Ɩzayi 33:18 - A SƐB-SÕW

¹⁸ Fʋ na tɩɛr'ɩ a ʋlɩ bom nɛ na tɩ ɩrɛ fʋ dɛ̃bɩ̃ɛ a, ɛ́ fʋ na sowre na: «Nyɩnɛ n'a a bɛlɩ dem na sɔrɛ ɛ́ jiele a zuru-yar a be? Nyɩnɛ n'a a bɛlɩ dem na jɩ́rɛ a ziir na cɔbrɩ kpɛmɛ a zɛbr ƴãw a be?»

Ɩzayi 33:18 Referans Kwoze

1 Korɛ̃tɩ 1:20

A na ɩ à ŋá a, nyɩnɛ n'a a yã-bãwnɛ be? Nyɩnɛ n'a a Naaŋmɩn wulu bãw-bãw-kara be? A dɩ̃a zie ŋa pʋɔ ƴɛ̀r-bãw-ƴɛ̀rɛ wa? A Naaŋmɩn bɛ ɩ a tẽ-daa yã-bãwfʋ lɩɛbɩ gẽgemi ɛ?

2 Na-mɩnɛ 18:14

Lɛ n'a a Zuda tẽw nãà, Ezekɩasɩ, tɩ tõ bɛ tɩ yel a Asiiri tẽw nãà na tɩ be Lakisɩ a: «Ɩ̃ sãw na! Ta zɛb'ɩ mɛ̃ ɩ. Ɩ̃ na ya n a san fʋ na na ŋmãa kʋ̀ m a.» A Asiiri tẽw nãà tɩ ŋmãa nɩ salm-pla kilo tùr-piwaɩ (9 000) nɩ salm-zɩɛ kilo kɔbr awaɩ (900) san kʋ̀ a Ezekɩasɩ.

2 Timote 3:11

a dɔwrʋ pʋɔ nɩ a kpɩɛrʋ pʋɔ ɩ̃ na páw a Ãtɩɔsɩ, a Ɩkonɩɔm nɩ a Lɩsɩtɩr a. Bʋ̃ʋ dɔwrʋ n'a ɩ̃ bɛ nyɛ̃! Ɛ́ a Sore faa mɛ̃ a za pʋɔ!

Ɩzayi 17:14

A zaanʋɔra a, a mɩ́ ɩ n a pʋl-vʋ̃ɔ, ɛ́ a biɓaara bɛ mɩ́ ta sɛr ɛ, ɛ́ bom bɛ cãà be ɩ. A bɛlɩ dem na dier a tɩ bome za a dem'ɩ à á ŋá, a bɛlɩ dem na fárɛ a tɩ bome a, à ŋá n'a a na ŋmɛ̃ bɛ.

Sɛb-sõw yielu 71:20

Fʋ ɩ na k'ɩ̃ nyɛ̃ kpɩɛrʋ nɩ yel-faar yaga. Ɛcɛ fʋ na wa na lɛb wa kʋ̀ m a nyɔ-vʋʋrʋ, wa ɩ k'ɩ̃ lɛb yi a yàa-bɔw pʋɔ.

Sɛb-sõw yielu 31:22

A Sore tɛr'ɩ puoru, a ʋ nɔ̃wfʋ maal'ɩ nɔ-ɓãa-yel a ɩ̃ ƴãw, mãa na tɩ ɩ mɛ̃ tẽw bɛ na ŋmãa jil a.

2 Na-mɩnɛ 18:31

Nyɩ ta bɛrɛ wone a Ezekɩasɩ ƴɛ̀rʋ ɛ, nyɩ nɩ̃ɛ bɛrɛ wone a lɛ a Asiiri tẽw nãà na yere kʋ̀rɛ nyɩ a: Nyɩ nyɔw nɩ mɛ̃ báalʋ, nyɩ bɛr nyɩ tʋɔra kʋ̀ m. Lɛ n'a a nyɩ kãw za na mɩ́ dɩrɛ a ʋ divɛ̃ tɩɛ nɩ a ʋ kãkã-tɩɛ wɔmɛ, ɛ́ nyúur a ʋ sa-bie-kʋ̃ɔ-bɔw kʋ̃ɔ,

2 Na-mɩnɛ 15:19

A Asiiri tẽw nãà, Pul, tɩ kpɛ na so a Ɩsɩrayɛl tẽw. Lɛ n'a a Menahɛm tɩ kʋ̀ ʋ salm-pla tɔn lɩzɛr'ɩ pie, k'aa Pul sõw ʋ, ʋ zɩɩlɩ a ʋ naalʋ ʋ kpɛmɛ.

1 Samɩɛl 30:6

Kpɩɛrʋ kpɛ̃ɛ tɩ nyɔw nɩ a Daviir, bʋ̃ʋ n'ʋ vɛ̃, a nɩbɛ tɩ bɔbr'a kɛ́ bɛ lɔb'ɩ ʋ kʋsɛbɛ. Ŋa za pʋɔ tɩ sãw nɩ yaga, a ʋ bidɛbr nɩ a ʋ pɔwyaar ƴãw. Ɛcɛ a Sore ʋ Naaŋmɩn tɩ ɩ na ʋ lɛb tɛr kanyir.

Yele-za-pɛr-tib 23:16

A Abraham nɩ a Efron tɩ wõ n taa. Ʋ tɩ sɔr'ɩ a libie nʋɔr a Efron na yel a ʋ tẽ-bi-taabɛ wõ a kʋ̀ ʋ: a tɩ ɩ n salm-pla libie kɔbr anaar (400) mɛ̃ a lɛ a na tɛwr a dàa pʋɔ a.

Ɩzayi 54:14

A mɩnʋ n'a na tɩɛ fʋ. Fʋ kʋ̃ cãà zɔrɛ bom za dɛ̃bɩ̃ɛ ɩ, fɛrʋ za na na zãá nɩ fʋ a ƴãw. A dɛ̃bɩ̃-kpɛ̃ɛ na zãá nɩ fʋ na, ʋ kʋ̃ lɛb ta b ɛ.