Ɩzayi 36:1 - A SƐB-SÕW

¹ A Ezekɩasɩ naalʋ-dɩb yome pie nɩ anaar sob, a Asiiri tẽw nãà, Senakerib, tɩ wa na wa zɛb'ɩ a Zuda naalʋ-tẽw tẽ-bɛrɛ bɛ na cɔbrɩ a kpɛmɛ a zɛbr ƴãw a, zɛb de a.

Ɩzayi 36:1 Referans Kwoze

2 Bibie za yel-manɩ 32:1

A Ezekɩasɩ na tɩ wul à à ŋá k'ʋʋ tu n a Naaŋmɩn a, a pùorí, a Asiiri tẽw nãà Senakerib, tɩ kpɛ n a Zuda naalʋ-tẽw pʋɔ. Ʋ tɩ ìr'a lo a tẽ-kpɛn kpɛn zu bɔbr k'ʋʋ zɛb de a.

2 Na-mɩnɛ 18:13

A Ezekɩasɩ naalʋ-dɩb yome pie nɩ anaar sob, a Asiiri tẽw nãà, Senakerib, tɩ wa na wa zɛb'ɩ a Zuda naalʋ-tẽw tẽ-bɛrɛ bɛ na cɔbrɩ a kpɛmɛ a zɛbr ƴãw a, zɛb de a.

2 Na-mɩnɛ 18:17

A Asiiri tẽw nãà tɩ be n a Lakisɩ, ɛ́ tõ a sojarɩ nɩ-kpɛ̃ɛ kpɛ̃ɛ za, a sojarɩ nɩ-bɛrɛ lãw nɩ-kpɛ̃ɛ, nɩ a sojarɩ nɩ-kpɛ̃ɛ ʋl na mɩ́ be a nãà zie a, a nãà Ezekɩasɩ zie a Zerizalɛm. Ʋ tɩ tõ bɛ na lãwnɩ zɛbr-nɩbɛ na yãwmɛ a. Bɛ na tɩ ta a Zerizalɛm a, bɛ àr'a pɩɛlɩ a bɔw-wɛra kʋ̃ɔ ƴãwfʋ zie ʋl na be a saa-zu a, a sɔ́r na cere a Fɔbr-pɛwrbɛ pu-pʋɔ a zu.

Ɩzayi 7:17

A Sore na ɩ na bibie kãw vɩɛ a fʋ zu, a fʋ nɩ-bʋʋrɛ zu, bibie na bɛ vɩɛ a lɛn daar za a Ɩsɩrayɛl naalʋ-tẽw na bʋ́r yi a Zuda naalʋ-tẽw pʋɔ wa tɔ a ka a. — A Asiiri tẽw nãà yele n'a.—»

2 Bibie za yel-manɩ 12:4

Ʋ tɩ zɛb'a de a Zuda tẽ-kpɛn kpɛn, ɛ́ tɛr lɛɛ tɩ ta a Zerizalɛm.

Ɩzayi 7:20

A ʋlɩ bibir a, a Sore na ya n bʋra ʋ na na tõ n ɛ́ lɛb tɩr a Efaratɩ man gãwn a —a Asiiri tẽw nãà n'ʋ—, ʋ na fɔr'ɩ nɩ a nyɩ zuru, ɛ́ põ a nyɩ ƴã-gamɛ kɔblʋ za, tɩ lãwnɩ a nyɩ tɩ̃ɛmɛ.

Mise 1:9

A dɔwrʋ na páw a Samaari a bɛ tɛr tɩ̃ɩ ɛ, a ta n a Zuda tẽw tɛɛ za, a Zerizalɛm dɩ̃dɛɛ ƴãw, a be a ɩ̃ nɩ-bʋʋrɛ na kpɩɛr a.