Ɩzayi 33:16 - A SƐB-SÕW

¹⁶ A nɩr ŋa na kpɩɛr'ɩ ziir na kɛrɩ a. Pìe na ɩ zɛbr-yir-kpɛn a n'a na ɩ a ʋ sɔwlʋ zie. Ʋ na mɩ́ nyɛ̃ nɩ bʋ̃-dɩra, ʋ kʋ̃ mɩ́ bɔ kʋ̃ɔ gù ɛ.

Ɩzayi 33:16 Referans Kwoze

Ɩzayi 32:18

A Sore nɩbɛ na kpɩɛr'ɩ zie ƴã-ɓaarʋ na be a, bɛ na kpɩɛr'ɩ yie yel-faa na bɛ ka a, pɩ̃ɛnʋ ziir na bɛ bãw damnʋ a.

Ɩzayi 49:10

Kɔ̃ nɩ kʋ̃ɔ-nyúur kʋ̃ lɛb kpɛ bɛ ɩ. A wɛja-kpalɛ sɛsɛb-tʋlʋ nɩ a mʋ̃tɔ̃w kʋ̃ lɛb dɩ bɛ ɩ. Bʋ̃ʋ n'ʋ vɛ̃, ɩ̃ na tɛr bɛ na nɩ nɔ̃wfʋ cen nɩ bul-nɛ́ɛ na ɩ ɓaar ɓaar a pɛr.

Zʋkpaɩ 1:33

Ɛcɛ sob nɛ na bɛrɛ wone mɛ̃ a kʋ̃ bãw damnʋ ɛ, ʋ na vʋʋrɛ nɩ zoom ɛ́ bɛ tɛr a kpɩɛrʋ dɛ̃bɩ̃ɛ ɩ.»

Habakukɩ 3:19

A Sore Naaŋmɩn n'ɩ a ɩ̃ fãw: ʋ mɩ́ ɩ na ɩ̃ zɔrɛ fɔ̃w fɔ̃w mɛ̃ wala a, ʋ ɩ na ɩ̃ cere ziir na kɛrɩ a zu. A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Bʋ̃-ŋmɩɛrɩ bɛ na maal'ɩ mié a n'a bɛ mɩ́ ŋmɩɛr'ɩ ƴãwn.

Ɩzayi 25:4

Bʋ̃ʋ n'ʋ vɛ̃, fʋ̃ʋ n'ʋ mɩ́ piw a bãbàalbɛ tɛr, fʋ mɩ́ piw nɩ a nan dem tɛr a bɛ kpɩɛrʋ pʋɔ. Fʋ ɩ n taw-lanʋ zie a saa ƴãw, ɓaarʋ a mʋ̃tɔ̃-tʋlʋ ƴãw. — A po-to-fãw dem suur ɩ na mɛ̃ saa na waar'ɩ sɛsɛb ŋmɩɛr dacin a,

Zʋkpaɩ 18:10

A Sore ɩ n zɛbr-yir-kpɛ̃w. A nɩ-mɩŋa mɩ́ zɔ na cen a ʋ zie ɛ́ bɛ tɩ bãwnɛ damnʋ a be ɩ.

Sɛb-sõw yielu 111:5

Ʋ guole nɩ a bɛlɩ dem na zɔrɛ ʋ a, ʋ bãwnɩ nɩ a ʋ wõ-taa kʋralɛ.

Sɛb-sõw yielu 107:41

Ɛcɛ ʋ mɩ́ ír'ɩ a nan dem a bɛ wʋ̀ʋr pʋɔ bɛr, ʋ mɩ́ ɩ na a bɛ yie nɩbɛ yãwmɛ mɛ̃ a bɛ zaw dʋn a.

Sɛb-sõw yielu 90:1

A Naaŋmɩn nɩr Moyiir puoru. Sore e, yome yome za, fʋ̃ʋ n'ʋ tɩ ɩ a tɩ sɔwlʋ zie.

Sɛb-sõw yielu 37:3

Ƴãw a fʋ tɩɛrʋ a Sore ƴãw ɛ́ ɩrɛ vla, lɛ n'a fʋ na kpɩɛr a tẽw ɛ́ tɛr ƴã-ɓaarʋ.

Sɛb-sõw yielu 33:18

Ɛcɛ a Sore jɩ́rɛ nɩ a bɛlɩ dem na zɔrɛ ʋ a, a bɛlɩ dem na ƴãw a bɛ tɩɛrʋ a ʋ nɔ̃wfʋ ƴãw a,

Sɛb-sõw yielu 18:33

Ʋlɛ n'ʋ mɩ́ kʋ̀ m a fãw ɩ̃ ɩrɛ nɩ, ʋlɛ n'ʋ mɩ́ ɩ a ɩ̃ cenu ʋ vɩɛl ʋ za,

Sɛb-sõw yielu 91:14

A Naaŋmɩn yere na: «Ʋ na tu m a, ɩ̃ na faa ʋ na. Ɩ̃ na gùre ʋ na, ʋ na bãw a ɩ̃ yúor a ƴãw.

Sɛb-sõw yielu 34:10

Nyɩ zɔrɛ a Sore, nyɩɩm ʋ nɩ-son i, bɛlɩ dem na zɔrɛ ʋ a, bɛ bɛ bɔbr bom guur ɛ.

Sɛb-sõw yielu 15:1

Daviir yielu kãw n'ʋ. — Sore e, ãa n'ʋ fʋ na tʋ̃ɔ́ sàw de a fʋ yir pʋɔ? Ãa n'ʋ na kpɩɛr a fʋ tãw-sõw zu?

Matie 6:11

Kʋ̀ tɩ a dɩ̃a dɩb tɩ na bɔbr a.

Zʋkpaɩ 10:9

Nɩr a ɩb na tori a mɩ́ vʋʋrɛ na bɛ bãw damnʋ ɛ, ɛcɛ nɩr na tɛr ɩ-gõlõgõlõ a na nyɛ̃ nɩ dɔwrʋ.

Ɩzayi 58:14

a lɛn daar a, mãa zie n'a fʋ na mɩ́ nyɛ̃ a fʋ nʋ̃ɔ̀. Ɩ̃ na tɛr fʋ na mɛ̃ nɩr na zɛb tʋ̃ɔ́ a do n a tẽw tan zu. Ɩ̃ na ɩ na fʋ dɩ a tẽw a fʋ sãàkʋm-kʋra Zakɔb na páw a bome.» À ŋá n'a a Sore yel k'ʋʋ na ɩ na.

Zeremi 37:21

Lɛ n'a a nãà Sedesɩasɩ tɩ yel kɛ́ bɛ ƴãw a Zeremi a soja-zi-gùrbɛ davʋra pʋɔ, ɛ́ kʋ̀rɛ ʋ bibie za dipɛ̃-vilovilo been, a dipɛ̃-maalbɛ sɔ́r pʋɔ, ɛ́ gù a dipɛ̃ tɩ baarɩ a tẽ-kpɛ̃ɛ pʋɔ. À ŋá n'a a Zeremi tɩ be a soja-zi-gùrbɛ davʋra pʋɔ.

Wulu-ayi-sob 33:29

Zu-nʋ̃ɔ̀ dem'ɩ nyɩ, Ɩsɩrayɛl nɩbɛ ɛ! A Sore faa nɩ nɩ-bʋʋrɛ kãw mɛ̃ a nyɩɩm a? A Sore ɩ na mɛ̃ zɛbr bom na piw nyɩ tɛr a, zɛbr-sɔ-kpɛ̃ɛ nyɩ na zɛb'ɩ tʋ̃ɔ́ a. A nyɩ dɔ̃ dem na bɔr'ɩ a nyɩ niŋé, ɛ́ a nyɩɩm a, nyɩ na so bɛ na.»

1 Na-mɩnɛ 19:6

A Eli tɩ jɩ́r'a nyɛ̃ dipɛ̃ bɛ na sɛ̃ kʋsɛ-tʋlɛ zu a, nɩ kʋ̃ɔ nɩ duwle a ʋ zu ƴãw. Ʋ tɩ dɩ na ɛ́ nyũ, ɛ́ lɛb gã.

Sɛb-sõw yielu 62:7

Ʋl yõ n'ɩ a ɩ̃ pìir, a ɩ̃ faafʋ, a ɩ̃ zɛbr-yir-kpɛ̃w, ɩ̃ kʋ̃ dam damnʋ ɛ.

Ɩzayi 30:20

Nyɩmɛ wa be a kpɩɛrʋ pʋɔ a, a Sore na kʋ̀ nyɩ nɩ a bʋ̃-dɩrɩ. Nyɩmɛ wa nyɛrɛ dɔwrʋ a, ʋ na kʋ̀ nyɩ nɩ kʋ̃ɔ nyɩ nyũ. A sob nɛ na wule nyɩ a kʋ̃ lɛb sɔwlɩ ɛ, ɛ́ nyɩ na nyɛ̃ ʋ na nɩ a nyɩ mimie.