Ɩzayi 34:16 - A SƐB-SÕW

¹⁶ Nyɩmɛ wa bɔ a Sore sɛbɛ pʋɔ a, nyɩ na kanɩ nɩ ƴɛ̀r-bie á ŋá: A dʋn á ŋá kãw za bɛ cɛ ɩ, a kãw za bɛ cɛ bɛ ka be ɩ. Bʋ̃ʋ n'ʋ vɛ̃, a Sore n'ʋ ƴãwnɛ a nɛ́ɛ kʋ̀rɛ a, a ʋ Vʋʋrʋ n'ʋ ɓanɛ a taa.

Ɩzayi 34:16 Referans Kwoze

Sɛb-sõw yielu 33:9

Bʋ̃ʋ n'ʋ vɛ̃, ʋ mɩ́ ƴɛ̀r'a, ɛ́ a lɛ ʋ na yel a tu, ʋ mɩ́ yel'a, ɛ́ a bom be.

Zozue 1:8

A wulu sɛbɛ ŋa ƴɛ̀r-bie kʋ̃ yi zaa a fʋ nʋɔrɩ́ ɛ. Tɛr a tɩ́ɛrɛ mʋ̃tɔ̃w nɩ tɩ̃ɩsɔw za, kɛ́ fʋ tʋ̃ɔ́ ƴãw fãw ɩrɛ mɛ̃ a lɛ na sɛb a wulu sɛbɛ pʋɔ a, lɛ n'a a fʋ yele za na mɩ́ tu vla vla za.

Matie 5:18

Yel-mɩŋa sɩza, ɩ̃ yere na kʋ̀rɛ nyɩ: a lɛn daar za a salom nɩ a tẽw na na cãà be a, kan-bi-pʋrɩ kãw za nɩ kan-bi-ŋmale kãw za kʋ̃ yi zaa a Wulu pʋɔ ɩ, ɛ́ gù a yele za baarʋ daar.

Sɛb-sõw yielu 33:6

A Sore ƴɛ̀r-bir'ʋ ʋ ír'ɩ a salom, a ʋ nʋɔr pɩɛlʋ n'a ɩ a saa ŋmar-bi-yaga yaga a be.

Ɩzayi 30:8

A Sore tɩ yel'ɩ a Ɩzayi: «Ƴɛrɛŋa a, sɛb a yele á ŋá ƴãw dà-pawle zu a Zerizalɛm tẽw dem niŋé. Mɩ̀ sɛb a ƴãw sɛbɛ pʋɔ. A na ɩ n dãsɩɛ bom a nɩdaar ƴãw.»

Zã 10:35

A na ɩ à ŋá a, a bɛlɩ dem na bɛrɛ wone a Naaŋmɩn ƴɛ̀rʋ a, a Naaŋmɩn wulu mɩ́ tʋ̃ɔ́ na bʋɔlɛ bɛ ŋmɩmɛ. Ɛcɛ nɩr kʋ̃ tʋ̃ɔ́ lɩɛbɩ a Sɛb-sõw ƴɛ̀rʋ bɛr ɛ.

Zʋkpaɩ 23:12

Lɩɛbɩ a fʋ tɩ́ɛrʋ tu n a wulu bɛ na wule fʋ a, ɛ́ ƴãw a fʋ tobe a nɩbɛ na bãw a ƴɛ̀rʋ a ƴãw.

Luka 21:33

A tẽsɔw nɩ a salom na tɔl'a, ɛcɛ a ɩ̃ ƴɛ̀rʋ bɛ be za na tɔl ɛ.»

Malasɩ 3:16

À à ŋá n'a a bɛlɩ dem na zɔrɛ a Sore a, tɩ ƴɛ̀rɛ sɔwr taa. A Sore tɩ cɛlɩ nɩ be bɛr wõ bɛ. A bɛlɩ dem na zɔrɛ a Sore ɛ́ ƴãwnɛ ʋ a, bɛ tɩ sɛb'ɩ a bɛ yée ƴãw sɛbɛ pʋɔ a ʋ niŋé.

Amɔsɩ 3:7

Yel-mɩŋa, a Sore Naaŋmɩn bɛ ɩrɛ bom za ɛ́ bɛ yere a ʋ pʋ-tɩɛrʋ kʋ̀rɛ a ʋ ƴɛ̀r-manbɛ na ɩ a ʋ tõ-tõ-biir a ɩ.

Ɩzayi 58:14

a lɛn daar a, mãa zie n'a fʋ na mɩ́ nyɛ̃ a fʋ nʋ̃ɔ̀. Ɩ̃ na tɛr fʋ na mɛ̃ nɩr na zɛb tʋ̃ɔ́ a do n a tẽw tan zu. Ɩ̃ na ɩ na fʋ dɩ a tẽw a fʋ sãàkʋm-kʋra Zakɔb na páw a bome.» À ŋá n'a a Sore yel k'ʋʋ na ɩ na.

2 Pɩɛr 1:19

Ɛ́ lɛb waar, tɩ nyɛ̃ na k'aa naaŋmɩn-ƴɛ̀r-manbɛ ƴɛ̀rʋ sɩrɩ na tɛr fãw, ɛ́ nyɩ tɛr'ɩ yel-mɩŋa nyɩ na sàw cɛlɛ a ƴɛ̀rʋ á ŋá zie a. Nyɩ de a a ɩ mɛ̃ fɩ̃tɩlɛ na caalɛ lige pʋɔ a, ɛ́ gù a zi-vɩɛ-ŋmar-bir nãà wa pur a nyɩ socie pʋɔ a.

Ɩzayi 1:20

Ɛcɛ nyɩmɛ wa zawrɩ a, nyɩmɛ wa cãà gaarɩ a, a zɛbr-sɔ-kpɛ̃ɛ n'ʋ na dɩ nyɩ.» À ŋá n'a a Sore ƴɛ̀r.

Yele-za-pɛr-tib 6:17

Mãa ƴãw a, ɩ̃ na ɩ na a Kʋ̃ɔ-paalʋ-kpɛ̃ɛ kʋ̃ɔnɩ paalɩ pàw a tẽw, kʋ bʋ̃-vʋʋra za na be a salom pile a. Bom za na be a tẽw zu a na kpi na.

Zã 5:39

Nyɩ ƴãw nɩ fãw vuole a Sɛb-son pʋɔ, nyɩ na tɩɛrɛ kɛ́ be n'a nyɩ na páw a nyɔ-vʋʋrʋ na be kʋralɛ a, ɛ́ alɛ n'a dɩrɛ a ɩ̃ dãsɩɛ.

Wulu-ayi-sob 31:21

A kpɩɛrʋ nɩ a wʋ̀ʋr wa páw bɛ a lɛn daar a, a yielu ŋa na dɩ n a bɛ sãwna dãsɩɛ, bʋ̃ʋ n'ʋ vɛ̃, a bɛ bʋʋrɛ tɛɛ za kʋ̃ bɛr a ʋ yielu towtow ɛ. A dɩ̃a a, ɩ̃ bɛ tɛr bɛ kpɛ n a tẽw ɩ̃ na pɔ yel k'ɩ̃ɩ na kʋ̀ bɛ na a pʋɔ sɛr ɛ, ɛ́ bãw a lɛ bɛ na tɩɛrɛ a.»

Ɩzayi 14:31

Tẽ-bɛrɛ dɩ̃dɛɛ ɛ, nyɩ kone! Nyɩɩm tẽ-bɛrɛ ɛ, nyɩ lɔbr cɛlsɩ! A Filisɩtɛ̃ tẽw za kanyir baar'a, bʋ̃ʋ n'ʋ vɛ̃, zʋ̀ʋ́r yi n a saa-pɛrɩ́-gʋba-lowr waar. A dɔ̃ dem zie a, nɩr bɛ tawr yire a zɛbr-nɩbɛ pʋɔ ɩrɛ ʋ yõ ɩ.

Ɩzayi 40:5

Lɛ n'a a Sore yúor-vɩɛlʋ-danʋ na sãá, ɛ́ a nɩbɛ za na nyɛ̃ ʋ na. À à ŋá n'a a Sore yel.»

Ɩzayi 40:26

Nyɩ úori a salom ɛ́ nyɛ̃: ãa n'ʋ ír a ŋmar-bie? A sob nɛ na mɩ́ ɩ a yi a za cɔrɩ vla cere mɛ̃ sojarɩ, ʋʋ bʋɔlɩ a za, ŋa nɩ ʋ yúor ŋa nɩ ʋ yúor a n'ʋ. A ʋ fãw nɩ a ʋ kpɛnʋ bɛrmɛ nɩ yaga, kɛ̀ ŋmar-bir kãw za bɛ be be bɛ mɩ́ sàw a ʋ bʋɔlʋ ɛ.

Ɩzayi 21:17

A tam-tɛbrbɛ na cɛ nɩ zaa pʋrɩ a Kedaar zɛbr-nɩbɛ pʋɔ.» A Sore, a Ɩsɩrayɛl Naaŋmɩn n'ʋ yel.