ɩzayi 22:15

Nyɛ̃ a lɛ a Sore, a kpɛnʋ-za-sob, na yel mɛ̃ a: «Cen tɩ páw a bʋ̃-kaarɛ ŋa, a Sevina, na ɩ a nãà yir nɩ-kpɛ̃ɛ a, yel ʋ:

Ɩzayi 22:20

A ʋlɩ bibir nɛ a, ɩ̃ na bʋɔl'ɩ a ɩ̃ tõ-tõ-bie Elɩakɩm, Hɩlkɩahu bidɛb.

Ɩzayi 37:21

Lɛ n'a a Amɔtɩsɩ bidɛb, Ɩzayi, tɩ tõ bɛ tɩ yel a Ezekɩasɩ: «À ŋá n'a a Sore, a Ɩsɩrayɛl Naaŋmɩn, yere: Ɩ̃ wõ n a puoru fʋ na puori mɛ̃ a Asiiri tẽw nãà Senakerib ƴãw a.

Ɩzayi 38:1

A ʋlɩ daar nɛ, a nãà Ezekɩasɩ tɩ lo n a ʋ kũu-kʋra bàalʋ. A naaŋmɩn-ƴɛ̀r-manɛ Ɩzayi na ɩ Amɔtɩsɩ bidɛb a tɩ wa na wa nyɛ̃ ʋ yel ʋ: «À ŋá n'a a Sore yere: Cɔbrɩ a fʋ yele ƴãw. Bʋ̃ʋ n'ʋ vɛ̃, fʋ na kpi na, fʋ bɛ lɛbr ìre a fʋ bàalʋ ŋa pʋɔ ɛ.»

Ɩzayi 22:12

A ʋlɩ bibir nɛ a, a Sore, a Naaŋmɩn kpɛnʋ-za-sob, tɩ bʋɔlɛ nyɩ nɩ kon nɩ cɛlsɩ ŋmɛb ƴãw, a nyɩ zuru fɔrʋ nɩ vʋɔrɩ kparɩ sub ƴãw.