Ɩzayi 34:6 - A SƐB-SÕW

⁶ A Sore zɛbr-sɔ-kpɛ̃ɛ ɩ n zɩ̃ɩ tɛwr, kãá n'a pàw ʋ: mɛ̃ pʋ́rɩ nɩ bʋrɩ zɩ̃ɩ a, mɛ̃ alãbie kãá a. A Bɔsɩra na ɩ a tẽ-kpɛ̃ɛ a pʋɔ a, a Sore maalɛ nɩ bàwr. Kʋb na ɩ kʋb a n'a gã a Edɔm tẽw pʋɔ.

Ɩzayi 34:6 Referans Kwoze

Ɩzayi 63:1

Ãa n'ɩ a sob ŋa na yi a Edɔm tẽ-kpɛ̃ɛ, Bɔsɩra, waar a? A ʋ kparɩ mar'ɩ bʋ̃-zɩɩr. Ʋ su n dɛpaal bʋ̃-suuri, ʋ nàw nɩ nyãá waar'ɩ, ɛ́ bãwnɩ a ʋ fãw. A Sore yere na: “Mãa n'ʋ. Ɩ̃ dɩrɛ nɩ a ƴɛ̀rʋ nɩ mɩnʋ, ɩ̃ tɛr'ɩ a fãw na faa nyɩ.

Zeremi 49:13

Mãa mɩŋa n'ʋ ɩ̃ pɔrɛ nɩ, a fʋ tẽ-kpɛ̃ɛ, Bɔsɩra, na lɩɛb'ɩ zi-faa faa, deboru. Bɛlɛ wa ŋmɩɛr ƴãwn, bɩɩ bɛlɛ wa bɔbr kɛ́ bɛ ƴãw nɩr vĩ a, ʋlɛ n'ʋ bɛ na mɩ́ de man nɩ. A tẽ-bɛrɛ za na lɩɛb'ɩ deboru gã kʋralɛ.» À à ŋá n'a a Sore yel.

Sofoni 1:7

Nyɩ ŋmãa vʋʋrʋ a Sore Naaŋmɩn niŋé, bʋ̃ʋ n'ʋ vɛ̃, a bibir ʋl ʋ na na ìr a nɩbɛ ƴãw a pɩɛl'a! A Sore cɔbr'ɩ bàwr, ʋ so n a nɩbɛ ʋ na bʋɔlɩ a dɛwr bɛr baarɩ.

Zeremi 51:40

Ɩ̃ tɛr bɛ na cere nɩ a kʋb zie mɛ̃ píir a, mɛ̃ pʋ́rɩ bɩɩ bʋrɩ a.»

Zeremi 50:27

Nyɩ kʋ a bɛ soja-vɩɛlɩ vɩɛlɩ za, nyɩ tɛr bɛ cen nɩ a kʋb zie! Nyɛ̃ kpɩɛrʋ na ta bɛ a, bʋ̃ʋ n'ʋ vɛ̃, a bibir vɩɛ na a Sore na na ìr a bɛ ƴãw a.

Ɩzayi 63:3

Yel-mɩŋa n'a, ɩ̃ nɛb'ɩ a divɛ̃ tɩɩr wɔmɛ ɩ̃ yõ. A nɩ-bʋʋrɛ pʋɔ a, nɩr za bɛ tɩ lãw nɩ mɛ̃ ɩ. Lɛ n'a a ɩ̃ suur nɩ a ɩ̃ su-yãyaar pʋɔ ɩ̃ nɛb bɛ ŋmɛr, ɩ̃ nɛb'ɩ bɛ gbɛ́ɛ. A bɛ zɩ̃ɩ ƴaw na waarɩ a ɩ̃ kparɩ, a ɩ̃ bʋ̃-suuri mar a za.

Ɩzayi 34:5

A Sore zɛbr-sɔ-kpɛ̃ɛ ɩ n zɩ̃ɩ a salom zu. Ʋlɛ n'ɩ ŋan siwr a Edɔm tẽw dem zu, nɩbɛ ʋ na yel kɛ́ bɛ kʋ pàw pɛr a.

Wulu-ayi-sob 32:14

A nĩi nɩ a píir tɩ kʋ̀rɛ bɛ nɩ bʋ̀rʋ, a peli, a pʋr-'wɔɛ nɩ a bʋrɩ tɩ kʋ̀rɛ bɛ nɩ nɛn. Ble na ɩ ble a n'a bɛ tɩ dɩrɛ, ɛ́ nyúur a bɛ divɛ̃ tɩɩr divɛ̃.

Ezekɩɛl 21:10

Nɩr za na bãwnɩ a na k'aa mãa Sore, ɩ̃ vʋ̃ɔ nɩ a ɩ̃ zɛbr-sɔ-kpɛ̃ɛ a ʋ kpár pʋɔ. Ɩ̃ kʋ̃ lɛb su ʋ ɛ.”

Wulu-ayi-sob 32:41

Mãa n'ɩ ŋan saalɛ a ɩ̃ zɛbr-sɔ-kpɛ̃ɛ, ɩ̃ kàrɛ ʋ na k'ʋʋ nyɩwrɛ. Ɩ̃ kʋ̃ yaa kɛ́ dɩ n a ɩ̃ dɔ̃ dem ƴɛ̀rʋ ɛ, ɩ̃ na yáa nɩ a san a bɛ zu, ɩ̃ na ɩ n a bɛlɩ dem na hɩ̃ɛn mɛ̃ a mɛ̃ a lɛ bɛ na ɩ m a.

2 Samɩɛl 1:22

A dɔ̃ dem kʋb ƴãw a, a dɔ̃ dem na tɛr fãw a zɛb-tʋ̃ɔ́fʋ ƴãw a, a Zonatã tam bɛ tɩ nyɩrɛ ɩ, a Sawul zɛbr-sɔ-kpɛ̃ɛ mɩ́ tɩ tõ n a ʋ tome kʋralɛ.

1 Bibie za yel-manɩ 1:44

Ʋ na wa kpi a, Zera bidɛb Yovavʋ na yi Bɔsɩra a n'ʋ lɩɛr'ʋ dɩ a naalʋ.

Sɛb-sõw yielu 137:7

Sore e, taa yiire a lɛ a Edɔm tẽw dem na tɩ ɩ a Zerizalɛm loba bibir a ɩ: bɛ tɩ cɩɩrɛ na yere: «Nyɩ da ʋ lɔb, nyɩ da ʋ lɔb tɩ tɔ a dacĩ-pɛ́ɛ!»

Ɩzayi 65:12

A na ɩ à ŋá a, ɩ̃ na bɛr nyɩ na kʋ̀ a nyɩ dɔ̃ dem. Nyɩ na gbĩ n dume bɛ ŋmaarɩ nyɩ a kɔkɛɛ. Bʋ̃ʋ n'ʋ vɛ̃, ɩ̃ bʋɔl'a, ɛ́ nyɩ bɛ sɔw ɛ. Ɩ̃ ƴɛ̀r'a, ɛ́ nyɩ bɛ bɛr wõ ɩ. Nyɩ ɩ n a lɛ na bɛ vɩɛl a a ɩ̃ zie, nyɩ kaa na ír a bom nɛ na bɛ pɛlɩ a ɩ̃ pʋɔ a.

Zeremi 12:12

A zi-sãwnbɛ be n a wɛja-kpalɛ sɛ́ɛ za zu waar. A Sore zɛbr-sɔ-kpɛ̃ɛ sãwnɛ nɩ bom za bɛrɛ a tẽw lowr ŋa tɩ tɔ lowr ŋa. Ƴã-ɓaarʋ bɛ ka be nɩr za ƴãw ɛ.

Zeremi 25:34

Nyɩ kone lãw-mʋɔlɛ, nyɩ lɔbr cɛlsɩ, nyɩɩm nɩbɛ nɩ-bɛrɛ ɛ, nyɩ bile tẽsɔw, nyɩɩm dʋn dem i. Bʋ̃ʋ n'ʋ vɛ̃, a nyɩ kɔkɛɛ ŋmab daar ta na. Nyɩ na lo na ŋmɛr mɛ̃ la-vla vla a.

Zeremi 46:10

Ɛcɛ a Sore, a kpɛnʋ-za-sob zie a, a bibir ŋa ɩ n san-yaafʋ bibir. Ʋ na yáa nɩ a san a ʋ dɔ̃ dem zu. A zɛbr-sɔ-kpɛ̃ɛ dɩrɛ bɛ na, ʋ dɩrɛ na tɩwr, a bɛ zɩ̃ɩ kuole ʋ na. A ɩ na mɛ̃ bàwr'ʋ a Sore, a kpɛnʋ-za-sob, ƴãw a saa-pɛrɩ́-gʋba-lowr, a Efaratɩ man nʋɔr a.

Zeremi 49:7

Ƴɛ̀rʋ na ƴɛ̀r càar'ɩ Edɔm tẽw a. À ŋá n'a a Sore, a kpɛnʋ-za-sob, yere: «A yã-bãwfʋ bɛ cãà a Teman tẽw pʋɔ bɩɩ? A nɩbɛ na tɛr yã a, yã bɔr'a bɩɩ? A yã-bãwfʋ sãw na bɩɩ?

Ezekɩɛl 35:8

Ɩ̃ na ɩ na kũuni pàw a fʋ tan. A bɛlɩ dem za bɛ na na kʋ a zɛbr zie a na lo n a fʋ tãli zu, a fʋ bà-fʋɔlɩ nɩ a fʋ kʋl-bɔwrɩ pʋɔ.

Ezekɩɛl 35:15

Fʋ cɩlɩ na fʋ na nyɛ̃ bɛ sãw a ɩ̃ nɩ-bʋʋrɛ Ɩsɩrayɛl bɛr a. A na ɩ à ŋá a, ɩ̃ mɩ̀ na ɩ b'ɩ a lɛ. A fʋ tan, a fʋ tẽw za a, bɛ na sãw a na bɛr. Lɛ n'a nɩsaal za na bãw kɛ́ mãa n'ɩ a Sore.»

Amɔsɩ 1:11

À ŋá n'a a Sore yere: «A Edɔm tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na vʋ̃ɔ zɛbr-sɔ-kpɛ̃ɛ diwr'ɩ a Ɩsɩrayɛl nɩbɛ na ɩ a bɛ yɛbr, ɛ́ bɛ sàw nɩbaalʋ kãw kpɛ bɛ a bɛ ƴãw a. A bɛ suur nɩ a bɛ pʋ-bier na bɛ tɛr baarʋ daar a zũú,

Ɩzayi 29:2

ɛcɛ ɩ̃ na dɔwrɩ fʋ na, Arɩɛl i. Fʋ na ɩ n kon nɩ 'woi 'woi tɛwr, ɛ́ a ɩ̃ zie fʋ ɩ mɛ̃ a bàwr-maal-kuur Arɩɛl a, a be bɛ na mɩ́ nyɩw a bàwr-maal-bome a.