Ɩzayi 34:17 - A SƐB-SÕW

¹⁷ Ʋ lɔb'ɩ a bie, mɩ́ ír ŋa dem kʋ̀ ʋ, ʋ de nɩ a ʋ miw-máná põ nɩ a tẽw kʋ̀ a. A na so ʋ nɩ kʋralɛ, a na kpɩɛr ʋ nɩ yome yome za.

Ɩzayi 34:17 Referans Kwoze

Ɩzayi 34:10

bɛ kpiire tɩ̃ɩsɔw nɩ mʋ̃tɔ̃w a. Zʋ̀ʋ́r na ìre nɩ a be dúor kʋralɛ. A tẽw na lɩɛb'ɩ wɛja-kpalɛ kʋralɛ, nɩr za kʋ̃ cãà tuur tɔlɛ a be ɩ.

Nɩ-toni 17:26

Nɩ-been yõ n'ʋ ʋ de maal'ɩ a nɩ-bʋʋrɛ za ƴãw bɛ kpɩɛr a tẽw za zu. Ʋ ƴãw nɩ daar kʋ̀ a nɩsaalbɛ, ɛ́ tʋ̃ɔ̀ a bɛ kpɛb zie tʋr-bɔwrɩ wul bɛ.

Zeremi 13:25

A Sore yere na: Zerizalɛm i, nyɛ̃ a bom nɛ na gùre fʋ a, a bom ɩ̃ na gùre nɩ fʋ a. Bʋ̃ʋ n'ʋ vɛ̃, fʋ yiiri mɛ̃ na bɛr ɛ́ ƴãw a fʋ tɩɛrʋ ŋmɩn-bɛlɛbɛlɛ ƴãw.

Ɩzayi 17:14

A zaanʋɔra a, a mɩ́ ɩ n a pʋl-vʋ̃ɔ, ɛ́ a biɓaara bɛ mɩ́ ta sɛr ɛ, ɛ́ bom bɛ cãà be ɩ. A bɛlɩ dem na dier a tɩ bome za a dem'ɩ à á ŋá, a bɛlɩ dem na fárɛ a tɩ bome a, à ŋá n'a a na ŋmɛ̃ bɛ.

Sɛb-sõw yielu 78:55

Ʋ tɩ diw nɩ nɩ-bʋʋrɛ a bɛ niŋé bɛ ìr, ɛ́ ʋ põ a Kanãa tẽw kʋ̀ bɛ, ŋa mɩ́ tɛr ʋ zie. Ʋ tɩ ɩ n a Ɩsɩrayɛl dɔwlʋ dɔwlʋ nɩbɛ kpɩɛr a bɛ pɛnɛ-sɛwr pʋɔ.

Zozue 18:8

A nɩbɛ bɛl bɛ na tɩ kaa ír kɛ́ bɛ tɩ cɔlɩ a tẽw a tɩ cɔbrɩ nɩ a cenu. Bɛ na bɛ tɩ cen sɛr a, a Zozue tɩ yel bɛ na: «Nyɩ cen tɩ cɔlɩ a tẽw, nyɩ maal jɩ́r ʋ kaa, ɛ́ lɛb wa manɩ a lɛ nyɩ na nyɛ̃ a kʋ̀ m. Ɛ́ a Silo ka a, ɩ̃ na wa lɔb'ɩ a bie a Sore niŋé, mɩ́ ír dɔwlʋ ŋa zie kʋ̀ ʋ.»

Nɩ-toni 13:19

Al pùorí, ʋ tɩ kʋ n Kanãa tẽw ten ayopõi nɩbɛ pàw pɛr, ɛ́ de a bɛ ten kʋ̀ a ʋ nɩ-bʋʋrɛ bɛ so a,

Ɩzayi 17:13

A nɩ-bʋʋrɛ damnʋ ɩ na mɛ̃ a kʋ̃ɔ-bɛrɛ damnʋ a. Ɛcɛ a Sore tanɛ bɛ na bɛ zɔrɛ zãánɛ. Bɛ diw bɛ na mɛ̃ ùr tan pʋɔ sɛsɛb na diw a, mɛ̃ pupun bie sɛsɛb-pɩl na ɓáw cen nɩ a.

Ɩzayi 34:11

Ʋ na ɩ n a vìí nɩ a zɔ̃po zie, vìí-kpãakpul nɩ gbagba na kpɩɛr'ɩ a be. A Sore na sãw nɩ a tẽw bɛr. A na ɩ na mɛ̃ a vo-kpɛ̃ɛ-zawla na tɩ be be ɛ́ a tẽ-daa bɛ ír sɛr a.

Wulu-ayi-sob 32:9

ɛcɛ ʋ kaa na ír so a Ɩsɩrayɛl bʋʋrɛ, ʋlɛ n'ʋ gùre a Zakɔb bʋʋrɛ.