Ɩzayi 34:5 - A SƐB-SÕW

⁵ A Sore zɛbr-sɔ-kpɛ̃ɛ ɩ n zɩ̃ɩ a salom zu. Ʋlɛ n'ɩ ŋan siwr a Edɔm tẽw dem zu, nɩbɛ ʋ na yel kɛ́ bɛ kʋ pàw pɛr a.

Ɩzayi 34:5 Referans Kwoze

Zeremi 46:10

Ɛcɛ a Sore, a kpɛnʋ-za-sob zie a, a bibir ŋa ɩ n san-yaafʋ bibir. Ʋ na yáa nɩ a san a ʋ dɔ̃ dem zu. A zɛbr-sɔ-kpɛ̃ɛ dɩrɛ bɛ na, ʋ dɩrɛ na tɩwr, a bɛ zɩ̃ɩ kuole ʋ na. A ɩ na mɛ̃ bàwr'ʋ a Sore, a kpɛnʋ-za-sob, ƴãw a saa-pɛrɩ́-gʋba-lowr, a Efaratɩ man nʋɔr a.

Malasɩ 1:4

Kapaw a Edɔm tẽw dem na yere na: “Bɛ tʋ̃ɔ́ tɩ nɩ pẽlẽpẽlẽ, ɛcɛ tɩ na lɛb'a mɛ a tɩ ten bɛ na ŋmɛr bɛr a.” À ŋá n'a, a mãa, a Sore kpɛnʋ-za-sob, yere: Bɛ lɛb mɛ, ɛcɛ mãa na da a na lɔb. A nɩbɛ na bʋɔlɛ bɛ na kɛ́: “Faalʋ tẽw”, nɩ kɛ́: “Nɩ-bʋʋrɛ a Sore na nyɛ̃ nɩ suur kʋralɛ a”.

Ɩzayi 63:1

Ãa n'ɩ a sob ŋa na yi a Edɔm tẽ-kpɛ̃ɛ, Bɔsɩra, waar a? A ʋ kparɩ mar'ɩ bʋ̃-zɩɩr. Ʋ su n dɛpaal bʋ̃-suuri, ʋ nàw nɩ nyãá waar'ɩ, ɛ́ bãwnɩ a ʋ fãw. A Sore yere na: “Mãa n'ʋ. Ɩ̃ dɩrɛ nɩ a ƴɛ̀rʋ nɩ mɩnʋ, ɩ̃ tɛr'ɩ a fãw na faa nyɩ.

Matie 25:41

Lɛn daar'a ʋ na yel a ʋ gʋba lowr dem: “Nyɩ cen taw zãá nɩ mɛ̃, nyɩɩm bɛ na ŋmɛ ƴãw a, nyɩ cen a vũu na bɛ tɛr kpiiru daar a pʋɔ, bɛ na cɔbrɩ a Sɩtaana nɩ a ʋ malkɩ mɩnɛ ƴãw a.

Sofoni 2:12

«A nyɩɩm, Etiopi nɩbɛ mɩ̀, ɩ̃ na ɩ na nyɩ kpi zɛbr zie.»

Zeremi 47:6

Nyɩ yere na: “'Woi, Sore zɛbr-sɔ-kpɛ̃ɛ ɛ, Fʋ bɛ tɛr na pɩ̃ɛnɩ ɛ? Lɛb kpɛ a fʋ kpar pʋɔ! Gã zoom, ta lɛb dam ɛ.”

Ɩzayi 24:6

Alɛ so a Naaŋmɩn ŋmɛ-ƴãw báarɛ a tẽw, ɛ́ a nɩbɛ na kpɩɛr ʋ a nyɛ̃ a dɔwrʋ. Bɛ kpi na ɛ́ tɩ cɛ zaa pʋrɩ.

Sɛb-sõw yielu 137:7

Sore e, taa yiire a lɛ a Edɔm tẽw dem na tɩ ɩ a Zerizalɛm loba bibir a ɩ: bɛ tɩ cɩɩrɛ na yere: «Nyɩ da ʋ lɔb, nyɩ da ʋ lɔb tɩ tɔ a dacĩ-pɛ́ɛ!»

Sɛb-sõw yielu 17:13

Sore e, ìr tuori a ɩ̃ dɔ̃ dem, nyɔw bɛ lɔb tẽw. Faa mɛ̃ a nɩ-faar nuru pʋɔ.

Wulu-ayi-sob 32:14

A nĩi nɩ a píir tɩ kʋ̀rɛ bɛ nɩ bʋ̀rʋ, a peli, a pʋr-'wɔɛ nɩ a bʋrɩ tɩ kʋ̀rɛ bɛ nɩ nɛn. Ble na ɩ ble a n'a bɛ tɩ dɩrɛ, ɛ́ nyúur a bɛ divɛ̃ tɩɩr divɛ̃.

Yel-wula 1:16

Ŋmar-bie ayopõi tɩ be n a ʋ dʋrʋ nũú, ɛ́ zɛbr-sɔ-kpɛ̃ɛ na dɩrɛ a loge a za ayi ɛ́ a nʋɔr ɩ ɓɩlɓɩl a yire a ʋ nʋɔrɩ́. A ʋ niwn tɩ nyɩwrɛ na mɛ̃ mʋ̃tɔ̃w na pur ʋ za a.

2 Pɩɛr 2:14

Pɔw-gaa yele jɩ́rʋ n'a a bɛ mimie nɔnɛ yaga za, ɛ́ bɛ bɛ dãw sɛw a yel-bier maalʋ ɛ. Lɛ n'a bɛ ɩrɛ bɛ̀lɛ nyɔwr a bɛlɩ dem na bɛ tɛr fãw a. Nɩr bɛ nɔ̃w a tɛra man bɛ ɩ, nɩ-ŋmɛ-ƴãwnɩ nɛbɛ.

Galasi 3:10

Ɛcɛ a bɛlɩ dem na ɩrɛ ƴãwn a Naaŋmɩn wulu sàwfʋ ƴãw tɛwr'a, ŋmɛ-ƴãw tuur bɛ na. Mɛ̃ a Sɛb-sõw taa yel à ŋá: «Sob nɛ za na bɛ tuur a al za na sɛb a Wulu sɛbɛ pʋɔ kʋralɛ a, ŋmɛ-ƴãw a páw ʋ!»

1 Korɛ̃tɩ 16:22

Nɩr bɛ wa nɔnɛ a Sore a, ʋ ɩ nɩ-ŋmɛ-ƴãwna. Marana ta (Tɩ Sore e, wa!)

Ɩzayi 43:28

Lɛ n'a ɩ̃ ír a nɩ-bɛrɛ ɩ̃ na tɩ ƴãw a bɛr a nɩ-kpɛ̃ɛnʋ pʋɔ. Ɩ̃ bɛr'ɩ a Zakɔb nɩbɛ kɛ́ bɛ sãw bɛ bɛr, ɛ́ bɛr a Ɩsɩrayɛl nɩbɛ kʋ̀ a bɛ dɔ̃ dem bɛ tʋʋr bɛ.

Ɩzayi 65:12

A na ɩ à ŋá a, ɩ̃ na bɛr nyɩ na kʋ̀ a nyɩ dɔ̃ dem. Nyɩ na gbĩ n dume bɛ ŋmaarɩ nyɩ a kɔkɛɛ. Bʋ̃ʋ n'ʋ vɛ̃, ɩ̃ bʋɔl'a, ɛ́ nyɩ bɛ sɔw ɛ. Ɩ̃ ƴɛ̀r'a, ɛ́ nyɩ bɛ bɛr wõ ɩ. Nyɩ ɩ n a lɛ na bɛ vɩɛl a a ɩ̃ zie, nyɩ kaa na ír a bom nɛ na bɛ pɛlɩ a ɩ̃ pʋɔ a.

Ezekɩɛl 32:29

A Edɔm tẽw dem, a bɛ na-mɩnɛ nɩ a bɛ nɩ-bɛrɛ mɩ̀ be n ka. Bɛ na saa tɩ tɛr kanyir a, bɛ ƴãw bɛ na lãwnɩ a bɛl na kpi a zɛbr zie a. Bɛ ũù bɛ na lãwnɩ yɔ-ɓile dem na siw a kũuni zie a.

Ezekɩɛl 35:1

A Sore tɩ yel mɛ̃ na:

Ezekɩɛl 35:8

Ɩ̃ na ɩ na kũuni pàw a fʋ tan. A bɛlɩ dem za bɛ na na kʋ a zɛbr zie a na lo n a fʋ tãli zu, a fʋ bà-fʋɔlɩ nɩ a fʋ kʋl-bɔwrɩ pʋɔ.

Ezekɩɛl 35:15

Fʋ cɩlɩ na fʋ na nyɛ̃ bɛ sãw a ɩ̃ nɩ-bʋʋrɛ Ɩsɩrayɛl bɛr a. A na ɩ à ŋá a, ɩ̃ mɩ̀ na ɩ b'ɩ a lɛ. A fʋ tan, a fʋ tẽw za a, bɛ na sãw a na bɛr. Lɛ n'a nɩsaal za na bãw kɛ́ mãa n'ɩ a Sore.»

Ɩzayi 21:11

Ƴɛ̀rʋ na ƴɛ̀r Duma ƴãw a. Nɩr'ʋ be Seyiir ɛ́ cɩɩrɛ yere a ɩ̃ zie: «Zi-gùre e, nyɩnɛ n'a a tɩ̃ɩsɔw cen ta? Zi-gùre e, nyɩnɛ n'a a tɩ̃ɩsɔw cen ta?»

Ezekɩɛl 36:5

Sɩza, a mãa Sore Naaŋmɩn yere na, a ɩ̃ su-tʋlʋ kpãkpã pʋɔ, ɩ̃ zɛbr'ɩ nɩ a nɩ-bʋʋr-yoru nɩ a Edɔm tẽw za kpɛ̃lɛ̃kpɛ̃lɛ̃. Nʋ̃ɔ̀ na tɩ paalɩ bɛ ɛ́ bɛ tobr bɛ tɩ ka bom za ƴãw a n'a, bɛ tɩ de a ɩ̃ tẽw, kɛ́ bɛ za a ʋ dʋn mʋ̃ɔ 'wɔbrʋ ziir.

Sofoni 1:7

Nyɩ ŋmãa vʋʋrʋ a Sore Naaŋmɩn niŋé, bʋ̃ʋ n'ʋ vɛ̃, a bibir ʋl ʋ na na ìr a nɩbɛ ƴãw a pɩɛl'a! A Sore cɔbr'ɩ bàwr, ʋ so n a nɩbɛ ʋ na bʋɔlɩ a dɛwr bɛr baarɩ.