Ɩzayi 33:9 - A SƐB-SÕW

⁹ A tẽw tɛr'ɩ wahala, kpiir. Vĩ nyɔw nɩ a Libã tãw, ʋ kore na. A Saron zi-tɩ̃tal ŋmɛ̃ na taa nɩ wɛja-kpalɛ. A Basan nɩ a Karmɛl tan bɛ cãà tɛr tɩɩr ɛ.

Ɩzayi 33:9 Referans Kwoze

Ɩzayi 35:2

A póru pʋɔ mɔ̃-puuru, a pu pàw ʋ, ʋ cɩlɛ ƴawr'ɩ, ŋmɩɛr'ɩ nʋ̃ɔ̀ cɛlsɩ! A Sore kʋ̀ ʋ nɩ a Libã tan vɩɛlʋ, a Karmɛl tãw nɩ a Saron tɩ̃tal dɛpaalʋ. Lɛ n'a bɛ na nyɛ̃ a Sore yúor-vɩɛlʋ-danʋ, a tɩ Naaŋmɩn dɛpaalʋ.

Nahum 1:4

Ʋ mɩ́ tanɩ nɩ a kʋ̃ɔ-kpɛ̃ɛ ʋ ko, ʋ mɩ́ ɩ n a mamɛ za a sɩr. Lɛ n'a a Basan dʋn mʋ̃ɔ 'wɔbrʋ ziir mʋ̃ɔ̀, nɩ a Karmɛl tãw za mɩ́ mʋ̃ɔ̀ mʋ̃ɔ̀, ɛ́ a Libã tɩ-puuru vàr vàr.

Ɩzayi 65:10

A Saron tɩ̃tal na lɩɛb'ɩ píir àrʋ zie, ɛ́ a Akɔɔr fʋɔla lɩɛbɩ nadʋʋra a ɩ̃ nɩbɛ na na bɔ m a ƴãw.

Mise 7:14

Sore e, cɩ̃ɩnɛ a nɩbɛ fʋ na so a, nɩ a fʋ na-cɩ̃ɩn-da-kʋra. Bɛ àr'ɩ bɛ yõ zie wɛ-kar pʋɔ tɩ-wɔnɩ zaadɛ̃ na jil koli a. Cɩ̃ɩnɩ bɛ mɛ̃ a dãwdãw a, cen nɩ a Basan tẽw nɩ a Galaadɩ tẽw dʋn mʋ̃ɔ 'wɔbrʋ zie.

Zeremi 50:19

Ɩ̃ na tɛr'ɩ a Ɩsɩrayɛl lɛb wa n a ʋ zi-sóra pʋɔ, ʋʋ na páw nɩ a bʋ̃-dɩrɩ a Karmɛl tãw zu nɩ a Basan tã-sɛr zu. Ʋ kʋ̃ mɩ́ bɔ bom gú a Efarayim tãw zu nɩ a Galaadɩ tẽw pʋɔ ɩ.

Ɩzayi 37:24

Fʋ ƴãw na a fʋ nɩbɛ fʋ na tõ a, bɛ tʋ m, a mãa Sore. Fʋ yel'a: “A mãa, Senakerib a, ɩ̃ do n tan saa-zu za nɩ a ɩ̃ zɛbr-torko-yaga, do tɩ ta a Libã tãw nyʋɔrɩ́, k'ɩ̃ɩ tɩ cɛ a ʋ sɛɛdɩr tɩ-vɩɛlɩ zie, nɩ a ʋ sɩpɩrɛ tɩ-kɛrɩ zie. Ɩ̃ do na tɩ ta a ʋ nyɔ-ɓɩɩla nɩ a ʋ tuw-zũgulu.

Ɩzayi 24:1

A Sore na ɩ na a tẽw gã zawla, ʋ na sãw ʋ na bɛr, ʋ na ɩ na ʋ bɛ cãà tɛr niwn ɛ, ʋ na diw nɩ a nɩbɛ yaarɩ a ziir za:

Ɩzayi 14:8

A tɩɩr mɩ̀ cɩlɛ nɩ a po-to-fãw sob kũu ƴãw. A sɩpɩrɛ tɩɩr yere na kʋ̀rɛ ʋ: «A lɛ fʋ na dɛ kpɛ a bɔw a, nɩr bɛ lɛb cãà dúor waar wa cɩɛr tɩ lɔbr ɛ.»

Ɩzayi 3:26

Lɛ n'a a tẽ-kpɛ̃ɛ na kone ʋ za ɛ́ be wahala pʋɔ, mɛ̃ pɔw na bɛ cãà tɛr bom za ɛ́ zɩ̃ tẽsɔw a.

Ɩzayi 2:13

Ʋ na ìr'ɩ a Libã tẽw sɛɛdɩr tɩɩr za ƴãw, a tɩɩr á ŋá na kɛrɩ kɛrɩ a, nɩ a Basan tẽw sɛn tɩɩr ƴãw,

A Yielu za pʋɔ yiel-vla vla 2:1

Ɛ́ mãa a, ɩ̃ ɩ n a Saron tɩ̃tal mɔ̃-puuru, a bà-fʋɔlɩ pʋɔ mɔ̃-puuru na vɩɛl vɩɛl a.

Wulu-ayi-sob 3:4

Ɛ́ daadaalɛ, tɩ tɩ zɛb'a de a ʋ tẽ-bɛrɛ za. Tẽ-kpɛ̃ɛ kãw za bɛ tɩ cɛ tɩ bɛ zɛb de ɩ. A tɩ ɩ n tẽ-bɛrɛ lɩz'a ata na be a Argɔvʋ vuo za pʋɔ a Basan tẽw a, a be a Ɔgɩ na tɩ dɩrɛ a naalʋ a.

Nɩ-toni 9:35

A Lida tẽw dem za, nɩ a Saarɔ̃ tẽw nɩbɛ za na tɩ nyɛ̃ ʋ a, bɛ tɩ lɩɛb'ɩ a bɛ ɩb sàw de a Sore.

Ɩzayi 10:34

Ʋ cɛ n a tuw pʋɔ va-pɔrɛ nɩ lɛr, a Libã tẽw sɛɛdɩr tɩ-bɛrɛ gã nɩ tẽw.

Ɩzayi 29:2

ɛcɛ ɩ̃ na dɔwrɩ fʋ na, Arɩɛl i. Fʋ na ɩ n kon nɩ 'woi 'woi tɛwr, ɛ́ a ɩ̃ zie fʋ ɩ mɛ̃ a bàwr-maal-kuur Arɩɛl a, a be bɛ na mɩ́ nyɩw a bàwr-maal-bome a.

A naaŋmɩn-ƴèr-manɛ Oze sɛbɛ 4:3

Alɛ n'a so a tẽw ko ʋ za, ɛ́ a ʋ nɩbɛ kõwne tɩ lãwnɩ a wɛ-dʋn nɩ a saa-zu lili. A kʋ̃ɔ-kpɛ̃ɛ zʋ́mɛ́ tɛɛ za kʋ̃ cãà ɩ.»

A Zɔb sɛbɛ 15:33

Ʋ na bɛr'ɩ a ʋ wɔ̃-kɛrɛ a pɔr lo mɛ̃ divɛ̃ tɩɛ a, ɛ́ a ʋ puuru suori mɛ̃ olivʋ tɩ-puuru a.

Amɔsɩ 1:2

A Amɔsɩ tɩ yere na: «A Sore be n Sɩyɔ̃ tẽw ùore a yire, ʋ be n a Zerizalɛm tanɛ. A dʋ̃-cɩ̃ɩnbɛ dʋn mʋ̃ɔ 'wɔbrʋ ziir lɩɛb'ɩ wahala ziir, ɛ́ a Karmɛl tãw nyʋɔr ko ʋ za.»