Ɩzayi 34:3 - A SƐB-SÕW

³ A bɛ kũuni pàw nɩ a tẽsɔw, a bɛ ƴã-gamɛ nyùur'a, a bɛ zɩ̃ɩ gbɔlɛ nɩ a tan zu.

Ɩzayi 34:3 Referans Kwoze

Zowɛl 2:20

A nyɩ dɔ̃ dem na yi a Saa-pɛrɩ́-gʋba-lowr waar a, ɩ̃ na diw bɛ na bɛr, ɩ̃ na diw bɛ na bɛr tẽ-kpalɛ kon pʋɔ bɛ zãá, ɩ̃ na diw nɩ a bɛ zɛbr-nɩbɛ na de niwn a ƴãw Kʋ̃ɔ-kpɛ̃ɛ-kũu pʋɔ, ɛ́ diw a pùor dem ƴãw a Mediterane kʋ̃ɔ-kpɛ̃ɛ pʋɔ. A bɛ kũuni na nyuur'ɩ faa faa pàw a zie za. A Sore maal'ɩ yel-bɛrɛ.

Ezekɩɛl 39:4

Lɛ n'a a fʋ̃ʋ, a fʋ zɛbr-nɩbɛ za nɩ a nɩ-yaga bɛl na wõ taa nɩ fʋ a na kpi a Ɩsɩrayɛl tẽw tan zu. Ɩ̃ na bɛr'ɩ a sidume nɩ a wɛ-dʋn a dɩ a nyɩ ƴã-gamɛ.

Ɩzayi 34:7

A wɛ-nĩi, a nadɛɛ nɩ a nĩi lãw na lore kpiir. A tẽw ɩ n zɩ̃ɩ tɛwr, kãá pàw nɩ a tẽsɔw za.

Yel-wula 14:20

Bɛ tɩ nɛb'ɩ a divɛ̃ tɩ-wɔmɛ a bɔw-kpɛ̃ɛ pʋɔ na bɛ tɩ be a tẽ-kpɛ̃ɛ pʋɔ ɛ́ be yẽw a. Zɩ̃ɩ tɩ yi n a bɔw pʋɔ do tɩ ta a wie nɔ-bamɛ, ɛ́ gbɔlɩ tɩ ta kilo kɔbr ata (300).

Amɔsɩ 4:10

«Ɩ̃ ƴãw nɩ bàal-faa nyɔw nyɩ mɛ̃ a ʋl na tɩ kʋ a dʋn a koro za a Eziptɩ tẽw a. Ɩ̃ kʋ n a nyɩ pɔ́lɛ́ nɩ zɛbr-sɔ-kpɛ̃ɛ ɛ́ fa a nyɩ wie, ɩ̃ ɩ n a nyɩ laɩ pʋɔ kũuni nyũu paalɩ a nyɩ nyɔbɔgɛ, ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Ezekɩɛl 39:11

A lɛn daar a, ɩ̃ na kʋ̀ n ũùfʋ zie a Gɔgɩ, a Ɩsɩrayɛl tẽw be. A na ɩ n a Sɔr-tɔlbɛ fʋɔla pʋɔ, a Kʋ̃ɔ-kpɛ̃ɛ-kũu saa-pɛrɩ́, ɛ́ a yaa ŋa na piw nɩ a sɔr-tɔlbɛ a sɔ́r. A be n'a bɛ na ũù a Gɔgɩ nɩ a ʋ zɛbr-nɩbɛ za. Bɛ na bʋɔlɛ nɩ a zie ŋa kɛ́: “Gɔgɩ Nɩ-yaga yaga Fʋɔla”.

Ezekɩɛl 38:22

Ɩ̃ na dɔwrɩ fʋ na nɩ jɛ̀lmɛ̃ bàalʋ na nyɔwr nɩbɛ lʋɔrɛ a, ɛ́ bɛr fʋ fʋ kpi zɛbr zie. Ɩ̃ na ɩ na sa-zʋba mĩ, sa-bi-kube lo, cirbi na nyɔw vũu a siw a fʋ zu, a fʋ zɛbr-nɩbɛ zu nɩ a nɩ-bʋʋr-yaga na lãwnɩ fʋ a zu.

Ezekɩɛl 35:6

Alɛ n'a so, ɩ̃ pɔ n nɩ a ɩ̃ nyɔ-vʋʋrʋ, à ŋá n'a a mãa Sore Naaŋmɩn yere: Ɩ̃ na ɩ na zɩ̃ɩ cir a fʋ zie. Sɩza, a zɩ̃ɩ fʋ na cir a bɔbr'a kɛ́ bɛ yáa a san. Fʋ cir'ɩ a zɩ̃ɩ bɛ bʋnɩ nɩ ɛ, a na ɩ lɛ a, a fʋ zɩ̃ɩ mɩ̀ na cir'a.

Ezekɩɛl 14:19

Bɩɩ ɩ̃ na ƴãw nɩ jɛ̀lmɛ̃ bàalʋ na nyɔwr nɩbɛ lʋɔrɛ taa a a nɩ-bʋʋrɛ bɛ ŋa. Ɩ̃ na ɩ n a ɩ̃ suur ìr a bɛ ƴãw, a kpɩɛrʋ kpɛ̃ɛ ŋa na na kʋ a tẽw nɩbɛ nɩ a dʋn a ƴãw.

Zeremi 22:19

Bɛ na ũù ʋ na mɛ̃ bõw a. Bɛ na vu n a ʋ kũu tɩ lɔb bɛr zãá nɩ a Zerizalɛm tẽw dɩ̃dɛɛ.»

Ɩzayi 10:4

A gaso nɩbɛ tɛwr pʋɔ n'a nyɩ na gũu, bɩɩ a kũuni sɔgɔ n'a nyɩ na lo a tẽw. Ɛcɛ a na saa ɩ à à ŋá a, a Sore suur cãà bɛ ɓãa ɩ, a ʋ nũu cãà na zɛw.

Ɩzayi 66:24

A nɩbɛ wa yire a tẽ-kpɛ̃ɛ pʋɔ a, bɛ na tʋ̃ɔ́ na nyɛ̃ a nɩbɛ na gaarɩ a ɩ̃ ƴãw a ƴã-gamɛ. A zãzule na dɩrɛ a a, bɛ kpiir ɛ, ɛ́ a vũu na dɩrɛ a a, bɛ kpiire ɩ. A na ɩ n pʋl-vʋ̃ɔ a nɩsaalbɛ za zie.»

Zeremi 25:33

A Sore zũú a, a kũuni na yi n a tẽw lõbowr ŋa tɩ sãá lõbowr ŋa. A yele á ŋá wa ta a, nɩr kʋ̃ kõ a kũuni bɛ ŋa ɩ, nɩr kʋ̃ wob a bɛ ƴã-gamɛ ɩ, nɩr kʋ̃ ũù bɛ ɩ. Bɛ na lɩɛbɩ tẽsɔw pʋɔrʋ.

Nahum 3:3

A wi-zɔmnbɛ garɛ na waar, a zɛbr-sɔ-bɛrɛ nyɩwrɛ nɩ pɩnpɩn, a kafine mɩ̀ nyɩwrɛ mɛ̃ saa a. Kũuni n'a a ziir za, a kũuni gbone nɩ taa, a bɛ tɛr sɔ́rʋ ɛ, a nɩbɛ kawr'ɩ a kũuni ƴãw lore!

Ezekɩɛl 32:4

Ɩ̃ na lɔb fʋ na bɛr tẽw, a póru sɔwlɩsɔw. Lɛ n'a a lili za na siw a fʋ zu, ɛ́ a wɛ-dʋn za 'wɔb a fʋ ƴã-gã-nɛn.