Ɩzayi 33:6 - A SƐB-SÕW

⁶ Ɛ́ nyɩɩm, Sore nɩ-bʋʋrɛ ɛ, nyɩ nãà wa tʋ̃ɔ́ na kpɩɛr ɛ́ bom bɛ damnɛ nyɩ ɛ. A yã-bãwfʋ nɩ a bãwfʋ ɩ n na-bome na faarɛ a. A Sore zɔba a, ʋlɛ n'ɩ a fʋ na-bom.

Ɩzayi 33:6 Referans Kwoze

1 Timote 4:8

A ƴã-gan bɛ na mɩ́ damnɛ k'ʋʋ kpɛmɛ a, a mɩ́ tɛr'ɩ yel-ɩra yel-pʋrɩ ƴãw. Ɛcɛ a Naaŋmɩn fʋ na zɔrɛ a tɛr yel-ɩra a yele za ƴãw. A nyɔ-vʋʋrʋ a Naaŋmɩn na ƴãw a nʋɔr k'ʋʋ na tɩr a a, a ƴɛrɛŋa nyɔ-vʋʋrʋ nɩ a nɩdaar nyɔ-vʋʋrʋ, Naaŋmɩn fʋ na ƴãwnɛ a pʋɔ n'a a be.

Matie 6:33

Nyɩ mɩ́ de niwn bɔbr a Naaŋmɩn Naalʋ nɩ a ʋ nyɔ-vʋʋr-vla, ʋʋ na kʋ̀ nyɩ nɩ a al za na báa cɛ a dɔwlɩ.

Zʋkpaɩ 19:23

A Sore zɔba tɩrɛ nɩ nyɔ-vʋʋrʋ, nyɔ-vʋʋrʋ pʋɔ fʋ na kʋ̃ bɔ bom gù, ɛ́ kpɩɛrʋ bɛ páwr fʋ a.

1 Timote 6:6

Sɩza, a Naaŋmɩn ƴãwfʋ tɛr'ɩ tɔnɛ yaga sob nɛ na sàw tɛr a bom nɛ tɛwr ʋ na tɛr a zie.

Ekilezɩasɩ 7:19

A yã-bãwfʋ mɩ́ ɩ n a yã-bãwnɛ kpɛmɛ zuo na-kpɛ̃ɛ-lɩɛrbɛ pie na be tẽ-kpɛ̃ɛ kãw pʋɔ a.

Zʋkpaɩ 14:27

A Sore zɔba ɩ n nyɔ-vʋʋrʋ bul-nʋɔr. Ʋ mɩ́ ɩ na fʋ nɩɩrɩ a kũu bɛrɩ bɛr.

Sɛb-sõw yielu 28:8

A Sore n'ɩ a ʋ nɩbɛ fãw, ʋlɛ n'ɩ a zɛbr-yir-kpɛ̃w na ɩ a ʋ nɩ-kabra faafʋ zie a.

Ɩzayi 51:6

Nyɩ úori a salom nyɛlɛ, al pùorí nyɩ jɩ́r a tẽw a pile ka: a salom na bɔr a mɛ̃ zʋ̀ʋ́r a, a tẽw na zaw na mɛ̃ kparʋ a, ɛ́ a ʋ nɩbɛ kpiir mɛ̃ nazʋʋr a. Ɛcɛ a ɩ̃ faafʋ na be n be kʋralɛ, ɛ́ a mɩnʋ ɩ̃ na waar'ɩ a kʋ̃ tɛr baarʋ daar ɛ.

Ekilezɩasɩ 7:12

Bʋ̃ʋ n'ʋ vɛ̃, a fʋ na be a yã-bãwfʋ ɓaarʋ́ a, a ɩ na mɛ̃ libir ɓaarʋ́ n'a fʋ be a. A bɛlɩ dem na tɛr ʋ a, ʋ mɩ́ ɩ na a bɛ nyɔ-vʋʋrʋ wõwme dɔwlɩ: alɛ n'a so a ʋ bãwfʋ tɛr yel-ɩra.

Zʋkpaɩ 28:2

Tẽw wa dam a, a nɩ-bɛrɛ mɩ́ yãwmɛ na, ɛcɛ nɩr na tɛr yã ɛ́ bãw bom wa be be a, a yele mɩ́ lɛb'a tuur a tub.

Zʋkpaɩ 15:16

Fʋ̃ʋ tɛr a blã ɛ́ zɔrɛ a Sore a, alɛ sa fʋ na na ɩ nãà ɛ́ ɩ tɩ̀ɛrʋ tɛwr a.

Sɛb-sõw yielu 140:7

Ɛcɛ ɩ̃ yel'ɩ a Sore: «Fʋ ɩ n a ɩ̃ Naaŋmɩn! Sore e, ƴãw tobr a ɩ̃ yãayãa zɛlʋ ƴãw.

Sɛb-sõw yielu 45:4

Gãdaa a, sɛ a fʋ zɛbr-sɔ-kpɛ̃ɛ a fʋ sɩɛmɩ́, a fʋ vɩɛlʋ nɩ a fʋ dɛpaalʋ bãwfʋ n'ʋ,

2 Korɛ̃tɩ 6:10

Bɛ ƴãwnɛ tɩ nɩ pʋ-sãwna, ɛ́ nʋ̃ɔ̀ kpɩɛr tɩ bibie za. Tɩ ɩ n nan dem, ɛ́ ɩrɛ nɩ-yaga lɩɛbɛ na-mɩnɛ. Tɩɩm na tɛr bom za a, a sãá na mɛ̃ tɩ bɛ tɛr bom a.

Zʋkpaɩ 29:4

Nãà na ɩrɛ lɛ-na-tu-sɔr-a mɩ́ ɩ na a ʋ tẽw àr vla. Ɛcɛ a ʋl na nɔnɛ a zuru-yar ƴãwfʋ a mɩ́ sãw ʋ na bɛr.

2 Na-mɩnɛ 18:7

A Sore tɩ be n a Ezekɩasɩ zie, kɛ̀ bom za ʋ na ɩrɛ a tuur ʋ. A Ezekɩasɩ bɛ tɩ cãà sàw a Asiiri tẽw nãà nɩ-kpɛ̃ɛnʋ a ʋ zu ɛ, bɛ cãà sàw ʋ so ʋ ɛ.

Zʋkpaɩ 14:26

A Sore zɔba mɩ́ ɩ na fʋ bɛr tɩ̀ɛrʋ, bʋ̃ʋ n'ʋ vɛ̃, ʋ gùre nɩ a ʋ bibiir.

Ɩzayi 11:9

Bɛ kʋ̃ cãà maalɛ yel-faa ɛ́ sãwnɛ bom a ɩ̃ tãw-sõw za zu ɛ. Bʋ̃ʋ n'ʋ vɛ̃, a Sore bãwfʋ na paal'ɩ a tẽw, mɛ̃ man na paalɩ kʋ̃ɔ a.

Ɩzayi 26:1

A ʋlɩ bibir nɛ a Zuda tẽw pʋɔ a, a nɩbɛ na yiele nɩ yielu ŋa: «Tɩ tɛr'ɩ tẽ-kpɛ̃ɛ na kpɛmɛ a. A ʋ gub ƴãw a, a Sore ƴãw nɩ dacine ayi viiri koli ʋ.

Ɩzayi 33:20

Jɩ́r a Zerizalɛm kaa, nyɛ̃ a Sɩyɔ̃ tẽw a, a tẽ-kpɛ̃ɛ tɩ na maalɛ a tɩ cuwr a. Ʋ na sãá nɩ a fʋ zie mɛ̃ zie na ɩ zoom a, mɛ̃ pɛn-sɛw bɛ na kʋ̃ lɛb wɩl a. Bɛ kʋ̃ lɛb vɔ̃ a ʋ kpawbie ɩ, bɛ kʋ̃ lɛb cɛ̀r a ʋ míe bɛr ɛ.

Ɩzayi 45:17

Ɛcɛ a Sore faa nɩ a Ɩsɩrayɛl faafʋ na be kʋralɛ a. Nyɩɩm na ɩ a ʋ nɩbɛ a, nyɩ bɛ be za na lɛb nyɛ̃ vĩ nɩ zʋmɛ ɩ, towtow!

Ɩzayi 51:14

A gaso nɩr a kpɩɛrʋ na dĩ a kʋ̃ yaa kɛ́ lɛb so ʋ tʋɔra ɩ. Ʋ bɛ kpiir a ʋ gaso pʋɔ ɩ, ɛ́ kʋ̃ lɛb bɔ bʋ̃-dɩra gù ɛ.

A Zɔb sɛbɛ 4:6

A fʋ tɛra tɛwr'a tɩ so fʋ zɔrɛ a Naaŋmɩn ɩ? A alɩ bome nɛ ƴãw fʋ na tɩ ƴãw a fʋ tɩɛrʋ a, al tɛwr'a tɩ so fʋ ɩrɛ a vla a?

Zʋkpaɩ 2:5

Lɛ n'a fʋ na bãw a Sore zɔba, lɛ n'a fʋ na tʋ̃ɔ́ bãw a Naaŋmɩn.

Zʋkpaɩ 14:24

A naalʋ n'ɩ a yã-bãwnbɛ bʋ̃-páwra, ɛcɛ a dãbole bɛ yire zaarɛ a bɛ dãbolu pʋɔ towtow ɛ.

Ɩzayi 32:17

A ƴã-ɓaarʋ na ɩ n a mɩnʋ bom, a mɩnʋ ton na ɩ n a zie na gã zoom kʋralɛ bɛ bãw damnʋ a.

Ɩzayi 32:18

A Sore nɩbɛ na kpɩɛr'ɩ zie ƴã-ɓaarʋ na be a, bɛ na kpɩɛr'ɩ yie yel-faa na bɛ ka a, pɩ̃ɛnʋ ziir na bɛ bãw damnʋ a.

Zeremi 31:34

A Sore yere na: Nɩr za kʋ̃ mɩ́ lɛb wule a ʋ tɔ sob bɩɩ a ʋ yɛb yere nɩ: “Nyɩ bãw a Sore!” ɩ. Bʋ̃ʋ n'ʋ vɛ̃, bɛ za na bãw mɛ̃ na, a pʋrɩ za zie tɩ tɔ a kpɛ̃ɛ za zie. Ɩ̃ na dɩ n a bɛ sãwna suur kʋ̀ bɛ, ɩ̃ kʋ̃ cãà bãwnɩ a bɛ yel-bebe ɩ.»

Habakukɩ 2:14

Yel-mɩŋa, a Sore yúor-vɩɛlʋ-danʋ a nɩbɛ na na bãw a, na paal'ɩ a tẽw, mɛ̃ a lɛ a kʋ̃ɔnɩ na paalɩ pàw a kʋ̃ɔ-kpɛ̃ɛ a.