Ɩzayi 33:2 - A SƐB-SÕW

² Sore e, zɔ tɩ nɩbaalʋ! Tɩ ƴãw nɩ a tɩ tɩɛrʋ a fʋ ƴãw. Ɩ̀ a tɩ fãw biɓaara za, nɩ a tɩ faarɛ a kpɩɛrʋ daar.

Ɩzayi 33:2 Referans Kwoze

Ɩzayi 59:16

Ʋ nyɛ̃ na kɛ́ nɩr za bɛ tɩ damnɛ damnʋ ɛ, a tɩ ùr ʋ na, nɩr za na bɛ tɩ ɩrɛ bom a. Lɛ n'a ʋ tɩ yel k'aa ʋl mɩŋa na ɩ n ɩb kãw, ɛ́ a ʋ mɩnʋ n'a tɩ kʋ̀ ʋ a fãw a al ƴãw.

Ɩzayi 25:9

Bɛ na yere nɩ a ʋlɩ bibir nɛ: «Ʋlɛ n'ɩ a tɩ Naaŋmɩn. Tɩ tɩ ƴãw nɩ a tɩ tɩɛrʋ a ʋ ƴãw, ʋʋ faa tɩ na. Sɩza, a Sore ƴãw n'a tɩ ƴãw a tɩ tɩɛrʋ. Nyɩ ɩ tɩ cɩlɛ ƴawr'ɩ, tɩ cáarɛ, ʋ na faa tɩ a ƴãw.

Sɛb-sõw yielu 60:11

Ãa n'ʋ na tɛr mɛ̃ tɩ sãá nɩ a Edɔm tẽw? Ãa n'ʋ na tɛr mɛ̃ cen nɩ a tẽw bɛ na cɔbrɩ a zɛbr ƴãw a pʋɔ,

Sɛb-sõw yielu 62:8

A ɩ̃ faafʋ nɩ a ɩ̃ vɩɛlʋ yi n a Naaŋmɩn zie. A ɩ̃ pì-kpɛ̃w nɩ a ɩ̃ sɔwlʋ zie a, a Naaŋmɩn n'ʋ.

Sɛb-sõw yielu 62:1

Yiel-yielbɛ nɩ-kpɛ̃ɛ sɛbɛ pʋɔ yielu. Yedutun yielu. Sɛb-sõw yielu Daviir na maalɩ a.

Sɛb-sõw yielu 46:1

Yiel-yielbɛ nɩ-kpɛ̃ɛ sɛbɛ pʋɔ yielu. Koore bibiir yielu. Bɛ ŋmɩɛr'ɩ bʋ̃-ŋmɩɛrɩ ƴãwn. Yielu.

Eziptɩ tẽw yib 14:27

A Moyiir tɩ dɔl'ɩ a nũu a kʋ̃ɔ-kpɛ̃ɛ zu, ɛ́ a zie na wa wɛlɛ a, a kʋ̃ɔ-kpɛ̃ɛ tɩ lɛb'a paalɩ àr a ʋ àrʋ zie. A Eziptɩ tẽw nɩbɛ na tɩ zɔrɛ a tɩ tuor'ɩ a kʋ̃ɔ gboro, a Sore cã bɛ wuli lɔb a kʋ̃ɔmɩ́.

A naaŋmɩn-ƴèr-manɛ Oze sɛbɛ 14:2

Ɩsɩrayɛl i, lɛb wa a Sore fʋ Naaŋmɩn zie. Bʋ̃ʋ n'ʋ vɛ̃, a fʋ sãwna n'a ɩ fʋ ŋmɛ gbɛ́r lo.

A Lãw-mʋɔlɛ 3:23

A ʋ vɩɛlʋ-ɩb nɩ a ʋ nɔ̃wfʋ mɩ́ lɩɛb'ɩ paalɛ biɓaarɛ za. Sore e, a fʋ na ŋmɛ̃ a fʋ ŋmɛ̃a a sɩrɩ na ɩ kpɛ̃ɛ.

Zeremi 14:8

A fʋ̃ʋ ƴãw a Ɩsɩrayɛl na ƴãw a ʋ tɩɛrʋ a, a fʋ̃ʋ na tɩ faa ʋ a kpɩɛrʋ daar a, bʋ̃ʋ n'ʋ so fʋ ɩrɛ mɛ̃ sãan a, a tẽw pʋɔ, mɛ̃ sɔr-tɔlɛ na bɩɛ k'ʋʋ gã ìr a?

Ɩzayi 40:10

Nyɩ nyɛ̃ a Sore Naaŋmɩn. Ʋ waar'ɩ nɩ kpɛnʋ, ʋ tɛr'ɩ fãw na dɩ a naalʋ. Ʋ lɛb'a waar'ɩ a bom ʋ na páw a, ʋ lɛb'a waar'ɩ a ʋ tome sã-ya.

Ɩzayi 26:16

Sore e, a kpɩɛrʋ daar a, fʋ̃ʋ n'ʋ a nɩbɛ mɩ́ bɔbr. Fʋ̃ʋ wa ƴãwnɛ a dɔwrʋ a lɛn daar a, bɛ mɩ́ puore na 'hũ'hune nɩ.

Ɩzayi 26:8

Sɩza n'a, Sore e, a sɔ́r fʋ na yel kɛ́ tɩ tuur a zu a, tɩ mɩ́ ƴãw nɩ a tɩ tɩɛrʋ a fʋ ƴãw. A ʋlɩ bom nɛ tɩ na bɔbr a n'ɩ kɛ́ tɩ bʋɔlɛ fʋ, tɩ tɩ́ɛrɛ fʋ.

Ɩzayi 25:4

Bʋ̃ʋ n'ʋ vɛ̃, fʋ̃ʋ n'ʋ mɩ́ piw a bãbàalbɛ tɛr, fʋ mɩ́ piw nɩ a nan dem tɛr a bɛ kpɩɛrʋ pʋɔ. Fʋ ɩ n taw-lanʋ zie a saa ƴãw, ɓaarʋ a mʋ̃tɔ̃-tʋlʋ ƴãw. — A po-to-fãw dem suur ɩ na mɛ̃ saa na waar'ɩ sɛsɛb ŋmɩɛr dacin a,

Sɛb-sõw yielu 123:2

Mɛ̃ a lɛ gbãgbaar na mɩ́ jɩ́rɛ a bɛ zu-sob nũu gbẽgbẽ a, mɛ̃ a lɛ tõ-tõ-bi-pɔw na mɩ́ jɩ́rɛ a ʋ pɔw-nɩ-kpɛ̃ɛ nũu kʋralɛ a, lɛ n'a tɩ mɩ̀ dʋɔ a zuru jɩ́rɛ nɩ a Sore tɩ Naaŋmɩn, gùre nɩ k'ʋʋ wa zɔ tɩ nɩbaalʋ.

Sɛb-sõw yielu 91:15

Ʋlɛ wa bʋɔlɛ mɛ̃ a, ɩ̃ na sɔw na, ɩ̃ na be n a ʋ zie a kpɩɛrʋ daar, ɩ̃ na faa ʋ na, ɩ̃ na ɩ na k'ʋ nyɛ̃ ƴãwfʋ.

Sɛb-sõw yielu 90:15

Ɩ nʋ̃ɔ̀ kpɛ tɩ man a bibie nʋɔr fʋ na ɩ tɩ nyɛ̃ vĩ a, a yome nʋɔr tɩ na nyɛ̃ a kpɩɛrʋ a.

Sɛb-sõw yielu 62:5

Lɛ nyɩ na na ɩ siwr'ʋ a be ʋ na do tɩ àr a, al tɛwr yã n'a nyɩ bɔbr. A nɔ-vla nyɩ na mɩ́ ƴɛ̀rɛ a, nʋɔr tɛwr'ʋ nyɩ mɩ́ ƴɛ̀r'ɩ, ɛ́ a nyɩ tɩɛrʋ pʋɔ nyɩ ŋmɩɛr ƴãwn. Tɛw-àrʋ

Sɛb-sõw yielu 50:15

Ɛ́ alɛ wa wone fʋ a ʋlɩ bibir nɛ a, fʋ̃ʋ bʋɔlɩ mɛ̃, ɩ̃ na faa fʋ na, ɛ́ fʋ na danɩ mɛ̃ na.

Sɛb-sõw yielu 46:5

Man-gbɛ́r ɩrɛ nɩ a Naaŋmɩn tẽ-kpɛ̃ɛ nʋ̃ɔ̀, a zi-sõw a Naaŋmɩn-na-do-saa-bɛ-pɩɛl-a na kpɩɛr a.

Sɛb-sõw yielu 37:39

A Sore zie n'a a nɩ-mɩn faafʋ yire, ʋlɛ n'ɩ a bɛ zɛbr-yir-kpɛ̃w a kpɩɛrʋ daar.

Sɛb-sõw yielu 25:3

Bɛlɩ dem na tɩɛrɛ fʋ a, a bɛ been bɛ nyɛrɛ vĩ ɛ. Ɛcɛ bɛ na nyɛ̃ nɩ vĩ, a bɛlɩ dem na mɩlɛ zawlalɛ a!

Sɛb-sõw yielu 143:8

Ɩ k'ɩ̃ nyɛ̃ a fʋ nɔ̃wfʋ biɓaaralɛ, ɩ̃ na ƴãw a ɩ̃ tɩɛrʋ a fʋ ƴãw a zũú. Ɩ k'ɩ̃ bãw a sɔ́r a na fɛr k'ɩ̃ɩ tuur a, ɩ̃ na lɩɛbɩ kaa fʋ a zũú.

Sɛb-sõw yielu 27:1

Daviir so ʋ. A Sore n'ɩ a ɩ̃ cãà nɩ a ɩ̃ faarɛ, ãa dɛ̃bɩ̃ɛ n'a ɩ̃ na zɔrɛ? A Sore n'ʋ gùre a ɩ̃ nyɔ-vʋʋrʋ, ãa niŋé n'a ɩ̃ na màwr?

Ɩzayi 17:10

Ɩsɩrayɛl i, fʋ yiir'ɩ a Naaŋmɩn fʋ faarɛ bɛr, fʋ bɛ cãà bãwnɩ a Pìir na piw fʋ a ɩ. Alɛ so fʋ ɩrɛ va-vɩɛlɩ a búle, ɛ́ bʋ̀rɛ bʋ̃-bi-sãanbɛ.

Ɩzayi 37:3

A Ezekɩasɩ ƴɛ̀rʋ ŋa n'ʋ a tɩ fɛr kɛ́ bɛ yel kʋ̀ a naaŋmɩn-ƴɛ̀r-manɛ: «“A bibir ŋa ɩ n pʋl-vʋ̃ɔ-kpɛ̃ɛ, dɔwrʋ nɩ vĩ bibir a tɩ zie. Mɛ̃ a lɛ bɛ na mɩ́ yel a, a bie ta n yib ɛ́ a mã bɛ tɛr fãw na ʋ̃ʋ́nɩ ʋ yi ɛ.

Ɩzayi 51:5

A mɩnʋ ɩ̃ na tɩrɛ a pɩɛl'a, a faafʋ waar'a. Ɩ̃ na dɩ n nɩ a nɩ-bʋʋrɛ ƴɛ̀rʋ nɩ kpɛnʋ. A nɩ-bʋʋrɛ na zãá a na ƴãw nɩ a bɛ tɩɛrʋ a ɩ̃ ƴãw, bɛ na gùre nɩ a ɩ̃ nɩ-kpɛ̃ɛnʋ dɩb.

Sɛb-sõw yielu 33:22

Sore e, a fʋ nɔ̃wfʋ, ʋ tuur tɩ, mɛ̃ a lɛ tɩ na ƴãw a tɩ tɩɛrʋ a fʋ ƴãw a.

Ɩzayi 8:17

Ɩ̃ gùre nɩ a Sore. Ʋ bɛ ŋmɛlɛ kaar a Zakɔb yir dem a ƴɛrɛŋa ɩ, ɛcɛ ʋl ƴãw n'a ɩ̃ ƴãw a ɩ̃ tɩɛrʋ.